ক্বান্তম তেক্নোলোজি(ক্বিউ তি)গী অনৌবা অমসুং মতিক চাবা ফিবম অমা শেমগৎনবা অমসুং সাইন্তিফিক অমসুং ইন্দস্ত্রিএল রিছার্স অমসুং দিবলপমেন্ত হেনগৎহন্নবা, ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা, ২০২৩-২৪দগী ২০৩০-৩১ ফাওবগী ওইনা, লুপা করোর ৬০০৩.৬৫গী অপুনবা শেনফম অমগী নেসনেল ক্বান্তম মিসন অয়াবা পীখ্রে। মসিনা ক্বান্তম তেক্নোলোজি শীজিন্নদুনা শেন-থুম চাউখৎপা য়াংখৎহনগনি, লৈবাক অসিদা ক্বান্তম তেক্নোলোজি চাউখৎহনগনি অমসুং ক্বান্তম তেক্নোলোজি অমসুং এপ্লিকেসনদা ভারত মাংজিল থাবা লৈবাক অমা ওইহনগনি।

অনৌবা মিসন অসিনা চহি ৮দা সুপরকন্দক্তিং অমসুং ফোতোনিক তেক্নোলোজিগুম্বা তোঙান-তোঙানবা প্লেতফোর্মশিংদা ফিজিকেল কুবিতস ৫০-১০০০ ফাওবগী ইন্তরমেদিয়েত ক্বান্তম কম্পুতরশিং শেমগৎনবা পান্দম থম্লি। ভারত মনুংদা কিলোমিতর ২০০০গী মনুংদা লৈবা গ্রাউন্ত স্তেসনশিংগী মরক্তা সেতেল্লাইত্তা য়ুম্ফম ওইবা ক্বান্তম কম্মুনিকেসনশিং, অতোপ্পা লৈবাকশিংগা অথাপ্পা ক্বান্তম কম্মুনিকেসনশিং, কিলোমিতর ২০০০ হেনবা ইন্তর-সিতি ক্বান্তম কি দিস্ত্রিবুসন অমসুং ক্বান্তম মেমোরিশিংগা লোয়ন্না মল্তি-নোদ ক্বান্তম নেতৱার্ককী পান্দমশিং মিসন অসিনা থম্লি।

চপ চাবা মতম লেপ্নবা, কম্মুনিকেসন অমসুং নেভিগেসনগী এতোমিক সিস্তেমশিং অমসুং এতোমিক ক্লোকশিং অমসুং মেগ্নেতোমিতরশিং শেমগৎপদা মিসন অসিনা মতেং পাংগনি। ক্বান্তম মেতরিএলশিং হায়বদি সুপরকন্দক্তরশিং, নোবেল সেমিকন্দক্তর স্ত্রকচরশিং অমসুং ক্বান্তম দিভাইসশিং পানখৎনবা তোপোলোজিকেল মেতরিএলশিং দিজাইন তৌবা অমসুং শাবদা মিসন অসিনা মতেং পাংগনি। ক্বান্তম কম্মুনিকেসন, সেন্সিং অমসুং মেত্রোলোজিকেলগী থবকশিংদা শীজিন্ননবা শিঙ্গল ফোতোন সোর্সশিং/দিতেক্তরশিং, ইনতেঙ্গল ফোতোন সোর্সশিংসু শেমগৎকনি।

ক্বান্তম কম্পুতিং, ক্বান্তম কম্মুনিকেসন, ক্বান্তম সেন্সিং অমসুং মেত্রোলোজি অমসুং ক্বান্তম মেতরিএল অমসুং খুৎলায়শিংগী লমদা অৱাংবা থাক্কী মহৈলোয়শঙ অমসুং নেসনেল আর অমসুং দি ইন্সতিতুৎশিংদা থিমেতিক হব(তি-হব) মরি লিংখৎকনি। হায়রিবা হবশিং অসিনা বেসিক অমসুং এপ্লাইদ রিছার্সকী খুৎথাংদা অনৌবা লৌশিং পুথোক্নবা মীৎয়েং চঙগনি অমসুং আর অমসুং দিগী থবকশিং পুক্নিং থৌগৎকনি।

নেসনেল ক্বান্তম মিসন্না লৈবাক অসিদা মালেমগী থাক্তা চাংদম্নবা য়ারবা তেক্নোলোজি শেমগৎকনি। মিসন অসিনা ই-পাউ ফাওনবা, হকশেল, শেন-থুম, ইনর্জি সেক্তরশিং অমসুং দ্রগ দিজাইন অমসুং স্পেস এপ্লিকেসনশিংদা য়াম্না চাউনা কান্নগনি। মসিনা অসিনা লৈবাক অসিগী মরুওইবা থবকশিং হায়বদি দিজিতেল ইন্দিয়া, মেক ইন ইন্দিয়া, স্কিল ইন্দিয়া অমসুং স্তেন্দ-অপ ইন্দিয়া, স্তার্দ-অপ ইন্দিয়া, সেল্ফ-রেলিয়েন্ত ইন্দিয়া অমসুং স্তেনেবল দিবলপমেন্ত গোল(এস দি জি)দা চাউনা কান্নবা পীগনি।

****