ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି (୧୧-୦୨-୨୦୨୩) ଅହମ୍ମଦାବାଦ ଠାରେ ଭାରତୀୟ ଫିଜିଓଥେରାପୀ ସଂଘର ଜାତୀୟ ସମ୍ମିଳନୀରେ ଆଭାସୀ ମାଧ୍ୟମରେ ଯୋଗ ଦେଇଛନ୍ତି ।

ଏହି ଅବସରରେ ଉଦବୋଧନ ଦେଇ ପ୍ରଧାନମନ୍ତ୍ରୀ ଫିଜିଓ ଥେରାପିଷ୍ଟମାନଙ୍କୁ ଆଶା, ଆଶ୍ୱସ୍ତି, ନମନୀୟତା ଓ ଆରୋଗ୍ୟର ପ୍ରତୀକ ଭାବେ ସ୍ୱୀକୃତି ପ୍ରଦାନ କରିଛନ୍ତି । ଜଣେ ଫିଜିଓ ଥେରାପିଷ୍ଟ କେବଳ ଶରୀର ଆଘାତର ଉପଚାର କରେ ନାହିଁ ବରଂ ସେ ଶରୀର ପ୍ରତି ଥିବା ମନସ୍ତାତ୍ତ୍ୱିକ ଆହ୍ୱାନଗୁଡ଼ିକର ସାମ୍ନା କରିବାକୁ ପ୍ରେରଣା ଦିଏ ବୋଲି ସେ କହିଛନ୍ତି ।

ପ୍ରଧାନମନ୍ତ୍ରୀ ଫିଜିଓ ଥେରାପିଷ୍ଟମାନଙ୍କ ବୃତ୍ତିଗତ ଭାବନାର ପ୍ରଶଂସା କରିବା ସହ କିପରି ସେମାନଙ୍କ ସେହି ଉତ୍ସାହ ଆବଶ୍ୟକ ସ୍ଥଳେ ଶାସନ ବ୍ୟବସ୍ଥାକୁ ମଧ୍ୟ ବ୍ୟାପିଥାଏ ବୋଲି କହିଛନ୍ତି । ମୌଳିକ ଆବଶ୍ୟକତା ଯେପରିକି ବ୍ୟାଙ୍କ ଖାତା, ଶୌଚାଳୟ, ପାଇପ ପାଣି, ମାଗଣା ଡାକ୍ତର ଚିକିତ୍ସା ଓ ସାମାଜିକ ସୁରକ୍ଷା ଢ଼ାଲ ପ୍ରସ୍ତୁତି, ଦେଶର ଗରିବ ଓ ମଧ୍ୟବିତ୍ତ ଶ୍ରେଣୀ ବ୍ୟକ୍ତିମାନେ ସ୍ୱପ୍ନ ଦେଖିବାକୁ ସାହସ ସଞ୍ଚୟ କରୁଛନ୍ତି । “ଆମେ ବିଶ୍ୱକୁ ଦେଖାଇ ଦେଇଛୁ ଯେ ସେମାନଙ୍କ ସାମର୍ଥ୍ୟ ବଳରେ ସେମାନେ ନୂତନ ଶିଖରରେ ପହଞ୍ଚୁଛନ୍ତି” ବୋଲି ପ୍ରଧାନମନ୍ତ୍ରୀ କହିଥିଲେ ।

ସେହିପରି ସେ ବୃତ୍ତିର ବୈଶିଷ୍ଟ୍ୟ ଉପରେ ଆଲୋକପାତ କରି ରୋଜଗାର ଆତ୍ମନିର୍ଭରଶୀଳତା ସୁନିଶ୍ଚିତ କରିବା ସହ ଭାରତ ମଧ୍ୟ ଆତ୍ମନିର୍ଭରତା ଦିଗରେ ଅଗ୍ରସର ହେଉଛି ବୋଲଇ କହିଥିଲେ । ଏହି ବୃତ୍ତି ମଧ୍ୟ ସବକା ପ୍ରୟାସର ପ୍ରତୀକ, କାରଣ ରୋଗୀ ଓ ଚିକିତ୍ସକ ଉଭୟ ସମସ୍ୟା ଉପରେ କାର୍ଯ୍ୟ କରିଥାନ୍ତି ଓ ତାହା ଅନେକ ଯୋଜନା ଓ ସ୍ୱଚ୍ଛ ଭାରତ ଓ ବେଟି ବଚାଓ ଭଳି ଜନଆଂଦୋଳନରେ ପ୍ରତିଫଳିତ ବୋଲି ପ୍ରଧାନମନ୍ତ୍ରୀ କହିଥିଲେ ।

