প্রধান মন্ত্রী, শ্রী নরেন্দ্র মোদীনা মীয়াম্না মথংগী চহি ২৫গী অমৃত কালগী মনুংদা মশক নাইবা অমসুং মরোমদোম লেপচবা ঙম্বা ভারত অয়া শেম্নবা ৱারেপ লৌখ্রে হায়খ্রে। মখোয়গী হোৎনজমনশিংদা তেংবাংদুনা মীয়ামগী ৱারেপ মঙফাওনহনবনা সরকারগী থৌদাং ওইগনি। ঐখোয়গী থৌদাংদি মখোয়গী খুদোংচাবা হেনগৎহনবা অমসুং মখোয়গী মফমদগী খুদোংচাদবশিং লৌথোকপনি।

প্রধান মন্ত্রীনা দিসেম্বর ১৯-২৫, ২০২২দা পাংথোক্লিবা অনিশুবা “সুহাসন সপ্তাহ” (অফবা লৈঙাক্কী চয়োল)গী মায় পাকপগী য়াইফ পাউজেল পীরদুনা, ‘সিতিজন ফর্স্ত’ হায়বা ৱাখল্লোন্না লমজিংদুনা, ঐখোয়গী সরকারনা ইকোসীস্তেম অসিবু নুং-পান ফাওনা উবা অমা ওইহন্নবা অমসুং থবক থৌরম কয়াবু থাক খুদিংদা লাইথোকহন্নবা ঐখোয়গী সরকারনা লেপ্তনা হোৎনরি হায়না মেসেজ অমগী খুত্থাংদা হায়খ্রে।

মীয়ামগী ৱাকৎ তাবা, ওনলাইন সর্বিস, সর্বিস দেলিবরী এপ্লিকেসন হৌদোকপা অমসুং গুদ গবর্নেন্স প্রেক্তিস কয়া য়াওনা ঐখোয়না মীয়ামদা অখন্নবা মরু ওইবা পীবা খোঙথাং কয়া পায়খৎখ্রে হায়না প্রধান মন্ত্রীনা হায়খি। ঐখোয়গী পান্দমদি সর্বিস দেলিবরী মেকানিজম্বু পাক-শন্না মীয়ামদা য়ৌহনবা অমসুং মথৌ নিংথিনা পাংথোকহনবনি হায়না মহাক্না হায়খি।

প্রধান মন্ত্রীনা হায়খি, লৈঙাকপগী থৌওংগী শাফু হেনগৎহনবা অমসুং মীয়ামগী নোংমগী পুন্সিদা সরকারনা য়েৎপগী থৌওং হন্থহনবা হায়বসিদা ঐখোয়না মতম পুম্বদা হোৎনদুনা লাক্লি। কান্নদবা কমপ্লাইএন্স লিশিং কয়া লৌথোকপা, চৎনদ্রবা আইন লিশিং কয়া হন্দোকপা অমসুং মাইনর ওফেন্স মখল কয়াবু দিক্রিমিনেলাইজ তৌবগী থবকশিং অসি মাইকৈ অসিদা পায়খৎপা মরু ওইবা খোঙথাংশিংনি।

সরকার অমসুং মীয়াম্বু হেন্না নকশিন্ননা পুরক্নবা তেক্নোলোজীগী মতিক য়াম্না চাউনা লৈ হায়না প্রধান মন্ত্রীনা হায়খি। ঙসিদি, মীয়ামগী পাঙ্গল হাপ্পা অমসুং দে-তু-দে ফংসনিংদা নুং-পান ফাওনা উবগী থৌওং হেনগৎহনবা অমসুং থাজহনবা ঙম্বগী মপাঙ্গল লৈবা খুৎলায় অমসু তেক্নোলোজীনা ওইরে। পোলিসী কয়া হৌদোকপগী খুত্থাংদা, সিতিজনশিংবু দিজিতেল ইম্পাৱর তৌবা অমসুং ইন্সতিত্যুসনশিংবু দিজিতেল ত্রান্সফোর্মেসন তৌবগী মাইকৈদা ঐখোয়না কন্না চঙশিল্লি।

হন্দক্কী চহি অসিদসু, ‘প্রশাসন গাও কি ওর’ কেম্পেন্না গুদ গবর্নেন্স ৱিক্কী শরুক অমা ওইবসিদা য়াম্না নুংঙাইবা ফাওই হায়না প্রধান মন্ত্রীনা ফোংদোক্লদুনা খোঙথাং অসিগা মরী লৈনবা মীপুম খুদিংনা মায় পাকপা ওইয়ু হায়বগী য়াইফ পাউজেলসু পীখি।

সাইন্স অমসুং তেক্নোলোজী মন্ত্রালয়, আর্থ সাইন্স মন্ত্রালয়, প্রধান মন্ত্রীগী ওফিসকী রাজ্য মন্ত্রী, পর্সোনেল, পব্লিক গ্রাইবেন্স অমসুং পেন্সনগী রাজ্য মন্ত্রী, এতোমিক ইনর্জী বিভাগ অমসুং স্পেস বিভাগকী কেন্দ্রগী রাজ্য মন্ত্রী (ইন্দিপেন্দেন্ত চার্জ), দাঃ জিতেন্দ্র সিংহনা নই দিল্লীগী বিগ্যান ভবন্দা দিসেম্বর ১৯দা পাংথোক্কদৌরিবা হৌদোকপগী থৌরমগী অথোইবা মীথুংলেন ওইগনি অমসুং গুদ গবর্নেন্স ৱিক্কী সেলেব্রেসনগী শরুক অমা ওইনা লৈবাক শিনবা থুংবদা  “সুহাসন সপ্তাহ ‘প্রশাসন গাও কি ওর’ ২০২২” কেম্পেন হৌদোক্কনি।

এদমিনিস্ত্রেতিব রিফোর্ম অমসুং পব্লিক গ্রাইবেন্স বিভাগ (দি.এ.আর.পি.জি.), পর্সোনেল, পব্লিক গ্রাইবেন্স অমসুং পেন্সন মন্ত্রালয়না দিসেম্বর ১৯-২৫, ২০২২দা গুদ গবর্নেন্স ৱিক পাংথোক্লি। চয়োল অসিদা, দি.এ.আর.পি.জি.না লৈবাক শিনবা থুংবগী কেম্পেন ওইরিবা সুহাসন সপ্তাহ –‘প্রশাসন গাও কি ওর’ ২০২২ শীন লাঙলি। কেম্পেন অসিনা ভারতকী তেহসিল/জিলা খুদিংদা সর্বিস দেলিবরী হেন্না ফগৎহনবা অমসুং পব্লিক গ্রাইবেন্সকী ৱারোইশিন পুরকপগী পান্দম থম্লি অমসুং মসিগী মায় পাকপশিংবু দিস্ত্রিক্ত কল্লেক্তরশিংনা দেদিকেতেদ কেম্পেন পোর্তেল www.pgportal.gov.in/GGW22 অসিদা রিপোর্ত তৌগনি।

মন্ত্রীনা গুদ গবর্নেন্স প্রেক্তিসকী মতাংদা পাংথোকপা একজিবিসন অমা অমসুং দিস্ত্রিক্ত কল্লেক্তর অমসুং রাজ্য সরকারশিংনা ওনলাইন অপেদত তৌনবগীদমক্তা ‘প্রশাসন গাও কি ওর’ ২০২২গী দেদিকেতেদ কেম্পেন পোর্তেল (www.pgportal.gov.in/GGW22) অমসু হৌদোক্কনি। থৌরম অসিদা “প্রশাসন গাও কি ওর”গী ফিল্ম অমসু উৎকনি। অরুনাচল প্রদেশ প্রদেশকী চীফ সেক্রেতরী; উত্তর প্রদেশকী এদিস্নেল চীফ সেক্রেতরী অমসুং কর্নাতকাগী এ.আর.গী প্রিন্সিপাল সেক্রেতরীনা মখোয়গী রাজ্যশিংদা গুদ গবর্নেন্সকী খোঙথাংশিং উৎকনি।

 ‘প্রশাসন গাও কি ওর’ ২০২২ হায়বসি ভারত শিনবা থুংবগী জিলা, রাজ্য অমসুং য়ুনিয়ন তেরিতোরীশিংদা পাংথোক্কদবা মীয়ামগী ৱাকৎশিংগী ৱারোইশিন পুরকপা অমসুং সর্বিস দেলিবরী ফগৎহনবগী লৈবাক পুম্বগী কেম্পেন অমা ওইগনি। দিস্ত্রিক্ত কল্লেক্তর ৭০০ হেনবনা ‘প্রশাসন গাও কি ওর’ ২০২২দা শরুক য়াগনি। দিস্ত্রিক্ত কল্লেক্তরশিংনা মীয়ামগী ৱাকৎশিংগী ৱারোইশিন পুরকপা অমসুং সর্বিস দেলিবরী ফগৎহনবগীদমক্তা তেহসিল/পঞ্চায়ত সমিতী হেদক্বার্তরশিংদা অখন্নবা কেম্প/থৌরমশিং শীন-লাঙগনি। কেম্পেনশিং মীয়ামগী পুন্সিদা হকথেংননা খেন্নবা লৈহনবা মখাগী হীরমশিংদা অখন্নবা মিৎয়েং থমদুনা পাংথোক্কনিঃ

• সি.পি.জি.আর.এ.এম.এস.কী পন্দুনা লৈরিবা মীয়ামগী ৱাকৎশিংগী ৱারোইশিন পুরকপা
• স্তেত পোর্তেলশিংদা মীয়ামগী ৱাকৎশিংগী ৱারোইশিন পুরকপা
• ওনলাইন সর্বিস দেলিবরীগীদমক্তা সর্বিস কয়া হাপচিনবা
• সর্বিস দেলিবরী এপ্লিকেসন লোইশিনবা
• গুদ গবর্নেন্স প্রেক্তিস কয়া খোমজিনবা অমসুং মীয়ামদা খঙহনবা
• ৱাকৎশিংগী ৱারোইশিন পুরকপগী মরী লৈনবা জিলা অমমমগী মায় পাকপগী ৱারী মীয়ামদা তাকপা

প্রধান মন্ত্রীগী পান্দম ফংহন্নবগীদমক্তা, হন্দক্কী চহিগী ‘প্রশাসন গাও কি ওর’ ২০২২ কেম্পেন অসিদা অনৌবা মতৌ অমা হাপ্লে। লৈবাক্কী জিলা খুদিংনা দিসেম্বর ২৩, ২০২২দা “গুদ গবর্নেন্স প্রেক্তিস/ইনিসিএতিব”কী মতাংদা ৱর্কশোপ পাংথোক্কনি অমসুং মসিবু ফোতোগা লোয়ননা ‘প্রশাসন গাও কি ওর’ পোর্তেলদা হাপকনি। দিস্ত্রিক্ত@২০৪৭, হায়বদি দিস্ত্রিক্ত@১০০কী পান্দমগা লোয়ননা, জিলা খুদিংদা অখন্নবা মিৎয়েংগা লোয়ননা পায়খৎকদবা থবকশিংবু ৱর্কশোপ অসিদা তাক্কনি। থবক্তগী পোত্থারবা জিলাগী দি.সি./দি.এম.বু থৌরমগী অথোইবা মীথুংলেন ওইহনগনি অমসুং বিভাগ খুদিংগী জিলাগী থাক্তা লৈবা ওফিসর, একাদমিক্স অমসুং মকোক থোংবা এজুকেস্নেল ইন্সতিত্যুসনশিংগী থিঙ্ক-তেঙ্কশিংবু জিলাগী থাক্কী ৱর্কশোপ অসিদা শরুক য়াবীনবা পাউজেল পীগনি। ৱর্কশোপশিং অসিনা গ্রাস রুত লেভেলদা পাংথোকপা গুদ গবর্নেন্স প্রেক্তিসশিংবু পুক্নিং থৌগৎনবা অমসুং দোক্যুমেন্ত তৌবগী প্লেতফোর্ম অমা ওইগনি অমসুং মসিনা দিস্ত্রিক্ত@১০০গী ভিজন দোক্যুমেন্তসু তাক্কনি।

ইং ২০২১গী ‘প্রশাসন গাও কি ওর’ কেম্পেন মনুংদা, সর্বিস দেলিবরীগী এপ্লিকেসন করোর ২.৮৯ লোইশিনখি, ৱাকৎ লাখ ৬.৫ হেনবদা মিৎয়েং চঙখি, সিতিজন চার্তরদা সর্বিস লাখ ৬২১ হাপচিনখি, সিতিজন চার্তর ৩৮০ অপদেত তৌখি, বেস্ত গবর্নমেন্ত প্রেক্তিস ২৬৫ অমসুং মায় পাকপগী ৱারী ২৩৬ পোর্তেলদা অপ্লোদ তৌখি।

‘প্রশাসন গাও কি ওর’ ২০২২ কেম্পেন অসিনা জিলাগী থাক্তা থৱাই য়াওনা থবক তৌগনি হায়বগী থাজবা থম্লি। কেম্পেন অসিগী পান্দমদি ভারতকী জিলা অমসুং তেহসিলগী মীয়াম খুদিংগা লৈঙাক্কা নক্নহনবা হায়বা প্রধান মন্ত্রীগী মিৎয়েংবু থবক্তা ওন্থোকপনি। গুদ গবর্নেন্স ৱিক মনুংদা পাংথোক্কদবা ‘প্রশাসন গাও কি ওর’ ২০২২ কেম্পেন অসিনা মীয়ামদা অখন্নবা মিৎয়েং থমদুনা লৈঙাকপগী থৌওংবু হেন্না খুমাং চাউশিলহনবগা লোয়ননা গুদ গবর্নেন্সকী মতাংদা লৈবাক্কী ইহৌ অমা শাগৎকনি।

ভারত সরকারগী মন্ত্রালয়/বিভাগ, রাজ্য অমসুং য়ুনিয়ন তেরিতোরী সরকার অমসুং জিলাশিংনা কেম্পেন, হৌদোকপগী থৌরম অমসুং একজিবিসন্দা শরুক য়াগনি।

<><><><><>