মপান থৌরম পুবা মন্ত্রালয়
ভারতকী জি.২০ প্রেসিদেন্সীগী মনুংদা ১০০শুবা জি.২০গী মীফম
Posted On:
17 APR 2023 10:19AM by PIB Imphal
ভারতনা ঙসি বারানসিদা ১০০শুবা জি.২০গী মীফম, এগ্রিকলচর চীফ সাইন্তিস্তশিংগী মীফম (এম.এ.সি.এস.)গী য়ুম্বু ওইদুনা পাংথোকপগা লোইননা জি.২০.গী প্রসিদেন্সীগী মরু ওইবা মাইলস্তোন অমা য়ৌবা ঙম্বগী নুংঙাইবা ফোংদোক্লি। গোৱাদা লৈবা ২শুবা হেল্থ ৱার্কিং গ্রুপ, হাইদ্রবাদতা লৈবা ২শুবা দিজিতেল ইকোনোমী ৱার্কিং গ্রুপ অমসুং শিলোংদা স্পেস ইকোনোমী লীদরশিংগী প্রিকর্জর মীতিংশু ঙসি পাংথোকখ্রে।
২০২২২গী নবেম্বর ১৬তা জি.২০. বালি সম্মিত্তা প্রধান মন্ত্রী, শ্রী নরেন্দ্র মোদীদা জি.২০ প্রেসিদেন্সী খুৎশিন্নরবা মতুংদা ভারতকী চহি অমা চুপ্না শাংবা জি.২০ প্রেসিদেন্সী অদু ২০২২গী দিসেম্বর ১দা হৌখি, অমসুং ২০২৩গী নবেম্বর ৩০ ফাওবা চত্থগনি। মমাংদা ২০২২গী নবেম্বর ৮দা, প্রধান মন্ত্রীনা জি.২০ লোগো লোঞ্চ তৌখি অমসুং ভারতকী জি.২০ প্রেসিদেন্সী থীম – “ৱাসুধৈবা কুতুম্বাকম” – “ৱান অর্থ. ৱান ফেমিলী. ৱান ফ্যুচর”গী মাইখুম হাংদোকখি। ভারতকী জাতি ফিরালগী মচুদা শেম্বা, জি.২০ লোগোনা ঐখোয়গী প্রো-প্লানেত এপ্রোচ অমসুং শিংনবা কয়াগী মরক্তা শাহৌ পুরকপা অদুবু তাকই।
গ্রুপ ওফ ত্বেন্তী (জি.২০) অসি লৈবাক ১৯না শেম্মি (আর্জেন্তিনা, ওস্ত্রিয়া, ব্রাজিল, কেনাদা, চাইনা, ফ্রান্স, জর্মনী, ইন্দিয়া, ইন্দোনেসিয়া, ইতালী, জাপান, রিপব্লিক ওফ কোরিয়া, মেক্সিকো, রসিয়া, সাউদি অরাবিয়া, সাউথ অফ্রিকা, তর্কী, য়ুনাইতেদ কিংদম, অমসুং য়ুনাইতেদ স্তেতস) অমসুং য়ুরোপিয়ন য়ুনিয়ন। জি.২০গী মেম্বরশিংনা গ্লোবল জি.দি.পি.গী ৮৫% মহুৎ শিল্লি, গ্লোবল ত্রেদকী ৭৫% মথক্তা, অমসুং মালেমগী অপুনবা মীশিংগী শরুক অহুম থোকপগী অনি ময়া নক্না মহুৎ শিল্লি।
ভারতকী জি.২০ প্রেসিদেন্সীগী মনুংদা হক-থেংননা শরুক য়াবা অসি হৌজিক ফাওবগী ওইনা খ্বাইদগী য়ামখিবশিংগী মনুংদা অমনি। হৌজিক ফাইবদা লৈবাক ১১০ হেনবদগী দেলিগেত ১২,৩০০ হেনবনা জি.২০গা মরি লৈনবা মীফমশিংদা শরুক য়াখি। মসিদা জি.২০ মেম্বরশিংদগী শরুক য়াবা, চেবাউ ফংলবা লৈবাক ৯ অমসুং ইন্তর্নেস্নেল ওর্গনাইজেশন ১৪। হৌজিক ফাওবদা, রাজ্য অমসুং য়ুনিয়ন তেরিতোরী ২৮গী সহর ৪১দা জি.২০ মীফম ১০০ পাংথোকখ্রে। মীফমশিং অসি রাজ্য সরকারশিং অমসুং য়ুনিয়ন তেরিতোরীশিংদগী মপুং ফানা মতেং পাংবা অমসুং শরুক য়াবগা লোইননা ভারত পাক-শন্না অমসুং শিন-থুংনা পাংথোকখি। ঐখোয়গী প্রেসিদেন্সী অসিগী মনুংদা, ভারতনা জি.২০ প্রেসিদেন্সী অমদা মফম খ্বাইদগী পাক-শন্না পাংথোকপা, ভারত শিনবা থুংনা সহর ৬০দা জি.২০গা মরি লৈনবা মীফম ২০০গী মথক্তা ফোরেন দেলিগেতশিংবু য়ুম্বু ওইদুনা পাংথোক্লগনি। শের্পা ত্রেক ৱার্কিং গ্রুপ ১৩, ফাইনান্স ত্রেক ৱার্কস্ত্রীম ৮, এনগেজমেন্ত গ্রুপ ১১ অমসুং ইনিসিয়েতিব ৪না সবস্তেন্তিব ওইবা মওংদা ৱারি-ৱাতাই কয়া অমা শানখি। দিজাস্তর রিস্ক রেদক্সন (দি.দি.আর.)গী মতাংদা অনৌবা ৱার্কিং গ্রুপ, অনৌবা এনগেজমেন্ত গ্রুপ “স্তার্তঅপ ২০” অমসুং চীফ সাইন্স এদভাইজর’স রাউন্দতেবল (সি.এস.এ.আর.)গী অনৌবা ইনিসিয়েতিব অসি ঐখোয়গী জি.২০ প্রেসিদেন্সীদা থবক ওইনা পাইখৎখ্রে। এনগেজমেন্ত গ্রুপ ১১না প্রাইভেত সেক্তর, একাদেমিয়া, সিভিল সোসাইতী, নহা অমসুং নুপীশিংগা লোইন-লোইননা পার্লিয়ামেন্তশিং, ওদিৎ ওথোরিতীশিং অমসুং অর্বান এদমিনিস্ত্রেশনশিং য়াওনা ইনস্তইত্যুশনগী মরক্তা ৱারি-ৱাতাই শানবগী প্লেতফোর্ম অমা পীরি।
হৌজিক ফাওবদা, মন্ত্রীশিংগী ওইবা মীফমশিং পাংথোকখ্রে। ফাইনান্স মন্ত্রীশিং অমসুং সেন্ত্রেল বেঙ্ক গোবর্নরশিংগী অহানবা মীফম অসি ২০২৩গী ফেব্রৱারী ২৪-২৫দা বেঙ্গলুরুদা পাংথোকখি, জি.২০ ফোরেন মিনিস্তরস মীতিং (এফ.এম.এম.) অসি ২০২৩গী মার্চ ১-২দা নই দিল্লীদা পাংথোকখি, অমসুং অনিশুবা এফ.এম.সি.বি.সি.বি.জি.গী মীফম অসি ২০২৩গী এপ্রিল ১২-১৩দা ৱাশিংতন দি.সি.দা পাংথোকখি। শের্পা মীফম অনি উদয়পুরদা (২০২২গী দিসেম্বর ৪-৭) অমসুং কুমারাকোমদা (২০২৩গী মার্চ ৩০-এপ্রিল ২) পাংথোকখি। এফ.এম.সি.বি.জি., এফ.এম.এম. অমসুং শের্পা মীফমশিংদা মশিং য়াম্লবা মিনিস্তরগী থাক্তা লৈবা দিগ্নিতরীশিংগা লোইননা দেলিগেশনশিং পুম্নমক্তগী থাক ৱাংলবা মী কয়া অমনা হকথেংননা শরুক য়াখি। ফোরেন মিনিস্তর ২৮ (জি.২০. মেম্বর ১৮, গেস্ত কন্ত্রী ৯ অমসুং এ.য়ু. চাই -কোমোরোস) অমসুং দেপ্যুতী/ভাইস ফোরেন মিনিস্তর ২ (জাপান অমসুং রপব্লিক ওফ কোরিয়া)না এফ.এম.এম.দা শরুক য়াখি। মসিগী মন্ত্রীশীংগী ওইবা মীফমশিং অসিদা জি.২০গী শিয়র্দ প্রায়োরিতীশিংগী মতাংদা ময়ামগী মরক্তা য়ানবা অমা পুরকপা ঙমখিবা সবস্তেন্তিব ওইবা আউৎকম দোক্যুমেন্তশিংগা লোইননা লোইশিনখি। এফ.এম.এম. অদুদা এম.দি.বি.গী রিফোর্মশিং অমসুং অহানবা এফ.এম.সি.বি.জি.দা দেত ত্রীৎমেন্তকী মতাংদা এক্সপর্ত গ্রুপশিং শেম্বা, অমসুং মল্তিলেতরেল রিফোর্মশিং, দেবেলপমেন্ত কোওপরেশন, ফুদ অমসুং ইনর্জী সেক্যুরিতী, কাউন্তর-তেরোরিজম, অনৌবা অমসুং থোরকলইবা শিংনবশিং, গ্লোবল স্কিল মেপ্পিং অমসুং দিজাস্তর রিস্ক রিদক্সনগী মতাংদা য়ানবা অমা পুরকপগী মতাংদা য়াওরি। এফ.এম.এম. অদুদা এম.দি.বি.গী রিফোর্মশিং অমসুং অহানবা এফ.এম.সি.বি.জি.দা দেত ত্রীৎমেন্তকী মতাংদা এক্সপর্ত গ্রুপশিং শেম্বা, অমসুং মল্তিলেতরেল রিফোর্মশিং, দেবেলপমেন্ত কোওপরেশন, ফুদ অমসুং ইনর্জী সেক্যুরিতী, কাউন্তর-তেরোরিজম, অনৌবা অমসুং থোরকলইবা শিংনবশিং, গ্লোবল স্কিল মেপ্পিং অমসুং দিজাস্তর রিস্ক রিদক্সনগী মতাংদা য়ানবা অমা পুরকপগী মতাংদা য়াওরি।
প্রেসিদেন্সী অদুদা, ভারতনা গ্লোবল সাউথ অমসুং চাউখৎলক্লিবা লৈবাকশিংগী খোঞ্জেলশিং অমসুং অৱাবশিং অদুবু পাকশন্না খঙহন্নবগী মতাংদশু খন্নখি। প্রধান মন্ত্রীনা মবাই তাংবল লৌদুনা ২০২৩গী জনুৱারীদা পাংথোকখিবা দ ভোইস ওফ গ্লোবল সাউথ সম্মিত অদুদা রাজ্য/সরকারগী থাক্তা লৈবাক মকোকশিং অমসুং অতোপ্পা মন্ত্রীশিংগী থাক্তআ লৈবা ১৮ য়াওনা লৈবাক ১২৫না শরুক য়াখি। মসিগী মথক্তা, ভারতকী হৌজিক হৌজিক ওইরিবা প্রেসিদেন্সী অসিগী মনুংদা অফ্রিকাদগী শরুক য়াবশিংগী মশিংনা খ্বাইদগী হেন্না য়াম্বা ওইখি, মসিদা য়াওরিবশিং অসিগী মনুংদা সাউথ অফ্রিকা (জি৯.২০গী মেম্বর), মোরিসিয়স, ইজীপ্ত, নাইজরিয়া, এ.য়ু. চেয়র – কোমোরোস, অমসুং এ.য়ু.দি.এ. – এন.ই.পি.এ.দি. য়াওখি।
