প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারতকী ২২শুবা লো কম্মিসনগী মতম ওগস্ত ৩১,২০২৪ ফাওবা শাংদোকপদা অয়াবা পীরে।

ভারত লো কম্মিসন অসি ভারত সরকারনা মতম মতমগী ওইনা শেম্বা নন-স্তেচুতোরি বোদি অমনি। কম্মিসন অসি ১৯৫৫দা লিংখৎখি অমসুং মতম মতমগী ওইনা অমুক হন্না শেমখি। হৌজিক লৈরিবা ভারতকী ২২শুবা লো কম্মিসনগী মতম ফেব্রুৱারি ২০,২০২৩দা লোইরে।

লৈবাক অসি চাউখৎপা অমসুং লো ৱাহন্থোক পীবদা তোঙান-তোঙানবা লো কম্মিসনশিংনা মরুওইবা থৌদাং লৌরি। হৌজিক ফাওবদা লো কম্মিসন্না রিপোর্ত ২৭৭ পীখৎখ্রে।

২২শুবা লো কম্মিসনগী চিয়ারপর্সন অমসুং মেম্বরশিং হন্দক থবক পায়বা হৌখ্রে অমসুং পন্দুনা লৈরকপা তোঙান-তোঙানবা প্রোজেকশিং য়েংশিনবা অমসুং রিপোর্ত পীবা হৌখ্রে। মরম অদুনা, ২২শুবা লো কম্মিসনগী মতম ওগস্ত ৩১,২০২৪ ফাওবা শাংদোকখিবনি। কম্মিসন অসি হান্নগী মওং অদুদা লৈগনি অমসুং মখোয় মখাদা পীরি:

(১) ফুল তাইম চিয়ারপর্সন অমা;

(২) মেম্বর মরি(মেম্বর-সেক্রেতরি য়াওনা);

(৩) এক্স-ওফিসিও মেম্বর ওইনা, লিগেল এফেয়ার্স দিপার্তমেন্তগী সেক্রেতরি;

(৪) এক্স-ওফিসিও মেম্বর ওইনা লেজিসলেতিপ দিপার্তমেন্তগী সেক্রেতরি; অমসুং

(৫) পার্ত-তাইম মেম্বর ৫দগী হেন্দবা

২১.০২.২০২০দা থোকখিবা ওর্দরগী মতুংইন্না, লো কম্মিসন্না মসিগী শাংদোক্লিবা মতম অদুদা মখা তানা মসিনা পাংথোকফম থোকপা থবকশিং পাংথোক্কনি, পাংথোক্কদবা থবকশিংগী মনুংদা য়াওরি:-

1. মখা তানা দরকার ওইদ্রবা লোশিং মশক খঙদোকপা অমসুং কান্নদ্রবা অমসুং দরকার ওইদ্রবা এক্তশিং শেমদোক্নবা রিকমেন্দ তৌবা;
2. অনৌবা লোশিং শেম্নবা পাউতাক পীবা অমসুং দরকার ওইরকপা মতমদা দাইরেক্তিপ প্রিন্সিপালশিং শীজিন্ননবা পাউতাক পীবা অমসুং সংবিধানগী প্রিয়েম্বলগী পান্দমশিং ফংনবা হোৎনবা;
3. লো অমসুং ৱায়েন-থৌদাগা মরী লৈনবা হিরমগী মতাংদা কম্মিসনগী ৱাখল্লোনশিং সরকারদা পাউদম্বা অমসুং মরুওইনা রিপোর্ত অদু লো অমসুং জজতিস মিনিস্ত্রি(লিগেল এফেয়ার্স দিপার্তমেন্ত)গী খুৎথাংদা সরকারদা য়ৌহনবা;
4. মপান লৈবাক অমদা হেক্তা রিছর্স তৌনবা হায়জরকপশিং খন্নবা অমসুং মদু লো অমসুং জজতিস মিনিস্ত্রি(লিগেল এফেয়ার্স দিপার্তমেন্ত)গী খুৎথাংদা সরকারদা য়ৌহনবা; 
5. কম্মিসন্না মতম মতমগী ওইনা হিরম কয়াগী রিপোর্তশিং, ৱাফমশিং, থিজিনবশিং কেন্দ্র সরকারদা পীশিনবা অমসুং কেন্দ্র নত্ত্রগা রাজ্য অমনা থবক ওইনা পায়খৎনবা অসিগুম্বা রিপোর্তশিং রিকমেন্দ তৌবা; অমসুং
6. কেন্দ্র সরকারনা মতম মতমগী ওইনা পীবা অতোপ্পা থবকশিং পাংথোকপা।

*****