প্রধানমন্ত্রীগী লোইশঙ
রাস্ত্রপতিনা লোক সভাদা থমখিবা মোসন ওফ থেংক্সকী ৱারোলগী প্রধান মন্ত্রীগী পাউখুম
“রাস্ত্রপতিনা হাউস অনিমক্তা থমখিবা মিৎয়েং শানবা ৱারোলদা লৈবাক মীয়ামদা মাইকৈ তাকখি”
“মালেমগী থাক্তা ভারতনা কনগদবা ফমগী মতাংদা পোজিতিবিতী অমসুং থাজবা লৈ”
“ঙসিদি রিফোর্মশিং অসি পাংথোক্তবা য়াদে খনবগী মহুত্তা থম্মোই শেংনা পাংথোক্লে”
য়ু.পি.এ.গী মখাদা লৈবা ভারতপু ‘মাঙলবা দিকেদ’ কৌরম্মি, অদুবু ঙসিদি মীয়াম্না হৌজিক্কী দিকেদ অসিবু ‘ভারতকী দিকেদ’ হায়না কৌনরে
“ভারত অসি গনতন্ত্রগী মমানি, কনস্ত্রক্তিব কৃতিসিজম হায়বসি মপাঙ্গল লৈবা গনতন্ত্রা অমগী য়াম্না মথৌ তাই অমসুং কৃতিসিজম তৌবা হায়বসিগা ‘শুধী য়াগ্যা’ অমগা মান্নৈ”
“মীওই খরনা কনস্ত্রক্তিব কৃতিসিজম তৌবগী মহুত্তা কম্পলসিব কৃতিসিজম তৌরি”
“ভারত মচা করোর ১৪০গী থৌজালনা ঐহাক্কী ‘সুরক্ষা কবচ’ ওইরিবনি”
“ঐখোয়গী সরকারনা মিদ্দল ক্লাসকী অপাম্বশিং ফংহনখি। ঐখোয়না মখোয়বু থম্মোয় শেংবগীদমক্তা ইকায় খুম্নখি”
“ভারতকী খুন্নাইদা নেগেতিবিতীগা মাইয়োক্নবা ঙম্বগী পাঙ্গল লৈ, অদুবু মখোয়না মসিগুম্বা নেগেতিবিতীবু কৈদৌনুংদা য়াদে”
Posted On:
08 FEB 2023 5:40PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি রাস্ত্রপতিনা পার্লিয়ামেন্তকী লোক সভাদা থমখিবা মোসন ওগ থেংক্স ৱারোলগী পাউখুম পীখ্রে।
ইকায় খুম্ননিংঙাই ওইরবা রাস্ত্রপতিনা হাউস অনিগী মফমদা থমখিবা মহাক্কী মিৎয়েং শানবা ৱাফমদা লৈবাক মীয়ামদা মাইকৈ তাকখি হায়না প্রধান মন্ত্রীনা ফোংদোকখি। মহাক্কী ৱারোলনা ভারতকী ‘নারি শক্তি’ (নুপীগী পাঙ্গল)গী ইথিল পীখি অমসুং ভারতকী ত্রাইবেল খুন্নাইশিংগী মফমদা মশাদা থাজবা পোকহনবগা লোয়ননা মশাদা চাউথোকচনবা ইথিলসু পীখি। “মহাক্না লৈবাক্কী ‘সঙ্কল্প এ সিধী’গী অকুপ্পা ব্লুপ্রিন্ত অমা তাকখি”, প্রধান মন্ত্রীনা হায়খি।
প্রধান মন্ত্রীনা শিংনবা কয়া লৈরকপা য়াই, অদুবু ভারত মচা করোর ১৪০না খোঙফম চেৎলবদি, লৈবাক অসিনা মহাক্কী মমাংদা লাকপা খুদোংচাদবা খুদিংমক থেংনবা ঙমগনি হায়না ফোংদোকখি। চহি চা অমদা অমুকখক থোকপা ইরাং অমসুং লানগী মতমদা লৈবাক অসিনা মশাবু শেন্নখিবা মতৌনা ভারত মচা খুদিংদা থাজবা পোকহল্লি হায়না মহাক্না হায়খি। মসিগুম্বা তংদু লৈতাদবা মতমদা ফাওবা, ভারতনা মালেমগী খ্বাইদগী মঙাশুবা চাউবা শেন্মিৎলোন ওইনা থোক্লকখিবনি হায়না মহাক্না মখা তাখি।
মালেমগী থাক্তা ভারতনা কনগদবা ফমগী মতাংদা পোজিতিবিতী অমসুং থাজবা লৈ অমসুং মসিগুম্বা পোজিতিবিতী অসিদি ভারতনা মালেমগী থাক্তা কল্লিবা মফম, ভারতকী চাউখৎপা ঙম্বগী মতিক অমসুং ভারত্তা লৈরক্লিবা অনৌবা খুদোংচাবশিং অসিননি হায়না মহাক্না হায়খি। লৈবাক অসিদা থাজবা থম্লক্লিবা অসিগী ফিভমগী মতাংদা প্রধান মন্ত্রীনা পাউদম্লদুনা ভারত্তা ভ্বারেল চেৎপা অমসুং তংদু লৈতাবা সরকার অমা পাল্লি হায়না হায়খি। ঙসিদি রিফোর্মশিং অসি পাংথোক্তবা য়াদে খনবগী মহুত্তা থম্মোই শেংনা পাংথোক্লে হায়বগী থাজবা লৈরে হায়না মহাক্না মখা তাখি।
