২০১৪-২০২২গী মতমদা, ভারতকী শেন্মিৎলোন্দা পাক শন্না স্ত্রকচরেল অমদি গভর্নেন্স রিফোর্মশিং পুরক্তুনা মপুং ওইবা মতিং হেনগৎহন্দুনা শেন্মিৎলোনগী য়ুম্ফমশিং মপাঙ্গল কনখৎহল্লি‍। ঙসি পার্লিয়ামেন্ততা শেলথুম অমদি কোর্পোরেৎ এফ্যার্সকী কেন্দ্র মন্ত্রী শ্রিমতী নির্মলা সিতরমন্না পুথোকখিবা ইকনমিক সর্ভে ২০২২-২৩না ইজ ওফ লিভিং অমদি দুইং বিজিনেসতা মীৎয়েঙ থম্বগা লোয়ননা, হায়রিবা রিফোর্মশিং অসি পব্লিক গুদ্স শেমগৎপা, ত্রস্ত-বেজ গভর্নেন্স লৈহনবা, লৌউ-শিংউ চাওখৎহন্নবা অমদি পোত্থোক হেনগৎহন্নবগীদমক প্রাইভেৎ সেক্তরগা খোঙবু ওইবা হায়রিবা মচং ওইবা ৱাফমশিংদা য়ুম্ফম ওইবনি হায়না ফোঙদোক্লি‍।

লৈঙাক্না লৌখৎলিবা অহোংবা পুরকপসিগী মথক্তা শেন্মিৎলোন্দা মতম খরগী ওইবা শাফুনা খোঙজেল তপথহল্লি হায়না ইকনমিক সর্ভে অসিনা ফোঙদোক্লি‍। অদুম ওইনমক, চৎলিবা দিকেদ অসিদা, মপাঙ্গল কনবা কেদিয়ম-তর্ম গ্রোথ মেগ্নেৎশিং লৈবনা, লাইচৎনা মালেমদা পীরিবা শাফু অমদি ২০২২দা কোমোদিতী মমল ৱাংখৎখিবা অসিনা হন্থরক্লবা মতমদা, ভারতকী শেন্মিৎলোন লাক্কদৌরিবা দিকেদ অসিদা খোঙজেল হেন্না লৈনা চেনখৎলক্কনি হায়বগী থাজবা পীরি‍।

অনৌবা ভারতকী রিফোর্ম – সবকা সাথ সবকা বিকাস

ইকনমিক সর্ভে অসিগী মতুং ইন্না, ২০১৪গী মমাঙদা পায়খৎখিবা রিফোর্মশিংনা মরুওইনা প্রদক্ত অমদি কেপিতেল মার্কেৎ স্পেস্তা কান্নহনখি হায়রি‍। মখোয়দু মরুওইখি অমদি ২০১৪ মতুংদসু মখা তানা মরুওইরি‍। অদুম ওইনমক, লৈঙাক্না হৌখিবা চহি নিপানসিদা হায়রিবা রিফোর্মশিং অসিদা অনৌবা মায়ওন অমা পীখি‍। ইজ ওফ লিভিং অমদি দুইং বিজিনেস অমদি ইকনমিক ইফিসিএন্সীদা মীৎয়েঙ থম্লিবা রিফোর্মশিং অসিনা শেন্মিৎলোনগী মতিং হেনগৎহন্নবা মফম চানা থম্লি‍। রিফোর্মশিং অসিগী মরুমদা লৈরিবা মচং ওইবা য়ুম্ফমশিংদি পব্লিক গুদ্স শেমগৎপা, ত্রস্ত-বেজ গভর্নেন্স লৈহনবা, লৌউ-শিংউ চাওখৎহন্নবা অমদি পোত্থোক পুথোকপগী চাং হেনগৎহন্নবগীদমক প্রাইভেৎ সেক্তরগা খোঙবু ওইমিন্নবা হায়রিবশিং অসিনি‍। “থৌওং অসিনা খুদিংমক্না থৌদাং য়ামিন্নবা অমদি চাওখৎপগী কান্নবা লৌমিন্নবা (সবকা সাথ, সবকা বিকাস) ফীভমদা, চাওখৎ খোঙথাঙদা লৈরিবা তোঙান তোঙানবা স্তেকহোল্দরশিংগী মরক্তা খোঙবু শেমগৎপদা মীৎয়েঙ থম্বগা লোয়ননা, লৈঙাক্কী গ্রোথ অমদি দিভেলপমেন্ত স্ত্রেতেজীদা চাউনা অহোংবা লাকপগী মমি তারি”, হায়না সর্ভে অসিনা হায়রি‍।

