প্রধানমন্ত্রীগী লোইশঙ
পি.এম.না ‘এনহেন্সিং ইফিসিএন্সী ওফ দি ফাইনান্সিএল সর্ভিসেস ফোর ক্রিএতিং গ্রোথ ওপুরচুনিতীজ’ হায়বা বজেৎ মতুংগী ৱেবিনারদা ৱা ঙাংখ্রে
“সরকারনা বজেৎ মতুংগী ৱেবিনারশিংগী খুত্থাংদা সরকারনা বজেৎ ইমপ্লিমেন্ত তৌবদা অপুনবগী থৌদাং অমদি থোং মান্নবা পার্তনরশিপকীদমক লম্বী য়াৎলি”
“ভারতকী শেন্মীৎলোনগী খন্ন-নৈনবা খুদিংমক্তা ৱাহং খুদমশিং থমদুনা লাকখিবা অদু থাজবা অমসুং অনীংবশিংনা মহুৎশিনখি”
“ভারত অসি মালেমগী ইকনোমীগী ঙান্থোইরিবা মফম অমা ওইনা খঙনরক্লি”
“ঙসি থৌনা, ময়েক শেংবা অমসুং থাজবগা লোয়ননা পোলিসীগী ৱারেপশিং লৌরিবা সরকার অমা লৈরে, নখোয়সু খুমাং চাউশিন্নবা হোৎনগদবনি”
“পুংফম অসিগী মথৌ তারিবা অসি ভারতকী বেঙ্কিং সিস্তেমগী শক্তিগী কান্নবশিং অসি মীওই মশিং কয়াদা য়ৌহনবা অসিনা ওইরি”
“ফাইনান্সিএল ইনক্লুজনগা মরী লৈনবা সরকারগী পোলিসীশিং অসিনা মীওই করোর কয়াবু ফোর্মেল ফাইনান্সিএল সিস্তেমগী শরুক অমা ওইহনখি”
“ভোকেল ফোর লোকেল অমসুং আত্মনির্ভরতাগী বিজন অসি জাতিগী থৌদাংনি”
“ভোকেল ফোর লোকেল অসি ভারতকী কোত্তেজ ইন্দস্ত্রীগী প্রদক্তশিং লৈবদগী হেন্না চাউই। ঐখোয়না ভারত্তা মশাগী কেপাসিতী লৈহন্দুনা লৈবাক্কী শেল অসি করম্বা মফমশিংদা চৎহনদবা য়াবগী য়েংগদবনি”
“লৈবাক্কী প্রাইবেৎ সেক্তরনা মখোয়দগী লৈবাক অসিনা চাউনা কান্নবা ফংনবগীদমক সরকারগু
Posted On:
07 MAR 2023 10:29AM by PIB Imphal
প্রধান মন্ত্রী, শ্রী নরেন্দ্র মোদীনা ‘এনহেন্সিং ইফিসিএন্সী ওফ দি ফাইনান্সিএল সর্ভিসেস ফোর ক্রিএতিং গ্রোথ ওপুরচুনিতীজ’ হায়বা হীরমদা বজেৎ মতুংগী ৱেবিনার অমদা ৱা ঙাংখ্রে। মসি কেন্দ্রগী বজেৎ ২০২৩দা লাউথোকখিবা থৌশিলশিং নীংথিনা ইমপ্লিমেন্ত তৌনবগী ৱাখল্লোন অমদি পাউতাকশিং লৌনবা সরকারনা পাঙথোকপা বজেৎ মতুংগী ৱেবিনার ১২গী তরা শুবনি।
থৌরম অদুদা ৱা ঙাংলদুনা প্রধান মন্ত্রীনা হায়খি সরকারনা বজেৎ মতুংগী ৱেবিনারশিংগী খুত্থাংদা বজেৎ ইমপ্লিমেন্ত তৌবদা অপুনবগী থৌদাং অমদি থোং মান্নবা পার্তনরশিপকীদমক লম্বী য়াৎলি, হায়রিবা অসিদা স্তেকহোল্দরশিংগী ৱাখল্লোনশিং অমসুং সজেসনশিং খ্বাইদগী মরু ওইরি।
প্রধান মন্ত্রীনা হায়খি কোরোনা লাইচৎ মনুংদা ভারতকী ফিস্কল অমসুং মোনিতরী পোলিসীগী কান্নবা মালেম পুম্বনা উবা ফংলি অমসুং হৌখিবা চহি ৯দা ভারতকী ইকনোমীগী ফন্দামেন্তেলশিং মপাঙ্গল কনখৎহল্লিবা সরকারগী খোঙথাংশিংবু থাগৎখি। মালেমনা ভারত্তা চীংনবা মীৎয়েংগা লোয়ননা য়েংখিবা মতম অদু নীংশিংলদুনা প্রধান মন্ত্রীনা হায়খি ভারতকী ইকনোমী, বজেৎ অমসুং পান্দমশিংগী মতাংদা খন্ন-নৈনবশিং তোইনা হৌরি অমসুং ৱাহং অমগা লোয়ননা লোইশিনখি। মহাক্না ফাইনান্সিএল দিস্সিপ্লিন, ত্রান্সপরেন্সী অমসুং ইনক্লুসিব এপ্রোচতা লাক্লিবা অহোংবশিংগী মতাংদা পল্লদুনা খন্ন-নৈনবগী অহৌবা অমসুং অরোইবদা থম্লিবা অহংবা খুদম অসি বিশ্বাস (থাজবা) অমসুং অপেক্ষা (অনীংবনা) মহুৎ শিনখি হায়না ফোঙদোকখি। হন্দক্তা মাইপাকখিবশিংগী মতাংদা প্রধান মন্ত্রীনা হায়খি “ঙসি ভারতনা গ্লোবেল ইকনোমীদা ঙন্থোইরিবা মফম অমা কনবগীদমক খঙনরি”। মহাক্না হায়খি ভারতনা জি-২০ প্রিসাইদ তৌরি অমসুং ২০২১-২২দা লৈবাক্কী খ্বাইদগী ৱাংবা এফ.দি.আই. লাকহনখি। প্রধান মন্ত্রীনা হায়খি মেন্যুফেকচরিং সেক্তরদা ইনভেস্তমেন্ত অসিগী অচৌবা শরুক লাকখি। মহাক্না হায়খি ভারতপু গ্লোবেল সপ্লাই চেনগী মরু ওইবা শরুক অমা ওইহল্লিবা পি.এল.আই. স্কিম ফংহন্নবা লেপ্পা লৈতনা এপ্লিকেসনশিং পুথোক্লি। প্রধান মন্ত্রীনা মীপুম খুদিংমক্তা খুদোংচাবা অসিগী মপুং ফানা কান্নবা লৌনবা হায়খি।
প্রধান মন্ত্রীনা হায়খি ঙসিগী ভারতনা অনৌবা তৌবা ঙম্বশিংগাই লোয়ননা মাংদা চংশিল্লি। মহাক্না হায়খি চহি ৮-১০গী মমাংদা মুৎকে তৌরম্লবা মতুংদা মালেমগী মপাঙ্গল কনবা ফাইনান্সিএল সিস্তেম অমসুং শেন্দোং লৈবা বেঙ্কিং সিস্তেম অমা মখোয়দা লৈরি। লোয়ননা থৌনা, ময়েক শেংবা অমসুং থাজবগা লোয়ননা পোলিসীগী ৱারেপশিং লৌরিবা সরকার অমা লৈরি। শরুক য়ারিবশিংদা প্রধান মন্ত্রীনা হায়খি, “ঙসি পুংফম অসিদা মথৌ তারিবা অসি ভারতকী বেঙ্কিং সিস্তেমদা লৈরিবা শক্তিগী কান্নবশিং অসি মীওই কয়াদা য়ৌহনবা অসিনি”। এম.