প্রধান মন্ত্রী শ্রী নরেন্দ্র মোদীনা মার্চ ১১ ২০২৩গী অয়ুক পুং ১০রোম তারকপদা ‘পি.এম. বিশ্বাকর্ম কৌশল সম্মান (পি.এম. বিকাস)’ হায়বা বজেৎ মতুংগী ৱেবিনার অমদা ৱা ঙাংগনি। মসি কেন্দ্রগী বজেৎতা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোনশিং অমসুং সজেসনশিং লৌনবা ভারত সরকারনা পাঙথোকপা বজেৎ মতুংগী ৱেবিনার ১২গী সিরিজ অমগী শরুক্নি। ‘পি.এম. বিশ্বাকর্ম কৌশল সম্মান (পি.এম. বিকাস)’না দোমেস্তিক অমসুং গ্লোবেল ভেল্যু চেনশিংগা লোয়ননা আর্তিসেনশিং/খুৎহৈবা মীওইশিংগা ইন্তিগ্রেৎ তৌদুনা মখোয়গী প্রদক্তশিং/সর্ভিসশিংগী ক্বালিতী, স্কেল অমসুং রীচ হেনগৎহন্নবা পান্দম থম্মি।

ৱেবিনার অসিদা মখাদা পীরিবা থিমশিং অসি কোনশিল্লিবা ব্রেক আউৎ সেসন ৪ য়াওগনি:

১. দিজিতেল ত্রাঞ্জেক্সনশিং অমসুং সোসিএল সেক্যুরিতীগীদমক ইনসেন্তিবশিং য়াওনা এফোর্দেবল ফাইনান্স এক্সেস তৌবা ফংহনবা

২. এদভান্স স্কিল ত্রেনিং অমসুং মোদর্ন তুল অমদি তেক্নোলোজী এক্সেস তৌবা ফংহনবা

৩. দোমেস্তিক অমসুং গ্লোবেল মার্কেৎশিংগা লোয়ননা লিঙ্ক তৌনবা মার্কেতিং সপ্পোর্ত পীবা

৪. স্কিমগী স্ত্রকচর, বেনিফিসরীশিং মশক খঙদোকপা অমসুং ফ্রেমৱার্ক ইমপ্লিমেন্ত তৌবা

মরী লৈনবা কেন্দ্র সরকারগী মন্ত্রালয়শিংগী মন্ত্রীশিং অমসুং সেক্রেতরীশিংগী মথক্তা রাজ্য সরকারগী ওফিসিএলশিংগা লোয়ননা ইন্দস্ত্রী, আর্তিসেনশিং, ফাইনান্সিএল ইন্সতিত্যুসনশিং, এক্সপর্তশিং, ওন্তপ্রিনোরশিং অমসুং এসোসিএসনশিংগী স্তেকহোল্দরশিং অমসুং এম.এস.এম.ই. অমসুং তেক্সতাইল্স মন্ত্রালয়শিংনা ৱেবিনারশিংদা শরুক য়াগনি অমসুং বজেৎতা লাউথোকখিবশিং নীংথিনা ইমপ্লিমেন্ত তৌনবগীদমক সজেসনশিং পীদুনা শরুক তমগনি।

*******