നമസ്കാരം!

യുവാക്കൾക്ക് തൊഴിൽ നൽകുന്നതിനുള്ള സുപ്രധാന ചുവടുവയ്പാണ് ഗോവ ഗവണ്മെന്റ്  ഇന്ന് സ്വീകരിച്ചിരിക്കുന്നത്. ഗോവ സർക്കാരിന്റെ വിവിധ വകുപ്പുകളിൽ നിരവധി യുവാക്കൾക്ക് ഇന്ന് നിയമന കത്തുകൾ നൽകും. ഈ നിയമന കത്തുകൾ ലഭിച്ചതിന് എല്ലാ യുവാക്കൾക്കും അവരുടെ മാതാപിതാക്കൾക്കും എന്റെ ഹൃദയംഗമമായ അഭിനന്ദനങ്ങൾ. വരുന്ന ഏതാനും മാസങ്ങൾക്കുള്ളിൽ ഗോവ പോലീസ് ഉൾപ്പെടെയുള്ള മറ്റ് വകുപ്പുകളിൽ റിക്രൂട്ട്‌മെന്റ് ഉണ്ടാകുമെന്ന് ഞാൻ മനസിലാക്കുന്നു . ഇത് ഗോവ പോലീസ് സേനയെ കൂടുതൽ ശക്തിപ്പെടുത്തുകയും പൗരന്മാർക്ക്, പ്രത്യേകിച്ച് വിനോദസഞ്ചാരികളുടെ മികച്ച സുരക്ഷ ഉറപ്പാക്കുകയും ചെയ്യും.

സുഹൃത്തുക്കളേ ,

കഴിഞ്ഞ ഏതാനും ആഴ്ചകളായി രാജ്യത്തിന്റെ വിവിധ സംസ്ഥാനങ്ങളിൽ ഒന്നിന് പുറകെ ഒന്നായി 'റോസ്ഗാർ മേളകൾ' സംഘടിപ്പിക്കുന്നുണ്ട്. 'റോസ്ഗാർ മേളകൾ' വഴി കേന്ദ്ര സർക്കാർ ഗവണ്മെന്റ് വകുപ്പുകളിൽ ഓരോ മാസവും ആയിരക്കണക്കിന് യുവാക്കൾക്ക് കേന്ദ്ര ഗവണ്മെന്റ് ജോലി നൽകുന്നുണ്ട്. ബിജെപി ഭരിക്കുന്ന ഗവണ്മെന്റ്കൾ , അതായത് ഇരട്ട എൻജിൻ ഗവണ്മെന്റ്കൾ ഉള്ള സംസ്ഥാനങ്ങൾ ഇത്തരം 'റോസ്ഗാർ മേളകൾ' സംഘടിപ്പിക്കുന്നതിൽ എനിക്ക് സന്തോഷമുണ്ട്.

