প্রধানমন্ত্রীগী লোইশঙ
লৈবাক্কী রেদিও কন্নেক্তিবিতী হেন্না ফগৎহনগদবা খোঙথাং অমা ওইনা পি.এম.না এপ্রিল 28তা FM ত্রান্সমিত্তর 91 শঙ্গাগনি
ত্রান্সমিত্তরশিং অসি রাজ্য 18 অমসুং UT 2দা লৈগনি
এস্পিরেস্নেল দিস্ত্রিক্ত অমসুং ঙমখৈগী লমদমশিংগী কন্নেক্তিবিতী ফগৎহনবদা অখন্নবা মিৎয়েং চঙবা
কবরেজ এরিয়াদা চাউরাক্না স্ক্বার কিমি. 35,000 হেনগত্তুনা অতোপ্পা মীওই করোর 2সু কোল্লগনি
কথোক চাউথোকপগী থবক অসি শিংথানিংঙাই ওইরবা মন কী বাতকী 100শুবা তাঙ্কক শন্দোক্ত্রিঙৈদা পাংথোক্কনি
Posted On:
27 APR 2023 12:51PM by PIB Imphal
প্রধান মন্ত্রী শ্রী নরেন্দ্র মোদীনা লৈবাক্কী রেদিও কন্নেক্তিবিতী হেন্না ফগৎহনগদবা খোঙথাং অমা ওইনা পি.এম.না এপ্রিল 28কী পুং 10.30 AMদা 100Wকী FM ত্রান্সমিত্তর 91বু ভিদিও কনফরেন্সিংগী খুত্থাংদা শঙ্গাগনি।
লৈবাক অসিদা FM কন্নেক্তিবিতী ফগৎহন্নবা সরকারনা খোঙফম চেৎলি। 100Wকী অনৌবা FM ত্রান্সমিত্তর 91 অসি রাজ্য 18 অমসুং UT 2গী জিলা 84দা খিনগনি। মসিগুম্বা পাকথোক চাউথোকপগী থবকশিং অসিনা এস্পিরেস্নেল দিস্ত্রিক্ত অমসুং ঙমখৈগী লমদমশিংগী কন্নেক্তিবিতী কবরেজ ফগৎহন্নবা অখন্নবা মিৎয়েং চঙলি। থবক অসি পাংথোক্কদৌরিবা রাজ্য অমসুং UTশিংগী মনুংদা বিহার, ঝর্খন্দ, ওরিশা, নোংচুপ বেঙ্গোল, অসম, মেঘালয়, নাগালেন্দ, হরিয়ানা, রাজস্থান, উত্তর প্রদেশ, উত্তরাখন্দ, আন্ধ্র প্রদেশ, কেরলা, তেলঙ্গানা, ছতিসগর, গুজরাত, মধ্য প্রদেশ, মহারাস্ত্রা, লদাখ অমসুং অন্দমান অমদি নিকোবার ইথৎশিং য়াওরি। AIRগী FM সেবা পাকথোক চাউথোকপা অসিনা মসিগুম্বা খুদোংচাবা ফংলমদবা অহেনবা মীওই করোর 2বুসু কোল্লগনি অমসুং মসিনা চাউরাক্না স্ক্বার কিমি. 35,000কী কবরেজ এরিয়া হেনগৎহল্লগনি।
মশিং য়াম্লবা মীয়ামদা য়ৌশিনবা ঙম্বগী হীরমদা রেদিওনা লৌরিবা থৌদাং অসিদা প্রধান মন্ত্রীনা মত্ম পুম্বদা থাজবা থমদুনা লাক্লি। মীদিয়ম অসিনা মশিং খ্বাইদগী য়াম্বা ওদিএন্সতা য়ৌবা ঙম্বগী তোপ-তোপ্পা মতিক অসিগী কান্নবা লৌনবগীদমক্তা প্রধান মন্ত্রীনা মন কী বাত প্রোগ্রাম হৌদোকখিবনি, প্রোগ্রাম অসিনা শিংথানিংঙাই ওইরবা 100শুবা তাঙ্কক য়ৌরক্কদৌরবনি।
***
(Release ID: 1920227)
Visitor Counter : 102
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam