ফাইনান্স মন্ত্রালয়গী দিপার্তমেন্ত ওফ ফাইনান্সিয়েল সর্বিসশিং (দি.এফ.এস.)কী সেক্রেতরী দা. ৱিবেক জোশিনা গ্রাম পঞ্চায়তকী থাক্তা প্রধান মন্ত্রী জীৱন জ্যোতি বিমা য়োজনা (পি.এম.জে.জে.বি.ৱাই.) অমসুং প্রধান মন্ত্রী সুরক্সা বিমা য়োজনা (পি.এম.এস.বি.ৱাই.)গী খুত্থাংদা মাইক্রো-ইন্সুরেন্স স্কীমশিং য়াম্না হেন্না পাকশন্না শন্দোকপা হেনগৎহন্নবগীদমক্তা য়াম্না কুপ্থনা পাংথোকখিবা থা অহুম শাংবা কেমপেনগী য়াম্না মরু ওইবা ৱাফমশিং অদুবু কঙহন্নবা অমসুং কান্নবা অদুবু খঙহন্নবা রাজ্যশিং/বু.তি.শিংগি চীফ সেক্রেতরীশিং/মরু ওইবা ওফিসিয়েলশিংগা লোইননা ঙরাং পাংথোকখিবা ভি.সি. মীফম অমদা ময়াই তাংবল লৌখি। থা ৩গী কেমপেন অসিনা ০১.০৪.২০২৩দগী ৩০.০৬.২০২৩ ফাওবা লৈবাক অসিদা লৈরিবা জিলা পুম্নমক্তা শিন-থুংনা য়ৌশিল্লগনি।

মীফম অদুদা, রাজ্যশিং/য়ু.তি.শিংনা রাজ্যশিংগী পাক চাউবা অমসুং মীশিং য়াম্বগী চাং অদু য়েংলগা মাইক্রো-ইন্সুরেন্স স্কীমশিং অসিগী মখাদা এনরোলমেন্তশিং হেনগৎহন্নবা থৌগৎখি। হৌজিকমক্কী ওইনদি, পি.এম.জে.জে.বি.ৱাই.গী মখাদা তৌরিবা এক্তিব এনরোলমেন্তশিং অসি পি.এম.এস.বি.ৱাই.গী মখাদা করোর ৮.৩ অমসুং করোর ২৩.৯নি অমসুং চাউরাক্না লুপা করোর ১৫,৫০০গী ক্লেমশিং মসিগী স্কীমশিং অসিগী মখাদা শিংদোকখ্রে।

দা. জোশিনা কেমপেন অসিবু মপুং ফানা থবক ওইনা পাইখৎনবা অমসুং য়েংশিন্নবা হকথেংননা থৌদাং লৌননবগীদমক্তা রাজ্যশিং/য়ু.তি.শিংগী চীফ সেক্রেতরীশিংগী মতেং হায়খি। পাকশন্না শন্দোক্নবগী মাইকৈদা খোংথাং অমা ওইনা দি.এফ.এস.কী সেক্রেতরীনসু মতিক চাবা বেনিফিসরিশিংগী মশিং অদু য়ারিবমখৈ য়াম্না য়ৌহন্নবগীদমক্তা কেমপেন অসিবু মপুং ফাহন্নবা ২০২৩গী এপ্রিল ১৩দা পব্লিক সেক্তর বেঙ্কশিং পুম্নমক্কী মকোকশিংগা লোইননা মিফমশু পাংথোক্লগনি।

পি.এম.জে.জে.বি.ৱাই. অমসুং পি.এম.এস.বি.ৱাই.গী মতাংদা

পি.এম.জে.জে.বি.ৱাই. অমসুং পি.এম.এস.বি.ৱাই. অসিনা সোসিয়েল সেক্যুরিতী কোভরগী শরুক অমা ওইনা প্রজাশিংদা, মরু ওইনা খুনাই অসিগী শোত্থরবা কাংলুপশিং লাইফ অমসুং এক্সিদেন্তেল ইন্সুরেন্স কোভর পীনবগী পান্দম থম্লি। পি.এম.জে.জে.বি.ৱাই.না করিগুম্বা মরম অমদা শিবা নাবা থোকপা মতমদা লুপা লাখ ২গী ইন্সুরেন্স কোভর পীরি অদুগা পি.এম.এস.বি.ৱাই.না শিবা নাবা থোকপা নত্রগা ফুল পর্মাননেন্ত দিসেবিলিতীগীদমক্তা লুপা লাখ ২ অমসুং পার্সিয়েল পর্মানেন্ত দিসেবিলিতীগী কেসতা লুপা লাখ ১ এক্সিদেন্তেল ইন্সুরেন্স কোভর পীরি। স্কীম অনি অসিনা অসিগুম্বা থৌদোকশিং থোকপা মতমদা সবস্ক্রাইবরশিং অমসুং/ নত্রগা মখোয়গী ইমুং-মনুংশিংদা য়াম্না মথৌ তারবা শেলগী তেংবাংশিং পীরি।

****