ప్ర‌ధాన‌మంత్రి జీవ‌న్ జ్యోతి బీమా యోజ‌న (పిఎంజెజెబివై), ప్ర‌ధాన‌మంత్రి సుర‌క్ష బీమా యోజ‌న (పిఎంఎస్‌బివై) వంటి సూక్ష్మ‌మ బీమా ప‌థ‌కాల క‌వ‌రేజీని గ్రామ పంచాయ‌తీ స్థాయిలో ప్రోత్స‌హించి, పెంచేందుకు తీవ్ర‌మైన మూడు నెల‌ల ప్ర‌చారంలోని ముఖ్యాంశాల గురించి రాష్ట్రాలు/  కేంద్ర‌పాలిత ప్రాంతాల‌కు చెందిన ప్ర‌ధాన కార్య‌ద‌ర్శులు/  సీనియ‌ర్ అధికారుల‌ను సున్నిత‌ప‌రిచి, ప్ర‌భావితం చేసేందుకు సోమ‌వారం జ‌రిగిన విసి స‌మావేశానికి ఆర్థిక మంత్రిత్వ శాఖ‌కు చెందిన ఆర్థిక సేవ‌ల విభాగం (డిఎఫ్ఎస్‌) కార్య‌ద‌ర్శి డాక్ట‌ర్ వివేక్ జోషి అధ్యక్ష‌త వ‌హించారు. మూడు నెల‌ల పాటు01.04.2023 నుంచి 30.06.2023 వ‌ర‌కు సాగ‌నున్న ఈ ప్ర‌చారం దేశంలోని అన్ని జిల్లాల్లోను సాగుతుంది. 
 రాష్ట్రాలలో జ‌నాభా ప‌రిధి, ప‌రిణామం కార‌ణంగా సూక్ష్మ బీమా ప‌థ‌కాల కింద న‌మోదుల‌ను పెంచ‌వ‌ల‌సిందిగా  రాష్ట్రాలు/  కేంద్ర‌పాలిత ప్రాంతాల‌ను ఈ స‌మావేశం సంద‌ర్భంగా విజ్ఞ‌ప్తి చేయ‌డం జ‌రిగింది. ప్ర‌స్తుతం, పిఎంజెజెబివై కింద జ‌రిగిన క్రియాశీల‌క న‌మోదులు 8.3 కోట్లు కాగా పిఎంఎస్‌బివై కింద 23.9 కోట్లు జ‌రిగాయి. ఈ ప‌థ‌కాల‌ కింద రూ. 15,500 కోట్ల క్లెయిముల‌ను చెల్లించారు. 
ఈ ప్ర‌చారం ప్ర‌భావవంతంగా అమ‌లు చేసేందుకు, ప‌ర్య‌వేక్షించందుకు చురుకైన పాత్ర పోషించ‌డం ద్వారా మ‌ద్ద‌తును అందించాల‌ని అన్ని రాష్ట్రాలు/  కేంద్ర‌పాలిత ప్రాంతాల ప్ర‌ధాన కార్య‌ద‌ర్శులను డాక్ట‌ర్ జోషి కోరారు.  
ప‌రిమితిని పెంచే దిశ‌లో ఒక అడుగుగా, సంతృప్త స్థాయి ప్ర‌చారం అర్హులైన గ‌రిష్ట ల‌బ్ధిదారుల‌కు చేరేలా చూసేందుకు డిఎఫ్ఎస్ కార్య‌ద‌ర్శి 13 ఏప్రిల్ 2023 న ప్ర‌భుత్వ రంగ బ్యాంకు అధిప‌తుల‌తో స‌మావేశాన్ని నిర్వ‌హిస్తారు. 

పిఎంజెజెబివై - పిఎంఎస్‌బివై గురించి 
 
సామాజిక భ‌ద్ర‌త క‌వ‌ర్‌లో భాగంగా ముఖ్యంగా బ‌డుగు బ‌ల‌హీన వ‌ర్గాలు స‌హా స‌మాజంలోని పౌరులంద‌రికీ జీవిత‌, ప్ర‌మాద బీమాను అందించడం ల‌క్ష్యంగా పిఎంజెజెబివై, పిఎంఎస్‌బివై ప‌ని చేస్తున్నాయి. ఏ కార‌ణాల‌తో మ‌ర‌ణం సంభవించినా రూ. 2 ల‌క్ష‌ల బీమాను పిఎంజెజెబివై అందిస్తుండ‌గా, పిఎంఎస్‌బివై ప్ర‌మాదంలో మ‌ర‌ణించిన వారికి లేదా పూర్తి శాశ్వ‌త వైక‌ల్యం పొందిన‌వారికి రూ. 2 బీమాను, పాక్షిక లేదా శాశ్వ‌త వైక‌ల్యాన్ని పొందిన వారికి రూ. 1 ల‌క్ష బీమాను అందిస్తుంది. అటువంటి ఘ‌ట‌న‌లు జ‌రిగిన‌ప్పుడు ఈ ప‌థ‌కాల చందాదారుల‌కు /  లేదా వారి కుటుంబాల‌కు అవ‌స‌ర‌మైన ఆర్థిక మ‌ద్ద‌తును ఈ రెండు ప‌థ‌కాలు  అందిస్తాయి. 

***