প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা নই দিল্লীগী প্রগতি মৈদান্দা ৱান আর্থ ৱান হেল্থ – এদভান্তেজ হেল্থকিয়র ইন্দিয়া – ২০২৩ হৌদোকখ্রে অমসুং ৱা ঙাংখ্রে।

থৌরম অসিদা ৱা ঙাংলদুনা প্রধান মন্ত্রী মালেম শিনবা থুংবদগী হেল্থ মন্ত্রীশিং, ৱেস্ত এসিয়া, এস.এ.এ.আর.সি., এসিয়ন অমসুং এফ্রিকন রিজনশিংদগী দেলিগেৎশিংবু তরাম্না ওকখি। ভারতকী সাস্ত্রদা ইরম্বা, ‘মীপুম খুদিংমক নুংঙাইবা ওইরসনু, মীপুম খুদিংমক লাইনা চেনদবা ওইরসনু, মীপুম খুদিংমক্তা অফবা থৌদোকশিং থোকপা ওইরসনু, অমসুং কনাগুম্বা অমত্তনা অৱাবা থেংনদবা ওইরসনু” অসি পল্লদুনা প্রধান মন্ত্রীনা লৈবাক্কী ইনক্লুসিব বিজনগী মতাংদা ফোঙদোকখি অমসুং চহি লিশিং কয়াগী মমাংদা মালেমদা লাইচৎ অমত্তা লৈত্রিঙৈ মতমদগী হৌনা ভারতকী হেল্থকী বিজন অসি য়ুনিভর্সেল ওইদুনা লাকখি। মহাক্না হায়খি ৱান আর্থ ৱান হেল্থনা চপ মান্নবা থাজবা অসি তুংইন্দুনা চৎলি অমসুং মসি থবক ওইনা পাঙথোপগী চপ মান্নবা ৱাখল্লোনগী খুদম অমনি। প্রধান মন্ত্রীনা হায়খি, “ঐখোয়গী বিজন অসি শুপ্নগী মীওইবা খক্তংগী নত্তে। মসিনা অপুনবা ইকোসিস্তেম কোনশিল্লি। পাম্বীদগী শা-ঙা ফাওবা, লৈবাক্তগী তুরেল ফাওবা, ঐখোয়গী অকোইবদা লৈবা খুদিংমক মশা-মউ ফনা লৈরবা মতমদা ঐখোয়না মশা-মউ ফবা ঙমগনি”।

অনাবা লৈতবা হায়বা অসি হকচাং ফবগা পাঙ্খক ওই হায়নরিবা ৱাখল্লোন অসিগী মতাংদা প্রধান মন্ত্রীনা হায়খি ভারতকী হকশেলগী ৱাখল্লোন অসি অনবা লৈতবা খক্তদা লোইশিন্দে অমসুং পন্দম অসিনা মীপুম খুদিংমক মশা-মউ ফবা অমসুং চাউখৎপা হায়বা অসিদা মীৎয়েং চংখি। মহাক্না হায়খি, “ঐখোয়গী পান্দম অসি ফিজিকেল, মেন্তেল অমসুং সোসিএল ৱেল-বিংনি”।

‘ৱান আর্থ, ৱান ফেমিলী, ৱান ফ্যুচর’গী থিমগা লোননা জি২০ প্রসিদেন্সীগী ভারতকী খোঙচৎকী মতাংদা প্রধান মন্ত্রীনা হায়খি মপাঙ্গল কনবা গ্লোবেল হেল্থকিয়র সিস্তেমশিংনা বিজন অসি থুংহনবদা মরু ওই। মহাক্না হায়খি মেদিকেল ভেল্যু ত্রেবেল অমসুং হেল্থ ৱার্কফোর্স মোবিলিতীনা মশা-মউ ফবা গ্রহগী মরু ওইবা ফেক্তর অমা ওইরি অমসুং ‘ৱান আর্থ, ৱান হেল্থ – এদভান্তেজ হেল্থকিয়র ইন্দিয়া ২০২৩’না মাইকৈ অসিদা মরু ওইবা খোঙথাং অমা ওইরি। প্রধান মন্ত্রীনা হায়খি ঙসিগী থৌরম অসিনা মশিং লাকঙমদ্রবা লৈবাকশিংদগী শরুক য়ারকপা উবা ফংলিবা ভারতকী জি২০ প্রসিদেন্সীগী থিম অদু নীংশিংহল্লি। মালেম অসি ইমুং অমনি হায়বা ‘বসুধৈব কুতুম্বকম’গী ভারতকী ফিলোসোফীগী মতাংদা প্রধান মন্ত্রীনা পব্লিক অমসুং প্রাইবেৎ সেক্তরশিং লোয়ননা প্রোফেস্নেল অমসুং একাদেমিক দোমেনশিংদগী স্তেকহোল্দরশিংনা শরুক য়াবদা নুংঙাইবা ফোঙদোকখি।

হোলিস্তিক হেল্থকিয়রগী মতাংদা লাকপদা ভারতকী শক্তি অসি পল্লদুনা প্রধান মন্ত্রীনা ভারতকী তেলেন্ত, তেক্নোলোজী, ত্রেক রেকোর্দ অমসুং ত্রেদিসন অসিবু শকখঙখি। মহাক্না মখা তারদুনা হায়খি মালেমনা ভারতকী দোক্তরশিং, নর্সশিং অমসুং কিয়রগিভরশিংনা পীরিবা কান্নবা উবা ফংখি‌ অমসুং মখোয়গী কম্পিতেন্স অমসুং কম্মিৎমেন্ত অমদি তেলেন্তপুসু ইকাই খুম্নখি। মহাক্না হায়খি মালেম শিনবা থুংবদা লৈরিবা হেল্থকিয়র সিস্তেম কয়ানা ভারতকী প্রোফেস্নেলশিংগী তেলেন্তদগী কান্নবা ফংখি। ভারতকী হেল্থকিয়র প্রোফেস্নেলশিংগী ত্রেনিং অমদি এক্সপরিয়েন্স কয়াগী মতাংদা পল্লদুনা হায়খি, “ভারত্তা কলচর, ক্লাইমেৎ অমসুং সোসিএল দাইনামিক্সদা অচৌবা দাইভর্সিতী লৈজৈ”। মহাক্না মখা তারদুনা হায়খি ভারতকী হেল্থকিয়র তেলেন্তনা তোঙান-তোঙানবা ফীভমশিংগী মথৌ তাবা থুংহনবা ঙম্বা মাগী অখন্নবা স্কিলশিংনা মরম ওইদুনা মালেমগী থাজবা ফংখি।

চহিচা অমদা অমুক্তং থোকপা লাইচৎনা মালেমদা অচুম্বা মশিং কয়া নীংশিংহনখি হায়না ফোঙদোক্লদুনা প্রধান মন্ত্রীনা হায়খি অমগা অমগা মরী লৈনবা মালেম অসিদা ঙমখৈশিংনা হকশেলগী খুদোংথিবশিং থিংবা ঙমলোই। মহাক্না হায়খি গ্লোবেল সাউথতা লৈরিবা লৈবাকশিংনা রিসোর্সশিং ফংহনদবা য়াওনা তোঙান-তোঙানবা খুদোংচাদবা অমসুং অৱাবা কয়া মায়োক্নরি। হেল্থকিয়র দোমেন্দা থাজবা য়াবা মপাং অমগীদমক লৈবাক কয়াগী মথৌ তাবা অসিগী মতাংদা শ্রী মোদীনা হায়খি মেদিকেল সাইন্সতা কয়া অমা খুমাং চাউশিল্লবসু লাস্ত মাইলদা লৈবা অরোইবা মীশক অদুদা এক্সেস শোইদনা ফংহনগদনি। প্রধান মন্ত্রীনা হায়খি ভারতনা ভেক্সিনশিং অমসুং হীদাক-লাংথকশিংগী খুত্থাংদা পুন্সি কয়া কনবগী অফবা মিসন অমদা লৈবাক কয়াগী মপাঙ্গল ওইবদা চাউথোকচবা পোকই অমসুং মেদ-ইন-ইন্দিয়া ভেক্সিনশিং, মালেমগী খ্বাইদগী চাউবা অমসুং খোঙজেল য়াংবা কোবিদ-১৯ ভেক্সিনেসন দ্রাইব অমসুং লৈবাক ১০০ হেনবদা কোবিদ-১৯ ভেক্সিনশিংগী দোজ মিলিয়ন ৩০০ শিপ্পিং তৌখিবগী খুদমশিং পীখি। শ্রী মোদীনা নৌহৌননা ফোঙদোকখি মদুদি মসিনা ভারতকী তৌবা ঙম্বা অমসুং ফিরেপকী মমি অমা উৎলি অমসুং মাগী প্রজাশিংগীদমক অফবা হকশেল ফংহন্নবা হোৎনরিবা লৈবাক খুদিংমক্কীদমক থাজবা য়াবা মরুপ অমা মখা তানা ওইখিগনি।

প্রধান মন্ত্রীনা হায়খি, “ভারতনা হকশেলগী লমদা য়েংলিবা মীৎয়েং অসি চহি লিশিং কয়াদগী হোলিস্তিক ওইদুনা লাকখি”। মহাক্না হায়খি ভারত্তা সিস্তেমশিংগা লোয়ননা ঙাকথোক্নবা অমসুং হকশেল ফগৎহন্নবা অফবা চৎনবী অমা লৈরকখি য়োগ অমসুং মেদিতেসন অসি অরিবা ভারতনা অনৌবা মালেমদা পীবা খুদোলনি, মসিনা হৌজিক মালেমগী ইহৌ ওইরক্লি। মহাক্না মশা-মউ ফনা থম্নবা মপুং ফাবা লম অমা ওইরিবা আয়ুর্বেদকী মতাংদা পল্লদুনা হায় মদুনা হকশেলগী ফিজিকেল অমসুং মেন্তেল এস্পেক্ত অনিমক য়েংশিনখি। প্রধান মন্ত্রীনা হায়খি “মালেমনা ৱাখল ৱাবা অমসুং পুন্সি মহিংগী ওইবা লাইনাশিংগী সোল্যুসনশিংগীদমক মালেমনা মীৎয়েং থম্লি। ভারতকী ত্রেদিস্নেল হেল্থকিয়র সিস্তেমশিংদা পাউখুম কয়া য়াওরি”। মহাক্না হায়খি ভারতকী ত্রেদিস্নেল দাইৎ ওইরিবা চনানগী মতাংদা অমসুং মালেমদা থোক্লিবা ফুদ সেক্যুরিতী অমসুং ন্যুত্রিসনগী সমস্যাশিং কোকহন্নবা মতিক ময়াই লৈ।

প্রধান মন্ত্রীনা আয়ুশ্মান ভারত স্কিমগী মতাংদা পল্লদুনা হায়খি মদি মালেমগী খ্বাইদগী চাউবা সরকারনা শেন্থং পীবা হেল্থ ইন্সুরেন্স কবরেজ স্কিমনি। প্রধান মন্ত্রীনা হায়খি মদুদি মসিনা ভারতকী প্রজা মিলিয়ন ৫০০ হেনবা অনা লায়েংশিং কোনশিনখি মসিদা মিলিয় ৪০ হেনবনা কেশলেস অমসুং পেপরলেস ওইবা মওং অমদা সর্ভিস ফংদুনা প্রজাশিংনা দোলর বিলিয়ন ৭কী ময়াদা তুংশিনবা ঙমহনখি।

