প্রধানমন্ত্রীগী লোইশঙ
প্রধান মন্ত্রীনা ভিয়েতনামগী প্রধান মন্ত্রীগা উনখ্রে
Posted On:
20 MAY 2023 12:07PM by PIB Imphal
জি-৭ মীফমগী ৱাংমদা মে ২০,২০২৩দা হিরোসিমাদা প্রধান মন্ত্রী শ্রী নরেন্দ্র মোদীনা ভিয়েতনামগী প্রধান মন্ত্রী ফাম মিন চিনগা উনখ্রে।
লৈবাক অনিগী অচেৎপা মরুপ-মপাং ওইবা মরী মখা তানা ফগৎহন্নবগী মতাংদা লুচিংবা অনিনা ৱা খন্নখি। লৈবাক অনিগী ললোন-ইতিক অমসুং শেন থাদবা অৱাংবা থাক্তা হেনগৎহনবা অমসুং হেন্না চেৎশিনহনবা হায়না মখোয়না য়ানখি।
মখোয়না ঙাক-শেন, সপ্লাই চেন, ইনর্জি, সাইন্স অমসুং তেক্নোলোজি, হুমেন রিছোর্স দিবলপমেন্ত, কলচর অমসুং মীগা মীগা লৈনবা মরীশিংগী হিরমশিংদা লৈরিবা খুদোংচাবশিংগী মতাংদসু খন্নখি।
লমদম অসিগী হৌজিক ওইরক্লিবা ফিবমশিংগী মতাংদা লুচিংবশিংনা মখোয়গী ওইবা ৱাখল্লোনশিং ফোঙদোক্নখি। মখোয়না অসিয়ান অমসুং ইন্দো-পেসিফিকতা মতেং পাংনবগী ৱাফমসু খন্নখি।
ভারতনা জি-২০গী প্রসিদেন্ত ওইবগী মতাংদা প্রধান মন্ত্রী মোদীনা প্রধান মন্ত্রী চিনদা পাউদমখি অমসুং গ্লোবেল সাউথকী মতাংদা ভারতকী মীৎয়েং অমসুং মরুওইনা লৌরিবশিংগী মতাংদা খঙহনখি।
*****
(Release ID: 1926608)
Visitor Counter : 115
Read this release in:
Gujarati
,
English
,
Urdu
,
Hindi
,
Marathi
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam