কেন্দ্র লৈঙাক্না চহি ৯ মপুং ফারকপদা, ইনফোর্মেসন অমদি ব্রোদকাস্তিং মন্ত্রালয়না নই দিল্লীগী বিজ্ঞান ভবন্দা “সেবা, সুসাসন, গরিব কল্য়ানগী চহি ৯” হায়বা হীরমদা নেস্নেল কনক্লেব অমা পাঙথোকখ্রে‍। কনক্লেব অদুগী শরুক অমা ওইনা, প্রধান মন্ত্রী শ্রী নরেন্দ্র মোদীগী ফিরেৎ চেৎপা লুচিং মখাদা কেন্দ্র লৈঙাক্না তানফংবা ঙম্লবশিং অমদি লৈবাকসিনা থুনা খুমাঙ চাওশিন্নবা অমসুং মীয়ামগী য়াইফনবগীদমক কেন্দ্র লৈঙাক্না লেপ্পা নাইদনা পায়খৎলিবা থৌরাশিংগী মরমদা খন্ননবগীদমক মমীং লৈরবা পেনেলিস্তশিংগা লোয়ননা থীমেতিক সেসন অহুম পাঙথোকখি‍। অহানবা সেসন অদু ‘ইন্দিয়া: সর্জিং এহেদ’ হায়বা হীরমসিদা পাঙথোকখি‍। সেসন অদুদা প্রধান মন্ত্রী শ্রী নরেন্দ্র মোদীগী ইচঙ থৌবা লুচিং মখাদা কমদৌনা ভারতনা মালেমগী মশক নাইবা লুচিংবা অমগী শক্লোন্দা অওনবা পুরকখিবগে হায়বগী মতাঙদা নৈনখি‍।

সেসন অদু মমিং লৈরবা জর্নেলিস্ত, শ্রী নিতিন গোখলেনা ৱাতেমখি অমদি ভার্তি এন্তরপ্রাইজেজকী ফাউন্দর চেয়রমেন শ্রী সুনিল ভার্তি মিত্তল, এপোলো হোস্পিতালগী জোইন্ত মেনেজিং দাইরেক্তর শ্রীমতী সঙ্গিতা রেদ্দী, নাসকোমগী প্রেসিদেন্ত শ্রীমতী দেবজানি ঘোস, আই.এম.এফ. ইন্দিয়াগী হান্নগী একজেক্যুতিব দাইরেক্তর শ্রী সুর্জিৎ ভল্লা, স্তেত বেঙ্ক ওফ ইন্দিয়াগী গ্রুপ চীফ ইকনমিক এদভাইজর শ্রী সৌম্য কান্তী ঘোস অমদি ইন্দিয়ন ৱুমেন ইনস্তিত্যুস্নেল লীগ (আই.দব্লিউ.আই.এল.) ইন্দিয়াগী ফাউন্দর অমদি প্রেসিদেন্ত শ্রীমতী দীপা সয়াল য়াওনা তোঙান তোঙানবা শিনফমদগী ৱাঙাঙলোয়শিংনা শরুক য়াখি‍।

সেসন অদুগী মরমদা চাউরাকপা ৱাফম থম্লদুনা শ্রী গোখলেনা হায়খি, “ভারতনা দেকেদ কয়া উবা ফংলকখিদ্রিবা মওংদা অওনবা পুরকপগী লম্বী অমদা চঙশৎল্লক্লি অমদি ইন্দিয়া স্তোক মালেমগী ওইনা ৱাংখৎলক্লি”‍। “মোর্গান স্তেনলীনা নবেম্বর ২০২২দা চৎলিবা দেকেদ অসি ভারতকী দেকেদ ওইগনি হায়খি‍। ভারতনা মালেমগী ওইনা খ্বায়দগী খোঙজেল য়াঙনা চেনখৎলক্লিবা শেন্মিৎলোন ওইরক্লগনি হায়না এপ্রিল ২০২৩দা আই.এম.এফ.না ফোঙদোকখি‍। ভারতনা মাঙদা চঙশিল্লি অমদি ৱর্ল্দ ওর্দর বেলেন্স তৌবদা মাঙজিল থারি অমদি মরম অসিনা কনক্লেব অসি পাঙথোকপগী হৌজিক্তগী হেন্না মতম চারবা তাঙ্কক অমা লৈত্রে,” হায়না মহাক্না হায়খি‍।