ଫିଜିଓ ଥେରାପୀ ମଧ୍ୟ ଉତ୍ସାହ, ଦୃଢ଼ତା, ନିରବଚ୍ଛିନ୍ନତା ଭଳି କେତେକ ବାର୍ତ୍ତା ପ୍ରଦାନ କରିଥାଏ ଓ ସେସବୁ ପ୍ରଶାସନର ନୀତି କାର୍ଯ୍ୟକାରୀ କରିବା ପାଇଁ ଖୁବ ଗୁରୁତ୍ୱପୂର୍ଣ୍ଣ ।

ସ୍ୱାଧୀନତାର ଅମୃତ ମହୋତ୍ସବ କାଳରେ ଏକ ବୃତ୍ତି ଭାବେ ଫିଜିଓ ଥେରାପୀ ବହୁତ ପ୍ରତୀକ୍ଷିତ ସ୍ୱୀକୃତିଲାଭ କରିଛି । ସରକାର ଦ୍ୱାରା ଅଣାଯାଇଥିବା ମିଳିତ ଓ ସ୍ୱାସ୍ଥ୍ୟଯତ୍ନ ବୃତ୍ତିଧାରୀ ବିଲ୍ ପାଇଁ ଜାତୀୟ ଆୟୋଗ ଗଠନ କରିଛନ୍ତି ଓ ସେଥିରେ ଫିଜିଓ ଥେରାପିଷ୍ଟମାନଙ୍କ ଅବଦାନକୁ ସ୍ୱୀକୃତି ପ୍ରଦାନ କରାଯାଇଛି । “ଏହାଫଳରେ ଆପଣମାନଙ୍କୁ ଭାରତ ଓ ଭାରତ ବାହାରେ ମଧ୍ୟ କାର୍ଯ୍ୟ କରିବା ସହଜ ହେବ । ସରକାର ମଧ୍ୟ ଫିଜିଓ ଥେରାପିଷ୍ଟମାନଙ୍କୁ ଆୟୁଷ୍ମାନ ଭାରତ ଡିଜିଟାଲ ମିଶନ ନେଟୱର୍କରେ ସାମିଲ କରିଛନ୍ତି । ଏହା ଆପଣମାନଙ୍କୁ ରୋଗୀ ନିକଟରେ ପହଂଚିବାରେ ସୁବିଧାଜନକ ହେବ” ବୋଲି ପ୍ରଧାନମନ୍ତ୍ରୀ କହିଥିଲେ । ଏହାଛଡ଼ା ଫିଟ୍ ଇଣ୍ଡିଆ ମୁଭମେଣ୍ଟ ଓ ଖେଲୋ ଇଣ୍ଡିଆରେ ମଧ୍ୟ ଫିଜିଓ ଥେରାପିଷ୍ଟମାନଙ୍କ ନିମନ୍ତେ ସୁଯୋଗ ରହିଛି ।

ସଠିକ ଭଙ୍ଗୀ, ଅଭ୍ୟାସ ଓ ବ୍ୟାୟାମ ଉପରେ ଲୋକମାନଙ୍କୁ ଶିକ୍ଷିତ କରିବା ଉପରେ ପ୍ରଧାନମନ୍ତ୍ରୀ ଫିଜିଓ ଥେରାପିଷ୍ଟମାନଙ୍କୁ ନିବେଦନ କରିଥିଲେ । “ଲୋକମାନେ ଫିଟନେସ ନେଇ ଠିକ୍ ପନ୍ଥା ଅନୁସରଣ କରିବା ଉଚିତ । ଆପଣମାନେ ଲେଖା ଓ ବକ୍ରୃତା ଜରିଆରେ ଏହା କରିପାରିବେ । ମୋର ଯୁବା ବନ୍ଧୁଗଣ ମଧ୍ୟ ଉତ୍ତର ଜରିଆରେ ମଧ୍ୟ ଏହା କରିପାରିବେ” ବୋଲି ସେ କହିଥିଲେ ।

