প্রধানমন্ত্রীগী লোইশঙ
ভোইস ওফ গ্লোবেল সাউথ সম্মিৎ ২০২৩গী লুচিংবশিংগী হৌদোকপগী সেসন্দা থমখিবা প্রধান মন্ত্রীগী লোইশিনবগী ৱারোল
Posted On:
12 JAN 2023 11:46AM by PIB Imphal
শক্নাইরবশিং,
অদোমগী কান্নরবা ৱারোলশিংগীদমক অদোম ঐনা থাগৎচরি। অদোমগী ৱারোলশিং অদুনা অহানবা ওইনা পাংথোক্লিবা ‘ভোইস ওফ গ্লোবেল সাউথ সম্মিৎ’কী মথংগী সেসন নিপান লমজিংগনি। অদোমগী ৱারোলশিংদগী নাখৈ শেংনা খঙলে মদুদি, মীওইবগীদমক য়েংলগা চাউখৎ-থৌরাং পায়খৎপা হায়বসি চাউখৎলক্লিবা লৈবাকশিংগী মরুওইবা অমনি। ঙসি খন্নরিবা অসিদগী ঐখোয়গী ৱাখলশিংদা মরুওইনা লৌরিবা মীয়াম্না অমতা ওইনা থেংনরিবা খুদোংচাদবশিং খঙদোকপা ঙম্লে। খুদোংচাদবশিং অদু মরুওইনা চাউখৎ-থৌরাংগী দরকার ওইবা মচাক-মথুমশিং ৱাৎপা অমসুং মহৌশাগী অইং-অশা হোংলকপা অমসুং মালেমগী রাজনিতিগী ফিবমদা লৈতাদবা হেনগৎলকপা অসিনি। অসিগুম্বা কয়া লৈজরবশু, চাউখৎলক্লিবা লৈবাকশিং থৌনা অমসুং থাজবা মপুংফানা লৈরে হায়বা নাখৈ শেংলে।
২০শুবা চহিদা, চাউখৎলবা লৈবাকশিংনা মালেমগী শেন-থুমগী চুপ্লি পায়খি। ঙসিদি, হায়রিবা চাউখৎলবা লৈবাকশিং অসিগী শেন-থুমগী ফিবম তপ্ন-তপ্না ময়েং তারক্লে। তশেংনা হায়রবদা, ২১শুবা চহিচা অসিদা, মালেমগী চাউখৎপা অসি সাউথ লৈবাকশিংদগী লাক্কনি। ঐনা খল্লি করিগুম্বা ঐখোয়না পুন্না থবক তৌমিন্নরবদি, ঐখোয়না মালেমগী এজেন্দা শেম্বা ঙমগনি। লাক্লিবা সেসনশিংদা, ঙসি ঐখোয়না খন্নরিবা মমল য়াম্লবা অনৌবা ৱাখল্লোনশিং অসি ঐখোয়না মখা তানা পাকথোক-চাউথোকহনগনি। ঐখোয়গী থবক্তি গ্লোবেল সাউথগীদমক পাংথোক্কদবা থবকশিং মশক খঙদোকপনি অমসুং ঐখোয় পুন্না মালেমগী এজেন্দা শেম্বনি। ভোইস ওফ গ্লোবেল সাউথকী মশাগী পান্দম শেমজবা দরকার ওই। ঐখোয়গীদমক শেমখিদবা ফিবমশিং অমসুং সিস্তেমশিংদা মখা পোন্দুনা লৈবদগী ঐখোয় নান্থোকপা মথৌ তাই।
অদোমগী মমল য়াম্লবা মতম, শরুক য়াবা অমসুং মমল য়াম্লবা ৱাফমশিংগীদমক অদোম ঐনা অমুক হন্না থাগৎচরি।
অদোমবু থাগৎচরি।
*****
(Release ID: 1890864)
Visitor Counter : 118
Read this release in:
Telugu
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam