কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা ঙসি গুজরাতকী দ্বার্কাদা লুপা করোর ৪৭০ চংনা শাগদবা নেস্নেল একাদেমী ওফ কোস্তেল পোলিসিং (এন.এ.সি.পি.)গী পার্মনেন্ত কেম্পসকী উরেপ-উয়ুং তমখ্রে। কেন্দ্রগী হোম সেক্রেতরী অমসুং বোর্দর সেক্যুরিতী ফোর্সকী দাইরেক্তর জেনরেল য়াওনা অঙম-অথৌ কয়া অমনা থৌরম অদুদা শরুক য়াখি।

মহাক্না ময়ামদা ৱা ঙাংবা মতমদা, শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীগী লুচিং মখাদা, ঙসি কোস্তেল সেক্যুরিতীবু মখাতানা মপাঙ্গল কনখৎহন্নবা একর ৪৫০ হেনবা মফমদা নেস্নেল কোস্তেল পুলিস একাদেমীগী থবক হৌখ্রে। মহাক্না হায়খি মদুদি প্রধান মন্ত্রী, শ্রী নরেন্দ্র মোদীগী লমজিং-লমতাক মখাদা, লৈবা অসিগী সেক্যুরিতী অমসুং লৈবাক অসিগী ঙমখৈশিং হেন্না মপাঙ্গল কনখৎহনখ্রে অমসুং লৈবাক অসিগী প্রজাশিংনা মখোয়বু অসোই-অঙাম য়াওদনবা নিংথিনা ঙাক-শেন্দুনা থম্বিরে হায়না খঞ্জৈ। শ্রী শাহনা হায়খি মদুদি ঙমখৈগী সেক্যুরিতীবু হেন্না মপাঙ্গল কনখৎহন্নবা, ঙমখৈ ঙাক্লিবা গার্দশিংগী হিংলিবা মহিং অমসুং ৱার্কিং ফেসিলিতীশিং অদুবু ফগৎহনবা,  মখোয়দা মতম অসিগী খ্বাইদগী নৌরবা ইক্যুইপমেন্ত ফংহনবা অমসুং মখোয়গী ইমুং-মনুংশিংগী হকশেলবু নিংথিনা শেন্নবীবা। মহাক্না হায়খি মদুদি কেন্দ্রগী সরকার অসিনা প্রধান মন্ত্রী, শ্রী নরেন্দ্র মোদীগী লুচিং মখাদা হায়রিবা হিরম অহুম অসিদা তৌবা য়াবা পুম্নমক অমত্তা খাক্তনা তৌরি অমসুং ঐখোয়গী সেক্যুরিতী ফোর্সশিংদা মখল-মখা কয়াগী ফেসিলিতীশিং অমসুং মতম অসিগী খ্বাইদগী নৌবা ইক্যুইপমেন্তশিং পীনবা হোৎনখি।

কেন্দ্রগী য়ুমলৈ-কৈরৈ অমসুং কোওপরেশণগী মন্ত্রীনা হায়খি মদুদি হন্দক্তা ভারতকী নেভী অমসুং নার্কোতিক্স কন্ত্রোল ব্যুরো (এন.সি.বি.)না পুন্না ভারতকী ইন্তেলিজেন্স এজেন্সীশিংগী মতেংগা লোইননা কেরলাগী সমুদ্র খোংবান্দগী লুপা করোর ১২০০০ রোমগী ওইগদবা দ্রগশিং ফগৎখ্রে। মহাক্না হায়খি মদুদি হান্নগী সরকারনা চহি ১০ পাল্লম্বা মতমদা, পুন্না লুপা করোর ৬৮০ রোমগী ওইগদবা দ্রগশিং ফগৎখি, অদুবু হৌজিক্তি ভারতকী সেক্যুরিতী এজেন্সীশিংনা কন্সাইন্মেন্ত অমখক্তদা লুপা করোর ১২,০০০ রোমগী ওইগদবা দ্রগশিং ফাগৎলদুনা ঐখোয়গী এজেন্সীশিং অসিগী মিৎশিং-নাশিংবা অমসুং শেম-শাবা অদুবু ময়েক শেংনা উৎথোক্লি।

শ্রী অমিত শাহনা হায়খি মদুদি ঙসি অসি লাল-বাল-পালগী মরক্তা য়াম্না মথৌনা লৈবা নিংতম লান্মীশিংগী মনুংদা অমা ওইরিবা শ্রী বিপিন চন্দ্র পালগী লৈখিদবগী কুমওন্নি। ঙসি অসি পরম ৱির চক্রগী মনাগা লোইননা ইকাইখুম্নখিবা লৈবাক্কীদমক্তা থৱায় কত্থোকখিবা অথৌবআ পিরু সিংগী মপোক কুমওন্নি। শ্রী পিরু সিংনা মথৌনা মরিংজেল উত্থোকখি অমসুং মশাগী পুন্সিগী করিমত্তা খন্দনা লৈবাকপু ঙাক-শেনখি। মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা থৱায়না পোন্থা ওইখিবা অথৌবা অসিগী নিংশিং খুদম ওইনা অন্দমান অমসুং নিকোবারগী ঈথৎ অমা শহীদ পিরু সিং হায়নসু মিংথোনখি।

কেন্দ্রগী য়ুমলৈ-কৈরৈ মন্ত্রীনা হায়খি করিগুম্বা লৈবাক অমগী ঙমখৈশিং নিংথিনা ঙাক-শেন্দুনা লৈতবা তারবদি চাউখৎ-থৌরাংগী ৱাহন্থোক করিমত্তা লৈ। মহাক্না হায়খি মদুদি লৈবাক অমনা মশাগী ঙমখৈশিংবু নিংথীনা ঙাক-শেন্দুনা থম্বা মতমদতা লৈবাক অমনা অসোই-অঙাম য়াওদনা তেক্ত কাইদনা লৈগনি। শ্রী শাহনা হায়খখ মদুদি ভারতকি কি.মি. ১৫,০০০ শাংবা লমগী ঙমখৈ লৈ অমসুং কি.মি.৭,৫১৬ শাংবা সমুদ্রগী ঙমখৈ লৈ। মহাক্না হায়খি মদুদি কি.মি.৭,৫১৬ শাংবা ঈশিংদা লৈবা ঙমখৈ অসিদা কি.মি. ৫,৪২২দি মেনলেন বোর্দরনি অমসুং কি.মি. ২০০০না ঈথৎশিংগী ঙমখৈনি। ঈথৎ ১,৩৮২ , সমুদ্র খোংবান্দা লৈবা খুঙ্গং ৩,৩৩৭, মরু ওইবা হিথাংফম ১১, কাহেন্না মরু ওইদবা হিথাংফম ২৪১ অমসুং স্পেস, দিফেন্স, এতোমিক ইনর্জী, পেত্রোলিয়ম, শিপ্পিং অসিনচিংবশিং অসি য়াওনা এস্তাব্লিশমেন্ত ১৩৫ লৈ। মহাক্না হায়খি মদুদি মমাংদা হায়রিবা সেক্যুরিতী পার্সোনেলশিং অসিগীদমক্তা অখন্নবা ত্রেনিং সীস্তেম লৈরমদে অদুবু ২০০৮গী মুম্বাই এতেক অদুগী মতুংদগীদি কোস্তেল পুলিস, বোর্দর সেক্যুরিতী অমসুং কোস্ত গার্দ খুদিংমক্তা লৈরিবা জৱানশিংদগী কোহেরেন্ত ওইবা রেস্পোন্স অমগীদমক্তআ তঙাইফদবা লৈরে। শ্রী শাহনা হায়খি মদুদি হায়রিবশিং অসি য়াম্না খুশিল-থৌরাং তৌদুনা কোস্তেল সেক্যুরিতীগীদমক্তা ত্রেনিং তৌরবা মতুংদতা ওইথোক্কনি । মহাক্না হায়খি মদুদি ২০১৮দা, প্রধান মন্ত্রী, শ্রী নরেন্দ্র মোদীনা নেস্নেল কোস্তেল পুলিস একাদেমীগী অয়াবা পীখ্রে অমসুং ভগবান শ্রী কৃ্ষ্ণগী সিতীদা লিংখৎনবগী ৱারেপ লৌখি। মহাক্না হায়খি মদুদি দ্বার্কা হায়বদি লৈবাক অসিগী গেতৱেনি অমসুং মতম অদুদা ভগবান শ্রী কৃষ্ণনা মথুংরাদগী মফম অসিদা লাকখি অমসুং ঐখোয়গী সসমুদ্রগী ঙমখৈশিংদা লাল্লোল-ইতিক্কী অচৌবা সেন্তর অমা শাখি। ঙসি, প্রধান মন্ত্রী, শ্রী নরেন্দ্র মোদীনা মঙখিবা মঙলান অমা ওইবনা লৈবাক অপুনবগী ওইবা কোস্তেল সেক্যুরিতীশিংগীদমক্তা ত্রেনিং ভগবান শ্রী কৃষ্ণগী লমদম ওখাদা পীররে।

