• কবর তৌদ্রিবা পঞ্চায়তশিংদা ভাইএবল প্রাইমারী এগ্রিকলচরেল ক্রেদিৎ সোসাইতীজ (পি.এ.সি.এস.), কবর তৌদ্রিবা পঞ্চায়ত/খুঙ্গং অমমমদা ভাইএবল দাইরী কোওপরেতিবশিং অমসুং কোস্তেল পঞ্চায়ত/খুঙ্গং অমমমদা লোয়ননা অচৌবা ঈশিংগী ইপাকশিং লৈবা পঞ্চায়ত/খুঙ্গংদা ভাইএবল ফিশরী কোওপরেতিবশিং লিংখৎলি অমসুং হান্নদগী লৈরবা পি.এ.সি.এস./দাইরী/ফিশরী কোওপরেতিব সোসাইতীশিং মপাঙ্গল কনখৎহল্লি।
• মথংগী চহি মঙাদা মলতিপর্পস পি.এ.সি.এস./দাইরী/ফিশরী কোওপরেতিব লাখ ২ লিংখৎনবা অহানবগী পান্দম থম্মি।
• থৌরাং অসি ‘হোল ওফ গভর্নমেন্ত’ এপ্রোচ শীজিন্নদুনা ফিশরীজ, এনিমেল হসবেন্দরী অমসুং দাইরিয়িং মন্ত্রালয়গী তোঙান তোঙানবা স্কিমশিং পুনশিনবগী খুত্থাংদা নাবার্দ, নেস্নেল দাইরী দিবেলপমেন্ত বোর্দ (এন.দি.দি.বি.) অমসুং নেস্নেল ফিশরীজ দিবেলপমেন্ত বোর্দ (এন.এফ.দি.বি.)গী তেংবাংগা লোয়ননা ইমপ্লিমেন্ত তৌগনি।
• পি.এ.সি.এস./দাইরী/ফিশরী কোওপরেতিব সোসাইতীশিং লিংখৎপা ঙমহনগনি অমসুং মখোয়গী বিজিনেস এক্তিবিতীশিং পাকথোক চাউথোকহন্নবা মথৌ তাবা ইনফ্রাস্ত্রকচর মোদর্নাইজ তৌবা ঙমহনগনি।
• লৌমীগী মেম্বরশিংদা মখোয়গী পোত্থোক মার্কেৎ তৌনবা, মখোয়গী ইনকম হেনগৎহন্নবা, ক্রেদিৎ ফেসিলিতীশিং অমসুং অতোপ্পা সর্ভিসশিং খুঙ্গংগী থাক্তা ফংহন্নবা মথৌ তাবা ফোরৱার্দ অমসুং বেকৱার্দ লিঙ্কেজশিং ফংহনগনি।

ইকাই খুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দলনা লৈবাক অসিদা কোওপরেতিব মুফমেন্ত মপাঙ্গল কনখৎহনবা অমসুং গ্রাসরুৎ ফাওবা মানা য়ৌশিনবা হেনগৎহনবদা অয়াবা পীখ্রে। ইকাই খুম্নরবা ভারতকী প্রধান মন্ত্রী শ্রী নরেন্দ্র মোদীগী মীৎয়েং শানবা লমজিং মখাদা অমসুং ইকাই খুম্নরবা হোম অমসুং কোওপরেসনগী মন্ত্রী, শ্রী অমিত শাহগী লমজিং মখাদা ‘হোল ওফ গভর্নমেন্ত’ এপ্রোচ শীজিন্নদুনা ফিশরীজ, এনিমেল হসবেন্দরী অমসুং দাইরিয়িং মন্ত্রালয়গী তোঙান তোঙানবা স্কিমশিং পুনশিনবগী খুত্থাংদা কবর তৌদ্রিবা পঞ্চায়তশিংদা ভাইএবল পি.এ.সি.এস., কবর তৌদ্রিবা পঞ্চায়ত/খুঙ্গং অমমমদা ভাইএবল দাইরী কোওপরেতিবশিং অমসুং কোস্তেল পঞ্চায়ত/খুঙ্গং অমমমদা লোয়ননা অচৌবা ঈশিংগী ইপাকশিং লৈবা পঞ্চায়ত/খুঙ্গংদা ভাইএবল ফিশরী কোওপরেতিবশিং লিংখৎনবা অমসুং হান্নদগী লৈরবা পি.এ.সি.এস./দাইরী/ফিশরী কোওপরেতিব সোসাইতীশিং মপাঙ্গল কনখৎহন্নবা থৌরাং অমা পাইখৎখি। মথংগী চহি মঙাদা পি.এ.সি.এস./দাইরী/ফিশরী কোওপরেতিব লাখ ২ লিংখৎনবা অহানবগী পান্দম থম্মি। প্রোজেক্ত অসি ইমপ্লেমেন্ত তৌনবা এক্সন প্লান অসি নাবার্দ, নেস্নেল দাইরী দিবেলপমেন্ত বোর্দ (এন.দি.দি.বি.) অমসুং নেস্নেল ফিশরীজ দিবেলপমেন্ত বোর্দ (এন.এফ.দি.বি.)না শেমগনি।

মখাদা পীরিবা স্কিমশিং অসি হৌজিক লৈরিবা থৌরাং অসিগী মখাদা পুনশিন্নবা মশক খঙদোকখি:

1. এনিমেল হসবেন্দরী অমসুং দাইরিয়িং বিভাগ:

1. নেস্নেল প্রোগ্রাম ফোর দাইরী দিবেলপমেন্ত (এন.পি.দি.দি.), অমসুং
2. দাইরী প্রোসেসিং এন্দ ইনফ্রাস্ত্রকচর দিবেলপমেন্ত ফন্দ (দি.আই.দি.এফ.)

2. ফিশরীজ বিভাগ:

1. প্রধান মন্ত্রী মতস্যা সম্পদা য়োজনা (পি.এম.এম.এস.ৱাই.), অমসুং
2. ফিশরীজ এন্দ এক্বাকলচর ইনফ্রাস্ত্রকচর দিবেলপমেন্ত (এফ.আই.দি.এফ.)

মসিনা লৈবাক শিনবা থুংবদা লৈরিবা লৌমীগী মেম্বরশিংদা মখোয়গী পোত্থোক মার্কেৎ তৌনবা, মখোয়গী ইনকম হেনগৎহন্নবা, ক্রেদিৎ ফেসিলিতীশিং অমসুং অতোপ্পা সর্ভিসশিং খুঙ্গংগী থাক্তা ফংহন্নবা মথৌ তাবা ফোরৱার্দ অমসুং বেকৱার্দ লিঙ্কেজশিং ফংহনগনি। হীংগৎহনবা য়াদ্রবা প্রাইমারী কোওপরেতিব সোসাইতীশিং অসি ৱাইন্দিং অপ তৌনবা মশক খঙদোক্কনি, অমসধং ওপরেসন চত্থগদবা মখোয়গী মফমদা অনৌবা প্রাইমারী কোওপরেতিব সোসাইতীশিং লিংখৎকনি।

মখা তানা অনৌবা পি.এ.সি.এস./দাইরী/ফিশরী কোওপরেতিন সোসাইতীশিং লিংখৎপনা খুঙ্গংগী মফমশিংদা থবক্কী খুদোংচাবশিং পীগনি, মসিনা খুঙ্গংগী শেন্মীৎলোন্দা মলতিপ্লায়র ইফেক্ত ফংহনগনি। থৌরাং অসিনা লৌমীশিংদা মখোয়গী পোত্থোকশিংগীদমক হেন্না ফবা মমলশিং খঙহনগনি মখোয়গী মার্কেৎশিংগী সাইজ হেনগৎহনগনি অমসুং সপ্লাই চেন্দা অপনবা লৈহল্লোই।

হোম অমসুং কোওপরেতিব মন্ত্রীগী চিয়রমেনশিপ মখাদা লৌউ-শিংউ অমসুং লৌমীশিংগী য়াউফ থৌরাং মন্ত্রী; ফিশরী, এনিমেল হসবেন্দরী অমসুং দাইরীয়িংগী মন্ত্রী; মরী লৈনবা সেক্রেতরীশিং; নাবার্দ, এন.দি.দি.বি.গী চিয়রমেন অমসুং এন.এফ.দি.বি.গী চীফ একজিক্যুতিবনা মেম্বর ওইদুনা অৱাংবা থাক্কী ইন্তর-মিনিস্ত্রিএল কম্মিতি (আই.এম.সি.) শেমখি অমসুং থৌরাং অসি নীংথিনা ইমপ্লিমেন্ত তৌনবগীদমক পুনশিন্নবা মশক খঙদোকখিবা  স্কিমশিংগী গাইদলাইনশিংদা চুনবা মওংদা শেমদোক-শেমজিন তৌবা য়াওনা মথৌ তাবা খোঙথাংশিং লৌখৎনবা শক্তি পীখি। এক্সন প্লান্দা মীৎয়েং চংনবা অমসুং নীংথিনা পাইখৎনবা জাতি, রাজ্য অমসুং জিলাগী থাকশিংদা কম্মিতিশিংসু শেমখি।

