আধার অমবু ফিজিকেল ওইনা নৎত্রগা ইলেক্ত্রোনিক মওংদা মীওই অমগী মশক খঙদোক্নবগীদমক লৌশিনদ্রিঙৈদা, এন্তিতীশিংনা আধার ভেরিফাই তৌগদবনি‍।

মীওই অমনা পুথোরক্লিবা আধারগী মওং অমা হেক্তবু (আধার লেত্তর, ই-আধার, আধার পি.ভি.সি. কার্দ, অমসুং এম.-আধার) অশেংবনি খঙনবগীদমক আধার পায়রিবা মীওই অদুগী অয়াবা য়াওরগা আধার নম্বর ভেরিফিকেসন তৌবনা অচুম্বা খোঙথাঙনি হায়না য়ুনিক আইদেন্তিফিকেসন ওথোরিতী ওফ ইন্দিয়া (য়ু.আই.দি.এ.আই.)না হায়রি‍।

মসিনা অরানবা তৌবা খাঙবু, অমদুং খুন্নাইগী মায়োক্তা লৈবা কাঙবুশিংনা লান্না শীজিন্নবদগী ঙাকথোকই‍। মসিনা মওং চুম্না শীজিন্নববুসু য়োকখৎলি অমদি দিজিত-১২গী মশিং অমা হেক্তবু আধার নত্তে হায়বা য়ু.আই.দি.এ.আই.গী ফিরেপ্পু চেৎশিনহল্লি‍। আধার চে-চাং শেমদোক শেমজিন তৌবা ওফলাইন ভেরিফিকেসন্না খঙবা ঙম্মী, অমদি শেমদোক শেমজিন তৌবসি চৈরাক ফংনিংঙাই ওইবা লংজবনি অমদি আধার এক্তকী সেক্সন ৩৫গী মখাদা চৈরাক ফংবা য়াই‍।

য়ু.আই.দি.এ.আই.না স্তেত লৈঙাকশিংদা শীজিন্নদ্রিঙৈদা ভেরিফিকেসন তৌবগী মথৌ তাবা ৱাফমশিং থমখ্রে অমদি আধারবু শকখঙচে অমা ওইনা থাজিল্লকপা খুদিং - আধারবু শকখঙচে অমা ওইনা শীজিন্নরিবা মরী লৈনবা এন্তিতীশিংনা মীওই অদুগী অচুম্বা খঙদোকপা/ভেরিফিকেসন তৌনববা মরী লৈনবা পাউতাক পীননবা স্তেতশিংদা হায়খ্রে‍।

ওথেন্তিকেসন/ভেরিফিকেসন তৌবগী অয়াবা পীরবা এন্তিতীশিংদা, অমদি অতৈ এন্তিতীশিংদা ভেরিফিকেসনগী মথৌ তাবা অমদি ইনগদবা কাঙলোনশিং তাকপা সর্কুলরশিংসু য়ু.আই.দি.এ.আই.না থোকখ্রে‍।

আধার অমা হেক্তবু আধারগী মওং খুদিংমক্তা (আধার লেত্তর, ই-আধার, আধার পি.ভি.সি. কার্দ, অমসুং এম.আধার) য়াওরিবা ক্যু.আর. কোদ শীজিন্নদুনা এম.আধার এপ নৎতরগা আধার ক্যু.আর. কোদ স্কেন্নর শীজিন্নদুনা ভেরিফাই তৌবা য়াই‍। ক্যু.আর. কোদ স্কেন্নর অসি এন্দ্রোইদ অমসুং আই.ও.এস. অনিমক্তা য়ুম্ফম ওইবা মোবাইল ফোনশিংগীদমক, লোয়ননা ৱিন্দোদা য়ুম্ফম ওইবা এপ্লিকেসনশিংগীদমক লেম্না ফংই‍।

লমদমসিদা লৈবা মীওইশিংনা মখোয়গী আধারবু চে নৎত্রগা ইলেক্ত্রোনিক ওইবা মওংদা পুথোক্তুনা মখোয়গী মশক তাকচনবগীদমক আধার নম্বর মশানা য়ানা শীজিন্নবা য়াই‍। য়ু.আই.দি.এ.আই.না লমদমসিদা লৈবা মীওইশিংনা তৌগদবা অমদি তৌরোইদবশিং মাঙজৌননা খঙহনখ্রে অমদি মখোয়না মখোয়গী আধারবু অরোনবা ঙাক্না শীজিন্নজবা য়াই‍।

***