নুপী অমসুং অঙাংশিংগী চাউখৎ থৌরাং মন্ত্রালয়
কাংলুপ তরুক্তা মখোয়গী তোপ-তোপ্পা মাইপাকপশিংগীদমক হয়েং অঙাং ১১দা ভারতকী রাস্ত্রপতিনা প্রধান মন্ত্রী রাস্ত্রিয়া বাল পুরুস্কার ২০২৩ য়েন্থোক্কনি
প্রধান মন্ত্রীনা মনা ফংলবশিংগা জনুৱারি ২৪দা ৱারি শানগনি
ৱুমেন অমসুং চাইল্দ দিবলপমেন্তগী মিনিস্তর শ্রীমতি স্মৃতি ইরানি অমসুং রাজ্য মন্ত্রী দোক্তর মুঞ্জপারা মহেন্দ্রভাইনা অঙাংশিংগা উনগনি অমসুং মখোয় থাগৎকনি
মনা ফংলবশিংগী মনুংদা নুপামচা ৬ অমসুং নুপীমচা ৫দি রাজ্য অমসুং য়ু.তি ১১দগীনি
প্রধান মন্ত্রী রাস্ত্রিয়া বাল পুরুস্কার ফংলবা অঙাং অমদা মেদল অমা, লুপা লাখ ১ অমসুং শক্তাকচে অমা পীগনি
Posted On:
22 JAN 2023 10:48AM by PIB Imphal
হয়েং জনুৱারি ২৩, ২০২৩দা বিগ্যান ভাবন্দা পাংথোক্কদবা মনা য়েন্থোকপা থৌরম অমদা শক্নাইরবা অঙাং ১১দা ভারতকী রাস্ত্রপতি শ্রীমতি দ্রৌপতি মুর্মুনা প্রধান মন্ত্রী রাস্ত্রিয়া বাল পুরুস্কার ২০২৩ য়েন্থোক্কনি।
প্রধান মন্ত্রী শ্রী নরেন্দ্র মোদীনা জনুৱারি ২৪, ২০২৩দা প্রধান মন্ত্রী রাস্ত্রিয়া বাল পুরুস্কার ফংলবা অঙাংশিংগা উনগনি।
জনুৱারি ২৪, ২০২৩দা ৱুমেন অমসুং চাইল্দ দিবলপমেন্তগী মিনিস্তর শ্রীমতি স্মৃতি ইরানি অমসুং রাজ্য মন্ত্রী দোক্তর মুঞ্জপারা মহেন্দ্রভাইনা অঙাংশিংগা উনগনি অমসুং মখোয়গী শিংথানিঙাই ওইবা থবকশিংগীদমক মখোয় থাগৎকনি।
মখোয়গী অখন্নবা মাইপাকপশিংগীদমক ভারত সরকারনা অঙাংশিংদা প্রধান মন্ত্রী রাস্ত্রিয়া বাল পুরুস্কার পীরি। কলা অমসুং কলচর, থৌনা ফবা, অনৌবা পুথোকপা, লাইরিক হৈবা, খুন্নাইগী থবক তৌবা অমসুং শান্ন-খোৎনবগী লমদা শিংথানিঙাই ওইবা থবকশিং পাংথোকপা চহি ৫-১৮ ফাওবগী মনুংদা লৈবা অঙাংশিংদা মনা অসি পীরি। প্রধান মন্ত্রী রাস্ত্রিয়া বাল পুরুস্কার ফংলবা অঙাং অমদা মেদল অমা, লুপা লাখ ১ অমসুং শক্তাকচে অমা পীগনি।
চহি অসিগী ওইনা কলা অমসুং কলচর, থৌনা ফবা, অনৌবা পুথোকপা, লাইরিক হৈবা, খুন্নাইগী থবক তৌবা অমসুং শান্ন-খোৎনবগী লমদা মখোয়গী মশক থোকপা মাইপাকপশিংগীদমক লৈবাক্কী তোঙান-তোঙানবা মফমশিংদগী খনগৎলবা অঙাং ১১দা প্রধান মন্ত্রী রাস্ত্রিয়া বাল পুরুস্কার পীগনি।
*****
(Release ID: 1892857)
Visitor Counter : 128