প্রধান মন্ত্রী শ্রী নরেন্দ্র মোদীগী লুচিং মখাদা অফবা লৈঙাক লৈরকপা দেকেদকী মতাঙদা ৱা ঙাঙলদুনা, শ্রী সুনিল ভার্তি মিত্তলনা, ঐখোয় পুম্নমক্না হৌখিবা চহি খরসিদা থেংনরে অমদি খেন্নবা কয়া উবা ফংলে হায়খি‍। বিজিনেস হায়বসি ফিরেপ চেৎপা লুচিংবা মথৌ তাই অমদি মতম কুইরবগী তুংদা ঐখোয়গী নাক্তা মালেমগী লুচিংবা অমা ওইনা লৌনবা অমদি ভারতপু চাওখৎপা লৈবাক ওইহন্নবগীদমক ফিরেপ চেৎনা লেপ্লিবা লুচিংবা অমা লৈরে হায়না মহাক্না হায়খি‍। তেলিকোম সেক্তরগী মতাঙদা ৱা ঙাঙলদুনা, ভারতনা খ্বায়দগী য়াঙনা ৫জি রোল আউত তৌরি অমদি মার্চ ২০২৪ ফাওবদা, ভারতনা লৈবাকসিগী কাচিন কোয়া শিনবা থুংনা ৫জি ফংলগনি হায়না মহাক্না হায়খি‍। “লৈঙাক অসিনা অওনবশিং পুরক্নবা অমদি লৈবাকসিগী মীয়ামদা কান্নবা ফংহন্নবগীদমক তেক্নোলোজীগী মতিকপু নীংথিনা শীজিন্নরি,” হায়না মহাক্না মখা তাখি‍। ঐখোয়না মশক থোক্লবা চহি ৯ থেংনখ্রে অমদি চহি খরগী মমাঙদা ওইথোকপদা ৱাগদবা পান্দম মাল্লম্বা দোলর ত্রিলিয়ন ৫গী শেন্মিৎলোন হৌজিক্তি মীৎমাঙদা উরে অমদি ঐখোয়না মসিবু ২০২৭ ফাওবগী মনুংদা ফংবা ঙম্লগনি হায়না মহাক্না হায়খি‍।

এপোলো হোস্পিতালগী জোইন্ত মেনেজিং দাইরেক্তর শ্রীমতী সঙ্গিতা রেদ্দীনা কমদৌনা ভারতনা কোবিদ ১৯ লাইচৎ থেংননবা পাক চাউবা অমদি মতিং লৈবা থৌরাং পায়খৎখিবগে হায়বগী মতাঙদা ৱাফম কয়া থমখি‍। লৈবাক কয়া মাঙহনখিবা লাংফম অদু লাকশিনবদা ঐখোয়গী লৈবাকসিনা ময়ামলক্তগী তোপ তোপ্পা মওং উবা ফংখি অমদি মসি ঐখোয়গী প্রধান মন্ত্রী অমদি লৈঙাক্কী হৈথোই শিংথোইনা শিন লাঙবনা ওইবা ঙমহনবনি হায়না মহাক্না হায়খি‍। মথৌ তাবা ইনফ্রাস্ত্রকচরশিং মফম চানা থম্ননবা মতম অমদি মফম পীখিবা অমদি লাইচৎ অদুবু মায় পাক্না লাকশিনবদা মতেং পাংখিবা মীয়ামগী কর্ফিউবু মহাক্না থাগৎখি‍। কোবিদ ভেক্সিনগী মতাঙদা ৱা ঙাঙলদুনা, “ভারতকী অমদি ঐখোয়গী প্রধান মন্ত্রীগী থাগৎনিংঙাই মালেমগী ওইবা ৱাখল্লোন্না মরম ওইরগা মালেমগী ভেক্সিনগী ৫০%দি ভারত্তা পুথোকখি অমদি মসিনা হান্না খন্নরুদবা থাক্তা ভেক্সিন দিপ্লোমেসী অমা শেমখি,” হায়না মহাক্না হায়খি‍। লৈঙাক্না চঙশিনখিবা মওংদু “মপাঙ্গল লৈনা থবক ওইনা পায়খৎখিবা নীংথিনা য়াত্থোক্লবা, মওং চুম্না শেম শারবা লাল্লোংনি” হায়না মহাক্না হায়খি‍। “য়ুম্ফম অদু ভারত্তা নীংথিনা থোনখ্রে অমদি ভারতনা মশাগী মীয়ামখক্তবু চেকশিন্না য়েংশিনবতা নত্তনা মালেমগী মেদিকেল তুরিজমগী লমথুংফম ওইরক্লি, হৌজিক ঐখোয় ৪ শুবা মফমদা লৈরি অদুবু ঐখোয়না অথুবা মতমদা ২শুবা মফমদা লৈরগনি হায়না ঐনা থাজৈ,” হায়না মহাক্না মখা তাখি‍। ভারতকী নীংথিরবা তুংলমচৎ অমা লৈরি অমদি মসি নহারোলশিংগী খুত্তা লৈবা মরম্না নহাশিংগী মফমদা য়োগ, অয়ুস শীজিন্ননবা অমদি হকচাঙ ফনা থম্নবা মহাক্না হায়খি‍।

আই.এম.এফ. ইন্দিয়াগী হান্নগী একজেক্যুতিব দাইরেক্তর, শ্রী সুর্জিৎ ভল্লানা তমথিরবা কোবিদকী মতমদা অমদি ঙসিমকসু ভারতনা মালেমগী ওইনা খ্বায়দগী ফনা চৎখিবা শেন্মিৎলোন ওইখি হায়খি‍। লায়রবা হন্থহনবগী মতাঙদা, “লৈঙাক্কী থৌরাং পুম্বা অপুনবা মীশিংগী মখা থাংবা তঙ্খায়বু কোবিদনা মরম ওইরগা অৱাবা মায়োক্নহন্দনবা থৌরাংলোমদা মায় ওনশিনখি” হায়না মহাক্না ফোঙদোকখি‍। মহাক্না ইনফ্রাস্ত্রকচর ত্রান্সফোর্মেসনগী মতাঙদা ৱা ঙাঙখি অমদি হৌখিবা চহি ৯সিদা মতৌ অসিগুম্না অওনবা পুরকখিবা মালেমগী করম করম্বা শেন্মিৎলোন লৈবগে হায়বা খঙদোক্নবা মহাক্না স্তদী অমা চত্থরি হায়খি‍। লৈঙাক অসিনা অহানবদা ওইথোক্লরোইদবদুবু ৱাখলনা শাগৎনবা অমদি অনিশুবদা মদুবু থবক্তা ওন্থোক্নবা মওং উৎলি অমদি মসিনা লৈঙাক অসিগী তশেং তশেংবা পর্ফোর্মেন্স ইন্দেক্সনি হায়না মহাক্না মখা তাখি‍। ভারতকী ইনোভেসন অসি তশেংনমক তোপ তোপ্পা, ভারতকী ওইজবা অমদি মালেমগী লৈবাক অতৈদগী হেন্না ফবা মখলগী ওই অমদি ভারত্তা অওনবা পুরকপগী মতাঙদা লাইরিকশিং ইনরকখিগনি হায়না মহাক্না হায়খি‍।

