ইনফোর্মেসন অমসুং ব্রোদকাস্তিং মন্ত্রালয়
ইনফোর্মেসন অমদি ব্রোদকাস্তিং মন্ত্রালয়না মল্তি-সিস্তেম ওপরেতরশিংনা পীরিবা প্লেৎফোর্ম সর্ভিসশিংগী চৎন-পথাপ থোকখ্রে
Posted On:
30 NOV 2022 3:09PM by PIB Imphal
১. দি কেবল তেলিভিজন নেৎৱর্ক্স রুল্স, ১৯৯৪না মল্তি-সিস্তেম ওপরেতর (এম.এস.ও.)শিংবু মখোয় মশাগী ওইবা প্রোগ্রামিং সর্ভিস, মখোয়গী সব্সক্রাইবরশিংদা হকথেংননা নৎত্রগা লোকেল কেবল ওপরেতর অমা নৎত্রগা অমদগী হেনবগী খুত্থাঙদা শন্দোক্নবা অয়াবা পী। অয়াম্বা ‘লোকেল চেনেলশিং’ য়াওরবা, ‘প্লেৎফোর্ম সর্ভিসেস (পি.এস.)’ হায়না খঙনবা মশাগী ওইবা প্রোগ্রামিং সর্ভিসশিং অসি এম.এস.ও.শিংনা লোকেলগী থাক্তা পীরিবা এক্সক্লুজিব প্রোগ্রামিং সর্ভিসশিং অসিনি।
২. কেবল তেলিভিজন নেৎৱর্ক্স রুল্স ১৯৯৪গী রুল ৬(৬)কী মতুং ইন্না, মন্ত্রালয় অসিনা ৩০.১১.২০২২দা ভারত্তা এম.এস.ও.শিংনা পীরিবা ‘প্লেৎফোর্ম সর্ভিসশিং’গী মতাঙদা চৎন-পথাপ থোকখ্রে। হায়রিবা চৎন-পথাপশিং অসিনা ‘প্লেৎফোর্ম সর্ভিসেস’কী মশক তাক্লি অমদি মখাদা পীরিবশিং অসি য়াওরবা প্লেৎফোর্ম সর্ভিসশিং অসি চলাইবদা এম.এস.ও.শিংনা ইনগদবা কাংলোনশিং থম্লি:
- পি.এস. চেনেল অমদা লুপা ১,০০০গী অতাবা মমলগী চাংদা এম.এস.ও.শিংনা পিএস. চেনেলশিংগী অচম্বা ওনলাইন রেজিস্ত্রেসনগী থৌওং। মসিগীদমক ওনলাইন রেজিস্ত্রেসন পোর্তেল শেম্লি অমদি অথুবা মতমদা খঙহল্লক্লগনি।
- কম্পেনী ওইনা রেজিস্তর তৌরবা এন্তিতীশিংখক্তমক লোকেল পাউ অমদি মতমগী ৱাফমশিং শন্দোকপা য়াগনি। ‘কম্পেনী’ ওইনা রেজিস্তর তৌদবা অমদি লোকেল পাউ অমসুং মতমগী ৱাফম শন্দোকপা পাম্বা এম.এস.ও.শিংনা ‘কম্পেনী’দা ওনখৎনবগীদমক কোর্পোরেৎ এফ্যার্স মন্ত্রালয়দা থা ৩গী মনুংদা শোয়দনা চে থাগদবনি।
- ওপরেতর অমদা অয়াবা পীগদবা অপুনবা পি.এস. চেনেল মশিং অপুনবা চেনেল কেরিএজ কেপাসিতীগী ৫%দা লেপকনি।
- সব্সক্রাইবরশিংগী লোকেল লোল অমদি কলচরগী মথৌ তাবশিং ফংহন্নবগীদমক, পি.এস. চেনেলদা থম্লিবা অকক্নবা মশিং অসি স্তেত/য়ুনিয়ন তেরিতরীগী থাক্তা হোত্তোক্কনি। অদুগা, অহেনবা ওইনা, দিস্ত্রিক্তকী থাক্তা লোকেল কন্তেন্তকী মথৌ তাবশিং ফংহন্নবগীদমক দিস্ত্রিক্ত অমমমগী থাক্তা পি.এস. চেনেল ২ অয়াবা পীগনি।
- পি.এস. চেনেল পুম্নমক রেজিস্তর তৌরবা তি.ভি. চেনেলশিংদগী তোঙান্না তানবগীদমক ‘প্লেৎফোর্ম সর্ভিসেস’ হায়বা ৱারোল অসি থাগদবনি।
- পি.এস.কী কন্তেন্ত প্লেৎফোর্ম অদুদা এক্সক্লুজিব ওইগদবনি অমদি অতৈ দিস্ত্রিব্যুসন প্লেৎফোর্ম ওপরেতরশিংদা হকথেংননা নৎত্রগা নাকোইননা পীবা য়ারোই। অদুম ওইনমক, লাইশঙ, গুরুদ্বারানচিংবা লাইনিংগী মফমশিংদগী লাইব ফীদতি সেয়র তৌবা য়াগনি।
- পি.এস. চেনেল পুম্নমক তি.আর.এ.আই.না থোকখিবা মরী লৈনবা ওর্দর/ দাইরেক্সন/ রিগুলেসনশিংগী মতুং ইন্না মখোয়গী মেক্সিমম রিতেল প্রাইস অমদি এক্তিবেসন / দিএক্তিবেসনগী ওপসনশিংগা লোয়ননা ইলেক্ত্রোনিক প্লেৎফোর্মদা ‘প্লেৎফোর্ম সর্ভিসেস’ জনরগী মখাদা থমগদবনি।
- পি.এস. পীরিবা এম.এস.ও.শিংনা পি.এস. চেনেল পুম্নমক্কী প্রোগ্রামশিংগী রেকোর্দিং নুমিৎ ৯০নি থমগদবনি।
- কন্তেন্তকা মরী লৈবা ৱাকৎ পুম্নমক সি.তি.এন. এক্ত, ১৯৯৫কী মখাদা লৈবা ওথোরাইজ ওফিসরনা, অমদি স্তেত/ দিস্ত্রিক্ত মোনিতরিং কম্মিতীনা য়েংশিনগনি।
- এম.এস.ও.শিংদা নবেম্বর ৩০, ২০২২দা থোক্লিবা চৎন-পথাপশিং অসি ইন্নবা থা ১২গী মতম পীরি।
৩. কেবল ওপরেতরশিংদা রেজিস্তর তৌরবা তি.ভি. চেনেলশিংগী রেজিস্ত্রেসন পীরি। মথক্তা পীরিবা চৎন-পথাপশিং অসি কেবল ওপরেতরশিংগী নেৎৱর্ক কেপাসিতী মরম চানা শীজিন্নহন্নবগীদমক থোকপনি। অদুগা, সব্সক্রাইবরশিংগী লোকেল কন্তেন্তকী দিমান্দ ফংহন্নবগীদমক এম.এস.ও.শিংগী চৎন-পথাপ্তা ৱাফম মরাং কাইনা হাপ্লে। মখা তানা, হায়রিবা চৎন-পথাপশিং অসিনা রেকোর্দিং নুমিৎ ৯০নি থম্বনচিংবা পি.এস. চেনেলশিংগী কন্তেন্তশিংগী মতাঙদা পীরিবা প্রোগ্রাম কোদ এন্দ এদভরতাইজমেন্ত কোদ ঙাক্না চৎননবা ৱাফম থম্লি অমদি মসিনা পাইরেসীগী ৱাফম থেংনবদা মতেং ওইগনি।
*****
(Release ID: 1880056)
Visitor Counter : 127