এস.এম.ই. সেক্তরদা সরকারনা পীরিবা মতেং অসি খুদম ওইনা পীরদুনা প্রধান মন্ত্রীনা হায়খি বেঙ্কিং সিস্তেমনা সেক্তর মশিং য়াম্না য়ৌশিনগদবনি। মহাক্না মখা তারদুনা হায়খি, “এম.এস.এম.ই. করোর ১গা লাখ ২০না লাইচৎ মনুংদা সরকারগী চাউনা মতেং ফংখি। চহি অসিগী বজেৎতা এম.এস.এম.ই. সেক্তরনা লুপা করোর লাখ ১গী অহেনবা কোল্লাতরেল-ফ্রী গরেন্তীদ ক্রেদিৎ ফংখি। হৌজিক ঐখোয়গী বেঙ্কশিংনা মখোয়দা য়োশিনবা অমসুং ফাইনান্স মতিক চানা পীবা হায়বা অসি য়াম্না মরু ওই”।
ফাইনান্সিএল ইনক্লুজনগা মরী লৈনবা সরকারগী পোলিসীশিংনা মীওই করোর কয়াবু ফোর্মেল ফাইনান্সিএল সিস্তেমগী শরুক ওইহনখি হায়না প্রধান মন্ত্রীনা ফোঙদোকখি। সরকারনা বেঙ্ক গরেন্তী য়াওদনা লুপা করোর লাখ ২০ হেনবগী মুদ্র লোনশিং পীদুনা নহারোল করোর কয়াগী মঙলানশিং থুংহনবদা মতেং পাংখি। অহানবা ওইনা স্ত্রীৎ ভেন্দর অমসুং অপীকপা দুকানদার লাখ ৪০ হেনবনা পি.এম. স্বনিধি য়োজনাগী মখাদা বেঙ্কশিংদগী মতেং ফংখি। মহাক্না স্তেকহোল্দরশিংদা কোস্ত হন্থহন্নবা প্রোসে পুম্নমক রি-ইঞ্জিনীয়র তৌনবা অমসুং অপীকপা ওন্তপ্রিনোরশিংদা থুনা য়ৌবা ঙম্নবা ক্রেদিৎকী খোঙজেল হেনগৎহন্নবা হায়খি।
‘ভোকেল ফোর লোকেল’গী হীরমদা পল্লদুনা প্রধান মন্ত্রীনা হায়খি মসি খন্নবগী ৱাফম নত্তে অদুবু “ভোকেল ফোর লোকেল অমসুং আত্মনির্ভরতাগী বিজন অসি জাতিগী থৌদাং অমনি”। শ্রী মোদীনা হায়খি লৈবাক অসিদা ভোকেল ফোর লোকেল অমসুং আত্মনির্ভরতাগীদমক চাউনা থৱায় য়াওরি হায়রদুনা দোমেস্তিক প্রদক্সনশিং হেনগৎহন্নবা অমসুং এক্সপোর্তশিংদা রেকোর্দ গ্রোথ থম্বা ঙম্নবা হায়খি। “ঐখোয়গী এক্সপোর্তশিং অসি গুদস নত্ত্রগা সর্ভিসেস ওইরবসু খ্বাইদগী ৱাংবা ওইহনগদবনি। মসিনা ভারতকী হেনগৎলক্লিবা ওইথোকপা য়াবশিং অদু তাক্লি”, হায়না প্রধান মন্ত্রীনা ফোঙদোকখি অমসুং ওর্গনাইজেসনশিং অমসুং ইন্দস্ত্রী অমদি কম্মর্সকী চেম্বরশিংগুম্বা স্তেকহোল্দরশিংদা জিলাগী থাক্তা লোকেল আর্তিসেনশিং অমসুং ওন্তপ্রিনোরশিংবু প্রমোৎ তৌনবা থৌদাং লৌনবা হায়খি।
প্রধান মন্ত্রীনা অমুক হন্না শেংদোকখি মদুদি ভোকেল ফোর লোকেল অসি ইন্দিয়ন কোতেজ ইন্দস্ত্রীদগী প্রদক্তশিং লৈবদগী হেন্না চাউই। মহাক্না হায়, “ঐখোয়না ভারতনা মশাগী কেপাসিতী শেমগৎপদা লৈবাক্কী শেল তুংশিনবা ঙমগদবা লমশিং য়েংবা তাই” অমসুং হায়র এজুকেসন অমসুং ইদিবল ওইল অসিদা শেল য়াম্না চৎলি হায়না খুদমশিং পীখি।
বজেৎতা কেপিতেল এক্সপেন্দিচরদা লুপা করোর লাখ ১০ চাউনা হেনগৎহনখিবা অমসুং পিএম. গতিশক্তি মাস্তরপ্লান্না পুরকখিবা দাইনামিজমগী মতাংদা পল্লদুনা প্রধান মন্ত্রীনা তোঙান-তোঙানবা জিওগ্রাফিকেলগী লমশিং অমসুং ইকনোমিক সেক্তরশিংগী খুমাং চাউশিন্নবা থবক তৌরিবা প্রাইবেৎ সেক্তরদা মতেং পাংবা মথৌ তাই হায়খি। মহাক্না মখা তারদুনা হায়খি, “ঙসি ঐহাক্না লৈবাক অসিগী প্রাইবেৎ সেক্তরদা সরকারগুম্বা মখোয়গী ইনভেস্তমেন্তশিং হেনগৎহন্দুনা মসিদগী লৈবাক্না চাউনা কান্নবা ফংনবা হায়জরি”।
তেক্সকা মরী লৈনবা বজেৎ মতুংগী নরেতিবকী মতাংদা প্রধান মন্ত্রীনা হায়খি মমাংগা য়েংনবদা জি.এস.তি, ইনকম তেক্স অমদি কোর্পোরেৎ তেক্সতা হন্থরকপনা মরম ওইদুনা ভারত্তা তেক্সকী পোৎলুম অসি শীংথানীংঙাই ওইনা হন্থরকখি। প্রধান মন্ত্রীনা হায়, মসিনা মরম ওইনা তেক্স কল্লেক্সন হেনগৎহনখি। ২০১৩-১৪দা গ্রোস তেক্স রিভেন্যু অসি লুপা করোর লাখ ১১ রোম ওইখি হায়রিবা অসি ২০২৩-২৪দা করোর লাখ ৩৩দা হেনগৎহনবা ঙমগনি, হায়বদি চাদা ২০০ হেনগৎপা হায়বনি। ইন্দিবিজুএল তেক্স রিতর্ন ফাইল তৌরকপা অসি ২০১৩-১৪দা করোর ৩.৫ ওইরম্বদগী ২০২০-২১দা করোর ৬.৫দা হেনগৎলকখি। প্রধান মন্ত্রীনা হায়খি, “তেক্স থীবা অসি থৌদাং অমনি মসি জাতি শেমগৎপগা হকথেংননা মরী লৈনৈ। তেক্স বেজতা হেনগৎলকপা অসিনা মীয়াম্না সরকারদা থাজবা থম্মি অমসুং মখোয়না থীখিবা তেক্স অদি মীয়ামগী য়াইফনবা থবক্তা চাদিং তৌরি হায়না থাজবা থম্মি”।