ৱারোল পীবা লোইশিনবদা প্রধান মন্ত্রীনা হায়খি হেল্থকিয়রগী শীংনবশিংদা মালেম্না খোঙথাং লৌখৎপা অসিবুসু তোঙান্না থম্বা য়ারোই অমসুং হৌজিক অসিদি ইন্তিগ্রেতেদ, ইনক্লুসিব অমসুং ইন্সতিত্যুস্নেল রেস্পোন্সকী মতম্নি। ভারতকী মরু ওইবা অসি খেন্নবা হন্থহনবা অমসুং মতেং ফংদবা মীওইশিংদা তেংবাংবা অসি লৈবাক্কী থাজবগী আর্তিকল অমনি হায়না ফোঙদোক্লদুনা প্রধান মন্ত্রীনা হায়খি, “মসিমক ঐখোয়গী G20 প্রসিদেন্সীগী মিৎয়েং চঙবা হীরম অমনি। ঐখোয়গী পান্দমদি হেল্থকেয়রবু ঐখোয়গী লৈবাক্কী মীয়াম খক্তগী নত্তনা মালেম পুম্বগী মীয়ামগী এসেসিবল অমসুং এফোর্দেবল ওইহনবনি”। প্রধান মন্ত্রীনা থাজবা থম্মদুনা হায়খি মীফম অসিনা মাইকৈ অইদা গ্লোবেল পার্তনরশিপশিং মপাঙ্গল কনখৎহল্লগনি অমসুং ‘ৱান আর্থ- ৱান হেল্থ’কী কম্মন এজেন্দা অসিদা অদোমগা খোঙলোই ওইনিংই।

বেকগ্রাউন্দ

ভারত সরকারগী হকশেল অমসুং য়াইফ য়ুম্বাল মন্ত্রালয়না ফেদেরেসন ওফ ইন্দিয়ন চেম্বর্স ওফ কম্মর্স অমসুং ইন্দস্ত্রীগা খুৎশম্নদুনা ৱান আর্থ ৱান হেল্থকী ৬শুবা ইদিসনবু ভারতকী জি২০ প্রসিদেন্সীগা লোয়নবা এদভান্তেজ হেল্থকেয়র ইন্দিয়া 2023 হায়না মিংথোল্লে অমসুং থৌরম অসি নই দিল্লীগী প্রগতী মৈদান্দা এপ্রিল ২৬-২৭, ২০২৩দা পাঙথোকখ্রে।

নুমিৎ নিনিগী থৌরম অসিনা মালেমগী ওইবা রেজিলিএন্ত ওইবা হেল্থ আর্কিতেকচর শেম্বদা মালেমগী থাক্তা তেংবাংনবগী মরু ওইবদা মিৎয়েং চঙনবা পান্দম থম্লি অমসুং মসিনা ভেল্যুদা য়ুম্ফম ওইবা হেল্থকেয়রগী খুত্থাংদা য়ুনিভর্সেল হেল্থ কভরেজ ফংনবা হোৎনগনি। মসিনা মেদিকেল ভেল্যু ত্রাভেল, ভেল্যুদা য়ুম্ফম ওইবা হেল্থকেয়র সর্ভিস পীবা হেল্থকেয়রগী ৱর্কফোর্স এক্সপোর্ত তৌবা অমসুং মালেমগী থাক্তা লৈবা হেল্থকেয়র অমসুং ৱেলনেস সর্ভিসকী মরু ওইবা হব অমা ওইরক্তুনা হীরম অসিগী মতাংদা ভারতনা লৈরিবা মপাঙ্গল উৎনবা হোৎনগনি। থৌরম অসি ভারতকী জি২০ প্রসিদেন্সীগী থীম, ‘ৱান আর্থ, ৱান ফেমিলী, ৱান ফ্যুচর’গা মরী লৈননা পাংথোকপনি অমসুং ‘ৱান আর্থ, ৱান হেল্থ - এদভান্তেজ হেল্থকেয়র ইন্দিয়া ২০২৩’ হায়না চুননা মিংথোল্লি। মালেমগী সম্মিত অসিনা ভারত্তগী সর্ভিস কয়া এক্সপোর্ত তৌববু পুক্নিং থৌগৎনবগীদমক্তা লৌশিং লান্নবা, মালেমগী এম.ভি.তি. ইন্দস্ত্রীগী শক্নাইরবা মীওই কয়ানা শরুক য়াবা অমসুং মালেম পুম্বগী হীরম অসিগা মরী লৈনবা মকোক থোংবা ওথোরিতী, ৱারেপ লৌবা, ইন্দস্ত্রী স্তেকহোলদর, অখঙ-অহৈ অমসুং ইন্দস্ত্রীগী প্রোফেস্নেলশিংনা মশাগী ৱাখল্লোন ফোংদোকপগী নিংথীরবা ফম্পাক অমা শেমগনি। মসিনা শরুক য়ারিবশিংদা মালেম পুম্বগী পীয়রশিংগা মরী শেমগৎপা, ৱাখল্লোন লান্নবা, কন্তেক্ত শাগৎপা অমসুং মপাঙ্গল লৈবা ব্যুজিনেস পার্ত্নরশিপ শেমগৎপদা তেংবাংগনি।

সম্মিত অসিদা লৈবাক ৭০গী একজিবিতর ১২৫ অমসুং দেলিগেত ৫০০ শরুক য়াগনি। অফ্রিকা, মিদ্দল ইস্ত, ইন্দিপেন্দেন্ত স্তেতশিংগী কম্মনৱেল্থ, এস.এ.এ.আর.সি. অমসুং এসিয়ন লমদমগী লৈবাক ৭০গী দেলিগেতশিংগী রিভর্স বাইয়র সেল্লর মীফম অমসুং সেদ্যুল্দ বি২বি মীফমশিংনা ভারতকী হেল্থকেয়র প্রোভাইদর অমসুং মসিদা শরুক য়ারিবা মীরম লৈবাক্কী মীওইশিংগা ফোরম অমদা অমত্তা ওইনা পুরক্কনি। সম্মিত অসিদা হকশেল অমসুং য়াইফ য়ুম্বাল মন্ত্রালয়, তুরিজম মন্ত্রালয়, এক্সতর্নেল এফিয়র্স মন্ত্রালয়, কম্মর্স অমসুং ইন্দস্ত্রী মন্ত্রালয়, আয়ুশ মন্ত্রালয়, ইন্দস্ত্রী ফোরা, স্তার্তঅপ্নচিংবগী শক্নাইরবা ৱাঙাংলোই অমসুং অখঙ-অহৈশিংগী পেনেল দিস্কসনগা লোয়ননা স্তেকহোলদরশিংগা ইন্তরেক্তিব সেসন কয়াসু পাংথোক্কনি।

Addressing a programme on 'One Earth, One Health – Advantage Healthcare India 2023.' https://t.co/4puuFUcm0d

— Narendra Modi (@narendramodi) April 26, 2023

India’s vision for health has always been universal. pic.twitter.com/hvBo0gO9Lh

— PMO India (@PMOIndia) April 26, 2023

India’s view of health does not stop at lack of illness.

Being free of diseases is just a stage on the way to wellness. pic.twitter.com/C7276CjagU

— PMO India (@PMOIndia) April 26, 2023

‘One Earth, One Family, One Future’ pic.twitter.com/8FXX10tLP1

— PMO India (@PMOIndia) April 26, 2023

Indian healthcare talent has won the world’s trust. pic.twitter.com/Cl7AgcgTHC

— PMO India (@PMOIndia) April 26, 2023

True progress is people-centric. pic.twitter.com/J0iqbhNV0i

— PMO India (@PMOIndia) April 26, 2023

India is proud to have been a partner to many nations in the noble mission of saving lives through vaccines and medicines. pic.twitter.com/7GnuzpvKKS

— PMO India (@PMOIndia) April 26, 2023

For thousands of years, India’s outlook towards health has been holistic.

We have a great tradition of preventive health. pic.twitter.com/R0IM3ZmBy0

— PMO India (@PMOIndia) April 26, 2023

Reducing disparity is India’s priority.

Serving the unserved is an article of faith for us. pic.twitter.com/gMDDl32u5N

— PMO India (@PMOIndia) April 26, 2023

***