প্রধান মন্ত্রী, শ্রী নরেন্দ্র মোদীনা লুপা করোর ৪৩৫০ হেনবা মরু ওইবা থৌশিল কয়ামরুম উরেপ-উয়ুং তমখ্রে, শঙ্গাখ্রে অমসুং জাতিদা কত্থোকখ্রে। প্রোজেক্তশিং অসিদা প্রধান মন্ত্রী আৱাস য়োজনা – অর্বান অমসুং রুরেলগী মখাদা বেনিফিসরীশিংগী গৃহ প্রভেশকী থৌরম হৌদোকপা, অগরতলা বাইপাস (খায়েরপুর – অমতালি) এন.ঐচ.-০৮ পাকথোক্নবগী কন্নেক্তিবিতী প্রোজেক্তশিং, পি.এম.জি.এস.ৱাই. IIIগী মখাদা কিলোমিতর ২৩০ হেন্না শাংবা লম্বী ৩২গী উরেপ-উয়ুং তম্বা অমসুং কিলোমিতর ৫৪০ হেন্না শাংনা কোল্লিবা লম্বী ১১২ ফগৎহনবগী প্রোজেক্তশিং অসি য়াওখি। প্রধান মন্ত্রীনা অনন্দনগরদা স্তেৎ ইন্সতিত্যুতোফ হোতেল মেনেজমেন্ত অমসুং অগরতলা গভর্নমেন্ত দেন্তেল কোলেজসু শঙ্গাখি।

থৌরম অসিদা ৱা ঙাংলদুনা প্রধান মন্ত্রীনা থৌরম অসি হৌনবা খৌরাংনা ঙাইদুনা লৈরম্লিবা মফম অদুদা তিনখিবা মীপুম খুদিংমকপু থাগৎখি অমসুং নুমিৎ অসিগী অঙনবদা মেঘালয়দা তোঙান-তোঙানবা প্রোজেক্তশিং উরেপ-উয়ুং তম্বা অমদি কত্থোকপগী থবক-থৌরমনা মরম ওইদুনা খরা খজিক থেংখিবগীদমক ঙাকপীনবসু হায়খি।

হৌখিবা চহি ৫দা লুনানবগী কেম্পেনগী মতাংদা রাজ্য অসিদা পাইখৎখিবা শীংথানীংঙাই ওইবা থবকশিং অদুবু প্রধান মন্ত্রীনা থাগৎখি অমসুং ত্রিপুরাগী মীয়াম্না মসিবু মীয়ামগী ইহৌ অমা ওইহনখি হায়না মহাক্না ফোঙদোকখি। মসিগী ফল ওইনা অপীকপা রাজ্যশিংগী ওইনা ত্রিপুরা অসি ভারত্তা খ্বাইদগী লুনানবা রাজ্য ওইনা খঙনরি। মহাক্না হায়, “মা ত্রিপুরা সুন্দরীগী থৌজালগা লোয়ননা ত্রিপুরাগী চাউখৎ খোঙচৎ অসিদা অনৌবা পনখৈশিং উবা ফংলি”।

প্রধান মন্ত্রীনা ত্রিপুরাগী মীয়ামদা ঙসিগী কন্নেক্তিবিতী, স্কিল দিবেলপমেন্তগা মরী লৈনবা প্রোজেক্তশিং অমসুং লায়রবগী য়ুম শাবগা মরী লৈনবা স্কিমশিংগীদমক নুংঙাইবা ফোঙদোকখি। ত্রিপুরাগী নহারোলশিংনা রাজ্য অসি থাদোক্তুনা চৎত্রবসু দোক্তর ওইবগী খুদোংচাবা হৌজিক ফংলে হায়না ফোঙদোক্লদুনা প্রধান মন্ত্রীনা হায়, “ত্রিপুরানা ঙসি মাগী অহানবা দেন্তেল কোলেজ ফংলে”। মহাক্না হায়খি ঙসি রাজ্য অসিদগী লায়রবা মীওই লাখ ২ হেনবনা মখোয়গী অনৌবা পক্কা য়ুমশিংগী গৃহ প্রভেশ পাঙথোক্লি হায়রিবা য়ুমশিং অসিগী য়ুম্বু ঐখোয়গী ইমা অমদি ইচে-ইচলশিংনা ওইরি। প্রধান মন্ত্রীনা অহানবা ওইনা য়ুমগী মপু ওইরিবা নুপীশিংদা নুংঙাইবা ফোঙদোক্নবা খুদোংচাবা লৌখি। শ্রী মনিক সহাজী অমসুং মহাক্কী তীমনা তৌখিবা থবক অদুবু থাগৎলদুনা প্রধান মন্ত্রীনা হায়, “ত্রিপুরা অসি লায়রবশিংগীদমক য়ুমশিং শাবগী মতাংদদি মাংজিল থারিবা রাজ্যশিংগী মনুংদা অমনি”। মহাক্না থৌরম মফমদা লাকপদা মহাকপু নুংশিবীবা মীওই লিশিং কয়ানা মহাকপু তরাম্না ওকখিবা অদুগী মতাংদসু ফোঙদোকখি।

নুমিৎ অদুগী অঙনবদা মহাক্না শরুক য়াখিবা নোর্থ ইস্তর্ন কাউন্সিলগী মীফম অদুবু নীংশিংলদুনা প্রধান মন্ত্রীনা হায় ত্রিপুরা য়াওনা অৱাং নোংপোক্কী রাজ্য পুম্নমক্কী তুংলমচৎকীদমক চাউখৎ খোঙচৎকী রোদ মেপকী মতাংদা খন্ন-নৈনবদা মহাক্না কান্নরবা ৱাখল্লোনশিং পীখি। মহাক্না ‘অস্ত লক্ষ্মী’ নত্ত্রগনা অৱাং নোংপোক্কী রাজ্য নিপালগী ‘অস্ত আধার’ নত্ত্রগা চাউখৎ-থৌরাংগী মরু ওইবা পোইন্ত নিপালগী মতাংদা পাউদমখি। ত্রিপুরাগী দবল-ইঞ্জিন সরকারগী মতাংদা পল্লদুনা প্রধান মন্ত্রীনা হায় রাজ্য অসিগী চাউখৎ থৌরাংগী থৌশিলশিং খোঙজেল য়াংখৎহন্নবগীদমক লেপ্পা লৈতনা খোঙথাংশিং পাইখৎখি।

প্রধান মন্ত্রীনা হায়খি মদুদি দবল-ইঞ্জিন সরকারগী মমাংদা অৱাং নোংপোক্কী রাজ্যশিং অসি মীখলগী মতম অমসুং হিংসাগী থৌওংশিংগী মতাংদদা ঙাংনৈ। মহাক্না হায়, “ঙসি ত্রিপুরানা লুনানবা, ইনফ্রাস্ত্রকচরেলগী চাউখৎ-থৌরাং অমসুং লায়রবশিংগী য়ুমশিং শাবগীদমক খঙনরি”। মহাক্না মখা তারদুনা হায় কেন্দ্র সরকারনা ইনফ্রাস্ত্রকচরগী চাউখৎ থৌরাংগীদমক লুপা করোর লিশিং কয়া চাদিং তৌরি অমসুং রাজ্য সরকারনা থবকশিংগী ফল উহন্দুনা মসিবু ওইথোকহল্লি। মহাক্না হায়, “হৌখিবা চহি ৫ অসিদা ত্রিপুরাগী খুঙ্গং কয়াদা রোদ কন্নেক্তিবিতী য়ৌহনখি অমসুং ত্রিপুরাগী খুঙ্গং পুম্নমকপু লম্বীশিং শেমদুনা ফাওনহন্নবা থবক খোঙজেল য়াংনা পাইখৎপা হৌখ্রে”। প্রধান মন্ত্রীনা মখা তারদুনা হায় ঙসি উরেপ-উয়ুং তমখিবা প্রোজেক্তশিং অসিনা রাজ্য অসিগী রোদ নেৎৱার্ক মপাঙ্গল কনখৎহল্লগনি, কেপিতেলদা ত্রাফিক চিনবা হন্থহল্লগনি অমসুং পুন্সিবু নুংঙাইহল্লগনি।

অগরতলা-অখৌরা রেলৱে লাইন অমসুং ইন্দিয়া-থাইলেন্দ-ম্যান্মার হায়ৱে ইনফ্রাস্ত্রকচরগা লোয়ননা হাংদোরক্লিবা অনৌবা এভেন্যুশিং অসিগী মতাংদা ৱা ঙাংলদুনা প্রধান মন্ত্রীনা হায়, “ত্রিপুরাগী খুত্থাংদা অৱাং নোংপোক লমদম অসি ইন্তর্নেস্নেল ত্রেদকী গেৎৱে অমা ওইরক্লি”। মহাক্না মখা তারদুনা হায় মদুদি অগরতলাদা মহারাজা বির বিক্রম এয়রপোর্ত শাবগা লোয়ননা কন্নেক্তিবিতীদা শাহৌ অমা ফংখি। মসিগী ফল ওইনা ত্রিপুরা অসি অৱাং নোংপোক্কী মরু ওইবা লোজিস্তিক্স হব অমা ওইনা শেমগৎলক্লি। মন্ত্রীনা ঙসিগী নহারোলশিংগীদমক য়াম্না কান্নরিবা ত্রিপুরাদা ইন্তর্নেৎ কন্নেক্তিবিতী ফংহন্নবা সরকারনা পাইখৎলিবা খোঙথাংশিং অসিবু থাগৎখি। মহাক্না মখা তারদুনা হায়, “ত্রিপুরাগী দবল-ইঞ্জিন সরকারগী খোঙথাংশিংনা মরম ওইদুনা হৌজিক্তি পঞ্চায়ত কয়া ওপ্তিকেল ফাইবরনা কন্নেক্ত তৌবা ঙম্লে”।

সোসিএল ইনফ্রাস্ত্রকচর মপাঙ্গল কনখৎহন্নবা দবল-ইঞ্জিন সরকারগী খোঙথাংশিংগী মতাংদা পল্লদুনা প্রধান মন্ত্রীনা আয়ুশ্মান ভারত স্কিমগী মখাদা অৱাং নোংপোক্কী খুঙ্গংশিংদা হেল্থ এন্দ ৱেলনেস সেন্তর লিশিং ৭ হেন্না অয়াবা পীখ্রে হায়না খুদম পীখি। মহাক্না মখা তারদুনা হায়, “ত্রিপুরাদা অসিগুম্বা সেন্তর লিশিং কয়া লিংখৎলি। মতৌ অসুম্না আয়ুশ্মান ভারত – পি.এম. জে.এ.ৱাই. স্কিমগী মখাদা ত্রিপুরাগী লায়রবা মীওই লিশিং কয়ানা লুপা লাখ ৫ ফাওবগী লেম্না লায়েংবগী ফেসিলিতী ফংখি”। শ্রী মোদীনা হায়, “তোইলেৎশিং, ইলেক্ত্রিসিতী নত্ত্রগা গ্যাস কন্নেক্সনশিং ওইরি অসিগুম্বা অচৌবা থবক অসি অহানবা ওইনা পাঙথোকখি”। মহাক্না মখা তারদুনা হায় দবল-ইঞ্জিন সরকারনা অহোংবা মমলশিংদা পাইপ গ্যাস ফংহন্নবা অমসুং য়ুমথোং খুদিংদা তোতি ঈশিং ফংহন্নবা খোঙজেল য়াংনা থবক পাইখৎলি। প্রধান মন্ত্রীনা হায়খি মদুদি ত্রিপুরাগী অনৌবা ইমুং লাখ ৪বু শুপ্নগী চহি ৩দা তোতি ঈশিংগী খুদোংচাবশিং ফংহনখি।

প্রধান মন্ত্রীনা প্রধান মন্ত্রী মত্রু ভন্দনা য়োজনাগী মখাদা মচি ওইবা চীঞ্জাক্কীদমক মমা খুদিংমক্কী বেঙ্ক একাউন্তদা হকথেংননা লুপা লিশিং কয়া হকথেংননা দিপোজিৎ তৌখিবা ত্রিপুরাগী মীরোনবী মমা লাখ ১ হেনবদা কান্নবা পীরিবা অদুগী মতাংদা ফোঙদোকখি। মহাক্না মখা তারদুনা হায় মসিগী ফল ওইনা ঙসি হোস্পিতালশিংদা দেলিভরী কয়া-কয়া ফংহল্লি অমসুং মমা অমদি মচা অনিমক্কী পুন্সি কনবা ঙম্লি। ঐখোয়গী ইমা অমদি ইচে-ইচলশিংগীদমক আত্মনির্ভরগী মতাংদা পল্লদুনা হায়খি সরকারনা নুপীশিংদা থবক পীনবা লুপা করোর কয়াগী স্পেসিএল পেকেজ অমা কাইথখি। মহাক্না রাজ্য সরকারগী খোঙথাংশিংবু থাগৎলদুনা হায়, “ত্রিপুরাদা নুপী সেল্ফ-হেল্প গ্রুপশিংগী মশিং অসি দবল ইঞ্জিন সরকার লাক্লবা মতুংদা শরুক ৯ হেনগৎলকখি”।

করম্না ত্রিপুরানা চাউখৎ খোঙচৎতা শোত্থনা লৈরম্বগে হায়বগী মতাংদা নীংঙমদবা ফোঙদোক্লদুনা প্রধান মন্ত্রীনা হায় “দিকেদ কয়াদগী ত্রইপুরা অসি আইদিওলোজী য়াওদ্রবা অমসুং খুদোংচাবা লৌবগী রাজনিতী চত্থবা দলশিংনা পালমখি”। মহাক্না মখা তারদুনা হায় মসিনা খ্বাইদগী শোকহনখিবা অসি লায়রবা, নহারোল, লৌমী অমসুং নুপীশিং ওইখি। মহাক্না হায়, “অসিগুম্বা মখলগী আইদিওলোজী, অসিগুম্বা মখলগী ৱাখল্লোন অসিনা মীয়ামদা কান্নবা পীবা ঙম্লোই। মখোয়না ফত্তবা ৱাখল্লোন শন্দোকপা খক্তা হৈ অমসুং পোজিতিব এজেন্দা লৈতে”। মহাক্না মখা তারদুনা হায় মদুদি দবল-ইঞ্জিন সরকারনা মাইপাক্নবগী ফিরেপ লৌখি লোয়ননা অচুম্বা লম্বেলদা চৎখি।

রাজনিতীগী শক্তিনা মরম ওইদুনা ঐখোয়গী ত্রাইবেল খুন্নাইশিংদা চাউনা অকাইবা পীখিবা অদুগী মতাংদা পল্লদুনা প্রধান মন্ত্রীনা ত্রাইবেল খুন্নাই অমদি ত্রাইবেলগী মফমশিংদা চাউখৎপা ৱাৎপগী মতাংদা নীংঙমদবা ফোঙদোকখি। হন্দক্তা গুজরাতকী মীখলশিংদা অমদি চহি ২৭কী মতুংদা বি.জে.পি.না চাউনা মাইপাকখিবদা ত্রাইবেল খুন্নাইনা শরুক তমখিবা অদুবু নীংশিংলদুনা প্রধান মন্ত্রীনা হায়, “বি.জে.পি.না মসিগী রাজনিতী অসিদা অহোংবা পুরকখি অমসুং মসিনা মরম ওইদুনা ত্রাইবেল খুন্নাইগী মসিনা অহানবা অপাম্বা ওইখি”। মহাক্না মখা তারদুনা হায় “বি.জে.পি.না ত্রাইবেলশিংগীদমক খাকপা সীত ২৭কী মনুংদা ২৪দা মাইপাকখি”।

প্রধান মন্ত্রীনা ত্রাইবেল খুন্নাইশিংগী য়াইফনবগীদমক পাইখৎখিবা চাউখৎ-থৌরাংগী থবকশিংগী মতাংদা ফোঙদোকখি অমসুং অতলজীগী সরকারনা ত্রাইবেলশিংগীদমক তোখাইবা মন্ত্রালয় অমসুং তোখাইবা বজেৎ অহানবা ওইনা শেমখিবা অদুবু নীংশিংখি। মহাক্না হায় “ত্রাইবেল খুন্নাইগী বজেৎ অসি লুপা করোর লিশিং ২১ ওইখি মসি ঙসিদি লুপা করোর লিশিং ৮৮ ওইরে”। প্রধান মন্ত্রীনা হায়খি ত্রাইবেল মহৈরোয়শিংগী স্কোলরশিপ অসি হৌজিক শরুক অনিদা হেনগৎহনখ্রে। প্রধান মন্ত্রীনা হায়, “২০১৪গী মমাংদা ত্রাইবেলগী মফমশিংদা একলব্য মোদেল স্কুল ১০০তগী তানা লৈরমখিবা অদু ঙসিদি মসিগী মশিং ৫০০ হেন্না য়ৌরে। ত্রিপুরাসদু অসিগুম্বা স্কুল ২০ হেন্না অয়াবা পীখ্রে”। মহাক্না মমাংগী সরকারনা ফোরেস্ত প্রদক্ত ৮-১০দা খক্তা এম.এস.পি. পীরমখি অদুবু বি.জে.পি. সরকারনা ফোরেস্ত প্রদ্যুস ৯০দা এম.এস.পি. ফংহল্লি হায়না ফোঙদোকখি। মহাক্না মখা তারদুনা হায়, “ঙসি, ত্রাইবেলগী মফমশিংদা ভন ধন কেন্দ্র ৫০,০০০ হেন্না লৈ মসিনা ত্রাইবেল লাখ ৯রোমদা থবক ফংহল্লি, মখোয় অসিদা অয়াম্বনা নুপীশিংনা ওইখি”।

প্রধান মন্ত্রীনা হায় বি.জে.পি. সরকারনা ত্রাইবেলশিংগীদমক চাউথোকচবা অসি করিনো খঙবা ঙমখি মসিনা মরম ওইদুনা নবেম্বর ১৫বু লৈবাক শিনবা থুংবদা জনজাতিয়া গৌরব দিৱস হায়না ভগৱান বিরসা মুন্দাগী মপোক কুমওনবা পালন তৌবা হৌখি। প্রধান মন্ত্রীনা হায় লৈবাক শিনবা থুংবদা অমসুং ত্রিপুরাদা ত্রাইবেল ফ্রীদম ফাইতর ম্যুজিয়ম ১০ লিংখৎলি অমসুং রাস্ত্রপতি দ্রৌপদি মুর্মুজীনা হন্দক্তা মহারাজা বিরেন্দ্র কিশোর মনিক্য ম্যুজিয়ম অমসুং কলচরেল সেন্তরগী উরেপ-উয়ুং তমখি। মহাক্না মখা তারদুনা হায় ত্রিপুরা সরকারনা ত্রাইবেলনা শরুক তমখিবা অমসুং নাৎ য়োকখৎনবা লেপ্পা লৈতনা হোৎনরি অমসুং ত্রিপুরাগী ত্রাইবেল আর্ত অমসুং কলচরবু চাউখৎহন্নবা হোৎনখিবা মীওইশিংদা পদ্ম সম্মান পীদুনা ইকাই খুম্নখি।

প্রধান মন্ত্রীনা ত্রিপুরাদা অপীকপা লৌমীশিং অমসুং ওন্তপ্রিনোরশিংগীদমক অফবা খুদোংচাবশিং ফংহন্নবগীদমক দবল-ইঞ্জিন সরকারগী খোঙথাংবু নীংশিংখি। মহাক্না ত্রিপুরাদা থারিবা কিহোম মীরৈবাক্তা থাদোক্লিবা অদুবু খুদম ওইনা পীরদুনা শ্রী মোদীনা হায়, “মফম অসিগী লোকেলবু গ্লোবেল ওইহন্নবা খোঙথাংশিং লৌখৎলি”। মসি খক্তা নত্তা অতোপ্পা উহৈ অমদি মনা-মশিং মেত্রিক তন কয়া মফম অসিদগী বাংলাদেশ, জর্মনী অমসুং দুবাইদা থাদোক্লি অমসুং মসিগী ফল ওইনা লৌমীশিংনা মখোয়গী পোত্থোক্কীদমক মমল ৱাংনা ফংলি। মহাক্না মখা তারদুনা হায় ত্রিপুরাগী লৌমী লাখ কয়ানা পি.এম. কিসান সম্মান নিধিদগী হৌজিক ফাওবদা লুপা করোর ৫০০ হেন্না ফংখি। মহাক্না ত্রিপুরাগী অগর-ৱুদ ইন্দস্ত্রীগী মতাংদা পল্লদুনা হায় মসিনা ত্রিপুরাগী নহারোলশিংগীদমক অনৌবা খুদোংচাবশিং অমসুং ইনকম লাক্নবগী পাম্বৈ অমা ওইরগনি।

ৱারোল পীবা লোইশিনবদা প্রধান মন্ত্রীনা হায়খি রাজ্য অসিদা দবল ইঞ্জিনগী চাউখৎ থৌরাং লাংকপগা লোয়ননা হৌজিক ত্রিপুরা অসি শান্তি অমসুং চাউখৎপগী লম্বীদা চংশিল্লি। শ্রী মোদীনা লোইশিনবদা হায়, “ত্রিপুরাগী মীয়ামগী তৌবা ঙম্বদা ঐহাক্না মপুং ফানা থাজবা থম্মি। ঐখোয়না থাজবা অসিগা লোয়ননা চাউখৎ থৌরাংগী খোঙজেলগী য়াংখৎহনগনি, পুম্নমকপু হন্না হন্না থাগৎচরি”।

থৌরম অদুদা ত্রিপুরাগী মুখ্য মন্ত্রী, প্রোফেসর (দা.) মানিক সাহা, ত্রিপুরাগী রাজ্যপাল, শ্রী সত্যাদিও নারায়ন আর্য়, ত্রিপুরাগী উপ মুখ্য মন্ত্রী, শ্রী জিষ্ণু দেব ভর্ম অমসুং রাজ্যগী কেন্দ্রগী মন্ত্রী, কুমারি প্রতিমা ভৌমিকনা শরুক য়াখি।

বেকগ্রাউন্দ

প্রধান মন্ত্রীনা মশাগী ওইবা য়ুম অমা মীপুম খুদিংমক্তা পীনবা মাইকৈদা মরু ওইবা মীৎয়েং অমা চংদুনা লাকখি। লমদম অসিদা হায়রিবা অসি ফংহন্নবা মাইকৈদা চংশিনবা মরু ওইবা খোঙথাং অমদা প্রধান মন্ত্রীনা প্রধান মন্ত্রী আৱাস য়োজনা – অর্বান অমসুং প্রধান মন্ত্রী আৱাস য়োজনা – রুরেলগী মখাদা বেনিফিসরীশিংগীদমক গৃহ প্রভেশকী থৌরম হৌদোকখ্রে। য়ুমশিং অসি লুপা করোর ৩৪০০ হেন্না চংনা শাখি মসিনা বেনিফিসরী লাখ ২ হেন্না কোনশিল্লি।

রোদ কন্নেক্তিবিতী ফগৎহনবদা মীৎয়েং থম্বগা লোয়ননা প্রধান মন্ত্রীনা অগরতলা বাইপাস (খায়েরপুর – অমতালি) এন.ঐচ. – ০৮ পাকথোক চাউথোকহনবগী প্রোজেক্ত শঙ্গাখ্রে মসিনা অগরতলা সহরদা ত্রাফিক চিনবা হন্থহনবদা মতেং পাংলগনি। মহাক্না পি.এম.জি.এস.ৱাই. III (প্রধান মন্ত্রী গ্রাম সরক য়োজনা)গী মখাদা কিমি ২৩০ হেন্না শাংবা লম্বী ৩২ অমসুং কিমি ৫৪০ হেন্নবগী অশাংবা কোল্লিবা লম্বী ১১২ ফগৎহন্নবগীদমক উরেপ-উয়ুংসু তমখ্রে। প্রধান মন্ত্রীনা অনন্দনগরদা স্তেৎ ইন্সতিত্যুত ওফ হোতেল মেনেজমেন্ত অমসুং অগরতলা গভর্নমেন্ত দেন্তেল কোলেজসু শঙ্গাখ্রে।

Our focus is on all-round development of Tripura. Projects launched today will give fillip to the state's growth trajectory. https://t.co/PmE3W0aWvN

— Narendra Modi (@narendramodi) December 18, 2022

Tripura is making rapid strides in infrastructure development. pic.twitter.com/GjbZMiG2Zv

— PMO India (@PMOIndia) December 18, 2022

Our focus is on improving physical, digital as well social infrastructure in the North East. pic.twitter.com/Mv3IwnEPn2

— PMO India (@PMOIndia) December 18, 2022

We have accorded priority to welfare of tribal communities. pic.twitter.com/9TYSh2eVay

— PMO India (@PMOIndia) December 18, 2022

It is our endeavour to ensure better opportunities for the people of Tripura. pic.twitter.com/7JGoA0QWsr

— PMO India (@PMOIndia) December 18, 2022

*****