প্রধানমন্ত্রীগী লোইশঙ
পি.এম.না কর্নাতকাগী মান্দ্যাদা মরু ওইবা চাউখৎ-থৌরাংগী প্রোজেক্তশিং উরেপ-উয়ুং তমখ্রে অমসুং কত্থোকখ্রে
বেঙ্গলুরু-মৈসুরু এক্সপ্রেসৱে জাতিদা কত্থোকখ্রে
মৈসুরু-কুশলনগরগী লেন-৪গী হায়ৱেগী উরেপ-উয়ুং তমখ্রে
“ঙসি কর্নাতকাদা হৌদোকখিবা স্তেৎ-ওফ-দি-আর্ত রোদ ইনফ্রাস্ত্রকচর প্রোজেক্তশিংনা রাজ্য শিনবা থুংনা কন্নেক্তিবিতী শাহৌ পীরগনি অমসুং ইকনোমিক গ্রোথ মপাঙ্গল কনখৎহল্লগনি”
“‘ভারতমালা’ অমসুং ‘সগরমালা’ অসিগুম্বা থৌশিলশিংনা ভারতকী লেন্দস্কেপতা অওনবা পুরক্লি”
“চহি অসিগী বজেৎতা লৈবাক্কী ইনফ্রাস্ত্রকচর শেমগৎনবা লুপা করোর লাখ ১০ হেন্না এল্লোকেৎ তৌখি”
“অফবা ইনফ্রাস্ত্রকচরনা ‘ইজ ওফ লিবিং’ হেনগৎহল্লি। মসিনা চাউখৎপগী অনৌবা খুদোংচাবশিং ফংহল্লি”
“মান্দ্যা রিজনগী লৌমী লাখ ২.৭৫ হেনবদা পি.এম. কিসান সম্মান নিধিগী মখাদা কেন্দ্র সরকারনা করোর ৬০০ পীথখি”
“লৈবাক অসিদা দিকেদ কয়া পন্দুনা লৈরুরবা ইরিগেসন প্রোজেক্তশিং খোঙজেল য়াংনা লোইশিল্লি”
“ইথানোলদা মীৎয়েং চংবনা চু থারিবা লৌমীশিংদা মতেং পাংলগনি”
Posted On:
12 MAR 2023 2:26PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি কর্নাতকাগী মান্দ্যাদা মরু ওইবা চাউখৎ-থৌরাংগী প্রোজেক্তশিং কত্থোকখ্রে অমসুং উরেপ-উয়ুং তমখ্রে। প্রোজেক্তশিং অসিদা বেঙ্গলুরু-মৈসুরু এক্সপ্রেসৱে জাতিদা কত্থোকপা অমসুং মৈসুরু-কুশলনগর ৪-লেন হায়ৱেগী উরেপ উয়ুং তম্বা য়াওরি।
থৌরম অসিদা প্রধান মন্ত্রীনা লাইরেম্বী ভুনেশবারি অমসুং অদিচুনচানাগিরি অমসুং মেলুকোতেগী গুরুশিংদা ইকাই খুম্নবা উৎতুনা ৱা ঙাংবা হৌখি। প্রধান মন্ত্রীনা রাজ্য অসিগী তোঙান তোঙানবা শরুকশিংদা লৈরিবা কর্নাতকাগী মীয়ামগী মরক্তা য়াওবা ফংজবা অসিদা নুংঙাইবা ফোঙদোকখি অমসুং মঙোন্দা মীয়াম্না থৌজালশিং পীবীবগীদমক থাগৎপা ফোঙদোকখি। প্রধান মন্ত্রীনা মান্দ্যাদা মীয়াম্না মহাকপু ওকপীরম্বা অদু অখন্ননা পনখি অমসুং মখোয়গী থৌজালশিং অদু নুংশিবনা থল্লি হায়খি। রাজ্য অসিগী মীয়াম্না উৎলিবা মীনুংশি অমসুং থৌজালশিংগী মতাংদা প্রধান মন্ত্রীনা হায়খি দবল-ইঞ্জিন সরকারনা খোঙজেল য়াংনা চাউখৎপা পুরকপগা লোয়ননা প্রজা খুদিংমক্কী দিমান্দশিং থুংহন্নবা হোৎনরি। মহাক্না হায়খি ঙসিগী লুপা করোর লিশিং কয়াগী ইনফ্রাস্ত্রকচর প্রোজেক্তশিং অসি কর্নাতকা মীয়ামগীদমক দবল-ইঞ্জিন সরকারনা পাইখৎপা অদুগুম্বা খোঙথাংশিংগী শরুক অমনি।
বেঙ্গলুরু-মৈসুরি এক্সপ্রেসৱেগী মরমদা লৈবাক্না ঙাংনরিবা অসিগী মতাংদা প্রধান মন্ত্রীনা হায়খি মদুদি লৈবাক্কী নহারোলশিংনা অসিগুম্বা মোদর্ন অমসুং য়াম্না ক্বালিতী লৈবা এক্সপ্রেসৱেশিংগীদমক চাউথোকচবা পোক্লি। এক্সপ্রেসৱে অসিনা মৈসুরু অমসুং বেঙ্গলুরুগী মরক্তা চৎথোক-চৎশিন তৌবদা চংলম্বা মতম শরুক তঙ্খাই হন্থহল্লগনি। মহাক্না মৈসুরু-কুশলনগর ৪-লেন হায়ৱেগী উরেপ-উয়ুং তমখি হায়নসু ফোঙদোকখি অমসুং প্রোজেক্তশিং অসিনা ‘সবকা বিকাস’কী ৱাখল্লোন হেন্না হেনগৎহল্লগনি অমসুং চাউখৎপগী থোং হাংলগনি। প্রধান মন্ত্রীনা কর্নাতকাগী মীয়ামবু প্রোজেক্তশিং অসিগীদমক নুংঙাইবা ফোঙদোকখি।
প্রধান মন্ত্রীনা ভারতকী ইনফ্রাস্ত্রকচর শেমগৎপগী মতাংদা মশক নাইবা অথোইবা মীশক অনি নীংশিংখি। প্রধান মন্ত্রীনা হায়, “কৃষ্ণরাজা ৱাদিয়র অমসুং সর এম বিস্বেস্বরয়্যা, কর্নাতকাগী অথোইবা মচানুপাশিংনা লৈবাক অসিদা অনৌবা বিজন অমসুং শক্তি পীখি। মশক নাইবা মীওইশিং অসিনা খুদোংথিববু খুদোংচাবদা ওন্থোকখি অমসুং ইনফ্রাস্ত্রকচরগী মরু ওইবা অদু খঙখি অমসুং হৌজিক্কী মীরোলনা মখোয়গী খোঙথাংশিংগী কান্নবশিং ফংলিবা অসি লাইবক ফবনি”। প্রধান মন্ত্রীনা লৈবাক অসিনা মখোয়গী খুদুং ইন্দুনা এদভান্স ইনফ্রাস্ত্রকচর প্রোজেক্তশিং শেমগৎলি হায়না ফোঙদোকখি। প্রধান মন্ত্রীনা হায়, “ভারতমালা অমসুং সাগরমালা য়োজনানা ঙসি ভারত অমসুং কর্নাতকাগী লেন্দস্কেপতা অওনবা পুরক্লি”। মহাক্না হায়খি মদুদি মালেম পুম্বনা কোরোনা লাইচৎকী চৈথেং নংজরবসু লৈবাক্কী ইনফ্রাস্ত্রকচর বজেৎ অসি শরুক কয়া হেনগৎহনখি। মহাক্না হায়খি চহি অসিগী বজেৎতা লৈবাক্কী ইনফ্রাস্ত্রকচর শেমগৎনবা লুপা করোর লাখ ১০ হেন্না এল্লোকেৎ তৌখি। প্রধান মন্ত্রীনা মখা তারদুনা হায়, নুংঙাইহনবগী মথক্তা ইনফ্রাস্ত্রকচরনা থবকশিং, ইনভেস্তমেন্ত অমসুং শেল তান্নবা খুদোংচাবশিং পুদুনা লাক্লি। মহাক্না হায়খি কর্নাতকা খক্তদা সরকারনা হন্দক চহি খরা অসিদা হায়ৱেগা মরী লৈনবা প্রোজেক্তশিংদা লুপা করোর লাখ ১ হেন্না ইনভেস্ত তৌখি।
বেঙ্গলুরু অমসুং মৈসুরু অসি কর্নাতকাগী মরু ওইবা সহরশিংনা হায়রদুনা প্রধান মন্ত্রীনা তেক্নোলোজী অমসুং ত্রেদিসনগী হব অনিগী মরক্তা কন্নেক্তিবিতী ফগৎহনবা হায়বা অসি মাইকৈ কয়াদগী মরু ওই। মহাক্না হায়খি মীয়াম্না সহর অনিগী মরক্তা চৎথোক-চৎশিন তৌবদা ত্রাফিক য়াম্না চিনবগী তোইনা ৱাকৎতুনা লাকখি অমসুং এক্সপ্রেসৱে অসিনা সহর অনিগী মরক্তা চৎথোক চৎশিন তৌবগী মতম অসি পুং অমা মখাই হন্থহল্লগনি অমসুং রিজন অসিগী শেন্মীৎলোনগী থবক থৌরমদা ইনোৎ অমা হাপ্লগনি।
বেঙ্গলুরু-মৈসুরু এক্সপ্রেসৱে অসিনা রামনগর অমসুং মান্দ্যাগী হেরিতেজ তাউন ফাওদুনা চৎলি হায়রদুনা প্রধান মন্ত্রীনা তুরিজমগী পোতেন্সিএলদা শাহৌ পীবা খক নত্তনা মা কাবেরিগী পোক্নফম ওইরিবা অসিদা লাকপদা খুদোংচাহল্লগনি হায়না ফোঙদোকখি। প্রধান মন্ত্রীনা নোংজু থা মনুংদা লৈবাক নীংখাইবনা মতম চুপ্পদা শোকহন্দুনা লাকখিবা বেঙ্গলুরু-মেঙ্গলুরু হায়ৱে অসিনা রিজন অসিগী পোর্ত কন্নেক্তিবিতীদা অকাইবা পীদুনা লাকখিবা অদু বেঙ্গলুরু-মেঙ্গলুরু হায়ৱে পাকথোক-চাউথোরকপনা কোকহনবা ঙম্লগনি। হাক্না হায়খি মদুদি রিজন অসিগী ইন্দস্ত্রীশিংনা কন্নেক্তিবিতী হেনগৎলকপগা লোয়ননা খুমাং চাউশিনবা ঙম্লগনি।
প্রধান মন্ত্রীনা মমাংগী সরকারশিংগী মীনুংশি লৈতবা থৌশিলশিংবু চৈখি অমসুং লায়রবশিংগী চাউখৎ থৌরাংগীদমক কাইথখিবা শেল কয়া লান্না শীজিন্নখি হায়না ফোঙদোকখি। মহাক্না হায়, ২০১৪দা লায়রবা কাংলুপশিংগী অৱাবা খঙবা লায়রবশিংগী সেন্সিতিব গভর্নমেন্ত অমা লাকখি। সরকারনা লায়রবগী শেবা তৌনবা লেপ্তনা হোৎনখি অমসুং য়ুম, তোতি ঈশিং, উজ্জ্বলা গ্যাস কন্নেক্সন, ইলেক্ত্রিসিতী, লম্বী-থোং, হোস্পিতালশিং অমসুং লায়রবগীদমক অনা লায়েংদা ৱাখল ৱারম্বা অদু হন্থহনবদা মীৎয়েং চংখি। মহাক্না হায় হৌখিবা চহি ৯ অসিদা সরকারনা লায়রবশিং য়ুমথোংশিংদা চৎতুনা মখোয়গীদমক ইজ ওফ লিবিং ফংহনখি অমসুং মিসন মোদতা সেচুরেসন ফংবা ঙমখি।
মতম শাংনা থেংনদুনা লাকখিবা সমস্যাশিংগী মতম চুপ্পগী ৱারোইশিন অমা পীনবা সরকারগী থৌশিলগী মতাংদা প্রধান মন্ত্রীনা হায়খি হৌখিবা চহি ৯দা য়ুম করোর ৩ শাখি মসিগী মনুংদা য়ুম লাখ কয়া কর্নাতকাদা শাখি অমসুং অনৌবা য়ুম লাখ ৪০া জল জীবন মিসনগী মখাদা তোতি ঈশিং ফংহনখি। প্রধান মন্ত্রীনা হায় চহি অসিগী বজেৎতা অপ্পর ভাদ্রা প্রোজেক্তকীদমক লুপা করোর ৫,৩০০ এল্লোকেৎ তৌখি অমরোমদা দিকেদ কয়া পন্দুনা লাকখিবা ইরিগেসন প্রোজেক্তশিং খোঙজেল য়াংনা লোইশিনবা ঙমখি। মহাক্না হায়খি রিজন আসিগী মীয়াম্না মায়োক্নরিবা ইরিগেসনগী সমস্যাশিং অসি মসিগা লোয়ননা কোকহনবা ঙম্লগনি। কর্নাতকাগী লৌমীশিংনা মায়োক্নরিবা অপীকপা সমস্যাশিংগী সোল্যুসনশিং পীবগী মথক্তা সরকার অসিনা পি.এম. কিসান সম্মান নিধি য়োজনাগী খুত্থাংদা কর্নাতকাগী লৌমীশিংগী বেঙ্ক একাউন্তশিংদা লুপা করোর ১২,০০০ হকথেংননা ত্রান্সফর তৌখি হায়রিবা অসিদা কেন্দ্র সরকারনা মান্দ্যা রিজনদগী লৌমী লাখ ২.৭৫দা লুপা করোর ৬০০ পীখি হায়না প্রধান মন্ত্রীনা ফোঙদোকখি। প্রধান মন্ত্রীনা কর্নাতকা সরকারপু পি.এম. কিসান সম্মান নিতিগী লুপা ৬০০০কী ইন্সতোলমেন্তদা লুপা ৪০০০ হাপখিবগীদমক থাগৎপা ফোঙদোকখি। মহাক্না হায়, “দবল-ইঞ্জিন সরকার অসিদা লৌমীশিংনা কান্নবা শরুক অনি হেন্না ফংলি”।
প্রধান মন্ত্রীনা হায়খি সুগর মিলশিংগী চু থারিবা লৌমীশিংগী মতম শাংনা পীথোক্তনা লাকখিবা শেনফম অসিনা মহৈ-মরোংগী মতমদা তম্বা ঙমদবা অমা পোকহল্লি। প্রধান মন্ত্রীনা হায়খি ইথানোল পুথোরকপা অসিনা মসিগী সমস্যা অসি চাউনা কোকহনবা ঙমগনি। বম্পর ক্রোপকী মতাংদা অহেনবা চুনা ইথানোল পুথোক্লগনি, মসিনা লৌমীশিংদা লেপ্তনা শেন্থোক লৈহনবা ঙম্লগনি। মহাক্না হায়খি মমাং চহিদা লৈবাক্কী সুগর মিলশিংনা লুপা করোর লিশিং ২০রোমগী ইথানোল ওইল কম্পনীশিংদা য়োনখি মসিনা চু থারিবা লৌমীশিংদা মতম চানা শেল পীথোকপা ঙমহনখি। মহাক্না মখা তারদুনা হায়খি ২০১৩-১৪দগী হৌনা লুপা করোর লিশিং ৭০রোমগী ইথানোল সুগর মিলশিংদগী লৈখি অমসুং শেনফম অদু লৌমীশিংদা য়ৌহনখি। চহি অসিগী বজেৎতসু চু থারিবা লৌমীশিংগীদমক প্রোবিজন কয়া শেমখি, মসিদা সুগর কোওপরেতিবশিংগীদমক লুপা করোর লিশিং ১০গী তেংবাং য়াওখি অমসুং তেক্সকী রিবেৎনা লৌমিশিংদা কান্নবা পীরগনি।
প্রধান মন্ত্রীনা হায়খি ভারত অসি খুদোংচাবনা থনবা লমদম অমনি অমসুং মালেম শিনবা থুংবদগী মীয়াম্না লৈবাক আসিদা মীৎয়েং চংনরি। মহাক্না আয় ভারতনা ২০২২দা রেকোর্দ ওইনা ফোরেন ইনভেস্তমেন্তশিং ফংখি অমসুং কর্নাতকানা লুপা করোর লাখ ৪ হেনবগী ইনভেস্তমেন্ত ফংদুনা খ্বাইদগী চাউবা বেনিফিসরী ওইখি। প্রধান মন্ত্রীনা হায়খি, “মসিগী রেকোর্দ ইনভেস্তমেন্ত অসিনা দবল-ইঞ্জিন সরকারগী খোঙথাংশিং অদু উৎলি”। আই.তি.গী মথক্তা বাইওতেক্নোলোজী, দিফেন্স মেন্যুফেকচরিং অমসুং ই.ভি. মেন্যুফেকচরিং অসিগুম্বা ইন্দস্ত্রীশিং অসি খোঙজেল য়াংনা পাকথোক চাউথোরক্লি অমরোমদা এরোস্পেস অমসুং স্পেস গুম্বা ইন্দস্ত্রীশিংনসু অমুক্তা উখিদ্রিবা মওংদা ইনভেস্তমেন্ত লাকপা উবা ফংলি।
দবল ইঞ্জিন সরকারগী খোঙথাংশিংগা লোয়ননা অমুক্তা ওইখিদ্রিবা চাউখৎ-থৌরাং পুরকপগা লোয়ননা প্রধান মন্ত্রীনা রাজনিতী দল খরনা মোদীগী মোংফম তৌবগী মঙলানশিং শাগৎপদা থবক চিল্লি অমরোমদনা মোদীনা বেঙ্গলুরু-মৈসুরু এক্সপ্রেসৱেগী চাউখৎ-থৌরাংগী থবক তৌদুনা অমসুং লায়রবশিংগী পুন্সি নুংঙাইনবা হোৎনবদা থবক চিল্লি। মহাক্না মহাক্কী দিত্রেক্তরশিংদা মহাক্কী ঙাকলৌ ওইনা ইমা, ইচে-ইচলশিং অমসুং ইচানুপীশিং অমদুং ভারত মীয়ামগী থৌজালশিং লৈরি হায়না চেকশিনৱা থমখি। ৱারোল পীবা লোইশিনবদা প্রধান মন্ত্রীনা ঙসিগী প্রোজেক্তশিং অসিগীদমক কর্নাতকাগী মীয়ামদা নুংঙাইবা ফোঙদোকখি অমসুং হায়খি, “দবল-ইঞ্জিন সরকারনা কর্নাতকাদা খোঙজেল য়াংনা চাউখৎ-থৌরাং পুরকপা হায়বা অসি মরু ওইনা লৌরি”।
থৌরম অদুদি কর্নাতকাগী মুখ্য মন্ত্রী শ্রী বসবরা বোম্মৈ, রোদ ত্রান্সপোর্ত অমসুং হায়ৱেজকী কেন্দ্র মন্ত্রী, শ্রী নিতিন গদকরী অমসুং পার্লিয়ামেন্তরী এফিয়র্সকী কেন্দ্র মন্ত্রী, শ্রী প্রলহাদ জোশী, মান্দ্যাগী মেম্বর ওফ পার্লিয়ামেন্ত, শ্রীমতি সুমালতা অম্বারীজ অমসুং কর্নাতকা সরকারগী মন্ত্রীনা শরুক য়াখি।
বেকগ্রাউন্দ
ইনফ্রাস্ত্রকচর প্রোজেক্তশিং শেমগৎপা খুমাং চাউশিল্লকপা অসি লৈবাক অসিদা মালেম থাক্কী লম্বী-থোং শেমগৎনবা প্রধান মন্ত্রীগী মঙলান থবক ওইনা পাঙথোরকপগী খুদম অমনি। মাইকৈ অসিদা খুমাং চাউশিনবা ওইনা, প্রধান মন্ত্রীনা লৈবাক মীয়ামদা বেঙ্গলুরু-মৈসুরু এক্সপ্রেসৱে কৎথোকখি। প্রোজেক্ত অসিদা এন.ঐচ-২৭৫গী বেঙ্গালুরু-নিদাঘাত্তা-মৈসুরু সেক্সন লেন ৬ ওনখৎপা য়াওরি। কিলোমিতর ১১৮ শাংবা প্রোজেক অসি চাউরাক্না লুপা করোর ৮৪৮০ চঙনা পায়খৎপনি। মসিনা বেঙ্গালুরু অমসুং মাইসুর অনিগী মরক্তা চৎথোক-চৎশিন তৌবদা চঙবা মতম চাউরাক্না পুং ৩দগী মিনিত ৭৫দা হন্থহনগনি। মসিনা লমদম অসিদা খুন্নাই অমসুং শেন-থুম চাউখৎহনবদা মতেং পাংগনি।
প্রধান মন্ত্রীনা মৈসুরু-কুসালনাগর ৪-লেন হায়ৱেগী উরেপ-উয়ুং তমগনি। কিলোমিতর ৯২ শাংবা প্রোজেক অসি চাউরাক্না লুপা করোর ৪১৩০ চঙনা পায়খৎকদবনি। প্রোজেক অসিনা বেঙ্গালুরু অমসুং কুশলনগর অনিগী মরক্তা চৎথোক-চৎশিন তৌবদা চঙবা মতম চাউরাক্না পুং ৫দগী পুং ২.৫ দা হন্থহনগনি।
*****
(Release ID: 1906144)
Visitor Counter : 108
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam