ଭରତ ମାତା କି - ଜୟ!

ଭରତ ମାତା କି - ଜୟ!

ମୁମ୍ବାଇର ମୋର ସମସ୍ତ ଭାଇ ଓ ଭଉଣୀମାନଙ୍କୁ ନମସ୍କାର!

ମହାରାଷ୍ଟ୍ରର ରାଜ୍ୟପାଳ ଶ୍ରୀ ଭଗତ ସିଂହ କୋଶିୟାରି ଜୀ, ମୁଖ୍ୟମନ୍ତ୍ରୀ ଶ୍ରୀ ଏକନାଥ ସିନ୍ଦେ ଜୀ, ଉପମୁଖ୍ୟମନ୍ତ୍ରୀ ଶ୍ରୀ ଦେବେନ୍ଦ୍ର ଫଡନାଭିସ୍ ଜୀ, କେନ୍ଦ୍ର କ୍ୟାବିନେଟରେ ମୋର ସହକର୍ମୀ, ବିଧାନସଭାର ବାଚସ୍ପତି ଶ୍ରୀ ରାହୁଲ ନରଭେକର ଜୀ, ମହାରାଷ୍ଟ୍ର ସରକାରଙ୍କ ମନ୍ତ୍ରୀ, ସାଂସଦ ଏବଂ ବିଧାୟକ ଏବଂ ଏଠାରେ ଉପସ୍ଥିତ ଥିବା ମୋର ବହୁ ପ୍ରିୟ ଭଉଣୀ ଏବଂ ଭାଇ ।

ଆଜି ମୁମ୍ବାଇର ବିକାଶ ସହ ଜଡିତ ୪୦,୦୦୦ କୋଟି ଟଙ୍କା ମୂଲ୍ୟର ପ୍ରକଳ୍ପର ଉତ୍ସର୍ଗ ଏବଂ ଏଠାରେ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା । ମୁମ୍ବାଇ ପାଇଁ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମେଟ୍ରୋ, ଛତ୍ରପତି ଶିବାଜୀ ଟର୍ମିନାସର ଆଧୁନିକୀକରଣ, ରାସ୍ତାର ଉନ୍ନତି ପାଇଁ ଏକ ବୃହତ ପ୍ରକଳ୍ପ ଏବଂ ବାଲାସାହେବ ଠାକରେଙ୍କ ନାମରେ ଥିବା ଆପଲା ଦବାଖାନା ଖୋଲିବା; ଏହି ସବୁ ପ୍ରକଳ୍ପ ମୁମ୍ବାଇ ସହରର ଉନ୍ନତିରେ ଏକ ପ୍ରମୁଖ ଭୂମିକା ଗ୍ରହଣ କରିବ । କିଛି ସମୟ ପୂର୍ବରୁ ମୁମ୍ବାଇର ରାସ୍ତାକଡ ବିକ୍ରେତାମାନେ ମଧ୍ୟ ପିଏମ୍‍ ଏସଭିଏନିଧି ଅଧୀନରେ ଥିବା ସେମାନଙ୍କ ବ୍ୟାଙ୍କ ଆକାଉଣ୍ଟରେ ଟଙ୍କା ପାଇଥିଲେ । ମୁଁ ଏହିପରି ସମସ୍ତ ହିତାଧିକାରୀ ଏବଂ ପ୍ରତ୍ୟେକ ମୁମ୍ବାଇବାସୀଙ୍କୁ ଅଭିନନ୍ଦନ ଜଣାଉଛି ।

ଭାଇ ଓ ଭଉଣୀମାନେ,

ଅ।ଜି ଭାରତ ବଡ଼ ସ୍ୱପ୍ନ ଦେଖିବା ଏବଂ ସ୍ୱାଧୀନତା ପରେ ପ୍ରଥମ ଥର ପାଇଁ ସେହି ସ୍ୱପ୍ନଗୁଡ଼ିକୁ ପୂରଣ କରିବାକୁ ସାହସ କରୁଛି । ଅନ୍ୟଥା, ଗତ ଶତାବ୍ଦୀର ଏକ ଦୀର୍ଘ ସମୟ କେବଳ ଦାରିଦ୍ର‌୍ୟ ବିଷୟରେ ଆଲୋଚନା କରିବା, ବିଶ୍ୱରୁ ସାହାଯ୍ୟ ମାଗିବା ଏବଂ କୌଣସି ପ୍ରକାରେ କାମ ସମାପ୍ତ କରିବାରେ ବିତାଇଥିଲା । ସ୍ୱାଧୀନ ଭାରତ ଇତିହାସରେ ଏହା ମଧ୍ୟ ପ୍ରଥମ ଥର ପାଇଁ ଘଟୁଛି, ଯେତେବେଳେ ବିଶ୍ୱ ମଧ୍ୟ ଭାରତର ବଡ଼ ସଂକଳ୍ପ ଉପରେ ବିଶ୍ୱାସକୁ ଦୃଢ କରୁଛି । ତେଣୁ ସ୍ୱାଧୀନତାର "ଅମୃତ କାଳ” ରେ ଏକ ବିକଶିତ ଭାରତ ଗଠନ ପାଇଁ ଭାରତୀୟଙ୍କର ଯେତିକି ଆଗ୍ରହ ଅଛି, ସେହିଭଳି ବିଶ୍ୱରେ ମଧ୍ୟ ସମାନ ଆଶା ଦୃଶ୍ୟମାନ ହେଉଛି ଏବଂ ବର୍ତ୍ତମାନ ସିନ୍ଦେ ଜୀ ଡାଭୋସରେ ତାଙ୍କର ଅଭିଜ୍ଞତା ବର୍ଣ୍ଣନା କରୁଥିଲେ । ଏହି ଧାରଣା ସବୁଠାରେ ଦେଖିବାକୁ ମିଳୁଛି । ଯଦି ଆଜି ଭାରତ ବିଷୟରେ ବିଶ୍ୱରେ ଏତେ ସକରାତ୍ମକତା ଅଛି, ତେବେ ସମସ୍ତେ ଅନୁଭବ କରୁଛନ୍ତି ଯେ ଭାରତ ଏହାର ସମ୍ଭାବନାକୁ ବହୁତ ଭଲ ଭାବରେ ବ୍ୟବହାର କରୁଛି । ଆଜି ସମସ୍ତେ ହୃଦୟଙ୍ଗମ କରିଛନ୍ତି ଯେ ଦ୍ରୁତ ବିକାଶ ଏବଂ ସମୃଦ୍ଧତା ପାଇଁ ଭାରତ ଯାହା ଆବଶ୍ୟକ କରୁଛି ତାହା କରୁଛି । ଆଜି ଭାରତ ଅଭୂତପୂର୍ବ ଆତ୍ମବିଶ୍ୱାସରେ ପରିପୂର୍ଣ୍ଣ । ଛତ୍ରପତି ଶିବାଜୀ ମହାରାଜଙ୍କ ପ୍ରେରଣା ସହିତ ଆଜିର ଭାରତରେ ତଥା ଡବଲ୍ ଇଞ୍ଜିନ ସରକାରରେ "ସ୍ୱରାଜ” (ନିଜସ୍ୱ ଶାସନ) ଏବଂ "ସୁରଜ” (ଉତ୍ତମ ଶାସନ) ର ଆବେଗ ଦୃଢ ଭାବରେ ପ୍ରକାଶ ପାଇଛି ।

ଭାଇ ଓ ଭଉଣୀମାନେ,

ଆମେ ସେହି ସମୟ ଦେଖିଛୁ ଯେତେବେଳେ ଗରିବଙ୍କ କଲ୍ୟାଣ ପାଇଁ ଥିବା ଅର୍ଥ ଦୁର୍ନୀତିରେ ହଜି ଯାଇଥିଲା । ଟିକସଦାତାଙ୍କଠାରୁ ସଂଗୃହୀତ ଟିକସ ବିଷୟରେ ସମ୍ବେଦନଶୀଳତାର କୌଣସି ଚିହ୍ନ ନଥିଲା । କୋଟି କୋଟି ଦେଶବାସୀଙ୍କୁ ବହୁତ କଷ୍ଟ ସହିବାକୁ ପଡିଲା । ଆମେ ଗତ ଆଠ ବର୍ଷ ମଧ୍ୟରେ ଏହି ପଦ୍ଧତିକୁ ପରିବର୍ତ୍ତନ କରିଛୁ । ଭବିଷ୍ୟତର ଚିନ୍ତାଧାରା ଏବଂ ଆଧୁନିକ ଆଭିମୁଖ୍ୟ ସହିତ ଆଜି ଭାରତ ଏହାର ଶାରୀରିକ ଏବଂ ସାମାଜିକ ଭିତ୍ତିଭୂମି ପାଇଁ ଖର୍ଚ୍ଚ କରୁଛି । ଆଜି ବାସଗୃହ, ଶୌଚାଳୟ, ବିଦ୍ୟୁତ, ପାନୀୟ ଜଳ, ରନ୍ଧନ ଗ୍ୟାସ୍‌, ମାଗଣା ଚିକିତ୍ସା, ମେଡିକାଲ୍ କଲେଜ, ଏମ୍‍ସ, ଆଇଆଇଟି, ଆଇଆଇଏମ୍ ଭଳି ସୁବିଧା ଦେଶରେ ଦ୍ରୁତ ଗତିରେ ବିକଶିତ ହେଉଥିବାବେଳେ ଅନ୍ୟପକ୍ଷରେ ଆଧୁନିକତା ଉପରେ ମଧ୍ୟ ସମାନ ଗୁରୁତ୍ୱ ଦିଆଯାଇଛି । ସଂଯୋଗ ଏକ ପ୍ରକାର ଆଧୁନିକ ଭିତ୍ତିଭୂମି ଯାହା ପୂର୍ବରୁ କଳ୍ପନା କରାଯାଇଥିଲା, ଆଜି ଦେଶରେ ଏଭଳି ଭିତ୍ତିଭୂମି ବିକାଶ କରାଯାଉଛି । ସଂକ୍ଷେପରେ, ଆଜି ଦେଶର ଆବଶ୍ୟକତା ତଥା ଭବିଷ୍ୟତରେ ସମୃଦ୍ଧିର ସମ୍ଭାବନା ଉପରେ କାର୍ଯ୍ୟ ଏକକାଳୀନ ଚାଲିଛି । ଦୁନିଆର ପ୍ରମୁଖ ଅର୍ଥନୀତି ଆଜି ସଙ୍କଟରେ ଅଛି, କିନ୍ତୁ ଏଭଳି କଠିନ ସମୟରେ ମଧ୍ୟ ଭାରତ ୮୦ କୋଟିରୁ ଅଧିକ ଦେଶବାସୀଙ୍କୁ ମାଗଣା ରାସନ ଦେବା ଫଳରେ ପ୍ରତ୍ୟେକ ଘରର ଚୂଲି ଜଳୁଛି । ଏଭଳି ପରିବେଶରେ ମଧ୍ୟ ଭାରତ ଭିତ୍ତିଭୂମି ର୍ନିମାଣରେ ଅଭୂତପୂର୍ବ ପୁଞ୍ଜି ବିନିଯୋଗ କରୁଛି । ଏହା ଆଜିର ଭାରତର ପ୍ରତିବଦ୍ଧତାକୁ ଦର୍ଶାଏ, ଏକ ବିକଶିତ ଭାରତ ପାଇଁ ଆମର ସଂକଳ୍ପର ପ୍ରତିଫଳନ ।

ଭାଇ ଓ ଭଉଣୀମାନେ,

ଏକ ବିକଶିତ ଭାରତ ଗଠନରେ ଆମ ସହରଗୁଡ଼ିକର ଭୂମିକା ଗୁରୁତ୍ୱପୂର୍ଣ୍ଣ । ଯଦି ଆମେ ମହାରାଷ୍ଟ୍ର ବିଷୟରେ କହିବା, ତେବେ ରାଜ୍ୟର ଅନେକ ସହର ଆସନ୍ତା ୨୫ ବର୍ଷ ମଧ୍ୟରେ ଭାରତର ଅଭିବୃଦ୍ଧିକୁ ତ୍ୱରାନ୍ୱିତ କରିବାକୁ ଯାଉଛନ୍ତି । ତେଣୁ ଭବିଷ୍ୟତ ପାଇଁ ମୁମ୍ବାଇକୁ ପ୍ରସ୍ତୁତ କରିବା ଡବଲ ଇଞ୍ଜିନ ସରକାରଙ୍କ ପ୍ରାଥମିକତା ଅଟେ । ଆମର ପ୍ରତିବଦ୍ଧତା ମୁମ୍ବାଇରେ ମେଟ୍ରୋ ନେଟୱାର୍କର ବିସ୍ତାରରେ ମଧ୍ୟ ପ୍ରତିଫଳିତ ହୋଇଛି । ୨୦୧୪ ପର୍ଯ୍ୟନ୍ତ, ମୁମ୍ବାଇରେ ମେଟ୍ରୋ କେବଳ ୧୦-୧୧ କିଲୋମିଟର ପର୍ଯ୍ୟନ୍ତ ଚଲୁଥିଲା । ତୁମେ ଡବଲ୍ ଇଞ୍ଜିନ୍ ସରକାର ଗଠନ କରିବା ମାତ୍ରେ ଏହା ଦ୍ରୁତ ଗତିରେ ବିସ୍ତାର ହୋଇଛି । କିଛି ସମୟ ପାଇଁ କାମ ମନ୍ଥର ହୋଇଗଲା, କିନ୍ତୁ ସିନ୍ଦେ ଜୀ ଏବଂ ଦେବେନ୍ଦ୍ର ଜୀଙ୍କ ଏକାଠି ହେବା ସହିତ ବର୍ତ୍ତମାନ କାର୍ଯ୍ୟ ପୁଣି ଗତି ଧରିଛି । ଆମେ ମୁମ୍ବାଇର ୩୦୦ କିଲୋମିଟର ଲମ୍ବା ମେଟ୍ରୋ ନେଟୱାର୍କ ଆଡକୁ ଦ୍ରୁତ ଗତିରେ ଅଗ୍ରସର ହେଉଛୁ ।

ବନ୍ଧୁଗଣ,

ଆଜି ସାରା ଦେଶରେ ରେଳବାଇକୁ ଆଧୁନିକୀକରଣ କରିବା ପାଇଁ ମିଶନ ମୋଡରେ କାର୍ଯ୍ୟ ଚାଲିଛି । ମୁମ୍ବାଇ ଏବଂ ମହାରାଷ୍ଟ୍ରର ରେଳ ସଂଯୋଗ ମଧ୍ୟ ଏଥିରୁ ଲାଭବାନ ହେଉଛି । ଡବଲ୍ ଇଞ୍ଜିନ୍ ସରକାର ସାଧାରଣ ଲୋକଙ୍କୁ ସମାନ ଆଧୁନିକ ସୁବିଧା, ପରିଷ୍କାର ପରିଚ୍ଛନ୍ନତା ଏବଂ ଉଚ୍ଚ ଗତିର ଅଭିଜ୍ଞତା ପ୍ରଦାନ କରିବାକୁ ଚାହୁଁଛନ୍ତି, ଯାହା ଏକଦା ସମ୍ବଳ କେବଳ ଲୋକଙ୍କ ପାଇଁ ଉପଲବ୍ଧ ଥିଲା । ତେଣୁ ଆଜି ବିମାନବନ୍ଦର ଭଳି ରେଳ ଷ୍ଟେସନ ମଧ୍ୟ ବିକଶିତ ହେଉଛି । ବର୍ତ୍ତମାନ ଦେଶର ସର୍ବ ପୁରାତନ ରେଳ ଷ୍ଟେସନ ମଧ୍ୟରୁ ଛତ୍ରପତି ଶିବାଜୀ ମହାରାଜ ଟର୍ମିନାସ ମଧ୍ୟ ବଦଳିବାକୁ ଯାଉଛି । ଆମର ଏହି ଐତିହ୍ୟ ବର୍ତ୍ତମାନ ଏକବିଂଶ ଶତାବ୍ଦୀର ଭାରତ ଗର୍ବର ସହିତ ବିକଶିତ ହେବାକୁ ଯାଉଛି । ସ୍ଥାନୀୟ ଏବଂ ଦୂରଗାମୀ ଟ୍ରେନ୍ ପାଇଁ ଅଲଗା ସୁବିଧା ରହିବ । ସାଧାରଣ ଯାତ୍ରୀମାନଙ୍କୁ ଉନ୍ନତ ସୁବିଧା ଯୋଗାଇବା ଏବଂ କାର୍ଯ୍ୟ ପାଇଁ ଯାତାୟାତକୁ ସହଜ କରିବା ଏହାର ଉଦ୍ଦେଶ୍ୟ । ଏହି ଷ୍ଟେସନ୍ କେବଳ ରେଳ ସୁବିଧା ମଧ୍ୟରେ ସୀମିତ ରହିବ ନାହିଁ, ଏହା ବହୁମୁଖୀ ସଂଯୋଗର ଏକ ହବ୍ ମଧ୍ୟ ହେବ । ତାହା ହେଉଛି, ବସ୍ ହେଉ କିମ୍ବା ମେଟ୍ରୋ, ଟ୍ୟାକ୍ସି, ଅଟୋ ହେଉ, ପ୍ରତ୍ୟେକ ପରିବହନ ଏଠାରେ ଗୋଟିଏ ଛାତ ତଳେ ଉପଲବ୍ଧ ହେବ । ଏହା ଯାତ୍ରୀମାନଙ୍କୁ ଏକ ନିରନ୍ତର ସଂଯୋଗ ସେବା ଯୋଗାଇବ । ଏହା ହେଉଛି ବହୁମୁଖୀ ସଂଯୋଗ ଯାହାକି ଆମେ ଦେଶର ପ୍ରତ୍ୟେକ ସହରରେ ବିକାଶ କରିବାକୁ ଯାଉଛୁ ।

ବନ୍ଧୁଗଣ,

ଆଧୁନିକୀକରଣ ହୋଇଥିବା ମୁମ୍ବାଇ ଲୋକାଲ, ମେଟ୍ରୋର ବ୍ୟାପକ ନେଟୱାର୍କ, ବନ୍ଦେ ଭାରତ ଏବଂ ବୁଲେଟ୍ ଟ୍ରେନ୍ ଭଳି ଅନ୍ୟ ସହର ସହିତ ଦ୍ରୁତ ଆଧୁନିକ ସଂଯୋଗ ଯୋଗୁଁ ମୁମ୍ବାଇ ଆସନ୍ତା କିଛି ବର୍ଷ ମଧ୍ୟରେ ପରିବର୍ତ୍ତନ ହେବାକୁ ଯାଉଛି । ଗରିବ ଶ୍ରମିକଙ୍କ ଠାରୁ ଆରମ୍ଭ କରି କର୍ମଚାରୀ, ଦୋକାନୀ ଏବଂ ଯେଉଁମାନେ ବଡ଼ ବ୍ୟବସାୟରେ ଅଛନ୍ତି ସେମାନଙ୍କ ସମସ୍ତଙ୍କ ପାଇଁ ଏଠାରେ ରହିବା ସୁବିଧା ହେବ । ଏପରିକି ନିକଟବର୍ତ୍ତୀ ଜିଲ୍ଲାରୁ ମୁମ୍ବାଇ ଯିବା ଆସିବା ସହଜ ହେବ । କୋଷ୍ଟାଲ୍ ରୋଡ୍‌, ଇନ୍ଦୁ ମିଲ୍ ମେମୋରିଆଲ୍‌, ନଭି ମୁମ୍ବାଇ ବିମାନବନ୍ଦର, ଟ୍ରାନ୍ସ ହାରବର୍ ଲିଙ୍କ୍ ଇତ୍ୟାଦି ପ୍ରକଳ୍ପଗୁଡିକ ମୁମ୍ବାଇକୁ ନୂତନ ଶକ୍ତି ଦେଉଛି । ଧରାବୀ ପୁନଃ ର୍ନିମାଣ ଠାରୁ ଆରମ୍ଭ କରି ଓଲ୍ଡ ଚାଓଲ ଡେଭଲପମେଣ୍ଟ ପର୍ଯ୍ୟନ୍ତ ସବୁକିଛି ବର୍ତ୍ତମାନ ଟ୍ରାକକୁ ଫେରି ଆସୁଛି । ଏଥିପାଇଁ ମୁଁ ସିନ୍ଦେ ଜୀ ଏବଂ ଦେବେନ୍ଦ୍ର ଜୀଙ୍କୁ ଅଭିନନ୍ଦନ ଜଣାଉଛି । ବହୁ ପରିମାଣରେ ମୁମ୍ବାଇର ରାସ୍ତାକୁ ସୁଦୃଢ କରିବା ପାଇଁ ଏହି ପ୍ରକଳ୍ପର ଶୁଭାରମ୍ଭ ଡବଲ୍ ଇଞ୍ଜିନ ସରକାରଙ୍କ ପ୍ରତିବଦ୍ଧତାକୁ ମଧ୍ୟ ଦର୍ଶାଉଛି ।

ଭାଇ ଓ ଭଉଣୀମାନେ,

ଆଜି ଆମେ ଦେଶର ସହରଗୁଡ଼ିକର ସଂପୂର୍ଣ୍ଣ ରୂପାନ୍ତର ଉପରେ କାର୍ଯ୍ୟ କରୁଛୁ । ପ୍ରଦୂଷଣ ଠାରୁ ଆରମ୍ଭ କରି ସ୍ୱଚ୍ଛତା ପର୍ଯ୍ୟନ୍ତ ସହରଗୁଡିକର ପ୍ରତ୍ୟେକ ସମସ୍ୟାର ସମାଧାନ ଖୋଜାଯାଉଛି । ସେଥିପାଇଁ ଆମେ ବୈଦ୍ୟୁତିକ ଗତିଶୀଳତା ଉପରେ ଅଧିକ ଗୁରୁତ୍ୱ ଦେଉଛୁ ଏବଂ ଏହା ପାଇଁ ଭିତ୍ତିଭୂମି ସୃଷ୍ଟି କରୁଛୁ । ଆମେ ଏକ ଜୈବ ଇନ୍ଧନ ଭିତ୍ତିକ ପରିବହନ ବ୍ୟବସ୍ଥାକୁ ଶୀଘ୍ର ଆଣିବାକୁ ଚାହୁଁଛୁ । ହାଇଡ୍ରୋଜେନ୍ ଇନ୍ଧନ ସହିତ ପରିବହନ ବ୍ୟବସ୍ଥା ପାଇଁ ଦେଶରେ ମିଶନ୍ ମୋଡ୍ ରେ ମଧ୍ୟ କାର୍ଯ୍ୟ ଚାଲିଛି । କେବଳ ଏତିକି ନୁହେଁ, ନୂତନ ଜ୍ଞାନକୌଶଳ ସାହାଯ୍ୟରେ ଆମ ସହରରେ ଆବର୍ଜନା ଏବଂ ବର୍ଜ୍ୟବସ୍ତୁ ସମସ୍ୟାରୁ ମୁକ୍ତି ପାଇବା ପାଇଁ ଆମେ ନିରନ୍ତର ପଦକ୍ଷେପ ନେଉଛୁ । ଦେଶରେ ବର୍ଜ୍ୟରୁ ସମ୍ପଦ ସୃଷ୍ଟି ପାଇଁ ଏକ ବିଶାଳ ଅଭିଯାନ ଚାଲିଛି । ଅପରିଷ୍କାର ଜଳ ନଦୀରେ ପ୍ରବେଶ ନକରିବା ପାଇଁ ଜଳ ବିଶୋଧନାଗାର ସ୍ଥାପନ କରାଯାଉଛି ।

