শেনমিৎলোন্দা মন্ত্রীমন্দলগী মীফম (সি.সি.ই.এ.)

মন্ত্রী মন্দলনা প্রধান মন্ত্রী উজ্জ্বলা য়োজনা কঞ্জ্যুমরশিংদা পীবা তার্গেতেদ সবসিদী অয়াবা পীরে

Posted On: 24 MAR 2023 9:14PM by PIB Imphal

ইকায়খুম্নরবা প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক এফ্যার্সনা প্রধান মন্ত্রী উজ্জ্বলা য়োজনা (পি.এম.য়ু.ৱাই.)গী বেনিফিসরীশিংদা কিলোগ্রাম ১৪.২গী সিলিন্দর অমদা লুপা ২০০গী সবসিদী চহিদা রিফিল ১২ ফাওবা পীননবা অয়াবা পীখ্রে‍। মার্চ ১, ২০২৩ ফাওবদা পি.এম.য়ু.ৱাই. বেনিফিসরী করোর ৯.৫৯ লৈরে‍।

মসিগী অপুনবা এক্সপেন্দিচর শেনবা চহি ২০২২-২৩গী লুপা করোর ৬,১০০ অদুগা শেনবা চহি ২০২৩-২৪গীনা লুপা করোর ৭,৬৮০ ওইগনি‍। সবসিদী অসি ইলিজিবল ওইবা বেনিফিসরীশিংগী বেঙ্ক একাউন্ততা হকথেংননা চঙহনবনি‍। ইন্দিয়ন ওইল কোর্পোরেসন লিমিতেদ (আই.ও.সি.এল.), ভারত পেত্রোলিয়ম কোর্পোরেসন লিমিতেদ (বি.পি.সি.এল.) অমদি হিন্দুস্তান পেত্রোলিয়ম কোর্পোরেসন লিমিতেদ (ঐচ.পি.সি.এল.) হায়রিবা পব্লিক সেক্তর ওইল মার্কেতিং কম্পেনীশিং অসিনা হান্ননা মে ২২, ২০২২দগী হৌনা সবসিদী অসি পীদুনা লাক্লিবনি‍।

তোঙান তোঙানবা জিওপোলিতিকেল মরমশিংনা মরম ওইরগা এল.পি.জি.গী মালেমগী মমলদা খঙহেন হেনগৎলকখ্রে‍। পি.এম.য়ু.ৱাই বেনিফিসরীশিং এল.পি.জি. মমল ৱাংলিবসিদগী ঙাকথোকপা মথৌ তাই‍।

পি.এম.য়ু.ৱাই. কঞ্জ্যুমরশিংদা পীবা তার্গেতেদ সপ্পোর্তনা মখোয়বু এল.পি.জি. লেপ্তনা শীজিন্নহন্নবা পুক্নিং থৌগৎলি‍। পি.এম.য়ু.ৱাই. কঞ্জ্যুমরশিংবু হেন্না লু-নানবা চাকথোং থাউ/শীংদা মপুং ফানা ওনশিনহল্লক্নবগীদমক এল.পি.জি. লেপ্তনা শীজিন্নহনবা অসি মরুওই‍। পি.এম.য়ু.ৱাই. কঞ্জ্যুমরশিংগী এল.পি.জি. শীজিন্নবগী চাংচৎ ২০১৯-২০দা রিফিল ৩.০১ ওইরম্বদগী ২০২১-২২দা ৩.৬৮ ওইরক্তুনা চাদা ২০ হেনগৎলে‍। পি.এম.য়ু.ৱাইো বেনিফিসরী পুম্নমক তার্গেতেদ সবসিদী অসি লৌবা য়াই‍।

তরু তরুবা চাকথোং থাউ/শীং ওইরিবা, লিকুইফাইদ পেত্রোলিয়ম গ্যাস (এল.পি.জি.)বু খুঙ্গংদা অমদি চাকথুং ফিথুংদ্রবা লায়রবা য়ুমথোঙশিংদা ফংহন্নবগীদমক, লৈঙাক্না লায়রবা ইমুংশিংগী নুপী অহলশিংদা দিপোজিৎ য়াওদবা এল.পি.জি. কন্নেক্সন পীননবগীদমক মে ২০১৬দা প্রধান মন্ত্রী উজ্জ্বলা য়োজনা হৌদোকখিবনি‍।

*****



(Release ID: 1910597) Visitor Counter : 111