ଫିଜିଓ ଥେରାପି ନେଇ ନିଜର ବ୍ୟକ୍ତିଗତ ଅଭିଜ୍ଞତା ସମ୍ପର୍କରେ ପ୍ରଧାନମନ୍ତ୍ରୀ କହିଥିଲେ ଯେ “ମୋର ନିଜସ୍ୱ ଅଭିଜ୍ଞତା ହେଉଛି ଯେତେବେଳେ ଯୋଗର ବିଶେଷଜ୍ଞତା ଜଣେ ଫିଜିଓ ଥେରାପିଷ୍ଟ ସହ ମିଳିଯାଏ ସେତେବେଳେ ଏହାର ଶକ୍ତି ବହୁଗୁଣିତ ହୋଇଥାଏ । ଶରୀରର କେତେକ ସାଧାରଣ ସମସ୍ୟା ଯାହା ଅନେକ ସମୟରେ ଫିଜିଓ ଥେରାପି ଆବଶ୍ୟକ କରିଥାଏ, ଅନେକ ଯୋଗ ଦ୍ୱାରା ମଧ୍ୟ ଠିକ୍ ହୋଇଥାଏ । ତେଣୁ ଆପଣମାନେ ଫିଜିଓ ଥେରାପି ସହ ଯୋଗ ମଧ୍ୟ ଜାଣିବା ଦରକାର । ଏହା ଆପଣଙ୍କ ବୃତ୍ତିଗତ ଦକ୍ଷତାରେ ବୃଦ୍ଧି ଘଟାଇବ ।”

ଫିଜିଓ ଥେରାପି ବୃତ୍ତି ବିଶେଷ କରି ବରିଷ୍ଠ ନାଗରିକମାନଙ୍କ ସହ ଯୋଡ଼ି ହୋଇଥିବାରୁ ପ୍ରଧାନମନ୍ତ୍ରୀ ଅଭିଜ୍ଞତା ଓ କୌଶଳକୁ ଏକ ଦସ୍ତାବିଜ ଆକାରରେ ରଖି ମୌଖିକ ସନ୍ଦର୍ଭ ବା ଦୃଶ୍ୟଶ୍ରାବ ଉପସ୍ଥାନ ମାଧ୍ୟମରେ ବିଶ୍ୱ ଆଗରେ ଉପସ୍ଥାପନା କରିବା ଦରକାର ।

ଶ୍ରୀ ମୋଦୀ ମଧ୍ୟ ଏହାର ବୃତ୍ତିଧାରୀମାନଙ୍କୁ ଆଭାସୀ ପରାମର୍ଶ ଓ ଟେଲି ମେଡିସିନର ସାହାରା ନେବାକୁ ନିବେଦନ କରିଥିଲେ । ତୁର୍କୀରେ ହୋଇଥିବା ଭୂକମ୍ପ ଭଳି ସମସ୍ୟାରେ ଅନେକ ଫିଜିଓ ଥେରାପିଷ୍ଟଙ୍କ ଆବଶ୍ୟକତା ରହିଛି ଓ ଭାରତୀୟ ଫିଜିଓ ଥେରାପିଷ୍ଟମାନେ ମୋବାଇଲ ଫୋନ ଜରିଆରେ ସାହାଯ୍ୟ କରିପାରିବେ । ସେ ଫିଜିଓ ଥେରାପିଷ୍ଟ ସଂଘକୁ ଏ ଦିଗରେ ଚିନ୍ତା କରିବାକୁ ନିବେଦନ କରିଥିଲେ । “ମୋର ସମ୍ପୂର୍ଣ୍ଣ ବିଶ୍ୱାସ ଯେ ଆପଣମାନଙ୍କ ଭଳି ବିଶେଷଜ୍ଞଙ୍କ ନେତୃତ୍ୱରେ ଭାରତ ଫିଟ୍ ଓ ସୁପରଫିଟ୍ ହୋଇପାରିବ” ବୋଲି କହି ପ୍ରଧାନମନ୍ତ୍ରୀ ତାଙ୍କ ବକ୍ତବ୍ୟ ସମାପନ କରିଥିଲେ ।

SM/MB