ভারতকী দাইভর্সিতী, ইনক্লুসিব ত্রেদিশনশিং অমসুং কলচরগী ওইবা ফজবশিং উৎপা তোপ-তোপ্পা এক্সপরিয়েন্সশিং অসিসু থুংলরিবা দেলিগেতশিংগী প্রোগ্রামগী য়াম্না মরু ওইবা শরুক অমসু ওইরি। মিল্লেতনা শেম্বা মথেল-লুকোইশিং মেনু অদুদা য়াওখি, অমসুং কলচরেল পর্ফোর্মেন্স মখ। কয়া অমা অমসুং এক্সকর্সনশিং শিনখি। আর্তিস্ত ৭,০০০গী মথক্না শরুক য়াদুনা লোকেল অমসুং নেস্নেল আর্ত ফোর্মশিং উৎপা কলচরেল ইভেন্ত ১৫০গী মথক্তা পাংথোকখি। জন ভাগিদারি এক্তিবিতী কয়া অমা হোল-ওফ-নেশন অমসুং হোল-ওফ-সোসাইতী এপ্রোচতা মীয়াম্না হকথেংননা শরুক য়াবগা লোইননা মতম অমুক্তদা পাংথোকখি, মসিনা ভারতকী জি.২০. প্রেসিদেন্সীবু “মীয়ামগী জি.২০” ওইহল্লে। মসিদা জি.২০. য়ুনিভর্সিতী কনেক্ত লেকচর সীরীজ, মোদেল জি.২০ মীফমশিং, স্কুলশিং/বুনিভর্সিতীশিংদা অখন্নবা জি.২০ সেসনশিং, মরু ওইবা কুম্মৈশিংদা জি.২০ পেবিলীয়নশিং, ক্বিজ কন্তেস্তশিং, সেল্ফী কম্পিতিশনশিং, #জি.২০ ইন্দিয়াগী ৱারিশিং, অমসুং সিভিল সোসাইতী অমসুং প্রাইভেত সেক্তরনা পাংথোকপা জি.২০-থীম ইভেন্তশিং কয়া অমা পাংথোকখি।
ভারতকী চত্থরিবা জি.২০ প্রেসিদেন্সীগী মনুংদা পাংথোকখিবা মরু ওইবা ৱাফমশিং অদুগী মনুং চন্না মরু ওইবা মিৎয়েং থমগদবা হিরমশিং খুদম ওইনা ইনক্লুসিব অমসুং রেজিলিয়েন্ত ওইবা গ্রোথ; এস.দি.জি.শিংগী মতাংদা খুমাং চাউশিল্লিবশিং, গ্রীন দেবেলপমেন্ত অমসুং লাইফস্তাইল ফোর এনভাইরনমেন্ত (লাইফ); তেক্নোলোজিকেল ত্রান্সফোর্মেশন অমসুং পব্লিক দিজিতেল ইনফ্রাস্ত্রকচর; মল্তিলেতরেল ইনস্তিত্যুশনশিংদা অওনবা অমা পুরকপা; নুপীশিংনা লুচিংবা চাউখৎ-থৌরাংগী থবকশিং; অমসুং মালেম পুম্বগী ওইনা ইংনা-চিক্না অমসুং নুংশি-চান্ননা লৈবা হায়বশিংগী মতাংদা খন্নখি।
ভারতকী জি.২০ প্রেসিদেন্সীনা সেপ্তেম্বরগী ৯-১০দা পাংথোক্কদবা ন্যু দিল্লী লীদর্স সম্মিতকীদমক্তা মসিগী ইনক্লুসিব ওইবা, এম্বিসিয়স ওইবা, এক্সন-ওরিয়েন্তেদ ওইবা অমসুং দিসাইসিব ওইবা এজেন্দাগীদমক্তা জি.২০ মেম্বরশিং অমসুং গেস্ত কন্ত্রীশিংদগী সপোর্ত য়াম্না লাকখি। ভারতকী জি.২০গী মীফমদা পাক-শন্না, মশিং য়াম্লবা অমসুং থৱাই য়াম্না য়াওনা শরুক য়াবা অসিনা হৌজিক-হৌজিক থেংনরিবা মালেমগী শিংনবশিং অসিবু ময়াম পুন্না য়েংশিনমিন্নবা ভারতকী জি.২০ প্রেসিদেন্সীগী মখাদা পুন্না চুংশিন্নরক্লিবা জি.২০গী মেম্বরশিং অমসুং ইনভাইতীশিং অসিনা খুদম চাংদম্নি।
*****
(Release ID: 1917215)
Visitor Counter : 204
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada