ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ୟୁକ୍ରେନ ରାଷ୍ଟ୍ରପତି ମହା ମହିମ ଭୋଲୋଡିମିର ଜେଲେନସ୍କିଙ୍କ ସହ ଟେଲିଫୋନରେ କଥା ହୋଇଛନ୍ତି ପ୍ରଧାନମନ୍ତ୍ରୀ
Posted On:
27 DEC 2022 10:38AM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ୟୁକ୍ରେନର ରାଷ୍ଟ୍ରପତି ମାନ୍ୟବର ଭୋଲୋଡିମିର ଜେଲେନସ୍କିଙ୍କ ସହ ଟେଲିଫୋନ୍ ରେ ଆଲୋଚନା କରିଛନ୍ତି।
ୟୁକ୍ରେନର ରାଷ୍ଟ୍ରପତି ଜି -20 ର ଭାରତର ଅଧ୍ୟକ୍ଷତା ପାଇଁ ତାଙ୍କର ଶୁଭେଚ୍ଛା ଜଣାଇଛନ୍ତି। ଖାଦ୍ୟ ଏବଂ ଶକ୍ତି ନିରାପତ୍ତା ଭଳି ବିକାଶଶୀଳ ରାଷ୍ଟ୍ରଗୁଡିକର ଚିନ୍ତାଧାରାକୁ ସ୍ୱର ଦେବା ସହିତ ପ୍ରଧାନମନ୍ତ୍ରୀ ଭାରତର ଜି -20 ଅଧ୍ୟକ୍ଷତାର ମୁଖ୍ୟ ପ୍ରାଥମିକତା ଭାବରେ ବର୍ଣ୍ଣନା କରିଛନ୍ତି।
ଦ୍ୱିପାକ୍ଷିକ ସହଯୋଗକୁ ମଜବୁତ କରିବାର ସୁଯୋଗ ଉପରେ ଦୁଇ ନେତା ଆଲୋଚନା କରିଥିଲେ। ଚଳିତ ବର୍ଷ ପ୍ରାରମ୍ଭରେ ୟୁକ୍ରେନରୁ ଫେରିବାକୁ ଥିବା ଭାରତୀୟ ଛାତ୍ରମାନଙ୍କ ନିରନ୍ତର ଶିକ୍ଷା ପାଇଁ ବ୍ୟବସ୍ଥା କରିବାକୁ ପ୍ରଧାନମନ୍ତ୍ରୀ ୟୁକ୍ରେନ କର୍ତ୍ତୃପକ୍ଷଙ୍କୁ ଅନୁରୋଧ କରିଥିଲେ ।
ୟୁକ୍ରେନରେ ଚାଲିଥିବା ବିବାଦ ବିଷୟରେ ନେତାମାନେ ମଧ୍ୟ ମତ ବିନିମୟ କରିଥିଲେ। ତୁରନ୍ତ ଯୁଦ୍ଧ ବନ୍ଦ କରିବାକୁ ପ୍ରଧାନମନ୍ତ୍ରୀ ମୋଦୀ ତାଙ୍କ ଆହ୍ବାନକୁ ଦୃଢ଼ ଭାବରେ ଦୋହରାଇଛନ୍ତି ଏବଂ ସେମାନଙ୍କ ମତଭେଦର ସ୍ଥାୟୀ ସମାଧାନ ପାଇଁ ଉଭୟ ପକ୍ଷ କଥାବାର୍ତ୍ତା ଏବଂ କୂଟନୈତିକ ସ୍ତରକୁ ଫେରିବା ଉଚିତ ବୋଲି କହିଛନ୍ତି। ଯେ କୌଣସି ଶାନ୍ତି ପ୍ରୟାସ ପାଇଁ ପ୍ରଧାନମନ୍ତ୍ରୀ ମଧ୍ୟ ଭାରତର ସମର୍ଥନ ଜଣାଇଛନ୍ତି ଏବଂ ପ୍ରଭାବିତ ସାଧାରଣ ନାଗରିକଙ୍କ ପାଇଁ ମାନବିକ ସହାୟତା ଜାରି ରଖିବାକୁ ଭାରତର ପ୍ରତିବଦ୍ଧତାକୁ ନିଶ୍ଚିତ କରିଛନ୍ତି।
BS
(Release ID: 1886802)
Visitor Counter : 157
Read this release in:
English
,
Urdu
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam