প্রধানমন্ত্রীগী লোইশঙ
প্রধান মন্ত্রীনা বালীদা জি-২০ সম্মিৎ পাঙথোক্লিঙৈ মনুংদা সিঙ্গাপুরগী প্রধান মন্ত্রীগা উনবা
Posted On:
16 NOV 2022 1:45PM by PIB Imphal
প্রধান মন্ত্রী শ্রী নরেন্দ্র মোদীনা ঙসি বালীগী জি-২০ সম্মিৎ পাঙথোক্লিঙৈ মনুংদা সিঙ্গাপুরগী প্রধান মন্ত্রী, ঐচ.ই. শ্রী লী সিএন লুংগা উনখ্রে। মমাং চহিদা রোমদা পাঙথোকখিবা জি-২০ সম্মিৎ মনুংদা প্রধান মন্ত্রী লীগা উনখিবা অদু মহাক্না নীংশিংখি।
প্রধান মন্ত্রী অনিমক্না ভারত অমসুং সিঙ্গাপুরগী মরক্তা লৈরিবা মপাঙ্গল কনবা স্ত্রেতেজিক পার্তনরশিপ অমসুং সেপ্তেম্বর ২০২২দা নই দিল্লীদা পাঙথোকখিবা ইন্দিয়া-সিঙ্গাপুর মিনিস্ত্রিএল রাউন্দ তেবলগী হৌদোকপগী সেসন য়াওনা চাং নাইনা অৱাংবা থাক্কী মিনিস্ত্রিএল অমসুং ইন্সতিত্যুস্নেলগী ওইনা ৱারী-ৱাতাই শাখিবা অদুগী মতাংদা খন্নখি।
লুচিংবা অনিনা মরু ওইনা ফিনতেক, রিন্যুএবল ইনর্জী, স্কিল দিবেলপমেন্ত, হেল্থ অমসুং ফার্মাক্যুতিকেল সেক্তরশিংদা লৈবাক অনিগী মরক্তা লৈরিবা ত্রেদ অমসুং ইনভেস্তমেন্তগী মরীশিং অসি মখা তানা চেৎশিনহন্নবগী মতাংদা নৌহৌনা মখোয়গী ফিরেপ ফোঙদোকখি। পি.এম. মোদীনা সিঙ্গাপুরদা গ্রীন ইকনোমী, ইনফ্রাস্ত্রকচর অমসুং দিজিতেলাইজেসন য়াওনা তোঙান-তোঙানবা সেক্তরশিংদা ইনভেস্ত তৌনবা অমসুং ভারতকী নেস্নেল ইনফ্রাস্ত্রকচর পাইপলাইন, এসেৎ মোনিতাইজেসন প্লান অমসুং গতী শক্তি প্লানগী কান্নবা লৌনবা হায়খি।
লুচিংবা অনিনা হন্দক্কী গ্লোবেল অমসুং রিজনেল দিবেলপমেন্তশিংগী মতাংদা ৱাখল্লোন ফোঙদোক্নখি। প্রধান মন্ত্রী মোদীনা ভারতকী এক্ত ইস্ত পোলিসীদা সিঙ্গাপুরগী থৌদাং অমসুং ২০২১দগী ২০২৪ ফাওবা অসিয়ন-ইন্দিয়াগী কন্ত্রী কোওর্দিনেতরগী থৌদাং লৌরিবা অসিবু থাগৎপা ফোঙদোকখি। লুচিংবা অনিমক্না ইন্দিয়া-অসিয়ন মলতি-ফেসতেদ কোওপরেসন হেনগৎহন্নবগী পুন্না থবক তৌমিন্ননীংবগী অপাম্বা নৌহৌননা ফোঙদোক্নখি।
প্রধান মন্ত্রীনা প্রধান মন্ত্রী লীদা তুংগীদমক য়াইফ-মঙ্গোল পীখি অমসুং মথং চহিগী জি-২০ সম্মিৎকীদমক ভারত্তা লাকপীনবা বর্তন তৌখি।
***
(Release ID: 1876419)
Visitor Counter : 130
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam