কেন্দ্রগী হকশেল মন্ত্রালয়গী নেস্নেল কোবিদ-১৯ ভেক্সিনেসন প্রোগ্রামনা ইন্নোবেসন কেতগোরীগী মখাদা প্রাইম মিনিস্তর্স এৱার্দ ফোর এক্সিলেন্স ইন পব্লিক এদমিনিস্ত্রেসন ২০২২ ফংখ্রে। বিজ্ঞান ভবন্দা পাঙথোকখিবা ১৬শুবা সিবিল সর্ভিসেস নুমিৎকী থৌরমগী পাঙথোকপা থৌরম অমদা ঙসি প্রধান মন্ত্রী, শ্রী নরেন্দ্র মোদীদগী এৱার্দ অসি হকশেল অমসুং য়াইফ-য়ুম্বাল মন্ত্রালয়গী সেক্রেতরী, শ্রী রাজেশ ভুশন্না লৌখি।

হকশেল অমসুং য়াইফ-য়ুম্বালগী কেন্দ্র মন্ত্রী, দা. মনসুখ মন্দাবিয়ানা মাইপাকপা অসি ফংবদা মীয়ামদা নুংঙাইবা ফোঙদোকখ্রে অমসুং ভারতকী কোবিদ-১৯ ভেক্সিনেসন প্রোগ্রামবু মাইপাকপা অমা ওইহনখিবগীদমক মাইকৈদা হেল্থকিয়র ৱার্করশিং, কিয়রগিভরশিং অমসুং কম্ম্যুনিতী মেম্বরশিংবু থাগৎখ্রে। মহাক্না হায়খি, “‘এক হী প্রন হো সবকা তীকাকরন’গী মন্ত্রগা লোননা চোকথবা লৈতনা থবক তৌখিবা অপুনবা তীমবু নুংঙাইবা ফোঙদোকচরি”।

A Proud Moment!@MoHFW_India team has been conferred with PM Awards For Excellence in Public Administration 2022 for National COVID-19 Vaccination Programme.

Congratulations to the entire team who worked tirelessly with mantra of 'एक ही प्रण हो सबका टीकाकरण'#CivilServicesDay pic.twitter.com/obhO2ZxmNA

— Dr Mansukh Mandaviya (@mansukhmandviya) April 21, 2023

ভেক্সিনেসন প্রোগ্রামগী থৌরাং অসি য়ুম্বী মরিদা মাংজৌননা য়াৎপা হৌখি: স্ত্রকচর গভর্নান্স মেকানিজম, প্রদক্সন হেনগৎহনবা, লোজিস্তিক্স অমসুং সপ্লাই মেনেজমেন্ত অমসুং পব্লিক অমদি প্রাইবেৎ হেল্থ ফেসিলিতী অনিমক য়াওদুনা নীংথিনা অমসুং দিসেন্ত্রেলাইজ তৌরবা ভেক্সিন এদমিনিস্ত্রেসন তৌনবা লালোংশিং ইমপ্লিমেন্ত তৌবা।

থুনা মিদ-কোর্স করেক্তিব মীজর পাইখৎপা য়াহন্নবা তু-ৱে ফীদবেক মেকানিজমগা লোননা স্তেৎ স্তীরিং কম্মিতি, স্তেৎ তাস্ক ফোর্স, দিস্ত্রিক্ত তাস্ক ফোর্স, ব্লোক/অর্বান তাস্ক ফোর্সকী খুত্থাংদা কনসল্তেতি এপ্রোচ অমদা য়ুম্ফম ওইবা মপাঙ্গল কনবা মোনিতরিং সিস্তেম অমা শেমখি। রাজ্য অমসুং য়ু.তি. পুম্নমক্তা ভেক্সিন হেসিতেন্সী কোকহন্নবা অমসুং কোবিদ-১৯গী মরমদা খঙনীংবা কোকহন্নবা কোবিদ ভেক্সিনেস অমসুং কম্ম্যুনিকেসন স্ত্রেতেজীগী তেক্নিকেলিতীশিংগী মতাংদা পুম্নমক শুনা য়াওবা ওপরেস্নেল গাইদলাইনশিং শিয়র তৌখি।

সাইন্তিফিক প্রাইওরিতাইজেসন ঙাক্তুনা প্রোগ্রাম অসি অহানবদা হেল্থ কিয়র ৱার্কর করোর ১.০৪ ভেক্সিনেসন তৌদুনা হৌখি, মতুংদা ফ্রন্ত লাইন ৱার্করশিং অমসুং চহি ৬০গী মথক্কী খুদোংথীনিংঙাই ওইবা মীওইশিং কাপখি, কাংলুপকী মতুং ইন্না করোর ৩০গী ময়া য়ৌহনখি। তাঙ্কক নাইবা মওং অমদ কাংলুপকী মতুং ইন্না ১০৬ য়ৌখি। চহি ১২গী মথক্কী য়াওনা করোর ০২ ওইখি। জনুৱারী ১৬, ২০২১দা প্রোগ্রাম অসি হেক হৌখিবদগী হৌজিক ফাওবদা নুমিৎ ৮২৫ শুখ্রে।

স্তেকহোল্দর পুম্নমক ত্রেনিং পীদুনা অচৌবা স্কেলদা ভর্চুএল লোয়ননা ক্লাসরুম ত্রেনিংশিংগী খুত্থাংদা কোইদ হেনগৎলকপা মতমদা অতেনবা মতমগী মনুংদা পাঙথোকপা ঙমখি অমসুং ত্রেনিংগী ক্বালিতী অসি মাংজৌননা লেপথোক্লবা মরু ওইবা ইন্দিকেতরশিংগী শীজিন্নদুনা মোনিতর তৌখি। প্রাইবেৎ সেক্তর অমসুং অতোপ্পা ওর্গনাইজেসনশিংগী মখাদা লৈবা হেল্থ সর্ভিসেস য়াওনা ভেক্সিনেসন প্রোগ্রামগী তোঙান-তোঙানবা হীরমশিংগী মতাংদা প্রোগ্রাম ওফিসর/মেদিকেল ওফিসর ৭৫,০০০, হেল্থ ৱার্কর ৭,৩০,০০০ অমসুং অহেনবা ফ্রন্তলাইন ৱার্কর ১,৬০,০০০ ওরিয়েন্ত তৌখি। চাউরাক্না ভেক্সিনেতর লাখ ২.৬৪ অমসুং অতোপ্পা ভেক্সিনেসন তীম মেম্বর লাখ ৪.৭৬পু কোবিদ ভেক্সিনেসনগী মরু ওইবা কম্পোনেন্তশিংগী মতাংদা ত্রেন তৌখি। জিলা ৭০০+তা কো-ৱিন প্লেৎফোর্ম শিজিন্নবগী মতাংদা য়ুজর ১,০০,০০০ হেন্না ত্রেন তৌখি। ভেক্সিনশিং শাফনা য়ৌহন্নবদা কেপাসিতী বিল্দিং তৌবনা মরু ওইবা থৌদাং অমা লৌখি।

ভেক্সিনেসন অপনবা লৈতনা তৌনবগীদমক কো-ৱিন প্লেৎফোর্ম রোল-আউৎ তৌবা অসি প্রোগাম মাইপাক্নবা মরু ওইখি। আই.তি. প্লেৎফোর্ম অসি কোর প্রিন্সিপল ৫দা য়ুম্ফম ওইখি: ইনক্লুসিবিতী, এক্সেসিবিলিতী, ইক্বিতী, ত্রান্সপরেন্সী অমসুং স্কেলেবিলিতী। মসিনা ভেক্সিনেসন দ্রাউইব, ভেক্সিন লৈবা লৈতবা অমসুং শীজিন্নবগী ফীভম রিএল তাইম ওইনা য়েংশিনবা ঙমহল্লি। মসিনা বেনিফিসরীশিংবু মশানা রেজিস্ত্রেসন তৌবা, ভেক্সিনেসনগী এপোইনমেন্ত মাংজৌননা লৌবা অমসুং ক্যু.আর. বেজ ইন্দিবিজুএল দিজিতেল সর্তিফিকেৎশিং ফংহনবদা খুদোংচাবা ফংহনখি। ইন্নোবেতিব দিজিতেল প্লেৎফোর্ম অসি মতম মতমগী মতুং ইন্না অনৌবা গাইদলাইনশিংগা লোয়ননা শেমদোকখি অমসুং কস্তমাইজ তৌখি। রেজিস্ত্রেসন অমসুং ভেক্সিনেসনগী থৌওংশিংবু চম্বা, মনুং-মপান উবা ফংবা অমসুং অপনবা লৈতবা ওইহনবা ঙমখি।

কো-ৱিন প্লেৎফোর্মনা ভারতনা ভেক্সিনেসন তৌবদা মাইপাকপা কয়া মরুম ফংবা ঙমহল্লিবা মরু ওইবা ফেক্তর অমা ওইখি, মসিদা য়াওরিবা অদুদি:

• ওনলাইন অমসুং ওন-সাইৎ মোদকী খুত্থাংদা কো-ৱিন পোর্তেলদা বিনিফিসরী করোর ১০০ হেনবনা রেজিস্ত্রেসন তৌখি।
• ভারত শিনবা থুংবদা ভেক্সিন দোজ করোর ২২১ (বিলিয়ন ২.২১) কাপখি অমসুং দিজিতেল ওইনা ত্রেক তৌখি। মসি মালেম শিনবা থুংবদা কাপখিবা অপুনবা কোবিদ ভেক্সিন দোজকী ১৭%নি হায়বদি বিলিয়ন ১৩.৩৪।
• য়ামদ্রবদা অহানবা দোজ অমসুং দোক অনিমক কাপ্পা ৯০%গা লোয়ননা ভারতকী ইলিজিবল ওইবা মীশিং (চহি কাংলুপ ≥১২) কোনশিনখি।
• লৈবাক শিনবা থুংবদা লৈবা ভেক্সিনেসন সেসন করোর ৩গী ময়াদা পাঙথোকখ্রে।
• লোকেলগী মতুং ইন্না  সি.ভি.সি.শিংদা কাপখিবা দোজশিং (এপ্রিল ১, ২০২১দগী ফংবা দেতা)
• অর্বান – ২৮% (৫৭,৪৯,০২,৮৮৩)
• রুরেল – ৭২% (১,৪৬,৪৮,৪৯,৩৫৫)
• রুরেল নত্ত্রগা অর্বান ওইনা তেগ তৌখিবা সি.ভি.সি.শিং - ০.২৬% (৫২,৬৯,৬২৫)
• জেন্দরগী মতুং ইন্না কাপখিবা:
• নুপা - ৫১% (১,১২,১৫,২৩,৬১৩)
• নুপী -৪৯% (১,০৭,৯২,৮৬,৩০৯)
• অতোপ্পশিং- ০.০২% (৫,৩১,১২৫)
• সি.ভি.সি.গী মতুং ইন্না:
• পব্লিক সি.ভি.সি.শিং -৯৭.৫% (১,৯৮,৭৯,৭০,০৯৭)
• প্রাইবেৎ সি.ভি.সি.শিং -২.৫% (৫,০৩,৮৫,৪১২)
• মীরোনবী নুপীশিং, ত্রান্সজেন্দর, কনা লৈজদ্রবা, কোইচৎ চৎপা মীওইশিং, মেন্তেল হেল্থ ইনস্তিত্যুসনশিং, কৈশুমশঙদা লৈবনচিংবা য়াওনা অখন্নবা সেসনশিংগী খুত্থাংদা দোজ করোর ৭৪ কাপখি।
• নুমিৎ ১০নিদা তোঙান-তোঙানবা নুমিৎশিংদা দোজ করোর ১ হেন্না কাপখি।

• সি.ভি.সি. লাখ ১ হেনবগী খুত্থাংদা নোংমা খক্তদা দোজ করোর ২.৫১ কাপখি
• থা ৯দা অহানবা  দোজ করোর ১০০ (দোজ বিলিয়ন ১) অমসুং মথংগী থা ৯দা মথংগী দোজ করোর ১০০ (দোজ বিলিয়ন ২গী পন্দুপ) কাপ্পা ঙমখি।

মিসন ইন্দ্রধনুশনা ইথিল পীদুনা ‘হর ঘর দস্তক’ তীকাকারন অভিয়ানগী রাউন্দ অনি পাঙথোক্তুনা কেম্পেন মোদ অমদা চিত্থহৌবা অমসুং ৱাৎহৌবা বেনিফিসরীশিং কোনশিন্নবা হোৎনখি। ‘কোবিদ ভেক্সিনেসন অমৃত মহোৎসব’ অসি খোঙজেল লেপহনদবা অতোপ্পা কেম্পেন অমনি অমসুং পব্লিক অমসুং প্রাইবেৎ ওফিসশিংগী লম্বেলদা, ধর্মগী লাইফমশিং, ইন্দস্ত্রিএল এস্তাব্লিশমেন্তশিংগুম্বা তোঙান-তোঙানবা মফমশিংদা কেম্পশিং পাঙথোক্তুনা অনৌবা কেস হেনগৎলক্লিবা ঙাকথোকপদা মতেং পাংখি।

****