സുഹൃത്തുക്കളേ ,

കഴിഞ്ഞ 8 വർഷത്തിനിടെ ആയിരക്കണക്കിന് കോടി രൂപയാണ് ഗോവയുടെ വികസനത്തിനായി കേന്ദ്ര ഗവണ്മെന്റ്  നിക്ഷേപിച്ചത്. ഏകദേശം 3000 കോടി രൂപ ചെലവിൽ മോപ്പയിൽ നിർമിച്ച പുതിയ വിമാനത്താവളവും ഉടൻ ഉദ്ഘാടനം ചെയ്യും. ഈ വിമാനത്താവളത്തിന്റെ നിർമ്മാണവുമായി ബന്ധപ്പെട്ട മേഖലകളിൽ ഗോവയിലെ ആയിരക്കണക്കിന് ആളുകൾക്ക് ജോലി ലഭിച്ചു. അതുപോലെ, ഇന്ന് ഗോവയിൽ നടക്കുന്ന കണക്ടിവിറ്റി പ്രോജക്ടുകളും അടിസ്ഥാന സൗകര്യ പദ്ധതികളും ഗോവയിലെ യുവാക്കൾക്ക് തൊഴിലവസരങ്ങൾ പ്രദാനം ചെയ്തിട്ടുണ്ട്. ഗോവയിലെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനൊപ്പം സംസ്ഥാനത്തെ അടിസ്ഥാന സൗകര്യങ്ങൾ മെച്ചപ്പെടുത്തുക എന്നതാണ് 'സ്വയംപൂർണ ഗോവ'യുടെ കാഴ്ചപ്പാട്. ഗോവ ടൂറിസം മാസ്റ്റർ പ്ലാൻ, നയം എന്നിവയിലൂടെ സംസ്ഥാന സർക്കാർ ഗോവയുടെ വികസനത്തിന് പുതിയ രൂപരേഖയും രൂപീകരിച്ചിട്ടുണ്ട്. തൽഫലമായി, ടൂറിസം മേഖലയിൽ നിക്ഷേപത്തിനും തൊഴിലവസരങ്ങൾ ഗണ്യമായി വർദ്ധിപ്പിക്കുന്നതിനുമുള്ള പുതിയ സാധ്യതകൾ സൃഷ്ടിക്കപ്പെട്ടു.

സുഹൃത്തുക്കളേ ,

ഗോവയുടെ ഗ്രാമീണ സമ്പദ്‌വ്യവസ്ഥ ശക്തിപ്പെടുത്തുന്നതിനും പരമ്പരാഗത കൃഷിയിൽ തൊഴിലവസരങ്ങൾ വർധിപ്പിക്കുന്നതിനുമുള്ള നടപടികളും സ്വീകരിച്ചുവരികയാണ്. നെല്ല്, നാളികേരം, ചണം, സുഗന്ധവ്യഞ്ജനങ്ങൾ എന്നിവ ഉൽപ്പാദിപ്പിക്കുകയും പഴ സംസ്കരണത്തിൽ ഏർപ്പെടുകയും ചെയ്യുന്ന കർഷകരെ സ്വയം സഹായ സംഘങ്ങളുമായി ബന്ധിപ്പിക്കുന്നു. ഈ ശ്രമങ്ങളെല്ലാം ഗോവയിൽ തൊഴിലിനും സ്വയം തൊഴിലിനുമുള്ള നിരവധി പുതിയ അവസരങ്ങൾ സൃഷ്ടിക്കുന്നു.

സുഹൃത്തുക്കളേ ,

ഇന്ന് ഗോവയിൽ നിയമന കത്തുകൾ ലഭിച്ച യുവാക്കളോട് ഒരു കാര്യം കൂടി പറയാൻ ഞാൻ ആഗ്രഹിക്കുന്നു. നിങ്ങളുടെ ജീവിതത്തിലെ ഏറ്റവും നിർണായകമായ 25 വർഷങ്ങൾ ഇപ്പോൾ ആരംഭിക്കാൻ പോകുന്നു. അതിനാൽ, ഗോവയുടെ വികസനത്തോടൊപ്പം നിങ്ങൾക്ക് ഒരു ‘ന്യൂ ഇന്ത്യ-2047’ എന്ന ലക്ഷ്യവും ഉണ്ട്. ഗോവയുടെയും രാജ്യത്തിന്റെയും വികസനത്തിനായി നിങ്ങൾ പ്രവർത്തിക്കണം. നിങ്ങളെല്ലാവരും പൂർണ്ണ സമർപ്പണത്തോടെയും ഉത്സാഹത്തോടെയും നിങ്ങളുടെ കടമയുടെ പാത പിന്തുടരുമെന്ന് എനിക്ക് ഉറപ്പുണ്ട്.

ഒരിക്കൽ കൂടി നിങ്ങൾക്കെല്ലാവർക്കും എന്റെ ഹൃദയംഗമമായ അഭിനന്ദനങ്ങളും ആശംസകളും! നന്ദി.

--ND--