প্রধান মন্ত্রীনা ইং ২০১৪গী মমাংগী দিকেদকী মতমদা মীয়ামগী পুক্নিং চিংশিনখি অমসুং ইং ২০০৪দগী ২০১৪ ফাওবদা লৈবাক অসিদা ৱাথোক কয়ানা পোৎলম পীরম্মি অমসুং লৈবাক্কী মফম খুদিংদা তেররগী লান্দানা ৱাই চাইরম্মি হায়না ফোংদোকখি। দিকেদ অসিনা ভারতকী শেন্মিৎলোন্না লৈখা তাবা উবা ফংখি অমসুং ভারতকী খোঞ্জেল অসি মালেমগী ফম্বাক্তা য়াম্না পীকশিনখি। য়ুগ অসিদি ‘মাউকে মে মুসিবতী’ – খুদোংচাবা খেন্ননা ফংহনবগী মতৌনা শক্তাকখি।
লৈবাক অসিনা ঙসিগী মতমদা মশাদা য়াম্না থাজরে অমসুং মশাগী মঙলান অমসুং ৱারেপশিং মঙফাওনবা ঙম্লে হায়না পল্লদুনা প্রধান মন্ত্রীনা মালেম পুম্বনা ভারত্তা থাজবা মিৎয়েং য়েংলি অমসুং মসিগুম্বা মায় পাকপা অসিদি ভারতকী তংদু লৈতাবা অমসুং ওইথোকপা য়াবা কয়া লৈবননি হায়না পাউদমখি। “য়ু.পি.এ.গী মখাদা লৈবা ভারতপু ‘মাঙলবা দিকেদ’ কৌরম্মি, অদুবু ঙসিদি মীয়াম্না হৌজিক্কী দিকেদ অসিবু ‘ভারতকী দিকেদ’ হায়না কৌনরে”, হায়না মহাক্না মখা তাখি।
ভারত অসিদি গনতন্ত্রগী মমানি হায়না পল্লদুনা, প্রধান মন্ত্রীনা কনস্ত্রক্তিব কৃতিসিজম হায়বসি মপাঙ্গল লৈবা গনতন্ত্রা অমগী য়াম্না মথৌ তাই অমসুং কৃতিসিজম তৌবা হায়বসিগা ‘শুধী য়াগ্যা’ অমগা মান্নৈ হায়না ফোংদোকখি। মীওই খরনা কনস্ত্রক্তিব কৃতিসিজম তৌবগী মহুত্তা কম্পলসিব কৃতিসিজম তৌরিবা অসিদা প্রধান মন্ত্রীনা নুংঙাইতবা ফোংদোকখি। মমাংগী চহি ৯দা কনস্ত্রক্তিব কৃতিসিজম তৌবগী মহুত্তা অতোপ্পদা ৱাফম য়াওদবা মরান শিজিন্নবগী চৎনবী অমা তৌদুনা কম্পলসিব কৃতিসিজম পাংথোক্তুনা লাক্লি হায়না মহাক্না হায়খি। তঙাই ফদবা খুদোংচাবশিং অহানবা ওইনা ফংলিবা মীওইশিংনা মসিগুম্বা কৃতিসিজমদা কৈদৌনুংদা ৱাখল খঞ্জিল্লরোই হায়না প্রধান মন্ত্রীনা হায়খি। শাগৈ অচৌবদগী হৌরকপা মীওই ওইবগী মহুত্তা, মহাক্তি ভারত মচা করোর ১৪০গী ইমুংগী মীওই অমনি হায়না মহাক্না হায়খি। “ভারত মচা করোর ১৪০গী থৌজালনা ঐহাক্কী ‘সুরক্ষা কবচ’ ওইরিবনি”, মহাক্না মখা তাখি।
শোত্থরবা অমসুং মীরায়বীরবশিংদা মিৎয়েং চঙবগী থৌওংবু প্রধান মন্ত্রীনা অমুক হন্না পল্লদুনা সরকারগী স্কিমশিংগী খ্বাইদগী চাউবা কান্নবশিং দলিত, ত্রাইবেল, নুপী অমসুং শোত্থরবা খুন্নাইশিংদা য়ৌরি হায়না ফোংদোকখি। ভারতকী নারি শক্তিগী মতাংদা পল্লদুনা, প্রধান মন্ত্রীনা ভারতকী নারি শক্তিবু মপাঙ্গল হাপ্নবা থবক অমত্তা ঐখোয়না পাংথোক্তনা তোকখিদে হায়না ফোংদোকখি। ভারতকী মমাশিংবু মপাঙ্গল হাপ্লবা মতমদা, লৈবাক মীয়ামদা পাঙ্গল লাক্কনি, লৈবাক মীয়াম্না পাঙ্গল কল্লবা মতুংদা খুন্নাই চাউখৎলক্কনি অমসুং মসিনা লৈবাকপু অমুক চাউখৎহনগনি হায়না প্রধান মন্ত্রীনা হায়খি। ঐখোয়গী সরকারনা মিদ্দল ক্লাসকী অপাম্বশিং ফংহনখি। ঐখোয়না মখোয়বু থম্মোয় শেংবগীদমক্তা ইকায় খুম্নখি হায়না মহাক্না মখা তাখি। ভারতকী মীচম মীয়াম অসি হৌজিক পোজিতিবিতীনা থল্লে হায়রদুনা, ভারতকী খুন্নাইদা নেগেতিবিতীগা মাইয়োক্নবা ঙম্বগী পাঙ্গল লৈ, অদুবু মখোয়না মসিগুম্বা নেগেতিবিতীবু কৈদৌনুংদা য়াদে হায়না প্রধান মন্ত্রীনা ফোংদোকখি।
***
(Release ID: 1897463)
Visitor Counter : 130
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Odia
,
Tamil
,
Telugu
,
Kannada
,
Malayalam