ବନ୍ଧୁଗଣ,

ସହରଗୁଡିକର ବିକାଶ ପାଇଁ ଦେଶରେ ଶକ୍ତି ଏବଂ ରାଜନୈତିକ ଇଚ୍ଛାଶକ୍ତିର ଅଭାବ ନାହିଁ । କିନ୍ତୁ ଆମକୁ ଗୋଟିଏ ଗୁରୁତ୍ୱପୂର୍ଣ୍ଣ କଥା ବୁଝିବାକୁ ପଡିବ । ମୁମ୍ବାଇ ପରି ସହରରେ, ସ୍ଥାନୀୟ ସଂସ୍ଥାର ଦ୍ରୁତ ବିକାଶକୁ ପ୍ରାଥମିକତା ନଦେଲେ ପ୍ରକଳ୍ପଗୁଡିକ ଶୀଘ୍ର ନିଆଯାଇପାରିବ ନାହିଁ । ଯେତେବେଳେ ରାଜ୍ୟରେ ବିକାଶ ପାଇଁ ଏକ ଉତ୍ସର୍ଗୀକୃତ ସରକାର ଅଛି, ଯେତେବେଳେ ସହରଗୁଡ଼ିକରେ ଉତ୍ତମ ଶାସନ ପାଇଁ ଏକ ଉତ୍ସର୍ଗୀକୃତ ସରକାର ଥାଏ, ସେତେବେଳେ ହିଁ ଏହି କାର୍ଯ୍ୟଗୁଡ଼ିକ ଶୀଘ୍ର କାର୍ଯ୍ୟକାରୀ ହୋଇପାରିବ । ତେଣୁ ମୁମ୍ବାଇର ବିକାଶରେ ସ୍ଥାନୀୟ ପ୍ରଶାସନର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ମୁମ୍ବାଇର ବିକାଶ ପାଇଁ ଅର୍ଥର କୌଣସି ଅଭାବ ନାହିଁ । ଉପଯୁକ୍ତ ଟଙ୍କା ମୁମ୍ବାଇର ସଠିକ୍ ସ୍ଥାନରେ ଖର୍ଚ୍ଚ କରାଯିବା ଉଚିତ । ଯଦି ଟଙ୍କା ଦୁର୍ନୀତିରେ ଖର୍ଚ୍ଚ ହୁଏ, କିମ୍ବା ବ୍ୟାଙ୍କଗୁଡିକରେ ତାଲା ପଡିକି ରହିଥାଏ ଏବଂ ବିକାଶ କାର୍ଯ୍ୟକୁ ବନ୍ଦ କରିବାର ପ୍ରବୃତ୍ତି ଥାଏ ତେବେ ମୁମ୍ବାଇର ଭବିଷ୍ୟତ କିପରି ଉଜ୍ଜ୍ୱଳ ହେବ? ଯଦି ମୁମ୍ବାଇର ସାଧାରଣ ଲୋକମାନେ ଦୁଃଖ କଷ୍ଟ ଭୋଗୁଛନ୍ତି ଏବଂ ଏହି ସହର ବିକାଶ ପାଇଁ ଆଗ୍ରହ ପ୍ରକାଶ କରୁଛନ୍ତି, ତେବେ ଏକବିଂଶ ଶତାବ୍ଦୀର ଭାରତରେ ଏହି ପରିସ୍ଥିତି କଦାପି ଗ୍ରହଣୀୟ ହୋଇପାରିବ ନାହିଁ ଏବଂ ଶିବାଜୀ ମହରାଜଙ୍କ ମହାରାଷ୍ଟ୍ରରେ ଏହା କେବେ ହୋଇପାରିବ ନାହିଁ । ମୁମ୍ବାଇର ଲୋକଙ୍କ ପ୍ରତ୍ୟେକ ସମସ୍ୟାକୁ ବୁଝି ମୁଁ ଏହାକୁ ବହୁତ ଦାୟିତ୍ୱର ସହିତ ଦର୍ଶାଉଛି । ବିଜେପି ସରକାର କିମ୍ବା ଏନଡିଏ ସରକାର କଦାପି ରାଜନୀତିକୁ ବିକାଶ ଉପରେ ପ୍ରାଧାନ୍ୟ ଦେବାକୁ ଦିଅନ୍ତି ନାହିଁ । ବିକାଶ ଆମର ସବୁଠାରୁ ବଡ ପ୍ରାଥମିକତା । ବିଜେପି ଏବଂ ଏନଡିଏ ସରକାର ସେମାନଙ୍କର ରାଜନୈତିକ ସ୍ୱାର୍ଥ ପାଇଁ ବିକାଶ କାର୍ଯ୍ୟରେ କେବେ ବି ବ୍ରେକ୍ ଲଗାନ୍ତି ନାହିଁ । କିନ୍ତୁ ଅତୀତରେ ମୁମ୍ବାଇରେ ବାରମ୍ବାର ଏହି ଘଟଣା ଘଟୁଥିବା ଆମେ ଦେଖିଛୁ । ପ୍ରଧାନମନ୍ତ୍ରୀ ଏସଭିଏନିଧି ଯୋଜନା ମଧ୍ୟ ଏହାର ଏକ ଉଦାହରଣ । ପ୍ରଥମ ଥର ପାଇଁ, ଆମେ ସହରର ଅର୍ଥନୀତିର ଏକ ଗୁରୁତ୍ୱପୂର୍ଣ୍ଣ ଅଂଶ ଥିବା ରାସ୍ତାକଡ ବିକ୍ରେତାମାନଙ୍କ ପାଇଁ ଏକ ଯୋଜନା ଆରମ୍ଭ କରିଛୁ । ଏହି ଛୋଟ ବ୍ୟବସାୟୀମାନଙ୍କ ପାଇଁ ଆମେ ବ୍ୟାଙ୍କଗୁଡିକରୁ ଶସ୍ତା ଏବଂ ବନ୍ଧକମୁକ୍ତ ଋଣ ସୁନିଶ୍ଚିତ କରିଛୁ । ସାରା ଦେଶରେ ପ୍ରାୟ ୩୫ ଲକ୍ଷ ରାସ୍ତାକଡ ବିକ୍ରେତା ଏହାର ସୁବିଧା ପାଇଛନ୍ତି । ଏହି ଯୋଜନା ଅଧୀନରେ ମହାରାଷ୍ଟ୍ରର ପାଞ୍ଚଞ୍ଚଲକ୍ଷ ସହଯୋଗୀଙ୍କୁ ଋଣ ମଞ୍ଜୁର କରାଯାଇଛି । ଆଜି ବି ଏକ ଲକ୍ଷରୁ ଅଧିକ ବନ୍ଧୁଙ୍କ ବ୍ୟାଙ୍କ ଆକାଉଣ୍ଟରେ ଟଙ୍କା ସିଧାସଳଖ ଜମା କରାଯାଇଛି । ଏହା ବହୁ ପୂର୍ବରୁ ହୋଇଥାନ୍ତା କିନ୍ତୁ ମଧ୍ୟବର୍ତ୍ତୀ ସମୟରେ ଡବଲ୍ ଇଞ୍ଜିନ ସରକାରଙ୍କ ଅନୁପସ୍ଥିତି ଯୋଗୁଁ ପ୍ରତ୍ୟେକ କାର୍ଯ୍ୟରେ ବାଧା ସୃଷ୍ଟି ହୋଇଥିଲା । ଫଳସ୍ୱରୂପ, ଏହା ସମସ୍ତ ହିତାଧିକାରୀଙ୍କୁ ଭୋଗିବାକୁ ପଡିଲା । ଏହାର ଯେପରି ପୁନରାବୃତ୍ତି ନହୁଏ ସେଥିପାଇଁ ନିଶ୍ଚିତ କରିବାକୁ ହେଲେ ଦିଲ୍ଲୀରୁ ମହାରାଷ୍ଟ୍ର ଏବଂ ମୁମ୍ବାଇ ପର୍ଯ୍ୟନ୍ତ ସମସ୍ତେ ଉଦ୍ୟମ କରିବା ଉଚିତ ଏବଂ ସେଠାରେ ଏକ ଉନ୍ନତ ସମନ୍ୱିତ ବ୍ୟବସ୍ଥା ରହିବା ଆବଶ୍ୟକ ।

ବନ୍ଧୁଗଣ,

ଆମକୁ ମନେ ରଖିବାକୁ ହେବ ଯେ ଏସ୍‍ଭିଏନିଧି ଯୋଜନା କେବଳ ଋଣ ଦେବା ଯୋଜନା ନୁହେଁ, ବରଂ ଆମର ସାଥୀ ରାସ୍ତାକଡ ବିକ୍ରେତାମାନଙ୍କର ଆର୍ଥିକ ଶକ୍ତି ବୃଦ୍ଧି ପାଇଁ ଏହା ଏକ ଅଭିଯାନ । ଏହି ଏସ୍‍ଭିଏନିଧି ସମସ୍ତଙ୍କ ଆତ୍ମ ସମ୍ମାନର ବିଷୟ । ମୋତେ କୁହାଯାଇଛି ଯେ ଡିଜିଟାଲ୍ କାରବାରରେ ଏସ୍‍ଭିଏନିଧି ହିତାଧିକାରୀଙ୍କୁ ତାଲିମ ଦେବା ପାଇଁ ମୁମ୍ବାଇରେ ୩୨୫ ଟି ଶିବିର ଆୟୋଜନ କରାଯାଇଛି । ଫଳସ୍ୱରୂପ, ଆମର ହଜାର ହଜାର ରାସ୍ତାକଡ ବିକ୍ରେତା ଡିଜିଟାଲ୍ କାରବାର ଆରମ୍ଭ କରିଛନ୍ତି । ଅନେକ ଲୋକ ଜାଣି ଆଶ୍ଚର୍ଯ୍ୟ ହେବେ ଯେ ସାରା ଦେଶରେ ଏସଭିଏନିଧି ଯୋଜନାର ହିତାଧିକାରୀମାନେ ଏତେ କମ୍ ସମୟ ମଧ୍ୟରେ ପ୍ରାୟ ୫୦,୦୦୦ କୋଟି ଟଙ୍କା ମୂଲ୍ୟର ଡିଜିଟାଲ୍ କାରବାର କରିଛନ୍ତି । ଯେଉଁମାନଙ୍କୁ ଆମେ ଅଶିକ୍ଷିତ ବୋଲି ବିବେଚନା କରୁ, ଯାହାକୁ ଆମେ ଅପମାନିତ କରିଥାଉ, ମୋର ସେହି ବନ୍ଧୁ ଯେଉଁମାନେ ଆଜି ମୋ ସାମ୍ନାରେ ବସିଛନ୍ତି, ସେମାନେ ମୋବାଇଲ୍ ଫୋନ୍ ମାଧ୍ୟମରେ ୫୦,୦୦୦ କୋଟି ଟଙ୍କା ମୂଲ୍ୟର ଅନଲାଇନ୍ କାରବାର କରିଛନ୍ତି । ଏହି କିର୍ତ୍ତୀମାନ ଏବଂ ପରିବର୍ତ୍ତନ ନିରାଶାବାଦୀଙ୍କ ପାଇଁ ଏକ ବଡ଼ ଉତ୍ତର, ଯେଉଁମାନେ ରାସ୍ତାକଡ ବିକ୍ରେତାଙ୍କ ଦ୍ୱାରା ଡିଜିଟାଲ୍ ଦେୟର ସଫଳତା ଉପରେ ପ୍ରଶ୍ନ କରୁଥିଲେ । ଡିଜିଟାଲ୍ ଇଣ୍ଡିଆର ସଫଳତା ହେଉଛି ଏକ ଉଦାହରଣ ଯେ ଯଦି ସମସ୍ତଙ୍କ ଉଦ୍ୟମ ଜଡିତ ହୁଏ ତେବେ କିଛି ଅସମ୍ଭବ ନୁହେଁ "ସବକା ପ୍ରୟାସ” (ସମସ୍ତଙ୍କ ଉଦ୍ୟମ)ର ଏହି ଆବେଗ ସହିତ ଆମେ ମୁମ୍ବାଇକୁ ବିକାଶର ଏକ ନୂତନ ଶିଖରକୁ ନେଇଯିବା । ଆଜି ମୁଁ ମୋର ରାସ୍ତାକଡ ବିକ୍ରେତା ଭାଇମାନଙ୍କୁ ମୋ ସହିତ ଚାଲିବା ଲାଗି କହିବାକୁ ଚାହୁଁଛି ଯଦି ତୁମେ ୧୦ ଟି ପାଦ ଆଗକୁ ନିଅ, ମୁଁ ତୁମ ପାଇଁ ୧୧ ଟି ପାଦ ଆଗକୁ ନେବି । ମୁଁ ଏହା କହୁଛି କାରଣ ପୂର୍ବରୁ ଆମର ରାସ୍ତାକଡ ବିକ୍ରେତା ଭାଇ ଓ ଭଉଣୀମାନେ ୠଣଦାତାଙ୍କ ନିକଟକୁ ଯାଉଥିଲେ ଯେଉଁମାନେ ସୁଧ ସହିତ ଟଙ୍କା ଋଣ ଦେବେ । ଯଦି ଦିନକୁ ବ୍ୟବସାୟ କରିବା ପାଇଁ କେହି ଏକ ହଜାର ଟଙ୍କା ଆବଶ୍ୟକ କରନ୍ତି, ତେବେ ଋଣଦାତା ୧୦୦ ଟଙ୍କା ପୂର୍ବରୁ କାଟିଦେବେ ଏବଂ ତାଙ୍କୁ କେବଳ ୯୦୦ ଟଙ୍କା ଦେବେ ଏବଂ ଯଦି ସେ ସନ୍ଧ୍ୟା ସୁଦ୍ଧା ଏକ ହଜାର ଟଙ୍କା ଫେରସ୍ତ ନକରନ୍ତି, ତା\'ହେଲେ ପରଦିନ ସେ ଟଙ୍କା ପାଇବେ ନାହିଁ । ଏବଂ ଯଦି ସେ କିଛି ଦିନ ନିଜର ସାମଗ୍ରୀ ବିକ୍ରୟ କରିପାରିନଥିବେ ଏବଂ ଏକ ହଜାର ଟଙ୍କା ଫେରସ୍ତ କରିବାରେ ବିଫଳ ହୋଇଥିବେ, ତେବେ ତାଙ୍କ ଉପରେ ଅତିରିକ୍ତ ସୁଧ ବୋଝ ପଡିବ । ତାଙ୍କ ପିଲାମାନେ ରାତିରେ ଭୋକିଲା ଶୋଇବାକୁ ବାଧ୍ୟ ହେଉଥିଲେ । ତୁମକୁ ଏହି ସମସ୍ତ ଅସୁବିଧାରୁ ରକ୍ଷା କରିବା ପାଇଁ ଏସଭିଏନିଧି ଯୋଜନା ଅଛି ।

ଏବଂ ବନ୍ଧୁଗଣ,

ଆପଣ ଅଧିକ ଡିଜିଟାଲ୍ କାରବାର କରିବା ଉଚିତ୍‍ । ଯେତେବେଳେ ଆପଣ ବହୁ ପରିମାଣରେ ସାମଗ୍ରୀ କିଣିବାକୁ ଯାଉଛନ୍ତି ସେତେବେଳେ ଏଥିପାଇଁ ଡିଜିଟାଲ୍ ପେମେଣ୍ଟ କରନ୍ତୁ । ଆପଣ ଆପଣଙ୍କର କ୍ରେତାମାନଙ୍କୁ ଡିଜିଟାଲ୍ ପେମେଣ୍ଟ କରିବାକୁ ମଧ୍ୟ କୁହନ୍ତୁ । ଯଦି ଆପଣ ଏହାକୁ କ୍ରମାଗତ ଭାବରେ କରନ୍ତି, ତେବେ ଆପଣଙ୍କ ଠାରୁ ଗୋଟିଏ ପଇସା ସୁଧ ଆଦାୟ କରାଯିବ ନାହିଁ । ଆପଣ କଳ୍ପନା କରିପାରିବେ ନାହିଁ ଯେ ଆପଣ ଆପଣଙ୍କର ପିଲାମାନଙ୍କର ଶିକ୍ଷା ଏବଂ ସେମାନଙ୍କ ଭବିଷ୍ୟତ ପାଇଁ କେତେ ଟଙ୍କା ସଞ୍ଚୟ କରିବେ । ସେଥିପାଇଁ ମୁଁ କହୁଛି, ବନ୍ଧୁଗଣ, ମୁଁ ତୁମ ସହିତ ଠିଆ ହୋଇଛି, ତୁମେ ୧୦ ପାଦ ଆଗକୁ ଚାଲ, ମୁଁ ୧୧ ପାଦ ଚାଲିବାକୁ ପ୍ରସ୍ତୁତ । ଏହା ମୋର ପ୍ରତିଜ୍ଞା ବନ୍ଧୁଗଣ, ଆଜି ମୁଁ ତୁମର ଉଜ୍ଜ୍ୱଳ ଭବିଷ୍ୟତ ପାଇଁ ଏହି ପ୍ରତିଜ୍ଞା କରିବାକୁ ମୁମ୍ବାଇ ମାଟିକୁ ଆସିଛି । ଏବଂ ମୁଁ ନିଶ୍ଚିତ ଯେ ଏହି ଲୋକଙ୍କ ଉଦ୍ୟମ ଏବଂ ପରିଶ୍ରମ ଦ୍ୱାରା ଦେଶ ନୂତନ ଉଚ୍ଚତାକୁ ଯିବ । ଏହି ବିଶ୍ୱାସ ସହିତ ମୁଁ ଆଜି ପୁଣି ଥରେ ଆପଣଙ୍କ ନିକଟକୁ ଆସିଛି । ଏହି ବିକାଶମୂଳକ କାର୍ଯ୍ୟ ପାଇଁ ମୁଁ ସମସ୍ତ ହିତାଧିକାରୀ, ସମସ୍ତ ମୁମ୍ବାଇବାସୀ, ସମଗ୍ର ମହାରାଷ୍ଟ୍ର ଏବଂ ମୁମ୍ବାଇକୁ ଅଭିନନ୍ଦନ ଜଣାଉଛି । ମୁମ୍ବାଇ ହେଉଛି ଦେଶର ହୃଦୟ । ମୋର ସମ୍ପୂର୍ଣ୍ଣ ବିଶ୍ୱାସ ଅଛି ଯେ ସିନ୍ଦେ ଜୀ ଏବଂ ଦେବେନ୍ଦ୍ର ଜୀ ଏକତ୍ର ହୋଇ ତୁମର ସ୍ୱପ୍ନକୁ ସାକାର କରିବେ ।

ମୋ ସହିତ କୁହ:

ଭରତ ମାତା କି - ଜୟ!

ଭରତ ମାତା କି - ଜୟ!

ବହୁତ ବହୁତ ଧନ୍ୟବାଦ!

HS