জুদোকা ১০, বেতমিন্তন শান্নরোয় ২ অমসুং ফেন্সর ৩ মপান লৈবাকশিংদা ত্রেনিং তৌনবা অমসুং কম্পিতিশনশিং(গ্রান্ত স্লামশিং) য়াওনবা শেন্থং পীবা য়ুথ এফেয়ার্স অমসুং স্পোর্তস মিনিস্ত্রিগী মিসন ওলেম্পিক সেল(এম ও সি)না ফেব্রুৱারি ১৬ অমসুং ১৬তা অয়াবা পীখ্রে।

তোপস শান্নরোয় ৩ অমসুং এন.সি.ওই শান্নরোয় ৭ য়াওবা অপুনবা জুদোকা ১০ অদু উজবেকিস্থান অমসুং জর্জিয়াদা নুমিৎ ২১নি ত্রেনিং পাংথোক্কনি অমসুং হায়রিবা নুমিৎশিং অসিগী মনুংদা মখোয়না উজবেকিস্থান, জর্জিয়া অমসুং তর্কিদা পাংথোকপা গ্রান্ত স্লাম ৩ শরুক য়াগনি।

শান্নরোয়শিংনা শরুক য়াবগী ফিস, এয়রফিয়ার, লৈফম, মেদিকেল ইন্সুরেন্স, মফম অদুদা চৎথোক-চৎশিনগী অমসুং চীঞ্জাক্কী শেনফমশিং স্পোর্তস ওথোরিতি ওফ ইন্দিয়ানা পুথোক্কনি।

বেতমিন্তর শান্নরোয় অনি জর্মন ওপন, ওল ইংলেন্দ চেম্পিয়নশিপ, সুইজ ওপন, ওর্লিয়ান্স মাস্তরস, স্পেন মাস্তরস অমসুং ওর্লিয়ান মাস্তরশিং শরুক য়ানবগী শেনফমশু এম.ও.সিনা অয়াবা পীরে।

ফেন্সিংগী ওইনা, ফেন্সর লাইশ্রম মোরাম্বা, শ্রেয়া গুপ্তা অমসুং ওইনাম জুব্রাজ সিংহ মার্চতা তাসখেন্তদা পাংথোক্কদবা কেদেৎ অমসুং জুনিয়ার এসিয়ান চেম্পিয়নশিপ শরুক য়ানবা শেন্থং পীনবগী অয়াবা পীরে। শুইমর শ্রীহরি নতরাজ শিঙ্গাপুর নেসনেল চেম্পিয়নশিপ শরুক য়ানবা অমসুং হায়রিবা থৌরম অদুগীদমক মহাক্কী কোচ নিহার অমিন অমসুং ফিজিওথেরাপিস্ত কর্তিকেয়ান বালাভেনকাতেসনগী শেন্থং পীবদশু অয়াবা পীরে।

নুমিৎ নিনিগী মীফম মনুংদা, এম.ও.সিগী মেম্বরশিং, স্পোর্তস ওথোরিতি ওফ ইন্দিয়াগী মীহুৎশিং অমসুং তোঙান-তোঙানবা নেসনেল ফেদেরেসনশিংগী মীহুৎশিংনা লাক্লিবা এসিয়ান গেমস অমসুং পেরিস ওলেম্পিক্কীদম থৌরাং তৌনবা ৱা খন্নখি।

*****