প্রধানমন্ত্রীগী লোইশঙ
প্রধান মন্ত্রী এপ্রিল ২৬তা সৌরাস্ত্রা তামিল শঙ্গমম লোইশিনবা থৌরমদা ৱা ঙাংগনি
এক ভারত শ্রেস্থা ভারতকী ৱাখল্লোন য়োকখৎনবা প্রধান মন্ত্রীগী পান্দম থৌরম অসিনা খুমাঙ চাউশিনহল্লে
সৌরাস্ত্রাগী তামিলশিং মখোয়গী হৌরকফমগা অমুক শম্ননবা খুদোংচাবা অমা থৌরম অসিনা পীরে
प्रविष्टि तिथि:
25 APR 2023 7:53PM by PIB Imphal
এপ্রিল ২৬গী অয়ুক পুং ১০:৩০ তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা সৌরাস্ত্রা তামিল শঙ্গমম লোইশিনবা থৌরমদা ৱা ঙাংগনি।
লৈবাক অসিগী তোঙান-তোঙানবা মফমশিংদা মীয়ামগী মরক্তা লৈনরিবা চহি কয়া শুরবা মরীশিং অমুক হন্না খঙদোক্নবা থবকশিংগী খুৎথাংদা এক ভারত শ্রেস্থা ভারতকী ৱাখল্লোন চাউখৎহন্নবা প্রধান মন্ত্রীগী পান্দমগী মখাদা থৌরম অসি পাংথোকপা হৌরকপনি। মসিগী ৱাখল্লোন্দা, মমাঙদা কাসি তামিল শঙ্গমম পাংথোকখ্রে। গুজরাত অমসুং তামিল নাদুগী মরক্তা কলচর অমসুং হেরিতেচ শরুক য়ামিন্নবগী হরাও-তয়াম্বা ফোঙদোক্নবা পান্দমদা সৌরাস্ত্রা তামিল শঙ্গমম পাংথোকপনি।
চহিচা কয়াগী মমাঙদা, সৌরাস্ত্রাদা লমদমদগী মীওই কয়া তামিল নাদুদা য়ুম হোঙলকখি। সৌরাস্ত্রা তামিল শঙ্গমম্না সৌরাস্ত্রাগী তামিলশিংনা মখোয়গী হৌরকফমগা অমুক হন্না শম্ননবগী খুদোংচাবা অমা পীরে। নুমিৎ ১০গী থৌরম অসিদা অখন্নবা ত্রেন অমদা সৌরাস্ত্রাগী তামিল ৩০০০ হেন্না সোমনাথতা চৎখি। এপ্রিল ১৭তগী হৌখিবা থৌরম অসি এপ্রিল ২৬তা সোমনাথতা লোইশিনবগী থৌরম পাংথোক্কনি।
******
(रिलीज़ आईडी: 1919617)
आगंतुक पटल : 160
इस विज्ञप्ति को इन भाषाओं में पढ़ें:
Bengali
,
Odia
,
Assamese
,
English
,
Urdu
,
Marathi
,
हिन्दी
,
Punjabi
,
Gujarati
,
Tamil
,
Telugu
,
Kannada
,
Malayalam