প্রধানমন্ত্রীগী লোইশঙ
পি.এম.না য়ুক্রেনগী রাস্ত্রপতি হিস এক্সিলেন্সী বোলোদিমির জেলেন্সকীগা তেলিফোন্দা ৱারী শাখ্রে
Posted On:
26 DEC 2022 8:42PM by PIB Imphal
প্রধান মন্ত্রী শ্রী নরেন্দ্র মোদীনা ঙসি য়ুক্রেনগী রাস্ত্রপতি, হিস এক্সিলেন্সী বোলোদিমির জেলেন্সকীকা তেলিফোন্দা ৱারী শাখ্রে।
য়ুক্রেনগী রাস্ত্রপতিনা ভারতকী জি২০ প্রসিদেন্সীগীদমক য়াইফ-পাউজেল পীখি। প্রধান মন্ত্রীনা চীঞ্জাক অমদি ইনর্জী সেক্যুরিতী অসিগুম্বা সমস্যাশিংদা চাউখৎলক্লিবা লৈবাকশিংনা মায়োক্নরিবা খুদোংচাদবশিং অসিগী মতাংদা ৱাখল্লোন ফোঙদোকপা য়াওনা ভারতকী জি২০ প্রসিদেন্সীগী মরু ওইবা হীরমশিংগী মতাংদা পাউদমখি।
লুচিংবা অনিনা বাইলেতরেল কোওপরেসন মপাঙ্গল কনখৎহন্নবা খুদোংচাবশিংগী মতাংদা খন্নখি। প্রধান মন্ত্রীনা য়ুক্রেন ওথোরিতীশিংদা চহি অসিগী অঙনবা শরুক্তা য়ুক্রেনদগী হল্লকখিবা ভারতকী মহৈরোয়শিংগী এজুকেসন মখা চত্থনবা শিল-লাংবীনবা হায়জখি।
লুচিংবশিংনা য়ুক্রেন্দা হৌজিক ওইরিবা তংদু লৈতাদবা ফীভম অসিগী মতাংদসু ৱাখল্লোন ফোঙদোক্নখি। প্রধান মন্ত্রী মোদীনা হিংসা অসি খুদক্তা লেপ্নবা মহাক্কী অপাম্বা অদু অকনবা মওংদা নৌহৌননা ফোঙদোকখি অমসুং মহাক্না হায় নাকল অনিমক্না মখোয়গী খেন্নবশিং অদুগী তুং কোইগদবা ৱারোইশিন অমা থিনবা দাইলোগ অমসুং দিপ্লোমেসীদা হল্লক্নবা হায়খি। প্রধান মন্ত্রীনা শান্তি পুরক্নবা হোৎনবদা ভারতনা অঙম্বা মতেং পাংগনি হায়খি অমসুং ভারতনা অৱাবা তারবা মীচম মীয়ামদা হ্যুমেনিতরিয়ন এসিস্তেন্স মখা তানা পীগনি হায়না থাজবা পীখি।
***
(Release ID: 1886807)
Visitor Counter : 118
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam