‘তেরোরিজম অমসুং তেরোরিস্তশিংদা শেল থাদবগী মালেমদা লৈরিবা চৎনবী’ হায়বা থীমগা লোয়ননা ঙসি নই দিল্লীদা পাংথোকখিবা ৩শুবা ‘নো মনী ফোর তেরর” মিনিস্ত্ররিএল কনফরেন্সকী অহানবা সেসন্দা কেন্দ্রগী গৃহ মন্ত্রী, শ্রী অমিত শাহনা লুচিংখি। কেন্দ্রগী গৃহ মন্ত্রীনা মহাক্কী থৌরম হৌদোকপগী ৱারোলদা তেরোরিজম হায়বসিনা, চিংননীংঙাই লৈতনা, মালেমগী শান্তি অমসুং তংদু লৈতানা লৈবগী ফিভমদা চৈথেং পীবগী খ্বাইদগী চাউবা মরম্নি, অদুবু তেরোরিজমদা শেল থাদবগী থৌওংনা তেরোরিজম মশামক্তগী হেন্না খুথোংথীবা ওই, অমসুং মসিগী মরমদি, তেরোরিজমগী ‘লম্বী অমসুং পাম্বৈ’শিং অসি মসিগুম্বা ফন্দিংদগী লাক্লিবনি হায়না পাউদমখি। মখা তাবা ওইনা, তেরোরিজমদা শেল থাদবনা মালেমগী লৈবাকশিংগী শেন্মিৎলোনগী পাঙ্গল শোন্থহল্লি।

ভারতনা তেরোরিজমগী মওং-মতৌ খুদিংবু য়ানীংদে অমসুং মীচম মীয়ামগী পুন্সি মাঙহনবগুম্বা থবক অমত্তবু অচুম্বনি হায়না শৌগৎপগী মরম অমত্তা লৈতে হায়না শ্রী অমিত শাহনা হায়খি। তেরোরিস্ত লান্দাদগী অৱাবা তারবা মালেম পুম্বগী মীয়ামগী নুংঙাইতবশিং খঙলদুনা, মহাক্না ঐখোয়না মসিগুম্বা ফত্তবা থবকশিংগা কৈদৌনুংদা য়াশিন্নবা পুরক্লোইদবনি হায়খি।

ভারতনা দিকেদ কয়াদগী ঙমখৈ ৱাংমদগী শৌগৎলকপা তেরোরিজমগী অৱাবা চৈথেং নংদুনা লাকখি হায়না কেন্দ্রগী গৃহ মন্ত্রীনা হায়খি। নীংথিনা থৌরাং য়াৎপা অমসুং লেপ্তনা চত্থবা তেরোরিজমগী শাথীবা লান্দা কয়াগা ঐখোয়গী ভারতকী সেক্যুরিতী ফোর্স অমসুং মীচম মীয়াম্না মাইয়োক্নবা তাখি হায়না মহাক্না হায়খি। তেরোরিজমগী মওং-মতৌ খুদিংবু য়ানীংদবা ফোংদোক্কনি হায়বা মালেমগী খুন্নাইগী অপুনবা ৱাখল্লোন অমা লৈ, অদুবু তেক্নোলোজী চাউখৎলকপগী মতুং ইন্না তেরোরিজমগী থৌওংশিংসু লেপ্তনা ইভোল্ভ তৌরি হায়না মহাক্না হায়খি। ঙসিগী তেরোরিস্ত অমসুং তেরোরিস্ত কাঙবুশিংনা হৌজিক মতমগী খুৎলায় অমসুং ইনফোর্মেসন তেক্নোলোজী নীংথিনা খঙই, সাইবর অমসুং ফাইনান্স স্পেসকী থৌওংশিং নীংথিনা খঙবতা নত্তনা শিজিন্নবসু হৈ হায়না মহাক্না হায়খি। তেরোরিজম্না “দাইনামাইত্তগী মেতাভর্স” অমসুং “এ.কে.৪৭তগী ভর্চুএল এসেত”কী মাইকৈদা অহোংবা লাকপা অসি মালেমগী লৈবাকশিংগী ওইনদি য়াম্না নুংশা থীনিংঙাই ওইবা ৱাফম অমনি, অদুনা, মসিগী মাইয়োক্তা ঐখোয় পুন্না পাংথোকমিন্নবা য়াবা অমত্তা ওইবা থৌরাং য়াৎপা তাবনি হায়না মহাক্না মখা তাখি। তেরোরিজমগী ফত্তবা থৌওংবু ধর্ম, নেস্নেলিতী নত্ত্রগা কাঙলুপ অমত্তগা মরী লৈনহল্লোইদবনি হায়বসি ঐখোয়না নীংথিনা খঙই হায়না কেন্দ্র মন্ত্রীনা ফোংদোকখি।

তেরোরিজমগা মাইয়োক্নবা ঙম্নবগীদমক্তা ঐখোয়না ইশাগী সেক্যুরিতী আর্কিতেকচরগা লোয়ননা লিগেল অমসুং ফাইনেন্সিএল সীস্তেমশিং হেন্না চেকশিনহনবগী মতাংদা মশক থোক্না খুমাং চাউশিনবা ঙম্লে হায়না শ্রী অমিত শাহনা হায়খি। মসিগুম্বা থৌওং কয়া পাংথোক্লবসু, তেরোরিস্তশিং অসিনা মীহাৎ মীপুন, নহাশিংবু অরানবা লম্বীদা লমজিংবা অমসুং শেল তান্নবা অনৌবা পাম্বৈ কয়া লেপ্তনা পুথোক্লি হায়না মহাক্না হায়খি। তেরোরিস্তশিংনা মশাগী শক্তাক লোৎনবা অমসুং রেদিকেল ওইবা পাউজেল কয়া শন্দোক্নবা ‘দার্ক নেত’ শিজিন্নরি হায়না শ্রী অমিত শাহনা হায়খি। মসিগী মথক্তা, কৃপ্তোকরেন্সীগুম্বা ভর্চুএল এসেত শিজিন্নবগী চাংসু হেনগৎলক্লি। ঐখোয়না মসিগুম্বা দার্ক নেত্তা পাংথোক্লিবা থৌওংশিংগী পেত্তর্ন খঙদোক্তুনা মরী লৈনবা ৱারোইশিন থিদোকপগী তঙাই ফদবা লৈ হায়না মহাক্না মখা তাখি।

ঐখোয়না তেরোরিজমগী মাইয়োক্তা পুন্না লান্থেংমিন্নরিবা অসিবু থৌৱা শাদবা অমসুং অয়েৎপা পীবা লৈবাক কয়াসু লৈবসি লাইবক থীবনি হায়না কেন্দ্রগী গৃহ মন্ত্রীনা হায়খি। লৈবাক খরনা তেরোরিস্তশিংবু ঙাকথোক্তুনা চঙজফম পীবগী মতৌ ঐখোয়না উবা ফংলে অমসুং তেরোরিস্ত ঙাক শেনবগা তেরোরিজম শৌগৎপগা চপ মান্নৈ হায়না মহাক্না হায়খি। মখোয়গুম্বা ইলিমেন্তশিংনা মায় পাকহন্দনবা ঐখোয় পুন্না হোৎনমিন্নবা তাই হায়না মহাক্না হায়খি। ইং ২০২১গী ওগস্তকী মতুংদদি, সাউথ এসিয়া লমদমগী ফিভম হোংখ্রে,  লৈঙাক-শাশন হোংখিবা অমসুং অল-কাইদা অমদি আইসিসকী পাঙ্গল হেনগৎলকপদগী রিজনেল সেক্যুরিতীদা অচৌবা অকীবা অমা পোকহল্লে হায়না শ্রী শাহনা হায়খি। মসিগুম্বা থৌদোকশিং অসিনা তেররদা শেল থাদবগী চৎনবী অসি য়াম্না হেন্না লুবা হীরম অমা ওইরে হায়না মহাক্না হায়খি। দিকেদ অহুমগী মমাংদা, লৈঙাক-শাশন হোংবগী মসিগুম্বা থৌদোক অমগী ফত্তবা মহৈ মালেম শিনবা থুংবনা মাইয়োক্নবা তাখি, অমসুং পুম্নমক অসিগী মহৈবু ঐখোয়না ৯/১১গী অকি-তুজুংনীংঙাই ওইরবা লান্দাগী মওংদা উবা ফংখি হায়না শ্রী শাহনা হায়খি। মসিগুম্বা থৌদোকশিং অসিগী মরকসিদা, সাউথ এসিয়াগী লমদমদা মমাংগী চহিদা লৈঙাক-শাহন হোংখিবগী থৌদোক অসিসু ঐখোয় পুম্নমক্কী মিৎয়েং চঙফম থোকপা থৌওং অমনি হায়না মহাক্না হায়খি। অল-কাইদাগা লোয়ননা, লাশকার-ই-তাইবা অমসুং জৈশ-ই-মোহম্মদকুম্বা সাউথ এসিয়াগী কাঙলুপশিংনা অকি-তুজুংবা পোকহনবা লেপ্ত্রি হায়না মহাক্না মখা তাখি।

তেরোরিস্তশিংগী তেক্ত-কায়দবা মফম অমসুং মখোয়গী রিসোর্সশিংবু ঐখোয়না কৈদৌনুংদা লাইথোক্লোইদবনি হায়না শ্রী অমিত শাহনা হায়খি। মখোয়বু শৌগৎপা অমসুং তেংবাংবা ইলিমেন্তশিংনা ৱা অনি ঙাংবগী মতৌবু মালেম মাঙদা তাকথোক্কদবনি হায়না মহাক্না পল্লদুনা, ঙসিগী কনফরেন্স, মসিদা শরুক য়ারিবা লৈবাক অমসুং লুপশিংনা লমদম অসিনা থেংনরিবা শিংনবা অসিবু লাইথোক্তবা হায়বসি য়াম্না মরু ওইবনি হায়না মহাক্না ফোংদোকখি।

তেরোরিজমদা শেল থাদবগী শিংনবা অসি হৌজিক য়াম্না পাক চাউথোরক্লে হায়না কেন্দ্রগী গৃহ মন্ত্রীনা হায়খি। তেররদা শেল থাদবগী থৌওংশিংগী মাইয়োক্তা অহকপা থবক পায়খৎপা অমসুং মায়থীবা পীবদা ভারতনা মমাংগী চহিদা মায় পাকপা কয়া ফংখ্রে হায়না মহাক্না হায়খি। মসিগুম্বা থৌওংশিং অসিগী মাইয়োক্তা ভারত্না পাংথোক্লিবশিং অসি মখাগী য়ুম্বী তরুক্তা য়ুম্ফম ওইবনি:

১) লেজিস্লেতিব অমসুং তেক্নোলোজিকেল ফ্রেমৱর্ক মপাঙ্গল কনখৎহনবা

২) কম্প্রিহেন্সিব মোনিতরিং ফ্রেমৱর্ক অমা শেম্বা

৩) থবক পায়খৎপা য়াবা ইন্তেল্লিজেন্স পীনবগী মেকানিজম অমসুং থিজিন হুমজিনবা অমসুং পুলিসকী থবকশিং মপাঙ্গল লৈহনবা

৪) লন-থুম লৌশিনবগী অয়াবা পীবা

৫) লিগেল এন্তাইতী অমসুং অনৌবা তেক্নোলোজী লান্না শিজিন্নবা থিংবা অমসুং

৬) মালেমগী মরক্তা তেংবাংনবা অমসুং পাউ-ফাওনবগী থৌওং লৈহনবা।

পুম্নমক অসিগী মাইকৈদা চঙশিনবা ওইনা, অনলোফুল এক্তিবিতীজ প্রিভেন্সন এক্ত (য়ু.এ.পি.এ.) এমেন্দ তৌবা, নেস্নেল ইনভেস্তিগেসন এজেন্সীদা অহেনবা শক্তি পীবা অমসুং ফাইনেন্সিএল ইন্তেল্লিজেন্সতা অনৌবা মাইকৈ তাকপগী থবকশিংগা লোয়ননা ভারতনা তেরোরিজম অমসুং মসিদা শেল থাদবগী মাইয়োক্তা থেংনবা লান হেন্না কনশিনখ্রে হায়না শ্রী অমিত শাহনা হায়খি। ঐখোয়না কন্না হোৎনরিবা কয়ানা মরম ওইরগা ভারত্তা তেরোরিস্তকা মরী লৈনবা থৌদোক মশিং য়াম্না হন্থরকখ্রে অমসুং তেরোরিজম্না শেন্মিৎলোন্দা পীরম্বা চৈথেংশিংসু মশক থোক্না হন্থরে।

কেন্দ্রগী গৃহ মন্ত্রীনা মালেমগী থাক্তা তেংবাংনবা, রিএল তাইমদা থৌরাং শীন্দোক্নবা অমসুং লৈবাকশিংগী মরক্তা নুং-পান ফাওনা উহন্দুনা তেংবাংনবনা তেরোরিজমগা থেংনবগী খ্বাইদগী কান্নবা থৌরাং ওইগনি হায়না ভারতনা থাজবা থম্লি হায়খি। মহাক্না মরাল লৈবশিংবু মশাগী লৈবাক্তা শিন্নবা, মরাল লৈবশিংগী মাইয়োক্তা আইনগী থবক পায়খৎপা, ইন্তেল্লিজেন্স লান্নবা, কেপাসিতী বিলদিং তৌবা অমসুং “কম্বেতিং দি ফাইনান্সিং ওফ তেরোরিজম (সি.এফ.তি.)”গুম্বা হীরমশিংদা লৈবাক মশেলনা তেংবাংনবসি তেরোরিজমগী মাইয়োক্তা লান্থেংনবদা য়াম্না মরু ওইবনি হায়বা মশাগী ৱাখল্লোন ফোংদোকখি। তেরোরিস্ত অমসুং তেরোরিস্ত গ্রুপশিংনা মখোয় মশেল য়াম্না লায়না তেংবাংনরিবা অমসুং ঙমখৈ ৱাংমা লান্না মখোয়গী রিসোর্সশিং শিজিন্নমিন্নবা ঙম্বগী মতৌশিং য়েংলুরগদি, ঐখোয় মশেল মরক্তা তেংবাংনবসিগী মরু ওইবা য়াম্না হেনগৎলক্লি হায়না শ্রী শাহনা হায়খি।

নার্কোতিক্সশিংগী আইন্না য়াদবা লল্লোন ইতিক্কী চৎনবী হেনগৎলক্লিবা অমসুং নার্কো-তেররগী শিংনবা হেনগৎলক্লিবা অসিনা তেরর ফাইনান্সিংগী থৌওংদা অনৌবা মওং-মতৌ অমা হাপ্লকলি হায়না শ্রী শাহনা হায়খি। পুম্নমক অসি য়েংলুরবা তুংদা, লৈবাক মশেল মরক্তা নক্ননা তেংবাংনবগী তঙাই ফদবসু হেনগৎলক্লি হায়না মহাক্না হায়খি। য়ুনাইতেদ নেসন্সকুম্বা মলতিলেতরেল ইন্সতিত্যুসন অমসুং ফাইনেন্সিএল এক্সন তাস্ক ফোর্স (এফ.এ.তি.এফ.)কুম্বা প্লেতফোর্ম লৈরিবা অসিনা “কম্বেতিং দি ফাইনান্সিং ওফ তেরোরিজম (সি.এফ.তি.)”গী লমদা তেরোরিজমগা লান্থেংনবদা য়াম্না কান্নবা মতেং পাংলি হায়না শ্রী শাহনা হায়খি। আইনগী ৱাংমদা শেল থাদোকপা অমসুং তেরোরিজমদা শেল থাদবগী থৌওং থিংবা অমসুং লান্থেংননবগীদমক্তা গ্লোবেল স্তেন্দর্দ অমা শেম্বা অমসুং মথৌ পাংথোকহনবদা এফ.এ.তি.এফ.না য়াম্না মরু ওইবা থৌদাং য়ারি হায়না মহাক্না মখা তাখি।

তেরোরিস্তশিংনা ফাইনেন্সিএল ত্রাঞ্জেক্সন তৌনবগীদমক্তা ভর্চুএল এসেতকী অনৌবা পাম্বৈ কয়া শিজিন্নরকপসিদা, ঐখোয়গী মাঙদা অনৌবা শিংনবা অমা ভর্চুএল এসেতকী মওংদা লৈরক্লি হায়না কেন্দ্রগী গৃহ মন্ত্রীনা হায়খি। ভর্চুএল এসেত চেন্নেল, ফন্দিং ইনফ্রাস্ত্রকচর অমসুং দার্ক নেত শিজিন্নবগী মাইয়োক্তা থবক পায়খৎনবগীদমক্তা ঐখোয়না “অচৌবা অমসুং মথৌ নীংথিনা পাংথোকপা ঙম্বা ওপরেস্নেল সীস্তেম” অমা শেম্নবা পুন্না হোৎনমিন্নবা তারে হায়না মহাক্না হায়খি। য়ূনাইতেদ নেসন্স, আই.এম.এফ., ইন্তর্পোল অমসুং লো ইনফোর্সমেন্ত এজেন্সী, ফাইনেন্সিএল ইনভেস্তিগেতরগুম্বা অতোপ্পা স্তেকহোলদর, অমসুং তোঙানবা লৈবাকশিংগী রেগ্যুলেতরশিংনা হীরম অসিদা হেন্না তেংবাংবা ঙমগনি হায়না শ্রী শাহনা হায়খি। ঐখোয়না শিংনবশিং অসি য়াম্না কুপ্না খঙবা তাই, অমসুং তেরর ফাইনান্সিংগী অনৌবা থৌওং থিংনবগীদমক্তা ঐখোয়না নই দিল্লীদা হন্দক্তা লোইশিনখিবা ইন্তর্পোল জেনেরেল এসেমব্লীদা তৌখিবগুম্না মালেমগী থাক্তা হোৎনমিন্নবা তাই হায়না মহাক্না মখা তাখি।

ইন্তেল্লিজেন্স পীনবা, ঙমখৈ শেন্ননবা কেপাসিতী বিলদিং তৌবা, মতমগী তেক্নোলোজী লান্না শিজিন্নবা থিংবা, কাঙলোন কায়না শেল শিজিন্নবগী থৌওং য়েংশিনবা অমসুং থিংবা, অমসুং ইনভেস্তিগেতিব অমসুং জুদিসিএল থবকশিংদা তেংবাংনদুনা তেরোরিজমগা লান্থেংননবগীদমক্তা পায়খৎপা থবক খুদিংদা ভারতনা খোঙফম চেৎনা লেপ্লি হায়না শ্রী অমিত শাহনা হায়খি। “নো মনী ফোর তেরর”গী পান্দম ফংনবগীদমক্তা মালেমগী কম্ম্যুনিতীনা তেরর ফাইনান্সিংগী “মোদ-মেদিয়ম-মেথোদ” খঙবা তাবনি অমসুং মখোয়গী মথক্তা থবক পায়খৎনবগীদমক্তা ‘ৱান মাইন্দ, ৱান এপ্রোচ’কী ৱাখল্লোন ইনবা তাবনি হায়না মহাক্না হায়খি।

ঙসিগী কনফরেন্স অসি ভারতকী প্রধান মন্ত্রী, শ্রী নরেন্দ্র মোদীনা মশাগী ৱারোল থমদুনা হৌদোকখি অমসুং নুমিৎ নিনি অসিদা তেরর ফাইনান্সিংগী তোঙানবা হীরম কয়াদা কান্নবা ৱাফম কয়া খন্ন-নৈনগনি অমসুং হৌজিক অমদি তুংগী মতমগী শিংনবশিংগী চুনবা ৱারোইশিন কয়াসু পুরক্কনি হায়না কেন্দ্রগী গৃহ মন্ত্রীনা হায়খি। “নো মনী ফোর তেরর”গী পান্দমগী মাইকৈদা ঐখোয়না খোঙফম চেৎলিবসিগা ঙসিগী থৌরম অসিদা শরুক য়ারিবশিংনা থৌরম অসিদা য়াওনিংবগী থৱাই য়াওবগী মতৌগা মান্ননা মপাঙ্গল লৈ হায়না শ্রী শাহনা ভারতকী গৃহ মন্ত্রী অমা ওইনা থাজবা পীখি। ঙসিগী পেনেলিস্ত ৱাঙাংলোইশিংগী মাইকৈদগী ৱাফম কয়া তাবদা য়াম্না নুংঙাইবা ফাওই, অমসুং হয়েংগী লোইশিনবগী সেসন্দা মহাক্না হীরম অসিগা মরী লৈনবা মরু ওইবা হীরম খরগী মতাংদা মশাগী ৱাখল্লোন খরা থম্বা পাম্মি হায়না শ্রী অমিত শাহনা হায়খি।

*****