পি.এ.সি.এস.কী ভাইএবিলতী হেনগৎহন্নবা অমসুং পঞ্চায়তকী থাক্তা মখোয়বু অচৌবা ইকনোমিক এন্তিতীশিং ওইহন্নবা মখোয়গী বিজিনেস এক্তিবিতী পাকথোক চাউথোকহন্নবা স্তেকহোল্দরশিংগা তান্নরবা মতুংদা মন্ত্রালয়না পি.এ.সি.এস.কী মোদেল বাইলোশিং শেমখি। পি.এ.সি.এস.কী মোদেল বাইলোশিংনা মখোয়বু দাইরী, ফিশরী, গোদাউনশিং হাংবা, চেং-হৱাই, হার, মরুশিং লৈশিনবা, এল.পি.জি./সি.এন.জি./পেত্রোল/দইজল দিস্ত্রিব্যুতরশিপ, শোর্ত-তর্ম অমসুং লোং-তর্ম ক্রেদিৎ, কস্তম হাইরিং সেন্তরশিং, কম্মন সর্ভিস সেন্তরশিং, ফিয়র প্রাইস শোপশিং, কম্ম্যুনিতী ইরিগেসন, বিজিনেস কোরেস্পোন্দেন্ত এক্তিবিতীশিং, কম্মন সর্ভিস সেন্তর অসিনচিংবা য়াওনা বিজিনেস এক্তিবিতী ২৫ হেন্না মখোয়না পাইখৎপা ঙমহনগনি। মোদেল বাইলোশিং অসি মরী লৈনবা স্তেৎ কোওপরেতিব এক্তকী মতুং ইন্না চুনবা মওংদা শেমদোক শেমজিন তৌরবা মতুংদা পি.এ.সি.এস.না মখোয়বু চৎনহন্নবা জনুৱারী ৫, ২০২৩দা রাজ্যশিং/য়ু.তি.শিংদা সর্ক্যুলেৎ তৌখি।

রাজ্যশিং/য়ুনিয়ন তেরিতোরীশিংগী কোওপরেতিব সোসাইতীশিংগী রেজিস্ত্রারগী তেংবাংগা লোয়ননা পঞ্চায়ত অমসুং খুঙ্গংগী থাক্তা লৈবাক শিনবা থুংবদা কোওপরেতিবশিংগী মেপ্পিং তৌদুনা  কোওপরেতিব মন্ত্রালয়না নেস্নেল কোওপরেতিব দেতাবেস অমা শেম্লি। জনুৱারী ২০২৩দা পি.এ.সি.এস.গী কমপ্রিহেন্সিব দেতাবেজ শেমখি অমসুং ফেব্রুৱারী লোইশিল্লকপদা প্রাইমারী দাইরী/ফিশরী কোওপরেতিব সোসাইতীশিংগী দেতাবেজ অমা দিবেলপ তৌগনি। মসিগী এক্সর্সাইজ অসিনা পি.এ.সি.এস., দাইরী অমসুং ফিশরী কোওপরেতিব সোসাইতীশিংনা কোনদবা পঞ্চায়ত অমসুং খুঙ্গংশিংগী লিস্ত শেমগনি। নেস্নেল কোওপরেতিব দেতাবেজ অমসুং ওনলাইন সেন্ত্রেল পোর্তেল অসি অনৌবা কোওপরেতিব সোসাইতীশিং শেম্বা রিএল তাইম মোনিতরিং তৌবদা শীজিন্নগনি।

পি.এ.সি.এস./দাইরী/ফিশরী কোওপরেতিব সোসাইতীশিং অসি মখোয়গী মশাগী জিলা অমসুং রাজ্যগী থাক্কী ফেদরেসনশিংগা লোয়ননা লিঙ্ক তৌগনি। ‘হোল ওফ গভর্নমেন্ত’ এপ্রোচ শীজিন্নদুনা সোসাইতীশিং অসিনা মিল্ক কুলর, মিল্ক প্রোসেসিং য়ুনিৎশিং, বাইওফ্লোক পোন্দশং শাবা, ফিশ কিওক্স, হেৎচরীশিং শেমগৎপা, দীপ সী ফীশিং বেসেলশিং অসিগুম্বা মখোয়গী এক্তিবিতী পাকথোক চাউথোকহন্নবগী মথৌ তাবা ইনফ্রাস্ত্রকচর লিংখৎনবা অমসুং মোদর্নাইজ তৌবা ঙমগনি।

মেম্বর ওইরিবা লৌমীশিংদা শোর্ত-তর্ম অমসুং মিদিয় –তর্ম ক্রেদিৎ অমসুং মরু, হার, তিলহীদাল য়েন্থোকপা অসিনচিংবা অতোপ্পা ইনপুৎ সর্ভিসশিং পীরিবা লৈবাক অসিগী শোর্ত-তর্ম কোওপরেতিন ক্রেদিৎ (এস.তি.সি.সি.) স্ত্রকচরগী খ্বাইদগী তাবা তায়র অসি প্রাইমারী এগ্রিকলচরেল ক্রেদিৎ সোসাইতীশিং (পি.এ.সি.এস.) মশিং ৯৮,৯৯৫ অমসুং মাগী বেজ মেম্বর করোর ১৩না ওইরি। মখোয় অসি দিস্ত্রিক সেন্ত্রেল কোওপরেতিন বেঙ্ক (দি.সি.সি.বি.) ৩৫২ অমসুং স্তেৎ কোওপরেতিব বেঙ্ক (এসতি.সি.বি.)  ৩৪গী খুত্থাংদা নাবার্দনা রিফাইনান্স তৌখি।

মশিং ১,৯৯,১৮২ অমসুং মেম্বর করোর ১.৫রো, লৈবা প্রাইমারী দাইরী কোওপরেতিব সোসাইতীশিংনা লৌমীশিংদগী শঙ্গোম লৈশিনবা, মিল্ক তেস্তিং ফেসিলিতীশিং পীবা, কেত্তল ফীদ য়োনবা, এক্সতেন্সন সর্ভিস অসিনচিংবা মেম্বশিংদা পীবগী থবক তৌরি।

মশিং ২৫,২৯৭ রোম ওইবা অমদি মেম্বর লাখ ৩৮রোম লৈবা প্রাইমারী ফিশরী কোওপরেতিব সোসাইতীশিংনা খুন্নাইগী খ্বাইদগী শোত্থরবা শরুকশিংদা মখোয়গী মার্কেতিং ফেসিলিতীশিং পীরি, ঙা ফানবা খুৎশু-খুৎলাই, ঙা মচা অমসুং মচিঞ্জাক লৈশিনবদা মতেং পাংলি অমসুং অকক্নবা স্কেল অমদা ক্রেদিৎ ফেসিলিতীশিংসু পীরি।

অদুম ওইনমক পি.এ.সি.এস. লৈতবা পঞ্চায়ত লাখ ১.৬রোম অমসুং দাইরী কোওপরেতিব সোসাইতী অমত্তা লৈতবা পঞ্চায়ত লাখ ২গী ময়া লৈরি। লৈবাক্কী খুঙ্গংগী শেন্মীৎ অসি লেপহনদনবা প্রাইমারী লেবেল কোওপরেতিব সোসাইতীশিং অসিনা লৌরিবা মরু ওইবা থৌদাং অসি য়েংলগা লৈবাক অসিদা কোওপরেতিব মুফমেন্ত মপাঙ্গল কনখৎহন্নবা, গ্রাসরুৎশিংদা য়ৌশিনবা হেনগৎহন্নবা অমসুং পঞ্চায়ত/খুঙ্গং পুম্নমক কোনশিন্নবা অসিগুম্বা সোসাইতীশিং লিংখৎতুনা মখোয়গী অশোইবা দিস্ত্রিব্যুসন কোকহন্নবা অকনবা খোঙথাংশিং লৌখৎপা মথৌ তাই।

****