খুরুমজরি!

ঐনা ময়ামগী মফমদা ভারতকী মীওই বিলিয়ন ১.৪গী য়াইফ-পাউজেল পুজরক্লি‍।

মীয়াম্না মীখল তৌদুনা লুচিংবা হাপ্পবগী ৱাখল্লোন অসি মালেমগী ওইনা চৎনদ্রিঙৈ মতম কয়াগী মমাঙদগী অরিবা ভারতকী মশক অমা ওইরম্মী‍। ঐখোয়নী অরিবা এপিক মহাভারত্তা, পীরিবা মীয়ামগী অহানবা থৌদাংদি মখোয়গী লুচিংবা খনবনি হায়রি‍।

ঐখোয়গী শেংলবা বেদশিংনা রাজনিতীগী পাঙ্গল অসি পাক চাউবা কন্সলতেতিব বোদীশিংনা পাঙথোরকপগী মরমদা হায়রি‍। নিংথৌ অসি চারোন শুরোন্না মথং মথং ওইরমদবা অরিবা মতমগী ভারতকী রিপব্লিক লৈবাকশিংগী পুৱারীগী ওইবা মচাক কয়া অমসু লৈরি‍। ভারত অসি তশেংনমক দিমোক্রেসীগী মমানি‍।

এক্সেলেন্সীশিং,

দিমোক্রেসী অসি শুপ্নতগী স্ত্রকচর অমা নত্তে, মসি স্পিরিৎ অমসুনি‍। মসি মীওইবা খুদিংমক্কী অপাম্বা অমদি মথৌ তাবশিং চপ মান্নৈ হায়না ৱাখল্লোন্দা য়ুম্ফম ওইবনি‍। মরম অসিননি, ভারত্তা ঐখোয়বু লমজিংলিবা ৱাখল্লোন অসি “সবকা সাখ, সবকা বিকাস”, হায়বদি “পুন্না চাউখৎমিন্ননবগীদমক পুন্না হোৎনমিন্নবা” হায়বসিনা ওইরিবা‍।

পুন্সি মহিং হোংদোক্তুনা অইং-অশাগী খল কায়থরকপা থেংনবা, দিস্ত্রিব্যুতেদ স্তোরেজকী খুত্থাঙদা ঈশিং য়োকশিনবা, নৎত্রগা মীপুম খুদিংমক্তা তরু তরুবা চাকথোং শিং ফংহনববু ওইরবসু হায়খৎলিবা থৌরাং পুম্নমক ভারতকী মীওইশিংগী পুন্না হোৎনমিন্নবগী পাঙ্গলনা মথৌ হাপ্লিবনি‍।

কোবিদ-১৯ মনুংদা, ভারতকী রেসপোন্স মীয়াম্না থৌদুনা চৎপা ওইখি‍। ভারত্তা পুথোকচবা ভেক্সিন দোজ বিলিয়ন ২ হেন্না কাপ্পা ঙমহনখ্রিবসি মখোয়ননি‍। ঐখোয়গী “ভেক্সিন মাইত্রি” থৌরাংনা মালেমগী মফমদা ভেক্সিন মিলিয়ন কয়া ফংহনখি‍।

মসিসু “বসুদেব কুতুম্বকম” – মালেম অমা, ইমুং অমা, তুংলমচৎ অমা হায়রিবা দিমোক্রেসীগী স্পিরিৎ অসিনা লমজিংখিবনি‍।

এক্সেলেন্সীশিং,

দিমোক্রেসীগী মতিক ময়াইগী মরমদা শিংথানিংঙাই য়াম্না লৈ, অদুবু ঐনা হায়গদবা ৱাফমদি: ভারতনা, মালেমগী শিংনবা কয়া লৈদুনসু, ঙসি খ্বায়দগী খোঙজেল য়াঙনা চেনখৎলক্লিবা শেন্মিৎলোন ওইরি‍। মসিমক মালেমসিদা দিমোক্রেসীগী খ্বায়দগী ফবা এদভর্তাইজমেন্তনি‍। মসিমক্না দিমোক্রেসীনা পীবা ঙম্বা মতিং অদু তাক্লি‍।

সেসন অসিগী চেয়র লৌবিবগীদমক প্রেসিদেন্ত য়ুনবু থাগৎচরি‍।

অমদি মশক নাইরবা লুচিংবা পুম্নমকপুসু থৌরমসিদা শরুক য়াবিবগীদমক থাগৎচরি‍।

ময়ামবু ঙমখৈ লৈতনা থাগৎচরি‍।

***