പ്രധാനമന്ത്രിയുടെ ഓഫീസ്‌
ദുരന്ത സാധ്യത കുറയ്ക്കുന്നതിനുള്ള ദേശീയ വേദിയുടെ മൂന്നാം സമ്മേളനം പ്രധാനമന്ത്രി നാളെ ഉദ്ഘാടനം ചെയ്യും
"മാറുന്ന കാലാവസ്ഥയിൽ പ്രാദേശിക പ്രതിരോധശേഷി കെട്ടിപ്പടുക്കുക" എന്നതാണ് പ്രമേയം
Posted On:
09 MAR 2023 4:05PM by PIB Thiruvananthpuram
പ്രധാനമന്ത്രി ശ്രീ നരേന്ദ്ര മോദി 2023 മാർച്ച് 10 ന് വൈകുന്നേരം 4:30 ന് ന്യൂഡൽഹിയിലെ വിജ്ഞാൻ ഭവനിൽ ദുരന്ത സാധ്യത കുറയ്ക്കുന്നതിനുള്ള വേദിയുടെ (എൻ പി ഡി ആർ ആർ ) മൂന്നാം സമ്മേളനം ഉദ്ഘാടനം ചെയ്യും. "മാറുന്ന കാലാവസ്ഥയിൽ പ്രാദേശിക പ്രതിരോധശേഷി കെട്ടിപ്പടുക്കുക" എന്നതാണ് ഈ സമ്മേളനത്തിന്റെ മുഖ്യ പ്രമേയം.
പ്രധാനമന്ത്രി സുഭാഷ് ചന്ദ്രബോസ് ആപ്‌ദ പ്രബന്ധൻ പുരസ്‌കാര ജേതാക്കളെ ചടങ്ങിൽ പ്രധാനമന്ത്രി ആദരിക്കും. ഒഡീഷ സ്റ്റേറ്റ് ഡിസാസ്റ്റർ മാനേജ്‌മെന്റ് അതോറിറ്റിയും , മിസോറാമിലെ ലുങ്‌ലെയ് ഫയർ സ്റ്റേഷനുമാണ് 2023ലെ പുരസ്‌കാര ജേതാക്കൾ . ദുരന്ത സാധ്യത ലഘൂകരണ മേഖലയിലെ നൂതന ആശയങ്ങളും സംരംഭങ്ങളും ഉപകരണങ്ങളും സാങ്കേതിക വിദ്യകളും പ്രദർശിപ്പിക്കുന്നതിനുള്ള പ്രദർശനവും പ്രധാനമന്ത്രി ഉദ്ഘാടനം ചെയ്യും.
ദുരന്തസാധ്യത കുറയ്ക്കുന്നതിനുള്ള മേഖലയിലെ , അനുഭവങ്ങൾ, കാഴ്ചപ്പാടുകൾ, ആശയങ്ങൾ, പ്രവർത്തന-അധിഷ്‌ഠിത ഗവേഷണം, അവസരങ്ങൾ പര്യവേക്ഷണം എന്നിവ സുഗമമാക്കുന്നതിന് കേന്ദ്ര ഗവൺമെന്റ് രൂപീകരിച്ച ഒരു ബഹു കക്ഷി വേദിയാണ് എൻ പി ഡി ആർ ആർ.
****
ND
(Release ID: 1905346)
Visitor Counter : 105
Read this release in:
Bengali
,
English
,
Urdu
,
Marathi
,
Marathi
,
Hindi
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada