প্রধানমন্ত্রীগী লোইশঙ
পি.এম অৱাস য়োজনাগী কান্নবা ফংলবী এন. সুব্বুলক্ষমীগী চিথি প্রধান মন্ত্রীনা সিয়ার তৌখ্রে
प्रविष्टि तिथि:
12 APR 2023 8:33PM by PIB Imphal
প্রধান মন্ত্রী অৱাস য়োজনাগী মখাদা য়ুম শাবদা মহাক্না হরাওবা ফোঙদোকপা এন. সুব্বুলক্ষমীগী চিথি অমা প্রধান মন্ত্রীনা সিয়ার তৌখ্রে। শ্রী মোদীনা হায়খি নিউ দিল্লিদা লৈবা মহাক্কী য়ুমদা প্রাসার ভারতিগী হান্নগী বোর্দ মেম্বর সি.আর কেসাভান মহাক্কা উনখি। শ্রী কেসাভান্না এন. সুব্বুলক্ষমীগী চিথি অমা প্রধান মন্ত্রীদা পীখি। এন. সুব্বুলক্ষমী সি.আর. কেসাভানগী য়ুমদা চাকথোঙবী অমা ওইনা থবক তৌরি অমসুং মহাক মদুরাইদগীনি। মহাক্না মহাক্কী য়ুমগী ফোতোশিং উৎখি অমসুং মহাক্কী থাগৎপা অমসুং বর পীবা অদু পাউদমখি।
প্রধান মন্ত্রীনা ত্বিৎ তৌখি;
“ঙসি ঐনা @crkesavan উনখি, মহাক্কী য়ুমদা চাকথোঙবী অমা ওইনা থবক তৌরিবী এন. সুব্বুলক্ষমীগী নুংশিরবা চিথি অমা উৎখি। মদুরাইদগী লাকখিবী এন. সুব্বুলক্ষমীনা শেন-থুমগী অৱাবশিং য়াওনা খুদোংচাদবা কয়া মায়োক্নখি। মহাক্না প্রধান মন্ত্রী অৱাস য়োজনাগী মখাদা য়ুম শানবা মাইপাক্না হোৎনখি”।
“মহাক্কী চিথি অদুদা, কমদৌনা মহাক্না য়ুম অসি মহাক্কী অহানবা য়ুম ওইখিবগে হায়বদুশু এন. সুব্বুলক্ষমীনা ফোঙদোকখি অমসুং মসিনা মহাক্কী পুন্সিদা ইকায়খুম্নবা অমসুং চিং-লেম্বা পুরক্লে হায়খি। মহাক্না মহাক্কী য়ুমগী ফোতোশিং উৎখি অমসুং মহাক্কী থাগৎপা অমসুং বর পীবা অদু পাউদমখি। মসি অচৌবা থৌনা অমগী হৌরকফম ওইবা বরশিংগা মান্নখি”।
“এন. সুব্বুলক্ষমীজিগুম্বী, প্রধান মন্ত্রী অৱাস য়োজননা মখোয়গী পুন্সিদা অহোঙবা পুরকখ্রবা মশিং থিঙমদ্রবা মীওই কয়া লৈরি। য়ুম অমনা মখোয়গী পুন্সিদা অফবা অহোঙবা কয়া পুরকখ্রে। নুপীশিংদা থৌনা হাপ্পদা য়োজনা অসি মাঙজিল থারি”।
*****
(रिलीज़ आईडी: 1916045)
आगंतुक पटल : 147
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam