২০২৩ চনৰ ফেব্ৰুৱাৰী মাহত মুঠ ১,৪৯,৫৭৭ কোটি টকা জিএছটি ৰাজহ সংগ্ৰহ কৰা হৈছে৷ ইয়াৰে ভিতৰত চিজিএছটি ২৭,৬৬২ কোটি, এছজিএছটি ৩৪,৯১৫ কোটি, আইজিএছটি ৭৫,০৬৯ কোটি টকা (সামগ্ৰী আমদানিৰ ওপৰত সংগ্ৰহ কৰা ৩৫,৬৮৯ কোটি টকাকে ধৰি) আৰু উপকৰ ১১,৯৩১ কোটি টকা (সামগ্ৰী আমদানিৰ সময়ত সংগ্ৰহ কৰা ৭৯২ কোটিকে ধৰি)৷

চৰকাৰে চিজিএছটিত ৩৪,৭৭০ কোটি আৰু এছজিএছটিত ২৯,০৫৪ কোটি টকা নিয়মীয়াকৈ নিষ্পত্তি কৰিছে। ২০২৩ চনৰ ফেব্ৰুৱাৰী মাহত নিয়মীয়া নিষ্পত্তিৰ পিছত কেন্দ্ৰ আৰু ৰাজ্যসমূহৰ মুঠ ৰাজহ হৈছে চিজিএছটিৰ বাবে ৬২,৪৩২ কোটি আৰু এছজিএছটিৰ বাবে ৬৩,৯৬৯ কোটি টকা। ইয়াৰ উপৰিও কেন্দ্ৰই ২০২২ চনৰ জুন মাহৰ বাবে ১৬,৯৮২ কোটি টকাৰ বেলেঞ্চ জিএছটি ক্ষতিপূৰণ আৰু পূৰ্বৰ সময়ছোৱাৰ এজি প্ৰমাণিত পৰিসংখ্যা প্ৰেৰণ কৰা ৰাজ্য/কেন্দ্ৰীয় শাসিত অঞ্চলসমূহলৈ ১৬,৫২৪ কোটি টকাও মুকলি কৰিছে।

২০২৩ চনৰ ফেব্ৰুৱাৰী মাহৰ ৰাজহ যোৱা বছৰৰ একে মাহত সংগৃহীত জিএছটিৰ ৰাজহতকৈ ১২% অধিক, যিটো প্ৰায় ১,৩৩,০২৬ কোটি টকা আছিল। চলিত মাহত সামগ্ৰী আমদানিৰ পৰা লাভ কৰা ৰাজহ ৬% অধিক আৰু ঘৰুৱা লেনদেনৰ পৰা (সেৱা আমদানিকে ধৰি) ৰাজহ যোৱা বছৰৰ একে মাহৰ ভিতৰত এই উৎসসমূহৰ পৰা পোৱা ৰাজহতকৈ ১৫% অধিক। চলিত মাহত জিএছটি কাৰ্যকৰী হোৱাৰ পিছত সৰ্বাধিক ১১,৯৩১ কোটি টকাৰ উপকৰ সংগ্ৰহ কৰা হৈছে৷ সাধাৰণতে ফেব্ৰুৱাৰী মাহটো ২৮ দিনীয়া মাহ হোৱাৰ বাবে তুলনামূলকভাৱে কম ৰাজহ সংগ্ৰহ কৰা পৰিলক্ষিত হয়।

তলৰ চাৰ্টত চলিত বৰ্ষৰ মাহিলী মুঠ জিএছটি ৰাজহ সংগ্ৰহৰ ধাৰা দেখুওৱা হৈছে। এই তালিকাত ২০২২ চনৰ ফেব্ৰুৱাৰী মাহৰ তুলনাত ২০২৩ চনৰ ফেব্ৰুৱাৰী মাহত প্ৰতিখন ৰাজ্যত সংগ্ৰহ কৰা জিএছটিৰ ৰাজ্যভিত্তিক পৰিসংখ্যা দেখুওৱা হৈছে।

****

PPG/KMN/DB