খুদোংচাবা, মতিং লৈবা অমদি ইজ ওফ লিভিং হেনগৎহন্নবা পব্লিক গুদ্স শেমগৎপা

পোলিসী কম্মিৎমেন্ত অমদি ইনফ্রাস্ত্রকচরগী আউতলেদা চাউনা হেনগৎলকপা হৌখিবা চহি খরসিদা উবগা লোয়ননা, নন-ফাইনেন্সিএল কোর্পোরেৎ সেক্তরনা বেলেন্স সীতকী খুদোংচাদবা মায়োক্নবগা লোয়ননা শেল থাদবা ঙমদবা ফীভম মায়োক্নরকপা মতমদা শেন্মিৎলোন চাউখৎহন্নবগী ঙাক্লৌ পীরি হায়না ইকনমিক সর্ভে অসিনা পল্লি‍। অসুম্না তৌবসিদা, লৈঙাক্না প্রাইভেৎ ইনভেস্তমেন্ত পুনশিন্নবা অমদি লাক্কদৌরিবা দিকেদ অসিদা গ্রোথ পুরক্নবগী অফবা ফম্পাক অমা শেমদুনা থম্লে‍। ফীজিকেল ইনফ্রাস্ত্রকচরদা চঙশিল্লিবসিগী মথক্তা, হৌখিবা চহি খরসিদা পব্লিক দিজিতেল ইনফ্রাস্ত্রকচর শেমগৎপদা লৈঙাক্না মীৎয়েঙ চঙলিবা অসিনা লনাই মীওইশিং অমদি বিজিনেসশিংগী শেন্মিৎলোনগী মতিং হেনগৎহনবদা চাউনা অহোংবা পুরকপা ঙম্লি‍। নন-দিজিতেল সেক্তরশিংদা মপাঙ্গল কল্লবা ফোর্ৱার্দ লিঙ্কেজকা লোয়ননা, দিজিতেলাইজেসন্না তোঙান তোঙানবা চেনেলশিংগী খুত্থাঙদা শেন্মিৎলোন চাউখৎহনবগী মতিং মপাঙ্গল কনখৎহল্লি‍। মখোয়শিংসিগী মনুংদা, হেন্না ৱাংবা ফাইনেন্সিএল ইনক্লুজন, হেন্না চাউবা ফোর্মেলাইজেসন, মতিং হেনগৎপা অমদি খুদোংচাবা হেনগৎপনচিংবা য়াওরি‍।

ত্রস্ত-বেজ গভর্নেন্স

ইকনমিক সর্ভে অসিগী মতুং ইন্না, লৈঙাক অমদি সিতিজন/বিজিনেসশিংগী মরক্তা থাজবা হেনগৎহনবনা ফীভম ফগৎলবা ইনভেস্তর সেন্তিমেন্ত, হেন্না ফবা ইজ ওফ দুইং বিজিনেস, অমদি হেন্না মতিং লৈবা গভর্নেন্সকী খুত্থাঙদা মতিং হেনগৎহল্লি‍। হৌখিবা চহি নিপানসিদা হায়রিবা মায়কৈসিদা লেপ্পা লৈতনা রিফোর্মশিং পুরক্লি‍। রিফোর্মগী খুত্থাঙদা ইন্সোল্বেন্সী এন্দ বেঙ্করপ্তসী কোদ (আই.বি.সি.) অমদি রিএল এস্তেত (রিগুলেসন এন্দ দিভেলপমেন্ত) এক্ত (রেরা)নচিংবা রিগুলেতরী ফ্রেমৱর্কশিং লায়থোকহনবনা ইজ ওফ দুইং বিজিনেসকী ফীভম ফগৎহল্লে‍। কম্পেনিজ এক্ত ওফ ২০১৩গী মখাদা অপীকপা ইকনমিক ওফেন্স দিক্রিমিনেলাইজ তৌবা, মথৌ তাদ্রবা কম্প্লাইএন্স ২৫০০০ লৌথোক্তুনা থৌওংশিং লায়থোকহনবা, অরিবা লো ১৪০০ হেন্না মুত্থৎপা, এঞ্জেল তেক্স মুত্থৎপা অমদি ভারত্তা লৈবা এসেতশিংগী ওফসোর ইন্দাইরেক্ত ত্রান্সফরদা রেত্রোস্পেক্তিব তেক্সেসন লৌথোকপনা, নন-এদভর্সরিএল পোলিসী এনভাইরনমেন্ত লৈহনবদা লৈঙাক্কী ফিরেপ তাক্লি‍। অখন্ননা, লৈবাকসিগী তেক্সেসন ইকোসিস্তেমদা ২০১৪ মতুংদা মশক থোক্না অহোংবা পুরকখ্রে‍। য়ুনিফাইদ জি.এস.তি. লৈহনবা, কোর্পোরেৎ তেক্স হন্থহনবা, সোভেরেন ৱেল্থ ফন্দ অমদি পেন্সন ফন্দ তেক্স থিবদগী  কোকথোকপা, অমদি দিবিদেন্দ দিস্ত্রিব্যুসন তেক্স লৌথোকপনচিংবা তেক্স পোলিসী রিফোর্মশিংনা লনাই মীওইশিং অমদি বিজিনেসশিংদা তেক্সকী পোৎলুম হন্থহল্লে; অমদি শেন্মিৎলোন্দগী মওং কায়বা ইন্সেন্তিবশিং লৌথোক্লে‍।

প্রাইভেৎ সেক্তরবু দিভেলপমেন্তকী খোঙবু ওইনা য়োকখৎপা

ইং ২০১৪ মতুংদা পায়খৎলিবা লৈঙাক্কী খুজিল থৌরাংশিংগী মরুমদা লৈরিবা ফন্দামেন্তেল প্রিন্সিপল অমনা চাওখৎ থৌরাংগী খোঙবু অমা ওইনা প্রাইভেৎ সেক্তরগা এঙ্গেজমেন্ত তৌদুনা লাক্লি হায়না সর্ভে অসিনা পীরি‍। অসুম্না নিউ পব্লিক সেক্তর এন্তরপ্রাইজ পোলিসী ফোর আত্মনিরভর ভারত, স্ত্রেতেজিক ওইবা সেক্তর খরখক্তদা লৈবা পি.এস.ই.শিংদা লৈঙাক্না য়াওশিনবগী চাং হন্থহন্দুনা মতিং লৈবা হেনগৎহনবা ঙম্নবা হৌদোকখ্রে‍। ইন্দস্ত্রিশিংদা ভারতকী মেনুফেকচরিং কেপেবিলিতিশিং অমদি এক্সপোর্ত হেনগৎহন্নবা আত্মনিরভর ভারত অমদি মেক ইন ইন্দিয়া প্রোগ্রামশিংগী মখাদা মশক থোকপা থৌরাং কয়া হৌদোকখ্রে‍। লোজিস্তিক্সকী শেঞ্জং হন্থহন্নবা অমদি অতৈ চাওখৎলবা লৈবাকশিংগী থোং মান্নবা ফীভমদা পুরক্নবগীদমক মপুং ওইবা লোজিস্তিক্স ইকোসিস্তেম অমা শেমগৎনবগীদমক নেস্নেল লোজিস্তিক্স পোলিসী (২০২২) হৌদোকখ্রে‍। এফ.দি.আই. পোলিসী লিবরেলাইজ তৌবনা হৌখিবা দিকেদ অসিদা ভারত্তা চঙলকপা অপুনবা এফ.দি.আই.গী মওং মতৌ হোংলকপা ঙমহল্লে‍। দিফেন্স, মাইনিং অমদি স্পেসনচিংবা স্ত্রেতেজিক সেক্তরশিংবু প্রাইভেৎ সেক্তরশিংগীদমক হাংদোকপনা শেন্মিৎলোন্দা লৈরিবা বিজিনেসকী খুদোংচাবশিং হেনগৎহল্লে‍। এম.এস.এম.ই.শিংনা থেংনরিবা স্ত্রকচরগী ওইবা শিংনবশিংগী পাম্বৈ পুরক্নবগীদমক পায়খৎলিবা রিফোর্মশিংনা হৌখিবা চহি খরসিগী ইন্দস্ত্রিএল পোলিসীগী মরুওইবা শরুক অমা ওইরি‍।

লৌউ-শিংউদা পোত্থোক পুথোকপগী চাং হেনগৎহনবা

ইকনমিন সর্ভে অসিনা ফোঙদোকপগী মতুং ইন্না ভারতকী লৌউ-শিংউ সেক্তর অসি হৌখিবা চহি তরুকসিদা চহিদা চাদা ৪.৬কী চাংদা চাউখৎলক্লি‍। চাউখৎলক্লিবা অসি অফবা নোংজু লৈখিবা চহিশিং অমদি লৌউ-শিংউগী পোত্থোক পুথোকপগী চাং হেনগৎহন্নবা লৈঙাক্না পায়খৎখিবা তোঙান তোঙানবা রিফোর্মশিংনা মরম ওইরগা ওইহল্লকপনি‍। সোইল হেল্থ কার্দ, মাইক্রো ইরিগেসন ফন্দ, অমদি ওর্গানিক অমসুং মহৌশাগী লৌউ পথাপ্নচিংবা থৌরাংশিংনা লৌমীশিংবু রিসোর্স মওং মরিল চুম্না শীজিন্নহনবদা অমদি লৌউ-শিংউবগী শেঞ্জং হন্থহনবদা মতেং পাংলি‍। ফার্মর প্রদ্যুসর ওর্গনাইজেসনশিং (এফ.পি.ও.) য়োকখৎপা অমদি নেস্নেল এগ্রিকলচর মার্কেৎ (ই-নাম) এক্সতেন্সন প্লেৎফোর্ম্না লৌমীশিংগী মপাঙ্গল হাপ্লি, মখোয়গী রিসোর্সশিং হেনগৎহল্লি, অমদি মখোয়দা শেন্দোং হেন্না ফংহনবা ঙমহল্লি‍। এগ্রি ইনফ্রাস্ত্রকচর ফন্দ (এ.আই.এফ.)না তোঙান তোঙানবা লৌউ-শিংউগী ইনফ্রাস্ত্রকচরশিং শেমগৎপদা মতেং পাংলি‍। কিসান রেলনা পত্থ-পুমথগনবা এগ্রি হোর্তি পোৎলমশিংখক্কী ওইনা পুথোক পুশিন তৌরি‍। সর্ভে অসিগী মতুং ইন্না, হায়রিবা থৌরাং পুম্বসি লৌউ-শিংউগী পোত্থোক পুথোকপগী চাং হেনগৎহনবদা অমদি মেদিয়ম তর্মদা মপুং ওইবা শেন্মিৎলোন চাউখৎহনবদা মসিনা লৌরিবা থৌদাং তুং কোইনা থম্বদা মীৎয়েঙ থম্লি‍।

২০১৪-২২ মনুংদা শেন্মিৎলোন্দা মায়োক্নখিবা শাফু

ইং ১৯৯৮ – ২০২২ মনুংদা, অহোংবা পুরক্নবগী রিফোর্মশিং হৌদোকখি অদুবু খোঙজেল তপ্পা গ্রোথ দিবিদেন্দ ফংখি হায়না ইকনমিক সর্ভে অসিনা পল্লি‍। ফীভম অসি, ১৯৯৮তগী ২০০২ ফাওবগী গ্রোথ রিতর্নবু হন্থহনখিবা, এক্সতর্নেল ফেক্তরশিং অমদি লমদমসিগী ফাইনেন্সিএল সেক্তর ক্লীন-অপনা ওইহল্লকপা শাফু পরিং অমনা ওইহনখিবনি‍। ২০০৩ ফাওবদা, শাফু অদু হন্থরকপদা, ভারতনা মালেমগী চাউনা কাখৎলকপদা শরুক য়াখি অমদি হেন্না ৱাংবা থাক্তা চাউখৎলকখি‍। মতৌ অসুম্না, হৌজিক্কী ফীভমসিদা, লাইচৎনা পীবা মালেমগী শাফু অমদি ২০২২দা কোমোদিতী মমল ৱাংখৎখিবা অসিনা হন্থরকপা মতমদা, ভারতকী শেন্মিৎলোন অসি লাক্কদৌরিবা দিকেদ অসিদা মাগী মতিং ফুদোক্তুনা চাউখৎলক্নবগী ফীভমদা চপ চানা লৈরি‍।

চৎলিবা দিকেদ অসিগী গ্রোথ মেগ্নেৎশিং (২০২৩-২০৩০)

লাইচৎনা হকশেল অমদি শেন্মিৎলোন্দা পীরিবা শাফু অমদি ২০২২দা কোমোদিতী মমল ৱাংখৎখিবা অসিনা হন্থরকপা মতমদা, ভারতকী শেন্মিৎলোন্না, ২০০৩গী মতুংদা শেন্মিৎলোন চাউখৎলকখিবগুম, লাক্কদৌরিবা দিকেদ অসিদা মাগী মতিং ফুদোক্তুনা চাউখৎলক্পনগী চপ চাবা ফীভমদা লৈরি হায়না ইকনমিক সর্ভে অসিনা ফোঙদোক্লি‍। বেঙ্কিং, নন-বেঙ্কিং অমদি কোর্পোরেৎ সেক্তরগী ফীভম ফগৎলবা অমদি ফীভম চুম্বা বেলেন্স সীৎকা লোয়ননা, অনৌবা ক্রেদিৎ সাইকল অমা হৌখ্রে, অমদি হায়রিবা অসি হৌখিবা থা খরসিদা বেঙ্ক ক্রেদিৎতা দবল দিজিৎ গ্রোৎ লাকখিবসিনা তাক্লি হায়না ইকনমিক সর্ভে অসিনা হায়রি‍। মসিনা ভারতকী গ্রোথ আউতলুক লাইচৎ মমাঙগী চহিশিংদা লৈরম্বা ফীভমদগী হেন্না ফবা ফীভমদা লৈহনগনি হায়না পারিবা অসিগী মরুওইবা মরম্নি‍।

দিজিতেলাইজেসন রিফোর্মশিং অমদি মসিনা হেক্কা চাউবা ফোর্মেলাইজেসন, হেন্না ৱাংবা ফাইনেন্সিএল ইনক্লুজন, অমদি অহেনবা শেন্মিৎলোনগী খুদোংচাবশিংদা পুরক্লিবা মতিং হেনগৎলকপা অসিনা মেদিয়ম তর্মদা ভারতকী শেন্মিৎলোন চাউখৎলক্নবগী অনিসুবা খ্বায়দগী মরুওইবা ইনোৎ ওইগনি হায়না সর্ভে অসিনা মখা তানা ফোঙদোক্লি‍। পোত্থোক পুথোকপগী চাং হেনগৎহল্লিবা রিফোর্মশিং অসিনা লৈঙাক্কী স্কিলিংগী থৌরাংশিংগা লোয়নরগা, লাক্কদৌরিবা চহিশিংদা দিমোগ্রাফিক দিবিদেন্দশিংগী কান্নবা নীংথিনা ফংহনবদা মতেং ওইগনি‍।

হোংলক্লিবা জিও-পোলিতিকেলগী ফীভম য়েংলগা, ভারতনা মালেমগী সপ্লাই চেন দাইভর্সিফিকেসন তৌবদগী কান্নবা লৌনবা তাঞ্জা অমা লৈ হায়না সর্ভে অসিনা হায়রি‍। হৌখিবা চহি খরসিদা মল্তিনেস্নেল ফর্মশিংবু মালেমগী ত্রেদকী খুদোংচাদবা, লাইচৎনা সপ্লাই চেন্দা অপনবা পীরকপা, অমদি য়ুরোপ্তা উংখৎনবনা পারুদবা খুদোংথিবা ফীভমশিং মায়োক্নহনখি‍। মতিং ফুদোকহনগদবা পোলিসী ফ্রেমৱর্ক্কা লোয়ননা, ভারতনা মশুবু অতৈ লৈবাকশিংগী মরক্তা কেদিতেল দাইভর্সিফাই তৌনবগী থাজবা য়াবা লমথুংফম অমা ওইনা পুথোক্লি‍।

অসুম্না, ভারতকী গ্রোথকী আউতলুক লাইচৎ মমাঙগী চহিশিংদা লৈরম্বা ফীভমদগী হেন্না ফনা উরি, অমদি ভারতকী শেন্মিৎলোন মেদিয়ম তর্মদা মতিং ফুদোক্তুনা চাউখৎলক্নবগীদমক শেম শারি‍।

*****