শ্রী অমিত শাহনা হায়খি মদুদি লৈবাক অপুনবগী ওইনা কোস্তেল পুলিস পার্সোনেলশিংগী অপুনবা মশিং অসি চাউরাক্না ১২,০০০ ওই অমসুং একাদেমী অসিনা মপুং ফানা মথৌ তৌবা হৌরক্লবা মতুংদদি চহি অমদা মী লিশিং ৩,০০০ ত্রেনিং পীনবগীদমক্তা এরেঞ্জমেন্ত লৈরগনি। অসুম্না চহি ৪গী মনুংদা, ভারতকী কোস্তেল সেক্যুরিতী শরুক য়াবা পার্সোনেলগী ত্রেনিং ১০০% লোইশিল্লগনি। মহাক্না হায়খি মদুদি প্রধান মন্ত্রী, শ্রী নরেন্দ্র মোদী ভিজন অমসুং আচেৎপা ফিরেপ অদুনা মরম ওইরগা কোস্তেল সেক্যুরিতী লৈহন্নবগী য়াম্না মরু পোইবা থবক ঙসি হৌদোকখ্রে

কেন্দ্রগী য়ুমলৈ-কৈরৈ অমসুং কোওপরেশন মন্ত্রীনা হায়খি মদুদি চাউরাক্না লুপা করোর ৫৬ চংনা, তোঙান-তোঙানবা বি.এস.এফ. কমপনী আউৎপোস্তশিং অমসুং ১৮শুবা কোর্পসকী ওবজার্ভেশন তাৱর অমা  ঙসি শঙ্গাখ্রে অমসুং ঙমখৈদা  লৈরিবা ঐখোয়গী মিৎনা-শিংলবা গার্দশিংনা য়াম্না কোম্না লৈবা ঙম্লগনি অমসুং লৈবাক অসিবু নিংথিনা ঙাক-শেনবা ঙমহল্লগনি। মহাক্না হায়খি মদুদি লৈবাক অসিগী মীশীংনা য়াম্না ইংনা-চিক্না তুম্বা ফংলিবা অমসুং লৈবাক অসিবু অসোই-অঙাম য়াওদবা খুদোংথিনিংঙাই ওইদবা লৈবাক অমা ওইনা লৌরিবা অসি ঙমখৈদা থাদোক্লিবা বি.এস.এফ.কী মপালননি। শ্রী শাহনা হায়খি মদুদি বি.এস.এফ. য়াম্না থাগৎনিংঙাই ওইরবা পুৱারি লৈ অমসুং মখোয়গী হকচাংদা ঈ মরিক অমফাও লৈরিবমখৈদি বি.এস.এফ. জৱানশিংনা লৈবাক অসিগী লম ইঞ্চি খুদিংমক্কী থৌনা ফনা লান্থেংনখি। মহাক্না হায়খি মদুদি থৌদোক কয়া অমদা লান মনুংদা আর্মীনা মহুৎ শিনবা মতমদা বি.এস.এফ.না হনখিবা তারম্মি অদুবু অসিগুম্বা থৌদোক কয়া অমদা বি.এস.এফ. জৱানশিংনা হন্দুনা চৎপা হায়বসি মতিকচাদে হায়না খনখিবা থৌদোক কয়া অঞশু লৈখি অমসুং আর্মীগা লেং মান্ননা য়েক্নবশিংগা লান্থেংনখি। বি.এস.এফ.কী অসিগুম্বা মথৌনা-মরিংজেল লৈবগী ৱারি অসি লৈবাক অসিগী অঙাং খুদিংমক্না খঙলি হায়না শ্রী অমিত শাহনা হায়খি।

শ্রী অমিত শাহনা হায়খি মদুদি মেরিতাইম সেক্যুরিতীগী পোলিসী অমা ভারতকী নেভী, ভারতকী কোস্তেল গার্দ, মেরিনপুলিস, কস্তমশিং অমসুং ঙামীশিংবু ভারতকীদমক্তা সেক্যুরিতী রিংগী মপুং ফানা সুদর্শন চক্র অমা ওইহন্নবা থবক অমা প্রধান মন্ত্রী, নরেন্দ্র মোদীনা লুচিংবা সরকার অসিনা পাইখৎখ্রে। মহাক্না হায়খি মদুদি অপাকপা সমুদ্রদা, সেক্যুরিতী অসি ভারতকী নেভীগী জহাজশিং অমসুং এয়রক্রাফনা পীরি। মিদল সীশিংদা সেক্যুরিতী অসি ভারতকী নেভী অমসুং কোস্ত গার্দনা পাইরি, অমসুং তেরিতোরিয়েল ৱাতরশিংদা বি.এস.এফ.কী ৱাতর ৱিংনা পাংথোক্লি, অদুগা খুঙ্গংশিংদা লৈরিবা থৌনা ফরবা মমা লৈবাক নিংবা ঙামীশিংনা ইনফোর্মেশনগী চেনেল অমা ওইনা থবক তৌদুনা লৈবাক অসিগী সেক্যুরিতীবু ঙাক্না থম্লি। শ্রী শাহনা হায়খি মদুদি দাইমেন্সনশিং অসিদা ভারত সরকারনা নিংথিনা কোওর্দিনেত তৌরবা কোস্তেল সেক্যুরিতী পোলিসী অমা লৌখৎলি অমসুং ইন্তিগ্রেতেদ এপ্রোচকী খুত্থাংদা লৈবাক অসিগী সমুদ্র খোংবানশিংবু নিংথিনা ঙাক-শেন্নবা থবক তৌরি। মহাক্না হায়খি মদুদি ঐখোয়গী লৈবাক অসিনা কোস্তেল সেক্যুরিতীদা থৌশাদবদগী অৱাবা কয়া নংখ্করে। লৈবাক নিংবা প্রজা অমত্তনা খজিক্তং শোইখিবনা মরম ওইরগা মরাল লৈজদ্রবা মীওই ১৬৬কী পুন্সি মাংহনখিবা  ২০০৮কী মুম্বাই এতেক অদু কাওঙম্লরোই।  মহাক্না হায়খি মদুদি প্রধান মন্ত্রী, শ্রী নরেন্দ্র মোদীনা লুচিংবা সরকার অসিনা পুথোরকখিবা কোস্তেল সেক্যুরিতীগী পোলিসী অসিগী মতুংদা করিগুম্বা য়েক্নবনা অসিগুম্বা থৌদোকশিং অসি পাংথোক্নবা হোৎনরবদি, মখোয়শিং অদুবু অসিদগী মতিক চাবা পাউখুম ফংলগনি। শ্রী শাহনা হায়খি মসিগী ত্রেনিং অসি মসিগীদমক্তা য়াম্না মরু ওই হায়না হায়খি

কেন্দ্রগী য়ুমলৈ কৈরে মন্ত্রীনা হায়খি মদুদি মসিগী কোস্তেল সেক্যুরিতী পোলিসী অসি য়ুম্বি কয়া অঞদা য়ুমফম ওইরগা শেমখিবনি। মসিদা অকক্নবা মতমগী মনুংদা পেত্রোলিং তৌবগী প্রোতোকোলশিং থম্বা, ঙামীশিংগী সেক্যুরিতী, ঙামীশীংদা ক্যু.আর. কোদশিং য়াওবা আধার কার্দ লাখ ১০ হেন্না পীবা, ফিস লীদিং পোইন্ত ১৫৩৭দা সেক্যুরিতী এরেঞ্জমেন্তশিং মতিক চানা থম্বা, ব্লু ইকোনোমীগীদমক্তা শাখিবা ফিশিং হার্বরশিং খুদিংমক্তা সেক্যুরিতী পীদুনা কোস্তেল সেক্যুরিতী অমসুং ইন্তেলিজেন্স, অপুনবা কোস্তেল পেত্রোলশিংগা মরি লৈনবা ৱাফমশিংদা কোওর্দিনেশন অমসুং কম্যুনিকেশন পীবা হায়রিবশিং অসি য়াওরি। হায়রিবশিং অসি হাপচিনবনা কোস্তেল সেক্যুরিতীগীদমক্তা ফাওজিনবা ঙম্লরোইদবা লানবন অমা প্রধান মন্ত্রী, শ্রী নরেন্দ্র মোদীনা লুচিংবা সরকার অসিনা থমখ্রে হায়না মহাক্না হায়খি।

শ্রী অমিত শাহনা হায়খি মদুদি মমাংগী সরকারনা পাল্লম্বা মতমগী মনুংদা, পোর্বন্দর জেলনা নোতিফিকেশন থোক্লবা মতুংদা লোনবা তারম্মি অমসুং পোর্বন্দরনা হুরান-চিন্থি কয়া অমগী তুংফম অমা ওইখি। স্রী নরেন্দ্র মোদীনা লুচিংবা সরকার অসিনা হেক লাকপদগী জেল অসিনা অমুক হন্না মথৌ তৌবা হৌরকখি অমসুং হুরানবশিং অদুনা মফম অসি থাদোক্তুনা চেনখি হায়না মহাক্না হায়খি। শ্রী নরেন্দ্র মোদীনা কচকী ঙমখৈগী লমবু ওইরো, সর ক্রীক পু ওইরো, হারামিনালাবু ওইরো নত্রগা পোর্বন্দরগী সমুদ্র খোংবানবু ওইরো, নত্রগা দ্বার্কা-ওখা-জাম্নাগর-সালায়াবু ওইরো গুজরাত অসিবু চেকশিন্না ঙাক-শেন্দুনা থমখি হায়না মহাক্না হায়খি। শ্রী শাহনা হায়খি মদুদি ঙসিদি শ্রী নরেন্দ্র মোদীনা লৈবাক অসিগী প্রধান মন্ত্রী অমা ওইনা রাজ্য সরকারশিংবু পুল্লপ পুনশিন্নদুনা লৈবাক অসিগী সমুদ্র খোংবানশিংবু অসোই-অঙাম য়াওহন্দনা নিংথিনা ঙাক-শেন্দুনা থম্নবা মসিগী ত্রেনিং একাদেমী অসি লিংখৎখ্রে।

*****