প্রধানমন্ত্রীগী লোইশঙ
পি.এম. নরেন্দ্র মোদী অমসুং সিঙ্গাপুরগী প্রধান মন্ত্রী লী সিয়ন লোংনা ভারত অমসুং সিঙ্গাপুরগী মরক্তা য়ু.পি.আই.-পেনাও লিঙ্কেজকী ভর্চুএল লোঞ্চ তৌবদা শরুক য়াখ্রে
য়ু.পি.আই. পেনাও লিঙ্কেজনা ক্রোস বোর্দর রেমিত্তেন্স লাইহল্লগনি, শেল চংহল্লরোই অমসুং রিএল তাইম ওইহল্লগনি
ভারত অমসুং সিঙ্গাপুরগী মরক্তা অহানবা ক্রোস-বোর্দর ত্রাঞ্জেক্সন অসি আর.বি.আই.গী গভর্নর অমসুং এম.এ.এস.কী এম.দি.না তৌখি
Posted On:
21 FEB 2023 12:48PM by PIB Imphal
প্রধান মন্ত্রী শ্রী নরেন্দ্র মোদী অমসুং সিঙ্গাপুরগী প্রধান মন্ত্রী, শ্রী লি সিয়ন লোংনা ভারতকী য়ুনিফাইদ পেমেন্তস ইন্তর্ফেস (য়ু.পি.আই,) অমসুং সিঙ্গাপুরগী পেনাওগী মরক্তা রিএল তাইম পেমেন্ত লিঙ্কেজ তৌবগী ভর্চুএল লোঞ্চতা শরুক য়াখ্রে। রিজর্ব বেঙ্ক ওফ ইন্দিয়াগী গভর্নর, শ্রী শক্তিকান্তা দাস অমসুং মোনিতরী ওথোরিতী ওফ সিঙ্গাপুরগী মেনেজিং দিরেক্তর, শ্রী রবি মেনন্না মখোয় মশা-মশাগী ফোনশিং শীজিন্নদুনা অমনা অমদা লাইব ক্রোস-বোর্দর ত্রাঞ্জেক্সনশিং তৌখি।
পর্সন তু পর্সন (পি২পি) পেমেন্ত ফেসিলিতী লোঞ্চ তৌখিবা সিঙ্গাপুরনা অহানবা লৈবাক ওইরি। সিঙ্গাপুরদগী ভারত অমদি ভাইস ভর্সা ওইনা শেল খুদক্তা থাবা অমসুং লো-কোস্ত ত্রান্সফর তৌবগী খুত্থাংদা মসিনা সিঙ্গাপুরদা লৈরিবা ইন্দিয়ন দাইস্পোরা মরু ওইনা মাইগ্রেন্ত ৱার্কর/মহৈরোয়শিংদা মতেং পাংলগনি অমসুং ফিনতেক অমদি দিজিতাইজেসনগী কান্নবশিং ফংহল্লগনি। ক্যু.আর. কোদশিংগী খুত্থাংদা য়ু.পি.আই. পেমেন্তশিং তৌবা অসিদু সিঙ্গাপুরগী অখন্নবা মর্চেন্ত আউৎলেৎশিংদা হান্ননা য়াহনখিবা লৈখ্রে।
ভর্চুএল লোঞ্চ অসিগী মমাংদা প্রধান মন্ত্রী অনিগী মরক্তা তেলেফোন্দা ৱারী শাখি, মসিদা মখোয়না নাকল অনিমক্কী কান্নগদবা লমশিংদা খন্ন-নৈনখি। প্রধান মন্ত্রীনা ভারত-সিঙ্গাপুরগী মরী অসি মাংদা পুখৎনবা হোৎনবদা পীরিবা মহাক্কী পার্তনরশিপকীদমক থাগৎপা ফোঙদোকখি অমসুং ভারতকী জি২০ প্রসিদেন্সীগী মখাদা মখাদা মহাক্কা লোয়ননা থবক তৌনীবগী অপাম্বা ফোঙদোকখি।
***
(Release ID: 1901059)
Visitor Counter : 130
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam