జెనీవాలోని 76వ వరల్డ్ హెల్త్ అసెంబ్లీలో “హీల్ ఇన్ ఇండియా & హీల్ బై ఇండియా” అనే అంశంపై జరిగిన సైడ్ ఈవెంట్ సెషన్‌లో కేంద్ర ఆరోగ్య మరియు కుటుంబ సంక్షేమ శాఖ మంత్రి డాక్టర్ మన్సుఖ్ మాండవియా కీలకోపన్యాసం చేశారు.కార్యక్రమంలో ఆయనతో పాటు ఆరోగ్య మంత్రిత్వ శాఖ ప్రత్యేక కార్యదర్శి శ్రీ ఎస్ గోపాలకృష్ణన్ పాల్గొన్నారు.

సమావేశాన్ని ఉద్దేశించి డాక్టర్ మాండవియ మాట్లాడుతూ “ఒక భూమి-ఒకే ఆరోగ్యం మరియు ప్రపంచ సమాజానికి సేవ చేయాలనే దృక్పథంతో గౌరవనీయమైన ప్రధాన మంత్రి శ్రీ నరేంద్ర మోదీ నాయకత్వంలో హెల్త్ వర్క్‌ఫోర్స్ మొబిలిటీ & పేషెంట్ మొబిలిటీ మద్దతుతో విలువ ఆధారిత ఆరోగ్య సంరక్షణ కోసం భారత ప్రభుత్వం చొరవ తీసుకుంది. 'వసుధైవ కుటుంబం' (ప్రపంచం ఒకే కుటుంబం) యొక్క భారతీయ తత్వశాస్త్రం ప్రకారం ప్రపంచానికి సేవ చేయడానికి భారతదేశం నుండి ప్రపంచంలోని వివిధ ప్రాంతాలకు ఆరోగ్య శ్రామిక శక్తిని పెంచే ఉద్దేశ్యంతో 'హీల్ బై ఇండియా' కార్యక్రమం రూపొందించబడింది. 'హీల్ ఇన్ ఇండియా' చొరవ భారతదేశంలో ప్రపంచానికి "సమగ్ర మరియు సంపూర్ణ చికిత్స" అందించడానికి ప్రయత్నిస్తుంది మరియు ప్రపంచ స్థాయి, సరసమైన మరియు నాణ్యమైన ఆరోగ్య సంరక్షణ సేవలకు ప్రాప్యత కోసం రోగుల చైతన్యాన్ని మెరుగుపరుస్తుంది" అని ఆయన చెప్పారు.

డాక్టర్ మాండవీయ మాట్లాడుతూ “భారతదేశం ప్రపంచంలోనే అత్యంత పురాతన వైద్య విధానాలైన ఆయుర్వేదానికి నిలయం. దాని ప్రత్యేక బలాలు తెరపైకి రావడంతో ఆయుర్వేదం, యోగా, సిద్ధ, యునాని మరియు హోమియోపతి వంటి ఆయుష్ చికిత్సలకు ప్రపంచవ్యాప్తంగా డిమాండ్ పెరిగింది మరియు అదే ప్రచారం చేయబడింది.

భారతదేశ  జీ20 ప్రెసిడెన్సీ ఫిలాసఫీ అయిన “ఒకే భూమి, ఒక కుటుంబం, ఒక భవిష్యత్తు”ను హైలైట్ చేస్తూ కేంద్ర ఆరోగ్య మంత్రి “ జీ20 హెల్త్ ట్రాక్ క్రింద, భారతదేశం ఆరోగ్య అత్యవసర పరిస్థితులు, నివారణ, సంసిద్ధత మరియు ప్రతిస్పందనకు ప్రాధాన్యతనిచ్చి ఒక ఆరోగ్యం మరియు యాంటీ-మైక్రోబయల్‌ రెసిటెన్స్(ఏఎంఆర్)పై దృష్టి సారించిందని పునరుద్ఘాటించారు. సురక్షితమైన, ప్రభావవంతమైన, నాణ్యమైన మరియు సరసమైన వైద్యపరమైన ప్రతిఘటనలకు అంటే టీకాలు, థెరప్యూటిక్స్ మరియు డయాగ్నస్టిక్స్ మరియు డిజిటల్ హెల్త్ ఆవిష్కరణలు మరియు సార్వత్రిక ఆరోగ్య కవరేజీకి సహాయపడే పరిష్కారాలు మరియు అట్టడుగు స్థాయి ఆరోగ్య సంరక్షణ సేవలను మెరుగుపరచడానికి ప్రపంచవ్యాప్తంగా ఫార్మాస్యూటికల్ రంగంలో సహకారాన్ని బలోపేతం చేయాలన్నారు.

భారతదేశంలో ఆరోగ్య సంరక్షణ పర్యావరణ వ్యవస్థను బలోపేతం చేయడానికి తీసుకున్న చర్యలను నొక్కిచెప్పిన డాక్టర్ మాండవియా, “భారతదేశం ఊహించలేని విధంగా కోవిడ్ వ్యాక్సినేషన్‌ను సాధించింది మరియు భారతదేశంలో ఇప్పటివరకు 2.20 బిలియన్లకు పైగా వ్యాక్సిన్ డోస్‌లు అందించబడ్డాయి. ‘వ్యాక్సిన్ మైత్రి’ చొరవ ద్వారా మిలియన్ల కొద్దీ వ్యాక్సిన్‌లు ప్రపంచంతో పంచుకోబడ్డాయి” అని చెప్పారు.

స్థితిస్థాపకమైన ఆరోగ్య సంరక్షణ పర్యావరణ వ్యవస్థను రూపొందించడానికి ఆరోగ్య సంరక్షణ యొక్క అన్ని అంశాలను కవర్ చేయడానికి భారతదేశం ఆయుష్మాన్ భారత్ ఇనిషియేటివ్‌ను ప్రారంభించిందని కేంద్ర ఆరోగ్య మంత్రి పేర్కొన్నారు. "ప్రపంచంలోనే అతిపెద్ద ప్రభుత్వ నిధులతో కూడిన ఆరోగ్య బీమా పథకం - ఆయుష్మాన్ భారత్ ప్రధాన్ మంత్రి జన్ ఆరోగ్య యోజన (ఏబిపిఎం-జేఎవై) 2018లో ప్రారంభించబడింది. 1,50,000 ఆయుష్మాన్ భారత్ హెల్త్ అండ్ వెల్నెస్ సెంటర్లు (ఏబి-హెచ్‌డబ్ల్యూసిఎస్) సమగ్ర ప్రాథమిక ఆరోగ్య సంరక్షణ పంపిణీని మారుస్తున్నాయి. ఆయుష్మాన్ భారత్ డిజిటల్ మిషన్ (ఏబిడిఎం) సాంకేతికతను ఉపయోగించడం ద్వారా ఆరోగ్య సంరక్షణ పర్యావరణ వ్యవస్థలోని వివిధ వాటాదారుల మధ్య అంతరాన్ని తగ్గించడం లక్ష్యంగా పెట్టుకుంది. మరియు పిఎం-ఆయుష్మాన్ భారత్ హెల్త్ ఇన్‌ఫ్రాస్ట్రక్చర్ మిషన్ వ్యాధి నిఘా వ్యవస్థను నిర్మించడం, ప్రయోగశాల నెట్‌వర్క్‌లు, దేశవ్యాప్తంగా అంటు వ్యాధుల నివారణ బ్లాకులను నిర్మించడం మరియు ఒక ఆరోగ్య విధానానికి ప్రాధాన్యతనిస్తూ పరిశోధన సామర్థ్యాన్ని పెంపొందించడం లక్ష్యంగా పెట్టుకుంది” అని ఆయన చెప్పారు.

ప్రపంచవ్యాప్తంగా ఉన్న ఆరోగ్య సంరక్షణ వ్యవస్థలపై కొవిడ్-19 మహమ్మారి ప్రభావాన్ని నొక్కి చెబుతూ డాక్టర్ మాండవియ ఇలా అన్నారు, “ఆరోగ్య ముప్పులు జాతీయ సరిహద్దులకే పరిమితం కాలేదని మరియు సమన్వయంతో కూడిన ప్రపంచ ప్రతిస్పందన అవసరమని మహమ్మారి నిరూపించింది. ఈ సందర్భంలోనే భారతదేశం ఆరోగ్య సంరక్షణ కార్మికుల సామర్థ్యాన్ని పెంపొందించడంతోపాటు, డిజిటల్ టెక్నాలజీని ముందుకు తీసుకెళ్లేందుకు తోడ్పడుతోంది"

ఈ సమావేశంలో పాల్గొన్న ప్రముఖులందరికీ డాక్టర్ మాండవ్య ప్రగాఢ కృతజ్ఞతలు తెలిపారు."'అందరికీ ఆరోగ్య సంరక్షణ' అనేది మన గౌరవప్రదమైన ప్రధాన మంత్రి "సబ్కా సాత్, సబ్కా వికాస్ & సబ్కా ప్రయాస్"గా పేర్కొన్న భారతదేశ మార్గదర్శక తత్వశాస్త్రంతో సమలేఖనం చేయబడిందని దీని అర్థం "సమిష్టి ప్రయత్నాల ద్వారా కలిసి కృషి చేయడం" అని ఆయన పునరుద్ఘాటించారు.

 

****