1. కేబుల్ టెలివిజన్ నెట్‌వర్క్‌ల నియమాలు, 1994, మల్టీ సిస్టమ్ ఆపరేటర్‌లు (ఎంఎస్‌ఓలు) వారి స్వంత ప్రోగ్రామింగ్ సేవను నేరుగా వారి స్వంత చందాదారులకు లేదా ఒకటి లేదా అంతకంటే ఎక్కువ స్థానిక కేబుల్ ఆపరేటర్‌ల ద్వారా ప్రసారం చేయడానికి అనుమతిస్తాయి. 'ప్లాట్‌ఫారమ్ సర్వీసెస్ (పిఎస్‌)'గా సూచించబడే ఈ స్వంత ప్రోగ్రామింగ్ సేవల్లో  చాలా 'స్థానిక-ఛానెల్‌లు' కూడా ఉన్నాయి. ఇవి ఎంఎస్‌ఓలు అందించే స్థానిక స్థాయిలో ప్రత్యేకమైన ప్రోగ్రామింగ్ సేవలు.

2. కేబుల్ టెలివిజన్ నెట్‌వర్క్స్ రూల్స్, 1994లోని రూల్ 6(6) ప్రకారం; ఈ మంత్రిత్వ శాఖ 30.11.2022న భారతదేశంలో ఎంఎస్‌ఓలు అందించే 'ప్లాట్‌ఫారమ్ సేవల'కి సంబంధించి మార్గదర్శకాలను జారీ చేసింది. ఈ మార్గదర్శకాలు 'ప్లాట్‌ఫారమ్ సేవల'కి నిర్వచనాన్ని అందిస్తాయి. అలాగే ప్లాట్‌ఫారమ్ సేవలను అమలు చేయడంలో ఎంఎస్‌ఓలకు  నిబంధనలను నిర్దేశిస్తాయి. వాటిలో ఇవి ఉన్నాయి:

ప్రతి పిఎస్‌ ఛానెల్‌కు నామమాత్రపు రుసుము రూ. 1,000తో ఎంఎస్‌ఓల ద్వారా పిఎస్‌ ఛానెల్‌లకు సులభమైన ఆన్‌లైన్ నమోదు ప్రక్రియ. ఈ ప్రయోజనం కోసం ఆన్‌లైన్ రిజిస్ట్రేషన్ పోర్టల్ తయారీలో ఉంది మరియు త్వరలో తెలియజేయబడుతుంది.
కంపెనీలుగా నమోదు చేసుకున్న సంస్థలు మాత్రమే స్థానిక వార్తలు మరియు కరంట్‌  అఫైర్స్‌ను అందించడానికి అనుమతించబడతాయి. "కంపెనీ"గా నమోదు చేయని ఎంఎస్‌ఓలు మరియు స్థానిక వార్తలు మరియు కరంట్‌ అఫైర్స్‌ అందించాలనుకునే వారు తప్పనిసరిగా "కంపెనీ"గా మార్చడానికి కార్పొరేట్ వ్యవహారాల మంత్రిత్వ శాఖకు తప్పనిసరిగా 3 నెలల్లో దరఖాస్తు చేసుకోవాలి.
ఒక్కో ఆపరేటర్‌కు అనుమతించబడిన మొత్తం పిఎస్‌ ఛానెళ్ల సంఖ్య మొత్తం ఛానెల్ క్యారేజ్ సామర్థ్యంలో 5%కి పరిమితం చేయాలి.
చందాదారుల స్థానిక భాష మరియు సంస్కృతికి సంబంధించిన అవసరాన్ని తీర్చడానికి పిఎస్‌ ఛానెల్‌లలో ఈ పరిమితి రాష్ట్రం/కేంద్రపాలిత ప్రాంతం స్థాయిలో గణించబడుతుంది. అలాగే జిల్లా స్థాయిలో స్థానిక కంటెంట్ అవసరాన్ని తీర్చడానికి ప్రతి జిల్లా స్థాయిలో 2 పిఎస్‌ ఛానెల్‌లు అనుమతించబడతాయి.
అన్ని పిఎస్‌ ఛానెల్‌లు వాటిని నమోదిత టీవీ ఛానెల్‌ల నుండి వేరు చేయడానికి 'ప్లాట్‌ఫారమ్ సేవలు' అనే శీర్షికను కలిగి ఉంటాయి.
పిఎస్‌  కంటెంట్ ప్లాట్‌ఫారమ్‌కు ప్రత్యేకంగా ఉండాలి మరియు ఏ ఇతర డిస్ట్రిబ్యూషన్ ప్లాట్‌ఫారమ్ ఆపరేటర్‌తో ప్రత్యక్షంగా లేదా పరోక్షంగా భాగస్వామ్యం చేయబడదు. అయితే దేవాలయాలు, గురుద్వారాలు మొదలైన మతపరమైన ప్రదేశాల నుండి ప్రత్యక్ష ప్రసారాలు పంచుకోవడానికి అనుమతించబడుతుంది.
అన్ని పిఎస్‌ ఛానెల్‌లను ఎలక్ట్రానిక్ ప్రోగ్రామ్ గైడ్ (ఈపిజి)లో 'ప్లాట్‌ఫారమ్ సర్వీసెస్' జానర్‌లో వాటి గరిష్ట రిటైల్ ధర మరియు ట్రాయ్‌ ప్రకారం ఆర్డర్‌లు / ఆదేశాలు / నియంత్రణ(ల) ప్రకారం పిఎస్‌ని యాక్టివేషన్ / డీ-యాక్టివేషన్ కోసం ఆప్షన్‌తో కలిపి ఉంచాలి.
పిఎస్‌ అందించే ఎంఎస్‌ఓలు, 90 రోజుల వ్యవధిలో అన్ని పిఎస్‌ ఛానెల్ ప్రోగ్రామ్‌ల రికార్డింగ్‌ను ఉంచుకోవచ్చు.
ఏదైనా కంటెంట్ సంబంధిత ఫిర్యాదు సిటిఎన్‌ చట్టం, 1995 మరియు రాష్ట్ర/జిల్లా మానిటరింగ్ కమిటీ క్రింద సూచించబడిన అధీకృత అధికారి ద్వారా పరిశీలించబడుతుంది.
నవంబర్ 30, 2022న జారీ చేసిన మార్గదర్శకాలకు అనుగుణంగా ఎంఎస్‌ఓలకు 12 నెలల వ్యవధి మంజూరు చేయబడింది.

3. నమోదిత టీవీ ఛానెళ్ల పంపిణీ కోసం కేబుల్ ఆపరేటర్లకు రిజిస్ట్రేషన్ మంజూరు చేయబడింది. కేబుల్ ఆపరేటర్ల నెట్‌వర్క్ సామర్ధ్యం ప్రధానంగా దాని కోసం ఉపయోగించబడుతుందని నిర్ధారించడానికి పై మార్గదర్శకాలు జారీ చేయబడ్డాయి. అలాగే ఎంఎస్‌ఓలు తమ సబ్‌స్క్రైబర్‌ల స్థానిక విషయాల డిమాండ్‌ను తీర్చడానికి మార్గదర్శకాలలో తగినన్ని నిబంధనలు రూపొందించబడ్డాయి. ఇంకా, ఈ మార్గదర్శకాలు పిఎస్‌ ఛానెల్‌లలోని కంటెంట్‌కు సంబంధించి ప్రోగ్రామ్ కోడ్ మరియు అడ్వర్టైజ్‌మెంట్ కోడ్‌కు కట్టుబడి ఉండటం, 90 రోజుల పాటు రికార్డింగ్‌ని ఉంచడం మొదలైనవి తప్పనిసరి మరియు పైరసీ ముప్పును ఎదుర్కోవడంలో సహాయపడతాయి.

***