উপ-রাস্ত্রপতিগী লোইশঙ
মহৈ মশিং হায়বসি খুন্নাইদা অওনবা অমদি খোঙজেল পুরক্নবা খ্বায়দগী মতিং লৈবা খুৎলায়নি – উপ রাস্ত্রপতী
অৱাং নোংপোক খুদোংচাবা কয়াগী লমদম ওইরক্লি হায়না ভি.পি.না হায়রি
ভারত চাওখৎপা হায়বসি 'অস্ত লক্সমী' চাওখৎপা অমদি মখোয়গী থৌদাং য়াওদনা মপুং ফারোই – উপ রাস্ত্রপতী
অৱাং নোংপোক্কী শিংথানবিদ্রবা অথৌবশিং পুৱারীগী লাইরিকশিংদা অমদি মেনস্ত্রীম নেরেতিবতা মখোয়গী মতিক চাবা মফম ফংলি – উপ রাস্ত্রপতী
ভারত অসি মালেমগী খ্বায়দগী মশক মচু থোকপা দিমোক্রেসীনি; করিগীনো ঐখোয় খরনা ঐখোয়গী দিমোক্রেসীবু য়ানিংদ্রিবা – শ্রী ধনকরনা হংলি
উপ রাস্ত্রপতীনা দিব্রুগর য়ুনিভর্সিতীগী ২১শুবা কনভোকেসন্দা ৱা ঙাঙখ্রে
Posted On:
03 MAY 2023 2:04PM by PIB Imphal
ঙসি উপ রাস্ত্রপতী, শ্রী জগদীপ ধনকরনা, মহৈ মশিং হায়বসি খুন্নাইদা থোং মান্নবা, মান্নবা মফম অমদি খোঙজেল পুরক্নবগী খ্বায়দগী মতিং লৈবা অমদি অওনবা পুরক্নবগী পাম্বৈ অমনি হায়না ফোঙদোকখ্রে। “মীয়ামবু মহৈ মশিং হৈহনবদগী হেন্না অতৈ অমত্তনা খুন্নাইগী ফীভম হোংহনবা ঙম্লোই,” হায়না মহাক্না হায়খি।
ঙসি অসামদা দিব্রুগর য়ুনিভর্সিতীগী ২১শুবা কনভোকেসন্দা ৱা ঙাঙলদুনা, উপ রাস্ত্রপতীনা মহৈরোয়শিংদা “অহোংবা পুরক্নবগী এজেন্ত” ওইনবা অমদি খুন্নাইবা অফবা মওংগী অহোংবশিং পুরক্নবা থবক তৌনবা ৱাফম থমখি। “নখোয়না লৈবাক ঐসিনা মাগী নীংতম্বগী চাম্ম শুবা চহিগী কুমওন পাঙথোকপা মতম হায়বদি ২০৪৭গী ভারতপু শেম্লিবা অমদি মদুগী লান্মীশিং ওইরিবনি,” হায়না মহাক্না হায়খি।
অথোই অহেন তান্নববু খ্বায়দগী ফবা ওজানি, অমদি অকিবনা খ্বায়দগী ফত্তবা য়েক্নবনি হায়রদুনা, শ্রী ধনকরনা মহৈরোয়শিংগী মফমদা মঙলান চাউনা মঙনবা অমদি অৱাবা ৱাখল কৈদৌঙৈদসু খন্দনবা হায়খি। “মঙলান অমদি থম্মু অদুবু মঙ মঙদুনতা লৈবদুদি ওইগনু, থবক তৌ,” হায়না মহাক্না মখোয়গী মফমদা হায়খি।
অৱাং নোংপোক্কী স্তেত নিপানবু ভারতকী “অস্ত লক্সমী”নি হায়রদুনা, উপ রাস্ত্রপতীনা লমদম অসিগী চাওখৎপা অমদি থৌদাং য়াওদনা ভারতকী চাওখৎপা মপুং ফারোই হায়খি। মহাক্না দিব্রুগর য়ুনিভর্সিতীবু লমদম অসিগী খেন্নবা লোলশিং অমদি লোইনসিল্লোনগী চৎনবীবু ঙাক্তুনা থম্নবগীদমক পায়খৎলিবা থবকশিংগীদমক থাগৎখি। ঐখোয়গী লোল ঙাক শেন্দুনা থম্বা হায়বসি য়াম্না মরুওই মরমদি মখোয় অসি চহি লিশিং কয়া চৎনদুনা লাক্লবনি হায়না মহাক্না হায়খি।
অমৃৎ কাল অসিদা ভারতকী মেনস্ত্রীম নেরেতিবতা অৱাং নোংপোক লমদমগী য়াওহল্লকপদা নুংঙাইবা ফোঙদোক্লদুনা, উপ রাস্ত্রপতীনা এন.সি.ই.আর.তি. অমদি ইন্দিয়ন কাউন্সিল ওফ হিস্তোরিকেল রীছর্চ (আই.সি.ঐচ.আর.)বু অৱাং নোংপোক্কী শিংথানবিদ্রবা অথৌবশিংনা ঐখোয়গী পুৱারীদা অমদি নীংতম ঈহৌদা লৌরম্বা থৌদাংশিং পুখৎলকপগীদমক থাগৎখি।
লমদম অসিগী ফীজিকেল, সোসিএল অমদি দিজিতেল ইনফ্রাস্ত্রকচর ফগৎহনবদা লৈঙাক্না মীৎয়েঙ চঙলিবা অসিবু থাগৎলদুনা, শ্রী ধনকরনা অৱাং নোংপোক অসি খুদোংচাব কয়াগী লমদম অমা ওইরক্লি হায়খি। বোগিবীল রেল-কম রোদ ব্রিদ্জ, লম্বীগী প্রোজেক্ত ৩৭৫, এয়রপোর্ত নেতৱর্ক মশিং ৯দগী ১৭তা হেনগৎলকপা অমদি অনৌবা মহৈ মশিংগী ইনস্তিত্যুসন ১৯০ লিংখৎপনচিংবা অৱাং নোংপোক লমদমদা পায়খৎলিবা তোঙান তোঙানবা প্রোজেক্তশিং পল্লদুনা, অনৌবা খুদোংচাবা অমদি তাঞ্জা কয়া অমা নহাশিংনা মখোয়গী ইনর্জী ফুদোক্নবগীদমক হৌজিক্তি ফংলে হায়বা ৱাফম মহাক্না থমখি।
ভারতকী চাওখৎ ৱারীবু ‘থিংবা ঙম্লোইদবা’ অমনি হায়না তাক্লদুনা, উপ রাস্ত্রপতীনা দেকেদ অসিনা লোইশিল্লকপদা ঐখোয়না মালেমগী খ্বায়দগী চাউবা শেন্মিৎলোন ওইরগনি হায়না থাজবা ফোঙদোকখি। ভারত মচা ৯৯.৯%দা দিজিতেল আই.দি. (আধার) পীবা, জাম ত্রিনিতী, মুদ্রা অমদি পি.এম. কিসান সম্মান নিধীনচিংবা য়াম্লবা পন্দোলশিংগী মরমদা পল্লদুনা, আই.এম.এফ.না ফাওবা ভারতকী মালেমগী থাক্কী দিজিতেল পব্লিক ইনফ্রাস্ত্রকচরবু দিজিতেল ত্রান্সফোর্মেসনগী লমদা চঙশিল্লিবা অতৈ লৈবাকশিগী ফিদম্নি হায়রদুনা থাগৎলি হায়না মহাক্না ফোঙদোকখি।
ভারতকী দিমোক্রেসীগী মমানি অমদি মালেমগী খ্বায়দগী মশক মচু থোকপা দিমোক্রেসীনি হায়রদুনা, উপ রাস্ত্রপতীনা করিগীদমক্তা ঐখোয় খরনা ঐখোয়গী দিমোক্রেসীবু লৈবাকসিগী মনুংদা অমদি মপান্দা য়ানিংদবা ফোঙদোক্লিবনো হায়বা ৱাহং হংখি। ভারত্তা ফ্রীদম ওফ এক্সপ্রেসন নমশিনবগী ৱাফম অমত্তা লৈতে হায়বা ৱাফমসু মহাক্না থমখি।
পার্লিয়ামেন্তপু ঐখোয়গী দিমোক্রেসীগী লাইশংনি হায়রদুনা, উপ রাস্ত্রপতীনা মফম অসি মীয়ামগী য়াইফনবগী ৱাফমশিংদা য়েৎনবা, খন্নবা, নৈনবা অমদি ৱারেপ লৌরিবা মফম্নি, অদুবু মতম শাংনা অয়েৎপা অপনবা পীবনা মীয়াম্না মখোয়গী মীহুৎশিংগী ইনস্তিত্যুসন অসিদা থম্লিবা ইকায়খুম্নবা অমদি থাজববু মাঙহল্লি হায়বা ৱাফম থমখি। মরম অদুনা, ঐখোয়গী পার্লিয়ামেন্তরিয়নশিংনা ঐখোয়গী সংবিধানবু শেম্বিরম্বা মীওইশিংদুগী ৱাখল্লোন অমদি ইহুলদু খঙনা চৎননবা ইকোসিস্তেম অমা শেমগৎনবা ৱাফম মহাক্না থমখি।
পাস তৌরবা মহৈরোয়শিংগী মফমদা নুংঙাইবা ফোঙদোক্লদুনা, শ্রী ধনকরনা মখোয়দা মখোয়গী ওজাশিং অমদি শেম্বিরক্লিবা মফম অসিবু কৈদৌনুংদসু কাউদনবা হায়খি। “ইনস্তিত্যুসন অসিগী এলুম্নাই ওইনা, নখোয়না ঙম্বা মওংদা নখোয়গী য়ুনিভর্সিতী অসিগী য়াইফনবা থৌদাং লৌগদবনি,” হায়না মহাক্না হায়খি।
থৌরম অদুদা, উপ রাস্ত্রপতীনা অসামগী মমিং লৈরবা মীওইশিংদা দি. এস.সি. অমদি দি. লিত দীগ্রীশিং (ওনরিস কোসা) লান্থোকখি। মহাক্না য়ুনিভর্সিতী কেম্পস অদুদা উ চারা অমসু থারমখি।
অসামগী গভর্নর অমদি দিব্রুগর য়ুনিভর্সিতীগী চাঞ্চেলর শ্রী গুলাব চান্দ কতারিয়া, অসামগী মুখ্য মন্ত্রী দোক্তর হিমন্ত বিস্বা শর্ম, পেত্রোলিয়ম অমসুং নেচরেল গ্যাস অমদি লেবর অমসুং ইমপ্লোইমেন্তকী কেন্দ্রগী রাজ্য মন্ত্রী শ্রী রামেস্বর তেলি, অসাম লৈঙাক্কী মহৈ মশিংগী মন্ত্রী দোক্তর রনোজ পেগু, দিব্রুগর য়ুনিভর্সিতীগী ভাইস-চাঞ্চেলর প্রোফেসর জিতেন হজারিকা, বোর্দকী মেম্বরশিং, দাইরেক্তর, ফেকল্তী, স্তাফ, মহৈরোয়শিং অমদি গ্রেজুএত তৌরিবা মহৈরোয়শিংগী ইমুং মনুংগী মীওইশিং থৌরমদুদা শরুক য়াখি।
*****
(Release ID: 1921723)