ఫిబ్రవరి 2023 నెలలో సేకరించిన స్థూల జీఎస్టీ ఆదాయం రూ.1,49,577 కోట్లు. అందులో సి జీఎస్టీ రూ.27,662 కోట్లు, ఎస్జీఎస్టీ రూ.34,915 కోట్లు, ఐజీఎస్టీ రూ.75,069 కోట్లు ( వస్తువుల దిగుమతులపై సేకరించిన రూ.35,689 కోట్లతో సహా). దీనితో పాటు సేకరించిన సుంకం రూ.11,931 కోట్లు (వస్తువుల దిగుమతిపై సేకరించిన ₹792 కోట్లతో సహా).

ఐజీఎస్టీ నుండి సిజీఎస్టీకి రూ.34,770 కోట్లు, ఎస్జీఎస్టీకి రూ.29,054 కోట్లు సాధారణ సెటిల్‌మెంట్‌గా ప్రభుత్వం సర్దుబాటు చేసింది. ఫిబ్రవరి 2023 నెలలో సాధారణ సెటిల్‌మెంట్ల తర్వాత కేంద్రం, రాష్ట్రాల మొత్తం ఆదాయం సిజీఎస్టీకి రూ.62,432 కోట్లు, ఎస్జీఎస్టీ కి రూ.63,969 కోట్లు. అదనంగా, జూన్ 2022 నెలకు రూ.16,982 కోట్లు, మునుపటి కాలానికి ఏజీ ధృవీకరించబడిన గణాంకాలను పంపిన రాష్ట్రాలు/కేంద్రపాలిత ప్రాంతాలకు రూ.16,524 కోట్ల జీఎస్‌టీ పరిహారాన్ని కేంద్రం విడుదల చేసింది.

2023 ఫిబ్రవరి నెల ఆదాయాలు గత ఏడాది ఇదే నెలలో వచ్చిన జీఎస్టీ ఆదాయాల కంటే 12% ఎక్కువ, ఇది రూ. 1,33,026 కోట్లు. నెలలో, వస్తువుల దిగుమతుల ద్వారా వచ్చే ఆదాయాలు 6% ఎక్కువగా ఉన్నాయి మరియు దేశీయ లావాదేవీల ద్వారా వచ్చే ఆదాయాలు (సేవల దిగుమతితో సహా) గత సంవత్సరం ఇదే నెలలో ఈ మూలాధారాల నుండి వచ్చిన ఆదాయం కంటే 15% ఎక్కువగా ఉన్నాయి. జీఎస్టీ అమలులోకి వచ్చినప్పటి నుండి ఈ నెలలో అత్యధికంగా రూ.11,931 కోట్ల సెస్ వసూలు జరిగింది. సాధారణంగా, ఫిబ్రవరి నెల 28 రోజులలో ఉండటం వలన, రాబడి తక్కువగా ఉంటుంది.

దిగువ చార్ట్ ప్రస్తుత సంవత్సరంలో నెలవారీ స్థూల జీఎస్టీ ఆదాయాల ట్రెండ్‌లను చూపుతుంది. ఫిబ్రవరి 2022తో పోలిస్తే ఫిబ్రవరి 2023 నెలలో ప్రతి రాష్ట్రంలో సేకరించబడిన జీఎస్టీ   రాష్ట్రాల వారీ గణాంకాలను ఈ పట్టిక వివరిస్తుంది. 

ఫిబ్రవరి 2023లో రాష్ట్రాల వారీగా GST రాబడి వృద్ధి

****