নাসকোম প্রেসিদেন্ত শ্রীমতী দেবজানী ঘোসনা ২০০৮দা ভারত মচা ১৭% খক্তমক বেঙ্ক একাউন্ত হাংলম্মি অমদি স্তদী অমদা ৮০% য়ৌহনবদা ভারতনা চহি ৪৬ চঙখিগনি হায়খি অদুবু ভারতনা মদু পায়খৎপদা শুপ্নতগী চহি ৭খক লৌখি হায়খি‍। করিগীদমক ভারতনা মদু তৌবা ঙমখ্রিবনো অমদি লৈরম্লিবা ফীভমদা অহোংবা পুরকখিবনো হায়রবদি তেক্নোলোজী, আধার, ইন্দিয়া স্তেক, দিজিতেল পেমেন্ত অমদি খ্বায়দগী ৱাখল লৈনা শেমখিবা ফাইনেন্সিএল ইনক্লুজন প্রোগ্রাম জন ধন য়োজনাননি‍। “জাম ত্রিনিতী প্রোগ্রাম্না ঐখোয়দা বেঙ্কিংবু গ্রাসরুত থাক্তা পুথবা ঙমহল্লে‍। তেক্নোলোজী হায়বসি পুম্নমক্তা লৈ অদুবু ভারত্তা খেন্নরিবসি হৈথোই শিংথোইবা, লৈরিবা ফীভমবু শিংনবা ঙমহল্লিবা ঐখোয়গী মীয়ামসিনি‍। ঐখোয়গী তেক ইন্দস্ত্রীনা জেনেরেত তৌরিবসি দোলর বিলিয়ন ২৪৫নি অমদি চাওখৎপা অমসুং ইনোভেসনগী থোঙজেল হান্না পানরুদবা চাংদনিঅমদি ভারতপু ইনোভেসন হব অমসুং স্তার্তঅপ হব ওইহল্লিবা হৈশিংবশিংদুনা থৌদুনা পুবনি,” হায়না মহাক্না হায়খি‍। ইনোভেসন্দা য়াওরিবা ‘আই’ অসি ইন্দিয়া হায়বনি, মসিনা অচৌবা কম্পেনী পুম্নমকপু মখোয়গী ইনোভেসন ভারত্তা তৌনবা পুরক্লি হায়বা ৱাফম মহাক্না থমখি‍। “তেক্নোলোজী হায়বসি ইনাক খুনবা অমদি ময়োল্লমদখক ফংলম্বা পোৎশক অমা ওইরম্মি অদুবু ভারতনা মসিবু মথক মখা ওন্থোক্তুনা গ্রাসরুথ থাক্তগী পুখৎলক্তুনা কাখৎলক্লি‍। মখাদগী মথক্তা হায়বা ৱাখল্লোন অসি খনবা ঙম্বনা মসিবু ওইথোকপা ঙমহনবনি,” হায়না মহাক্না মখা তাখি‍। তেক সেক্তরদা থবক তৌরিবা মীওই মিলিয়ন ৫.৩গী মনুংদা ৩৬%দি নুপীশিংনি অমদি মখোয়না অহোংবা অমদি ইনেভেসনবু থৌদুনা চৎলি হায়না মহাক্না হায়খি‍।

ইন্দিয়ন ৱুমেন ইনস্তিত্যুস্নেল লীগ (আই.দব্লিউ.আই.এল. ইন্দিয়াগী ফাউন্দর অমদি প্রেসিদেন্ত শ্রীমতী দীপা সয়ালনা লৈবাক অসিনা অসিগুম্বা খোঙজেল অমদা অহোংবা লাক্লিবা অসিদা মহাক চাওথোকচবা পোকই অমদি লৈঙাক্না অহোংবা পুরক্লিবা খোঙজেল অমদি পাক চাউবসি থাগৎনিংঙাই অমদি মপুং ফাবা ওই হায়খি‍। “মোর্গান স্তেনলীনা ঐখোয়গী জি.দি.পি. চৎলিবা দেকেদ অসিনা লোইশিল্লকপদা শরুক অনি হেনগৎলক্তুনা দোলর ত্রিলিয়ন ৭.৫ য়ৌরগনি হায়খি,” হায়না মহাক্না হায়খি‍। ঐ লাইবক ফবদগী তোঙান তোঙানবা স্তেতশিংদা চত্তুনা স্তার্তঅপশিংগা ৱারী ৱাতায় শানবা ফংলি অমদি নুপী অমসুং অঙাংশিংনা মখোয়গী খোঙচৎ হৌনবা অমদি মশাবু থবক পীজনবগীদমক য়াম্না খোইরাংবা মতৌ উৎলি হায়না মহাক্না হায়খি‍। মহাক্না ২০১৬দা স্তার্তঅপ মশিং ৪৫০ লৈরম্বদগী ২০২৩দা ৯০০০০দা হেনগৎলকখিবগী অঙকপা ফংলবা খোঙচৎকী মরমদা ৱা ঙাঙখি অমদি মসিগীদমক প্রধান মন্ত্রী শ্রী নরেন্দ্র মোদীবু থাগৎচনিংই হায়খি‍।

স্তেত বেঙ্ক ওফ ইন্দিয়াগী গ্রুপ চীফ ইকনমিক এদভাইজর শ্রী সৌম্য কান্তীনা মরুওইবা মশিংশিংগী মতাঙদা ৱা ঙাঙলদুনা হায়খি, “কোবিদনা মীওইবা খুন্নাইদা খ্বায়দগী চাউনা অপনবা পীখি অদুবু হৌখিবা চহিদা ঐখোয়গী নোমিনেল জি.দি.পি. ত্রিলিয়ন ৩৭তা পাকথোক চাউথোকখি‍। শেনবা চঅই ২০১৪-২০দা লৈখিবা চাংচৎসি ত্রিলিয়ন ১৪.৫নি মরম অসিনা হৌখিবা চহি ৬সিদা ঐখোয়না শরুক ২.৫ হেন্না কাখৎলক্তুনা খ্বায়দগী খোঙজেল য়াঙনা হান্নগী ফীভমদা হঞ্জিল্লকপা ঙম্লিবনি‍।” দোলর ত্রিলিয়ন ৫গী শেন্মিৎলোনগী পান্দমগী মতাঙদা ৱা ঙাঙলদুনা, ভারতনা ত্রিলিয়ন ১ য়ৌরকপদা চহি ৫৭ চঙখি অদুদগী চহি ৭ খুদিংগী ঐখোয়না ত্রিলিয়ন ১ হাপচিনখি অদুগা হৌজিক লৈরিবা ফীভম্না ঐখোয়না চহি অহুম খুদিংগী ত্রিলিয়ন ১ হাপচিনবনি ঐমদি হৌখিবা চহি অনিসিদা ঐখোয়গী শেন্মিৎলো্ন্দা বিলিয়ন ৭৫০ হেনগৎলকখ্রে অমদি মরম অসি লৈবননি ঐখোয়না ২০১৪দা ১০শুবা খ্বায়দগী চাউবা শেন্মিৎলোন ওইরম্লগা, ২০১৫দা ৭শুবদা, ২০১৯দা ৬শুবদা অমদি ২০২২দা ৫শুবদা লৈখি অমদি ২০২৬তা ৪শুবা অমদি ২০২৮দা ৩শুবা মফমদা লৈগনি হায়না পানরি, অমদি মসি রিবাউন্দনা ওইহল্লকপা ত্রায়্জিসন্নি, হায়না মহাক্না ফোঙদোকখি‍। মহাক্না কেন্দ্র লৈঙাক্কী তোঙান তোঙানবা স্কীমশিংগী মতাঙদা ৱা ঙাঙখি অমদি পুম্নমক অসিদা নুপীশিংনা শরুক য়াশিনবগী চাং য়াম্না ৱাংই অমদি মসিনা নুপীশিং মপাঙ্গল হাপ্পা অমদি শেলথুমগী লমদা মনীং তমবা পুরকই হায়খি‍। ঐখোয়গী সর্ভিস এক্সপোর্তসু হৌখিবা চহি ৭সিদা শরুক অনি হেনগৎলে‍। মশিং পুম্নমক্না পুম্নমক কোনশিন্দুনা শরুক কয়া থোক্না পাকথোক চাউথোরক্লিবা ভারত অমগী মায়কৈদা থিন্দুনা তাক্লি হায়না মহাক্না হায়খি‍।

লোইশিল্লকপদা, লাক্কদৌরিবা চহি ৫-১০সিদা ভারত্তা করি ওইরক্কদগে হায়বগী মতাঙদা পুম্নমক্না ৱাফম কয়া থম্নখি‍। শ্রীমতী দীপা সয়ালনা ইমপ্লোইএবিলিতী হায়বসি খুদোংচাবা অমদি শিংনবা অমদি অমদি হায়রিবা খুদোংচাবা অসিবু লৌহৌনবগীদমক ঐখোয়দা চুনবা স্কিল সেত লৈহৌবা মথৌ তাই হায়খি‍। শ্রীমতী দেবজানী ঘোসনা নহাশিংগী মতিক, হৈথোই শিংথোইবা, ইনোভেসন্না মালেম অসিনা দিজিতেল, তেক্নোলোজী অমদি ইনোভেসনগী মরমদা খল্লকপা মতমদা ভারতপু নীংশিংহনগনি হায়খি‍। “ঐখোয়গী লৈবাকসিগী তরং তরংবা তুংলমচৎ অমগী য়ুম্ফম হৌখিবা চহি ৯ সিদা থোনখ্রে অমদি ঐখোয়না তৌফম থোকপশিংদা শেমগৎপা মথৌ তাই‍। ফিরেপ চেৎপা লুচিংবা অমদি মপাঙ্গল কল্লবা শাহুম্না তিল্লরিবা তানফম অসি ভারতকীদমক্তা য়াম্না তাঙনা ফংবা তাঞ্জা অমনি, অমদি ভারতনা নীংথিরবা ফীভমদা লৈরি অমদি ভারতকী তরং তরংবা তুংলমচৎ অমা পুরক্কদৌরিবা ঐখোয়গী য়াম্লবা নহা মীরোলদা অফবা মহৈ মশিং, ত্রেনিং অমদি স্কিলশিং ফংহন্নবা থবক পায়খৎপা  মথৌ তাই,” হায়না শ্রী সুনিল মিত্তলনা ফোঙদোকখি‍। শ্রীমতী সঙ্গিতা রেদ্দীনা হৌখিবা চহি ৯সিদা চয়োল ৪৬৮ লৈ অমদি স্কীম ৫০০ হেন্না হৌদোকখ্রে, মরম অসিনা চয়োল অমদা স্কীম ১গী চাংদগী হেন্না হৌদোক্লি অমদি হায়রিবা স্কীমশিং অসি লমজিংনবা ঐখোয়দা লাক্কদৌরিবা চহি ১০গী মতম লৈরি‍ হায়খি‍। মহাক্না প্রধান মন্ত্রীবু নুপীনা লুচিংদুনা চাওখৎপা পুরক্নবগী থৌওং য়োকখৎপগীদমক ৱাংনা থাঙ্গৎখি অমদি নুপীশিংবু ইকায় খুম্নবনা ভারতকীদমক্তা অওনবা পুরক্নিংঙাই ওইগনি অমদি মালেমগী ওইনা খুদম ওইনগনি হায়খি‍। ৱাখল্লোন, স্পিরিচুএল অমদি মীওইবগী মীনুংসি লোয়নবা লুচিংবগী লমদদি ভারতনা অহানবা ওইরি অমদি মতম পুম্বদা ওইখিগনি হায়খি‍। শ্রী সুর্জিৎ ভল্লানা পান্দম কয়া অমা তানবা ফংলে অমদি ভারতনা মথৌ তাবা অচৌবা রিফোর্ম অমদি দাইরেক্ত তেক্সেসনগী মতাঙদনি হায়রদুনা ভারত অসি মালেমগী মনুংদা খ্বায়দগী হেন্না খাজনা লৌবা শেন্মিৎলোন ওইরি হায়খি অমদি ইফেক্তিব তেক্স রেত হন্থহনগদবা রিফোর্ম অমা পুরক্তুনা হেন্না ৱাংবা জি.দি.পি. গ্রোথ রেতফংবদা মতেং পাংগনি হায়না থাজবা ফোঙদোকখি‍।

******