এক্সেলেন্সীশিং

ঐখোয়না রাস্ত্রপতি জেলেন্সকীদগী ঙসি তারে। ঐহাক্না মহাকপু ঙরাংশু উনখি। ঐহাক্না হৌজিক ওইরিবা ফিভম অসিবু রাজনিতি নত্রগা শেন্মিৎলোনগী ৱাফম অমা ওইনা লৌদে। ঐহাক্না মসি মীওইবা জাতিগী ৱাফম অমা ওইনা লৌই, মীওইবগী মমলগী ৱাফম অমা ওইনা লৌই। হেক হৌরকপদগী ঐখোয়না দাইলোগ অমসুং দিপ্লোমেসীনা অমত্তা ঙাইরবা পাম্বৈনি হায়বা ৱাফম অসি থমদুনা লাকখি। অমসুং ঐখোয়না মসিগী তুংদা-লৈতাদবা ফিভম অসিবু ৱারোইশিন অমা পুরক্নবা ভারতনা অঙম্বা খুদিংমক তৌগনি, মসিদা শরুক য়ানবা তৌবা ঙম্বা থবক খুদিংমক হোৎনগনি।

এক্সেলেন্সীশিং,

মালেমদা শান্তি পুরকপা, তুংদা-লৈতাবা, অমসুং নুংঙাই-য়াইফবা পুরকপা হায়বসিনা ঐখোয়গী পুম্নমক্কী চপ মান্নবা পান্দম্নি। ঙসিগী পুম্নক অমগা অমগা শম্নরবা তাইবং অসিদা রিজন অমদা অৱাবা, খুদোংথিবা অমা হেক থোকপদা লৈবাক পুম্বা মসিনা শোকহল্লি। অমসুং রিসোর্সশিং মরাং কাইনা লৈতবা চাউখৎলক্লিবা লৈবাকশিংদদী অমুক্কসু হেন্না শাথিনা শোকহল্লি। হৌজিক লৈরিবা মালেমগী ফিভম অসিদা, হায়রিবা লৈবাকশিং অসিনা চানন্নবা চিঞ্জাক, ফ্যুএল অমসুং ফর্তিলাইজরগী অৱাবগী খ্বাইদগী হেনবা অমসুং খ্বাইদগী হেন্না কনবা শাফু অমা মায়োক্নরি।

এক্সেলেন্সীশিং,

মসিনা মশক্নাইবা ফোরমশিংদা শান্তি অমসুং তুংদা-লৈতাবা হায়বা ৱাফমশিং অসিগী মতাংদা খন্ন-নৈনবা তঙাইফদবা লৈরিবাঅসিবু করিগীদমক্তা মায়োক্নরিবনৌ হায়বা ৱাহং অসি হংলি। শান্তি পুরক্নবগীদমক্তা লিংখৎখিবা য়ুনাইতেদ নেসন্স (য়ু.এন.), অসিনা করিগীদমক্তা ঙসি খৎন-চৈনবা অনম্বা মতমদা থিংবা ঙমদ্রিবনো? করিগীদমক্তা তেরোরিজমগী ৱাহন্থোক ফাওবা হৌজিক ফাওবা য়ু.এন. য়াবা ঙমদ্রিবনো?  করিগুম্বা মসিবু অমুক খন্থদুনা য়েংবা তারবদি, মসিদা ৱাফম অমদি ময়েক শেংলগনি। হৌখিবা চহি চাদা শেমখিবা ইনস্তিত্যুশনশিং ২১শুবা চহি চা অসিগী সীস্তেমগা চুনবা ঙমদ্রে। মখোয়না হৌজিক ওইরিবা ফিভমশিং অসিবু মশক তাক্তে। মরম অদুনা য়ু.এন.গুম্বা অচৌবা ইনস্তিত্যুশনশিং অসিদা মপুং ফাবা মশক নাইবা শক্তম অমা পুরক্নবা অহোংবা অমা পুরকপা হায়বসি য়াম্না তঙাইফদে। মসিনা মালেম অসিগী খা থংবা শরুক্কী খোঞ্জেলশু ওইগদবনি। অদু নত্রবদি ঐখোয়না খৎন-চৈনবা লোইশিন্নবগী ৱাফম অসিগী মতাংদা অদুমক ঙাংদুনা লৈরগনি। য়ু.এন. অমসুং সেক্যুরিতী কাউন্সিল অসি ৱা ঙাংফম দুকান অমা ওইদুনা  অদুমক লৈরগনি।

এক্সেলেন্সীশিং,

য়ু.এন চার্তর, ইন্তর্নেস্নেল লো অমসুং লৈবাক খুদিংমক্কী সোভরেনতী অমসুং তেরিতোরিয়েল ইন্তেগ্রিতীবু লৈবাক খুদিংমক্না ইকাইখুম্নবা হায়বসি য়াম্না তঙাইফদে। হৌজিক লৈরিবা স্তেতস কো অসি হোংদোক্নবা ময়াম পুন্না খোঞ্জেল অমত্তা ওইনা নাখল অমখক্তগী ওইবা ফিরেপ লৌবা অসিগী মায়োক্তা ৱাফম থাংগৎলসি। ভারতনা মতম চুপ্পদা তেন্সন, চয়েৎনবা খুদিংমকপু য়াম্না শান্তি লৈনা ৱারি-ৱাতাই শানদুনা ৱারোইশিন পুরক্কদবনি হায়বা ৱাখল্লোন অসিদা লৈখি। অমসুং করিগুম্বা আইনগী থোংদা ৱারোইশিন পুরকপা য়াবা ওইরগদি মদু য়াগদবনি। অমসুং মসিগী ]আখল্লোন অসিদা ভারতনা বংগ্লাদেশকা লম অমসুং মেরিতাইম বাউন্দারীগী চয়েৎনবা অদুবু লোইশিনখি।

এক্সেলেন্সীশিং,

ভারত্তা অমসুং জপানদশু, ভগবান বুদ্ধবু চহি লীশিং কয়া অমা নিংনদুনা লাক্লি। হৌজিক্কী য়ুগ অসিদা বু্দ্ধনা তাকপী-তম্বীরম্বা পাউতাকশিং অদুনা ৱারোইশিন পুরকপা ঙমদবা নত্রগা সোল্যুশনশিং পুরকপা ঙমদবা প্রোব্লেম অমত্তা লৈতে। বু্দ্ধনা মালেম অসিনা ঙসি মায়োক্নরিবা লাল, খোইরাং-খোইশাওনবা অমসুং তুংদা-লৈতাদবগী থৌওংশিং অসিগী সোল্যুশন অদু চহি চা কয়াগী মমাংদা পীখ্রবনি।

ভগবান বুদ্ধনা হায়খি:

নহি ৱেরেন ৱেরানী,

সম্ময় তীধ উদাসন,

অৱেরেন চ সম্মন্তি,

এস ধম্মো সন্নতন।

মসিনা হায়বদি, য়েক্নবনা য়েক্নববু ফাথবা ঙমদে। য়েক্নবা হায়বসি নকশিন্নবা মরিনা তপথহল্লি

মসিগী ৱাখল্লোন অসিদা ঐখোয়না মীপুম খুদিংমক্কা লোইননা অমত্তা ওইনা মাংদা কাখৎমিন্নগদবনি।

থাগৎচরি।

*****