وزیراعظم کا دفتر

وزیر اعظم نے اڑان اسکیم کے چھ برسوں کی حصولیابیوں کا اعتراف کیا

Posted On: 28 APR 2023 10:18AM by PIB Delhi

وزیر اعظم جناب نریندر مودی نے شہری ہوا بازی کی وزارت کے ایک ٹوئٹ کا جواب دیا ہے۔ اپنے ٹوئٹ میں وزارت نے مطلع کیا تھا کہ 6 سال پہلے، علاقائی کنکٹی وٹی سے متعلق اسکیم (آر سی ایس)- اڑان کے تحت شملہ کو دہلی سے منسلک کرنے والی پہلی پرواز چلائی گئی تھی۔ آج 473 روٹس کے ساتھ، 74 فعال ہوائی اڈوں، ہیلی پورٹس اور آبی ایروڈرومس کی بدولت، بھارت کی شہری ہوابازی کے شعبے میں یکسر تبدیلی آگئی ہے۔

شہری ہوا بازی کی وزارت کے اس ٹوئٹ کا جواب دیتے ہوئے، جناب مودی نے کہا کہ بھارت کی شہری ہوابازی کے شعبے کے لئے گزشتہ 9 سال کایا پلٹ کردینے والے رہے ہیں۔ جناب مودی نے یہ بھی کہا کہ موجودہ ہوائی اڈوں کو جدید طرز پر ڈھالا گیا ہے، تیز رفتاری سے نئے ہوائی اڈے تعمیر کئے گئے ہیں اور ریکارڈ تعداد میں لوگ ہوائی جہازوں میں سفر کررہے ہیں۔

وزیر اعظم نے ٹوئٹ کیا:

’’ گزشتہ 9 سال، بھارت کی شہری ہوابازی کے شعبے کے لئے یکسر تبدیلی لانے والے رہےہیں۔ موجودہ ہوائی اڈوں کو جدید طرز پر ڈھالا گیا ہے، نئے ہوائی اڈے تیز رفتار ی سے تعمیر کئے گئے ہیں اور ریکارڈ تعداد میں لوگ، ہوائی جہازوں میں سفر کررہے ہیں۔ کنکٹی وٹی میں کئے گئے اس اضافے کی بدولت، کامرس اور سیاحت کو زبردست فروغ حاصل ہوا ہے۔#UDANat6‘‘

********

ش ح ۔ ع م ۔ع ر

U. No.4600



(Release ID: 1920430) Visitor Counter : 107


Read this release in: English , Marathi , Hindi , Bengali , Manipuri , Assamese , Punjabi , Gujarati , Odia , Tamil , Telugu , Kannada , Malayalam