প্রধান মন্ত্রীনা হায়খি ইন্দিয়ন তেলেন্ত, ইনফ্রাস্ত্রকচর অমসুং ইন্নোভেতরশিংনা ভারতকী ফাইনান্সিএল সিস্তেম অসি ৱাংনা পুখৎপা ঙমগনি। জি.ই.এম., দিজিতেল ত্রাঞ্জেক্সনশিংগী খুদমশিং পীরদুনা প্রধান মন্ত্রীনা হায়, “‘ইন্দস্ত্রী ৪.০’গী মতম অসিদা ভারতনা দিবেলপ তৌবা প্লেৎফোর্মশিংনা মালেমগীদমক মোদেলশিং ওইরক্লি”। মহাক্না হায়খি মদুদি নীংখা তম্বগী চহি ৭৫ অসিদা ত্রাঞ্জেক্সন করোর লিশিং ৭ দিজিতেল ওইনা তৌখিবা অসিনা য়ু.পি.আই. অসি কয়া য়াম্না পাকশন্না শীজিন্নবগে উৎলি। প্রধান মন্ত্রীনা মখা তারদুনা হায়খি, “রুপে অমসুং য়ু.পি.আই. অসি শুপ্নগী লো কোস্ত ওইবা অমসুং চাউনা সেক্যুর ওইবা তেক্নোলোজী ওইবা খক্তা নত্তনা মালেমদা ঐখোয়গী মশক তাক্লি। ইন্নোভেসনগীদমক চাউনা স্কোপ লৈ। মালেম পুম্বগীদমক য়ু.পি.আই. অসি ফাইনান্সিএল ইনক্লুজন অমসুং মালেম পুম্বা শক্তি পীনবগী পাম্বৈ অমা ওইরক্লি, ঐখোয়না মসিগীদমক পুন্না থবক তৌবা তাই। ঐহাক্না ঐখোয়গী ফাইনান্সিএল ইন্সতিত্যুসনশিংদা মখোয়না য়ৌশিল্লিবা অদু হেনগৎহন্নবা ফিনতেকশিংগা লোয়ননা চাউনা পার্তনরশিপ তৌনবসু হায়জরি”।
প্রধান মন্ত্রীনা নৌহৌনা ফোঙদোকখি মদুদি করিগুম্বা মতমদা অপীকপা খোঙথাং অমনা ফাওবা শাহৌ পীবদা চাউনা খেন্নবা পুরকপা ঙম্মি অমসুং বিল য়াওদনা পোৎশিং লৈরিবা অসি খুদম ওইনা পীখি। মসিনা অকাইবা অমত্তা পীদে হায়বা ৱাখল্লোনগী মতাংদা প্রধান মন্ত্রীনা জাতিদা কান্নবা পীগদবা বিলগী কোপী অমা ফংনবগী মতাংদা এৱের্নেস পীবা হেনগৎপগী মথৌ তাই হায়খি। মহাক্না মখা তারদুনা হায় “ঐখোয়না মীয়ামবু হেন্না-হেন্না ভাব তাহনবা মথৌ তাই”।
ৱারোল পীবা লোইশিনবদা প্রধান মন্ত্রীনা হায়খি ভারতকী শেন্মীৎলোনগী চাউখৎ-থৌরাংনা কাংলুপ অমসুং মীওই খুদিংমক্তা য়ৌহনগদবনি অমসুং স্তেকহোল্দর পুম্নমক্তা বিজন অসিগা লোয়ননা থবক তৌনবা হায়খি। মহাক্না নীংথিনা ত্রেন তৌবা প্রোফেস্নেলশিংগী অচৌবা পুল অমা শেম্বা মথৌ তাই হায়খি। লোইশিনবদা মহাক্না হায়, “ঐহাক্না নখোয় পুম্নমক্না তুংলমচৎতা কান্নদবা আইদিয়াশিং কুপ্না খন্ন-নৈনবীবা পামজৈ”।
*****
(Release ID: 1904967)
Visitor Counter : 148
Read this release in:
Assamese
,
Bengali
,
Tamil
,
Telugu
,
Malayalam
,
English
,
Urdu
,
Hindi
,
Marathi
,
Punjabi
,
Gujarati
,
Odia
,
Kannada