২০২৩গী জনুৱারী ৪দা মন্ত্রীমন্দলনা ইং কুমজা ২০২৫-২৬ ফাওবগী চহি মঙাগী ওইনা ওল ইন্দিয়া রেদিও অমসুং দুরদর্শনগী মোদর্নাইজেসন, অপগ্রেদেসন অমসুং এক্সপানসনগীদমক লুপা করোর ২,৫৩৯.৬১গী আউতলেগা লোয়ননা সেন্ত্রেল সেক্তর ‘ব্রোদকাস্তিং ইনফ্রাস্ত্রকচর এন্দ নেৎৱার্ক দিবেলপমেন্ত (বি.আই.এন.দি.)’ স্কিম অয়াবা পীখ্রে। প্লান অসিদা ফাস্ত ত্রেক মোদতা মপুং ফানা লোইশিনগদবা লুপা করোর ৯৫০গী শেনফম ওইবা এফ.এম. রেদিও নেতৱার্ক অমসুং মোবাইল তি.ভি. প্রদক্সন ফেসিলিতীশিং পাকথোক চাউথোকপা অমসুং মপাঙ্গল কনখৎহনবদা মীৎয়েং থম্বা এ.আই.আর. অমসুং দুরদর্শনগী প্রায়োরিতী প্রোজেক্তশিং য়াওরি।

প্লান অসিনা হেন্না ফবা ইনফ্রাস্ত্রকচর শেমগৎনবা অমসুং এল.দবল্যু.ই., বোর্দর অমসুং স্ত্রেতেজিক এরিয়াশিংদা পব্লিক ব্রোদকাস্তর য়ৌহন্নবা হেন্না পাকথোক চাউথোকহন্নবা মেজর অপগ্রেদেসনদা মীৎয়েং থম্লি। প্লান অসিনা মরুওইনা এল.দবল্যু.ই. অমসুং এস্পিরেস্নেল দিস্ত্রিক্তশিংদা মীৎয়েং থম্বগা লোয়ননা তায়র II অমসুং তায়র-III সিতীশিংদা এফ.এম. নেতৱার্ক পাকথোক চাউথোকহনবদসু মীৎয়েং থম্লি।

প্রসার ভারতিগী ত্বিন ভর্তিকেলশিংগী মনুংদা, এ.আই.আর.না লৈবাক অসিদা মসি তারিবশিংবু এ.আই.আর. ব্রোদকাস্তিং সেন্তর ৫০১দা এ.আই.আর. ত্রান্সমিতর ৬৫৩ (মেদিয়ম ৱেব ১২২, শোর্ত ৱেব ৭ অমসুং এফ.এম. ত্রান্সমিতর ৫২৪)গা লোয়ননা ৱার্ল্দ সর্ভিসেস, নাইবরহুদ সর্ভিসেস, ভিভিদ ভারতি চেনেল ৪৩, রেনবো চেনেল ২৫ অমসুং এফ.এম. গোল্দ চেনেল ৪ পীরি।

দুরদর্শন্না কেবল, দি.তি.ঐচ. আই.পি.তি.ভি. “ন্যুজ ওন এ.আই.আর.” মোবাইল এপ্লিকেসন, তোঙান তোঙানবা য়ুত্যুব চেনেলশিংগুম্বা তোঙান তোঙানবা দেলিভরি প্লেতফোর্মশিংগী থোংদা মসিগী দুরদর্শন কেন্দ্র ৬৬দা দি.দি. চেনেল ৩৬ পুথোকপগা লোয়ননা মসিবু য়েংলিবশিংদা সর্ব তৌরি অমদি মসিগী ইন্তরনেস্নেল চেনেলগা লোয়ননা দি.দি. ইন্দিয়ানা তোঙান তোঙানবা প্লেতফোর্মশিংদা লৈবাক ১৯০ হেনবদা শরুক য়ারি।

মখাগী মরুওইবা এক্তিবিতীশিং অসি বাইন্দ স্কিমগী মখাদা প্লান তৌরি

ওল ইন্দিয়া রেদিও

লৈবাক অসিদা মথংশিৎনা চাদা ৫৮.৮৩ অমসুং চাদা ৬৮দগী জিওগ্রাফিকেল এরিয়াদা চাদা ৬৬.২৯দা অমসুং বাই পোপুলেসন চাদা ৮০.২৩ এফ.এম. কভরেজ হেনগৎপা।

ইন্দো নেপাল বোর্দরদা এ.আই.আর. এফ.এম. কভরেজ হৌজিক লৈরিবা চাদা ৪৮.২৭দগী চাদা ৬৩.০২দা হেনগৎপা।

জে অমসুং কে বোর্দরদা এ.আই.আর. এফ.এম. কভরেজ চাদা ৬২দগী চাদা ৭৬দা হেনগৎপা।

স্ক্যর কিলোমীতর ৩০,০০০গী এরিয়া অমা কভর তৌনবগীদমক রামেস্বরমদা মীতর ৩০০গী তৱারদা ২০ কিলো ৱাত এফ.এম. ত্রান্সমীতর ইন্সতোল তৌরগনি।

দুরদর্শন

প্রসার ভারতি ফেসিলিতীশিংদা খ্বাইদগী নৌবা ব্রোদকাস্তিং অমসুং স্তূদিও ইক্বিপমেন্ত ইন্সতোল তৌদুনা দি.দি. অমসুং এ.আই.আর. চেনেলশিং ফেস লিফ তৌবা।

দি.দি.কে. বিজয়াৱাদা অমসুং লেহদা লৈরিবা আর্থ স্তেসনশিং পুং ২৪গী চেনেলদা অপগ্রেদ তৌবা।

মরুওইবা নেস্নেল সেরেমোনী/ইভেন্তশিং অমসুং ভি.ভি.আই.পি. কভরেজশিং কভর তৌনবগীদমক ফ্লাই অৱে য়ুনিতশিংগী রোল্লিং আউত।

রিজনেল দুরদর্শন চেনেল ২৮ হায়-দিফিনিসন প্রোগ্রাম প্রদক্সন কেপেবল কেন্দ্র ওইনা মাইগ্রেত তৌবা।

ইফিসিয়েন্ত ন্যুজ গেদরিংগীদমক দুরদর্শন নেতৱার্ক পুম্বদা রিজনেল ন্যুজ য়ুনিত ৩১বু খ্বাইদগী নৌবা ইক্বিপমেন্তকা লোয়ননা অপগ্রেদ অমসুং মোর্দনাইজ তৌরগনি।

গুৱাহাতি, শিল্লোং, আইজোল, ইতানগর, অগরতলা, কোহিমা, ইম্ফাল, গেংতোক অমসুং পোর্ত ব্লেয়রদা লৈরিবা দি.দি.কে.শিং ঐচ.দি.তি.ভি. চেনেলশিং অপলিঙ্ক তৌনবগীদমক অপগ্রেদেসন অমসুং রিপ্লেসমেন্ত তৌবা।

প্লান অসিগী প্রোমিনেন্ত ফীচর খরা মখাদা লৈরে:

১. লৈবাক অসিগী তায়র II অমসুং তায়র-III সিতীশিং, এল.দবল্যু.ই. অমসুং বোর্দর এরিয়াশিং অমসুং শোত্থরিবা জিলাশিংদা মরুওইনা লৈবাক অসিদা স্ক্ব্যার মাইল লাখ ৬ হেনবদা এফ.এম. কভরেজ হেনগৎহন্নবগীদমক  কিলোৱাত ১০গী এফ.এম. ত্রান্সমীতর ৪১ অমসুং ১০০ ৱাতকী ত্রান্সমীতর মশিং ১০০ অহেনবা কেপাসিতী ওইহনবা।

২. লেম্না চেনেলশিং ফংহন্নবগীদমক হৌজিক লৈরিবা দি.দি. ফ্রী দিশ কেপাসিতী অসি চেনেল ১১৬দগী চেনেল ২৫০দা এক্সপান্দ তৌবা।

৩. দি.দি. ফ্রী দিশ অসি প্রসার ভারতিগী ফ্রী-তু-এয়র দাইরেক্ত তু হোম (দি.তি.ঐচ.) প্লেতফোর্মনি হায়বদু মরম চানা খংহনবা। প্লেতফোর্ম অসিদা তি.ভি. চেনেল ১৬৭কী রিচ বৌক্বেত লৈরি, মসিগী মনুংদা দুরদর্শন অমসুং সনসদ চেনেল ৪৯, মকোকথোংবা ব্রোদকাস্তরগী প্রাইভেত তি.ভি. চেনেল ৭৭ (জি.ই.সি. ১১, মুভী ১৪, ন্যুজ ২১, ম্যুজিক ৭, রিজনেল ৯, ভোজপুরী ৭, স্পোর্তস ১, দিভোস্নেল চেনেল ৫, ফোরেন চেনেল ৩), এজুকেস্নেল চেনেল ৫১ অমসুং রেদিও চেনেল ৪৮ য়াওরি।

৪. দিজাস্তর অমসুং নেচরেল কেলেমিতীগী থৌরমদা অপনবা লৈতবা দি.তি.ঐচ. সর্ভিস ফংহন্নবগীদমক দি.দি. ফ্রী দিশ দিজাস্তর রিকভরী ফেসিলিতী হৌদোকপা।

৫. সীমলেস অমদি ইফিসিয়েন্ত প্রদক্সন অমসুং ত্রান্সমিসনগীদমক ফিল্দ স্তেসনশিংগী ব্রোদকাস্ত ফেসিলিতীশিং ওতোমেসন অমসুং মোদর্নাইজেসন। 

৬. এন্তরতেমেন্ত, হেল্থ, এজুকেসন, য়ুথ, স্পোর্তস অমসুং অতোপ্পা পব্লিক সর্ভিস কন্তেন্তদা মীৎয়েং থম্বগা লোয়ননা রিজনেল লোনশিংদা য়াওনা রিচ কন্তেন্ত প্রোভাইদ তৌবা।

৭. ক্বিক রেস্পোন্স কেপেবিলিতীগা লোয়ননা ন্যুজ গেদরিং ফেসিলিতীশিং মপাঙ্গল কনখৎহনবা অমদি লোকেল অমসুং হায়পর লোকেল নাযুজ কভরেজকী শেয়র হেনগৎহন্নবগীদমক সেমি-রুরেল এরিয়াশিংদা মসি এক্সপান্দ তৌবা।

৮. ভিজুএল্লী এনরিচ প্রোগ্রাম কন্তেন্ত জেনরেসনগীদমক ওগমেন্তেদ রিএলিতী অমসুং ভর্চুএল রিএলিতীগুম্বা অনৌবা তেক্নোলোজী হাপচিনবা।

৯. সেতেলাইত ত্রান্সপোন্দরশিং মতিক চানা শিজিন্ননবগিদমক হৌজিক লৈরিবা অপ-লিঙ্ক স্তেসনশিং স্পেক্ত্রম ইফিসেন্ত তেক্নোলোজীগা লোয়ননা অপগ্রেদ তৌবা।

১০. এ.আই.আর. অমসুং দি.দি.-নেতৱার্ক্তা দেতা ফ্লোগী ইফেক্তিব মেনেজমেন্তকা লোয়ননা গোবর্নান্সতা ইপিসেন্সি অমসুং ত্রান্সপরেন্সী।

১১. দোমেস্তিক অমসুং গ্লোবেল ওদিয়েন্স অনিমক্কীদমক দিজিতেল রিচ হেনগৎপা।

১২. রিমোত, ত্রাইবেল, এল.দবল্যু.ই. অমসুং বোর্দর এরিয়াশিংদা লৈরিবা ওদিয়েন্সশিংদা তেলেভিজন অমসুং রেদিও সর্ভিসশিং ফংহন্নবা দি.দি. দি.তি.ঐচ. রিসিভর সেত লাখ ৮ হেন্না লেম্না য়েন্থোক্নবা থৌরাং তৌরি।

স্কিম অসিনা ব্রোদকাস্ত ইক্বিপমেন্তকী সপ্লাই অমসুং ইন্সতোলেসনগা মরী লৈনবা মেনুফেকচরিং অমসুং সর্ভিসশিংগী মওংদা ইন্দাইরেক্ত এমপ্লোইমেন্তসু জেনরেত তৌরগনি। কন্তেন্ত জেনরেসন্না কন্তেন্ত প্রদক্সন সেক্তরদা তোঙান তোঙানবা মেদীয়া ফিল্দশিংদা দাইরেক্ত অমসুং ইনদাইরেক্ত এমপ্লোইমেন্ত ফংহল্লগনি।

*****