প্রধানমন্ত্রীগী লোইশঙ
এপ্রিল ১২দা প্রধান মন্ত্রীনা রাজস্থানগী অহানবা বন্দে ভারত এক্সপ্রেস লমথাগনি
দিল্লি কেন্তোমেন্ত অমসুং অজমর শম্নবা ত্রেন অসি চপ মান্নবা রুত্তা চেল্লিবা শতাব্দী এক্সপ্রেসকা চাংদম্নবদা মিনিত ৬০ য়াংখৎকনি
অজমর-দিল্লি কেন্তোমেন্ত বন্দে ভারত এক্সপ্রেস অসি হায় রাইজ ওভরহেদ ইলেক্ত্রিক(ও ঐচ ই) তেরিতোরিদা চেনবা মালেমগী অহানবা সেমি হায় স্পিৎ পেসেঞ্জর ত্রেন ওইরগনি
Posted On:
10 APR 2023 7:41PM by PIB Imphal
এপ্রিল ১২,২০২৩গী অয়ুক পুং ১১দা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা রাজস্থানগী অহানবা বন্দে ভারত এক্সপ্রেস লমথাগনি। হৌদোকপগী ত্রেন অসি জয়পুর অমসুং দিল্লি কেন্তোমেন্ত রেলৱে স্তেসন অনিগী মরক্তা চেনগনি। এপ্রিল ১৩,২০২৩দগী বন্দে ভারত এক্সপ্রেস চাং নাইনা অজমর অমসুং দিল্লি কেন্তোমেন্তগী মরক্তা চেনবা হৌগনি অমসুং জয়পুর, অলৱার অমসুং গুরগাউন্দা লেপকনি।
অনৌবা বন্দে ভারত এক্সপ্রেস অসিনা দিল্লি কেন্তোমেন্ত অমসুং অজমরগী মরক্কী অরাপ্পা অসি পুং ৫:১৫দা চেনগনি। হায়রিবা রুত অসিদা হৌজিক খ্বাইদগী য়াংবা ত্রেন অমা ওইনা, শতাব্দী এক্সপ্রেসনা পুং ৬:১৫ চঙনা দিল্লি কেন্তোমেন্তদগী অজমর ফাওবা চেল্লি। দিল্লি কেন্তোমেন্ত অমসুং অজমর শম্নবা ত্রেন অসি চপ মান্নবা রুত্তা চেল্লিবা শতাব্দী এক্সপ্রেসকা চাংদম্নবদা অনৌবা বন্দে ভারত এক্সপ্রেসনা মিনিত ৬০ য়াংখৎকনি।
অজমর-দিল্লি কেন্তোমেন্ত বন্দে ভারত এক্সপ্রেস অসি হায় রাইজ ওভরহেদ ইলেক্ত্রিক(ও ঐচ ই) তেরিতোরিদা চেনবা মালেমগী অহানবা সেমি হায় স্পিৎ পেসেঞ্জর ত্রেন ওইরগনি। ত্রেন অসিনা রাজস্থানগী মরুওইবা লমকোয়ফমশিং হায়বদি পুস্কার, অজমর, অজমর সারিফ দার্গহ য়ৌবগী খুদোংচাবা হেনগৎহল্লগনি। চৎথোক-চৎশিনগী খুদোংচাবা হেনগৎলকপা অসিনা লমদম অসিগী শেন-থুমগী ফিবমশু ফগৎলগনি।
****
(Release ID: 1915503)
Visitor Counter : 110
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam