মন্ত্রীমন্দল
কেন্দ্রগী মন্ত্রী-মন্দলনা গোৱাগী গ্রীন্দফিল্দ ইন্তর্নেস্নেল এয়রপোর্ত মোপাবু হান্নগী ঙাকশেল মন্ত্রী অমদি গোৱাগী মুখ্য মন্ত্রী মরিরক ওইরমখিবা লৈখিদ্রবা শ্রী মনোহর পর্রিকরবু ইকাই খুম্নবা ওইনা ‘মনোহর ইন্তর্নেস্নেল এয়রপোর্ত – মোপা, গোৱা’ হায়না মমিং থোন্নবগীদমক এক্স-পোস্ত ফেক্তো অয়াবা পীখ্রে
Posted On:
04 JAN 2023 4:10PM by PIB Imphal
ইকাই খুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা গোৱাগী গ্রীন্দফিল্দ ইন্তর্নেস্নেল এয়রপোর্ত মোপাবু হান্নগী ঙাকশেল মন্ত্রী অমদি গোৱাগী মুখ্য মন্ত্রী মরিরক ওইরমখিবা লৈখিদ্রবা শ্রী মনোহর পর্রিকরবু ইকাই খুম্নবা ওইনা ‘মনোহর ইন্তর্নেস্নেল এয়রপোর্ত – মোপা, গোৱা’ হায়না মমিং থোন্নবগীদমক এক্স-পোস্ত ফেক্তো অয়াবা পীখ্রে।
গোৱাগী মীয়ামগী অনীংবা অপাম্বশিং থুংহন্নবা গোৱাগী ইকাই খুম্নরবা মুখ্য মন্ত্রীনা গোৱাগী গ্রীন্দফিল্দ ইন্তর্নেস্নেল এয়রপোর্ত মোপাবু ‘মনোহর ইন্তর্নেস্নেল এয়রপোর্ত – মোপা, গোৱা’ হায়না মমিং থোন্নবা গোৱা সরকারগী মন্ত্রী-মন্দলগী অমত্তা ওইনা য়েৎনবা লৈতনা লৌখিবা ৱারেপ অদু পুখৎখি।
গোৱাগী মোপাদা লৈবা গ্রীন্দফিল্দ এয়রপোর্ত অসি দিসেম্বর ২০২২দা ইকাই খুম্নরবা প্রধান মন্ত্রীনা শঙ্গাখি। এয়রপোর্ত অসি হান্নগী মুখ্য মন্ত্রী অমসুং ভারত সরকারগী ঙাকশেল মন্ত্রী ওইরমখিবা লৈখিদ্রবা দা. মনোহর পর্রিকরনা মোদর্ন গোৱা শেমগৎপদা শরুক তমখিবা অদুবু শকখঙবা ওইনা মহাক্কী মমিং লৌদুনা থোনখি।
*******
(Release ID: 1888757)
Visitor Counter : 69
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam