ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ
ବର୍ତ୍ତମାନ ଜାରି ଧାନ କ୍ରୟ ରୁ 1 କୋଟିରୁ ଅଧିକ ଚାଷୀ ଲାଭବାନ ହୋଇଛନ୍ତି
146960 କୋଟି ଟଙ୍କାର ସର୍ବନିମ୍ନ ସହାୟକ ମୂଲ୍ୟ ପ୍ରଦାନ ସହିତ ସମୁଦାୟ 713 ଲକ୍ଷ ମେଟ୍ରିକ୍ ଟନ୍ ଧାନ କ୍ରୟ କରାଯାଇଛି
Posted On:
03 MAR 2023 10:31AM by PIB Bhubaneshwar
ଖରିଫ ବିପଣନ ଅଧିବେଶନ 2022-23 (ଖରିଫ ଫସଲ) ପାଇଁ ଧାନର କ୍ରୟ ଦ୍ବାରା 1 କୋଟିରୁ ଅଧିକ ଚାଷୀ ଲାଭବାନ ହୋଇଛନ୍ତି। 01.03.2023 ସୁଦ୍ଧା ପ୍ରାୟ 713 ଲକ୍ଷ ମେଟ୍ରିକ୍ ଟନ ଧାନର କ୍ରୟ କରାଯାଇଛି ଏବଂ 146960 କୋଟି ଟଙ୍କାର ସର୍ବନିମ୍ନ ସହାୟକ ମୂଲ୍ୟର ପେମେଣ୍ଟ ପ୍ରତ୍ୟକ୍ଷ ଭାବରେ ଚାଷୀଙ୍କ ଆକାଉଣ୍ଟରେ ସ୍ଥାନାନ୍ତରିତ କରି ଦିଆଯାଇଛି।
କ୍ରୟ ପ୍ରକ୍ରିୟାର ସୁଗମ ସଞ୍ଚାଳନ ପାଇଁ ସମସ୍ତ ବ୍ୟବସ୍ଥା କରାଯାଉଛି। କ୍ରୟ କରାଯାଇଥିବା ଧାନ ବଦଳରେ ଚାଉଳର ଯୋଗାଣ ଜାରି ରହିଛି ଏବଂ 713 ଲକ୍ଷ ମେଟ୍ରିକ୍ ଟନ ଧାନର କ୍ରୟ ବଦଳରେ 01 ମାର୍ଚ୍ଚ 2023 ସୁଦ୍ଧା କେନ୍ଦ୍ରୀୟ ପୁଲରେ ପ୍ରାୟ 246 ଲକ୍ଷ ମେଟ୍ରିକ ଟନ୍ ଚାଉଳ ପ୍ରାପ୍ତ କରାଯାଇଛି। ଦେଶର ଆବଶ୍ୟକତାକୁ ପୂରଣ କରିବା ପାଇଁ କେନ୍ଦ୍ରୀୟ ପୁଲରେ ବର୍ତ୍ତମାନ ଚାଉଳର ପର୍ଯ୍ୟାପ୍ତ ଷ୍ଟକ୍ ଉପଲବ୍ଧ ରହିଛି।
ବର୍ତ୍ତମାନ ଖରିଫ ବିପଣନ ଅଧିବେଶନ 2022-23 ର ଖରିଫ ଫସଲ ପାଇଁ 766 ଲକ୍ଷ ମେଟ୍ରିକ ଟନ ଧାନ (ଚାଉଳ କ୍ଷେତ୍ରରେ 514 ଲକ୍ଷ ମେଟ୍ରିକ୍ ଟନ) ର କ୍ରୟର ଅନୁମାନ କରାଯାଉଛି। ବର୍ତ୍ତମାନ ଖରିଫ ବିପଣନ ଅଧିବେଶନ 2022-23 ର ରବି ଫସଲ ପାଇଁ, ପ୍ରାୟ 158 ଲକ୍ଷ ମେଟ୍ରିକ ଟନ ଧାନ (ଚାଉଳ କ୍ଷେତ୍ରରେ 106 ଲକ୍ଷ ମେଟ୍ରିକ୍ ଟନ୍)ର ମାତ୍ରାର କ୍ରୟର ଅନୁମାନ କରାଯାଉଛି। ରବି ଫସଲକୁ ସାମିଲ୍ କରିବା ସହିତ, ଏହା ଆଶା କରାଯାଉଛି ଯେ ସମଗ୍ର ଖରିଫ ବିପଣନ ଅଧିବେଶନ 2022-23 ସମୟରେ ପ୍ରାୟ 900 ଲକ୍ଷ ମେଟ୍ରିକ ଟନ ଧାନର କ୍ରୟ କରାଯାଇପାରେ।
BS
(Release ID: 1903960)
Visitor Counter : 173