শ্রী রাজেশ মলহোত্রা ঙসি প্রিন্সিপাল দাইরেক্তর জেনরেল, প্রেস ইনফোর্মেশন ব্যুরো (পি.আই.বি.) ওইনা চার্জ পুখ্রে। শ্রী মলহোত্রানা ঙরাং শ্রী সত্যেন্দ্র প্রকাশনা থবক্তগী পোত্থারবা মতুংদা ফম অসি পায়খি।

১৯৮৯ বেছকী ইন্দিয়ন ইনফোর্মেশন সর্বিস (আই.আই.এস.) ওফিসার অমা ওইরিবা শ্রী রাজেশ মলহোত্রা মসিগী মমাংদা ২০১৮গী জনুৱারীদগী ফাইনান্স মিনিস্ত্রীদা থবক তৌরম্মি। কোবিদ-১৯ লাইচৎ মনুংদা মহাক্না ফাইনান্স মিনিস্ত্রীদা মিদীয়া অমসুং কমুনিকেসন পোলিসী ইফেক্তিব ওইনা থৌগৎতুনা মীয়ামদা রিলিফ ফংহন্নবা অমদি ইকোনোমিক বেলেন্স ঙাক্তুনা থম্নবা ভারত সরকারনা লাউথোকখিবা তোঙান-তোঙানবা আত্মনির্ভর ভারত পেকেজশিং ফংহনবগী থবক তৌখি।  

শ্রী মলহোত্রা অসি ফাইনান্স, কম্পেনী এফিয়ার্স, এগ্রীকলচর, পাৱর, কোল, মাইনস, কমুনিকেসন অমসুং আই.তি., তেক্সতাইলস, লেবর, ন্যু অমসুং রিনিৱেবল ইনর্জী য়াওনা তোঙান তোঙানবা সেন্ত্রেল গবর্নমেন্ত মিনিস্ত্রিশিং/বিভাগশিংগীদমক মিদীয়া অমসুং কমুনিকেসন স্ত্রেতেজীশিংগী প্লানিং অমসুং ইমপ্লিমেন্তেসনদা চহি ৩২ হেন্না ওপরেস্নেল এক্সপরিয়েন্স লৈরে। মসিদসু নত্তনা মহাক চহি ২১ (১৯৯৬-২০১৭)গী ওইনা মিদীয়া অমসুং কমুনিকেসনগী ইন-চার্জ ওইনা ইলেক্সন কমিসন ওফ ইন্দিয়াগা মরী লৈনখি। মতম অসিদা লোকসভা (ভারতকী পার্লিয়ামেন্তকী লৱার হাউস)গী তরুকশুবা জেনরেল ইলেক্সনগী মতম, লোয়ননা ইলেক্সন কমিসন্না পাংথোকপা তোঙান তোঙানবা স্তেত এসেমব্লী পোলশিং অমসুং ভারতকী রাস্ত্রপতি অমসুং উপ-রাস্ত্রপতিগী মীখলশিং মিদীয়া অমসুং কমুনিকেসন স্ত্রেতেজীশিং প্লান তৌখি অমদি ইমপ্লিমেন্ত তৌখি। ফম অসি পায়রিঙৈ মতম মনুংদা শ্রী মলহোত্রানা চিফ ইলেক্সন কমিস্নার ১২গা লোয়ননা পুন্না থবক তৌমিন্নখি।

শ্রী মলহোত্রা আই.এম.তি. ঘাজিয়াবাদতগী বিজিনেস মেনেজমেন্তদা পোস্ত গ্রেজুএত দিপ্লোমা, অমদি নালসার, হায়দ্রবাদতগী মিদীয়া লোদা পোস্ত গ্রেজুএত দিপ্লোমা লোইশিনখ্রে। মসিদসু নত্তনা, মহাক কেলিফোর্নিয়া য়ুনিভর্সিতীদগী পব্লিক পোলিসী এনালাইসিস, থোমাস ফাউন্দেসন, য়ু.কে.দা মিদীয়া মেনেজমেন্ত এন্দ স্ত্রেতেজিজ অমদি ন্যু দিল্লীদা আই.আই.এম. লখনৌনা ওর্গনাইজ তৌবা ‘মার্কেতিং: দি ৱিনিং কন্সেপ্ত এন্দ প্রেক্তিসেস’দা সোর্ত-তর্ম কোর্সকী শরুক অমসু ওইখি। মহাক ইন্সতিত্যুত ওফ কম্পেনী সেক্রেতরীজ ওফ ইন্দিয়াগী ফেল্লো মেম্বর অমসু ওইরি অমদি লোদা দিগ্রীসু পায়রি।

স্পোক্সপর্সন অমা ওইনা শ্রী মলহোত্রা নাকল অমরোমদা সরকার অমসুং অতোপ্পা নাকল অমরোমদা মিদীয়াগী মরক্তা ‘তু-ৱে’ কমুনিকেসন চেনেলশিং মায় পাক্না ইস্তাব্লিস তৌবগী এক্সপরিয়েন্সসু লৈরি। মহাক্না মহাক্কী থোইদোক হেন্দোকপা কেরিয়রদা তোঙান-তোঙানবা মন্ত্রালয়শিংদা লৈরিঙৈ মনুংদা ক্রাইসি থোকলকপা মতমদা মায় পাক্না মেনেজ তৌখি অমদি থাজবা পীখি মদুদি অচুম্বা পর্সপেক্তিব/ইনফোর্মেশন খক্তমক মিদীয়াদা শন্দোকই। মহাক্কী কেরিয়র মনুংদা ভারতকী তোঙান তোঙানবা মিনিস্ত্রিএল দেলিগেসনগী নুংগী ওইবা শরুক অমা ওইবনা মহাক ইন্তরনেস্নেল কনফরেন্স/ইভেন্তশিংগী মিদীয়া কভরেজ কোওর্দিনেত তৌবদসু পাক চাউনা এক্সপরিয়েন্স অমা লৈরি।

****