প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত সরকার অমসুং গুয়ানা সরকারগী মরক্তা এয়র সর্বিসেস এগ্রিমেন্ত খুৎয়েক পীনবা অয়াবা পীরে। মসিগী য়ানচে অসি থবক ওইনা হৌবা য়ানবা লৈবাক অমমম্না দরকার ওইবা থবক-থৌরমশিং পাংথোক্লবা মতুংদা নাকল অনিগী মরক্তা দিপ্লোমেতিক নোতশিং পীনরবা মতুংদা এয়র সর্বিসেস এগ্রিমেন্ত চৎনবা হৌগনি।

গুয়ানাদা ভারতমচা কয়া লৈরি অমসুং ২০১২গী মীকোক থিবগী মতুংইন্না অপুনবা মীশিংগী চাদা ৪০ ওইদুনা ভারতমচাশিংনা খ্বাইদগী য়াম্বা ইথনিক গ্রুপ ওইরে। গুয়ানাগা লোয়ন্না এয়র সর্বিসেস এগ্রিমেন্ত খুৎয়েক পীনবা অসিনা লৈবাক অনিগী মরক্তা এয়র সর্বিস লৈহন্নবা ঙাক্লৌ অমা পীবা ঙম্লগনি। এভিএসনগী কৈথেল পাকথোক-চাউথোরকপা অমসুং ভারত্তা এভিএসন সেক্তর মনিংতমহনবা অসি য়েংলগা, মালেমগী ওইনা চৎথোক-চৎশিনগী লম্বী শেম্নবা লৈবাক কয়াগা এয়র সর্বিসেস এগ্রিমেন্ত খুৎয়েক পীনবনি। লৈবাকশিংগী মনিং-মখা তম্বা, লৈবাক অমগী কেরিয়রশিং, নাকল অনিগী এয়রলাইনশিংগী ললোন-ইতিক্কী খুদোংচাবশিং য়েংলগা লৈবাক অনিগী মরক্তা এয়র ওপরেসনশিং পাংথোক্নবা আইনগী ওইবা ঙাক্লৌ এয়র সর্বিসেস এগ্রিমেন্ত(এ এস এ)না পীরি। হৌজিক্কী ওইনা ভারত অমসুং গুয়ানাগী মরক্তা এয়র সর্বিসেস এগ্রিমেন্ত অমতা লৈতে।

ভারত অমসুং গুয়ানা অনিমক ইন্তরনেসনেল সিবিল এভিএসন কনভেন্সন(চিকাগো কনভেন্সন)দা খুয়েক পীখ্রবা লৈবাকশিংনি। আই.সি.এ.ও এয়র সর্বিসেস নেগোসিএসনগী থৌরমদা দিশেম্বর ৬,২০১৬দা বহামাসকী নাসাওদা ভারত সরকার অমসুং গুয়ানা সরকারগী মীহুৎশিং উনখ্রে অমসুং দিশেম্বর ৬, ২০১৬দা লৈবাক অনিগী মরক্তা এয়র সর্বিস লৈহন্নবা এ.এস.এ অমা থম্নবা ভারত অমসুং গুয়ানাগী মরক্তা মেমোরেন্দম ওফ অন্দরস্তেন্দিং(এম ও য়ু) খুৎয়েক পীনখি।

ভারত অমসুং গুয়ানাগী মরক্তা অনৌবা এয়র সর্বিসেস এগ্রিমেন্ত লৈনবা অসিনা নাকল অনিগী মরক্তা এয়রলাইন কেরিয়রশিংনা মী পুথোক-পুশিন তৌবা অমসুং ললোন-ইতিক্কী খুদোংচাবশিং হেনগৎহনগনি।

*****